Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖОГОЛГОНДОР

№229 17-29-март, 2007-ж.


Өткөн саныбызда жарыяланган “Кино дүйнөсүндө” аттуу рубрикабызда 2006-жылдын “Оскар” сыйлыгынын “Эң мыкты фильми” деген наамына “Жоголгондор” аттуу тасма ээ болгондугун билдирген элек. Аталган фильм “Оскар” үчүн жарышка түшкөн көптөгөн тасмалардан эмнеси менен айырмаланат? Алардан артыкчылыгы эмнеде? Эгер фильмди өз көзүңүз менен көргөн болсоңуз, жогорудагы суроолордун жообун билесиз. Билбесеңиз, бул тасма тууралуу маалыматты биздин гезиттен окуп алыңыз.

Режисёру – Мартин Скорсеез
Сценарийин жазган – Уильям Монахэн
Ролдордо:Метт Деймон, Леонардо Дикаприо, Джек Николсон, Вера Фармига, Алек Болдуин

КЫСКА МАЗМУНУ
Кандуу триллер жанрында тартылган фильм АКШнын Бостон шаарындагы ири мафиялардын бири менен полиция кызматкерлеринин ортосундагы чыр тууралуу баяндайт. Мафия тобунун “атасы” Костелло (Жэк Николсон) керектүү маалыматтарга ээ болуу үчүн өзүнүн жигиттеринин мыктысын тандап, аны укук коргоо органдарынын катарына иштөөгө жиберет. Тыңчы Коллин Салливан (Мэтт Деймон) полицияда кызмат өтөмүш болуп, мафияны баалуу маалыматтар менен камсыз кылат. Ал тургай, бир нече айдан кийин эле кадыр-барктуу полиция кызматкерлеринин катарына кирип, ички тергөө бөлүмүнүн башчысы болуп дайындалат. Көп өтпөй полиция кызматкерлеринин арасында тыңчы-ушакчы пайда болгону билинет. Бирок, эч ким Коллинден шектенбейт. Тескерисинче, чоңдору “тыңчыны дароо табуу керек” деп, ишти ага тапшырышат.
Бирок, мафия тайпасынын ичинде да тыңчылар жок эмес. Тажрыйбалуу полиция кызматкери Билли Костиган (Лео ДиКаприо) эчак эле мафия башчысы Костеллонун ишеничине кирип, өз адамы болуп калган. Костелло Биллини өз адамындай көрүп, ага тайпанын бардык сырларын ачып берген.
Ошентип, ким душман, ким өз экени билинбей, полиция менен мафиянын ортосунда чаташкан маселе пайда болот. Бирок, ал көпкө созулбайт. Баары бир эки сааттык фильмдин соңунда бардык сырлар ачылат. Согушуу, атышуу, өлтүрүү сыяктуу кандуу эпизоддордон кийин Билли менен Коллиндин анык жүздөрү көрүнөт. Ошондон улам алардын өмүрү коркунучка кабылат. Тасма акыры эмне болуп бүтөөрүн өзүңүз көрүп, билгениңиз оң.

КАЙТАЛАП ТАРТУУ
“Жоголгондор” 2002-жылы Гонконгдо тартылган “Куру мамилелер” аттуу фильмди кайра иштеп чыгуу менен, башкача айтканда, “римейк” (англисчеден – “кайра жасоо”) жолу менен тартылган. Бирок, режиссёр Мартин Скорсезе биздеги чет элдик ырларды которуп ырдаган кээ бир эстрада ырчыларына окшоп тасманы бүт бойдон көчүргөн эмес. Анча белгилүү болбогон кытай фильминин сценарийин сатып алгандан кийин аны толук өзгөрткөн. Азиялык табышмактарды америкалык юморго, жөнөкөй ууруларды ири мафияга алмаштырып, каардуулук менен канды көбүрөөк кошуп, оригиналынан да мыкты, жандуу жана сапаттуу фильм тартты. Кыскасы, бекеринен “Оскарга” татыбаган шедевр!

АКТЁРЛОР ТОБУ
Жаш актёрлор бул тасмага тартылышып, чоң ийгиликке жетишишти. Буга чейин Лео ДиКаприо көптөгөн фильмдерге тартылса да, көрүүчүлөрдүн эсинде дайыма “Титаниктеги” Жек болуп кала берген. Лео Скорсезенин тасмасында жаңы образ жараткандан кийин күйөрмандарынын көз алдында мыкты полиция болуп көпкө чейин сакталат.
Мэтт Деймондун жүзү адатынча эч кыймылсыз, эмоциясыз. Бирок, Скорсезеге так ушундай актёр керек болгондуктан, Мэттин эмгеги бааланды десек болот. Көптөгөн алдыңкы журналдар белгилегендей, “Жоголгондор” фильминин эң маанилүү бөлүгү, кульминациясы – бул Мэттин, башкача айтканда, анын каарманы Коллиндин өлүмү.
Тажрыйбалуу жана кадырлуу Жек Николсон улгайып баратса да, анын актёрлук өнөрү мурункудай эле таң калтырбай койбойт. Дайыма каракчылардын, зөөкүрлөрдүн, өлтүргүч­төрдүн ролун аткарып жүргөн актёр бул тасмада да мафия атасынын образын “бешке” жараткан.
Фильмге тартылган актёрлордун бири да жогоруда айтылган кытай фильмин көрүшкөн эмес. “Мен эч нерсеге алагды болбой, Скорсезенин жеке оюн аткарууга аракеттендим. Өзүбүз тарткан тасма кандай болуп чыгаары кызык болду” дейт Жек Николсон.

КЫЗЫК...
Фильмдин эки аталышы бар. Дүйнөлүк прокатка “Жоголгондор” деп таратылса, алгачкы сценарий боюнча тасма “Маркумдар” деп аталган.
Сценарий боюнча тасмадагы окуялар АКШдагы эң криминалдуу шаар Бостондо өткөн. Бирок, акча жана убакытты көп сарптабоо максаты менен фильм Нью-Йоркто тартылган.
Ролун жакшы аткарып берүү үчүн Мэтт Дэймон бир нече ай массачусеттик полиция бөлүмүн­дө иштеген.
Алгач Жек Николсон фильмге тартылуудан баш тартканда Костеллонун ролуна Роберт де Ниро чакырылган. Бирок, тасманын режиссёру ким экенин билген соң Николсон дароо келишимге кол койгон.
Фильмдин кеңешчиси Том Даффи 30 жыл полицияда эмгектенип, белгилүү бостондук мафиоз Балгерди туткунга түшүрүүгө жетишкен. Так ошол Балгердин мүнөзү фильмдеги Костеллонун образынын өзөгүн түзөт.

Даярдаган Бегайым Мусакеева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: