Архив
844   845   846   847   848   849   850   851   852   853   854   855   856   857   858   859   860   861   862   863  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ӨЛҮМДҮН ҮЧ ТҮСҮ (Миллионердин акча үчүн болгон курмандыгы, өлүмү, сүйүүсү тууралуу сериал)

№829 21-27-сентябрь, 2018-жыл


(Башталышы өткөн сандарда)

– Эмне болду сизге?- деген Элина аялды колтуктап тургузууга эңкейе берди. Аялдын мурдуна тааныш жыт урду. Жыйырма жыл көрбөсө да, жакындабаса да бул жыт мурдунда калган экен. Эне перзентин ар убакта тааныйт, жытынан, баскан-турганынан, тиктегенинен тааныйт. Эмне кыларын билбей дал боло тиктеди. Мына алдында турат, кучактаса, өпсө, жүрөгүндөгү эч ким билбеген сырын айтса болот...

– Эмнеге ыйлап жатасыз?- деди Элина. Үнүндө ушунчалык боорукерлик бар.

– Сумкамды уурдап кетишти,- деди акырын күбүрөгөн ал. Ордунан тургузуп скамейкага жеткирди Элина. Көз жашын сүртүп жаткан аялга боору ооруп карады.

– Атыңыз ким?

– Седеп...- оюна келген атты айта салды.

– Кызык ат экен, ким койгон?

– Билбейм.

– Менин атым Элина. Апам койгон экен.

Аялдын жүрөгү зырп этти. Көз алдына наристесин алгач кучагына алган күндү эстеди. Атасы ат коймок түгүл, наристесинин жүзүн көргөнгө чамасы жок эле. Адатта балалуу болгонун уккан эркектер төрөткананын жанында кыйкырышып майрамдашат эмеспи, бирок анын күйөөсү булардын арасында жок эле. Кайненеси келип, уулунун болумсуз жоруктарын жашырып-жаап, эмнеге келе албай калганын айткан.

– Дагы кеттиби?

Көзүн ала качкан кайненесинин эмнени жашырып жатканын билди. Ызасын ичине жута алып келген тамактарын алып кирип, керебетине кулап түшүп өпкө-өпкөсүнө батпай ыйлаган. Көпкө чейин ыйлап жатып жанындагы аялдар “болду эми, эмчегиңе сүт келбей калат, ыйлаба” дешкенде араң токтогон. Кыбырап жаткан кызын колуна алып, Элина деп атын койгон эле. Мына ушулардын баарын эстеди.

Кайненеси байма-бай түрмөгө сүрөт салар эле. Кийин ал каза болгондон бери кызынын сүрөтүн көрө элек болчу. Акыркы жолу Аман менен түшкөн сүрөтүн көргөн. Андан бери өзгөрүптүр. Элинанын ар бир көз ирмемин эсинде калгандай тиктеди.

– Мен кетейин...- деди бир аздан кийин улутуна.

– Бара турган жериңиз барбы?

– Ооба, тааныштарым бар.

– Жакшы барыңыз.

Аял узады. Сүйүнүп, коркуп, апкаарып, дендароо болуп кетип бара жатты. Бир ыйлап, бир күлүп бара жаткан бул аялдын абалын көчөдөгүлөр түшүнбөй тиктеп калышты. Алар кайдан түшүнсүн?

Элинанын бөлмөсүнө баш баккан Зуля акырын сүйлөдү.

– Балдарды, сени айланчыктап калды, таанышыңбы?

– Ким?

– Азыркы жаныңдан кеткен аял.

– Кандайча?

– Кечээ балдардын жанынан көргөм. Бүгүн дагы... Сени менен да сүйлөшүп жатыптыр го.

Элина таң кала түштү. Ким болушу мүмкүн? “Тумановдор коркунучтуу. Кандай адамдар менен күрөшкөн жатасың, билип турасыңбы?” деген Жаныбекти эстеди. Жүрөгү шуу дей түштү. Жакын арада кайрадан сот болмок...



ххх

– Наку, сен кандайсың?

Атасынын камкор үнү. Терезени тиктеп отурган Нуриза кайдыгер үн катты.

– Жакшымын.

– Сүрөт тартканды баштаган окшойсуң, ээ?

Бөлмөдөгү баш аламан жаткан сүрөттөрдү карады.

– Ооба. Аманды тарттым...

Экөөнүн диалогу ушуну менен үзүлдү. Атасы үн-сөзсүз барактарды тиктеп отурду. Элестер лентадай чубала берди.

Аман Нуризага жакканын атасы дароо сезген. Экөөнүн ортосун байланыштырган көп нерсе бар эле. Мисалы, дүйнө таанымы. Нуриза кайсы сүрөттү кеп кылбасын Аман илип кетчү. Микеланджело Буонарроти, Пабло Пикассо, Сальвадор Далинин эмгектерин ийне-жибине чейин билер эле. Аны менен кайсы бир сүрөттү кызуу талкуулап, ойлорун угуу да кызыктуу болчу. Аманчалык эч бир адам аны кызыктырган эмес.

Аманды кызыктырдыбы? Балким. Сүйдүбү? Жок. Ал үй-бүлө үчүн жактыруу болсо болот деп ойлочу. “Сүйүү кана, мага көрсөтчү, ал кээ бир адамдар бекерчиликтен чыгарып алган нерсе” деген адамдардын бири эле. Аман так ошондой ойлончу. Анын таянганы акылы жана күчү эле.

Бирок жашоо ал ойлогондой болгон жок. Үйлөнгөндөн кийин гана бирин капканга салам деп жатып, өзү капканга белчесинен чабылганын түшүндү.

Жаңы үйлөнгөн эле. Жумуштан үйгө келип, ваннадан жартысынан калган вискини көрдү. Таң кала түштү.

– Нуриза, сен кайдасың?

Үн жок. Жүрөккө коркунуч толо берди. Ал күнү келген жок. Телефону өчүк эле. Уктабай чыкты. Таңга маал гана эшикти шылдыратып жатканда ойгонуп кетти.

Босогодо теңселе буттан тура албай Нуриза турган экен.

– Жа-аным, сен бу-ул жактасыңбы? А мен бүгүн... бүгүн майрам...

Чачтары саксайган, көздөрү коркунучтуу жылтыраган колуктусун таң кала тиктеп турду.

– Сага эмне болгон?

– Хм, бул мен! Мен ке-лдим!

– Сен ичтиңби?- деди күбүрөгөн Аман дагы деле көргөн көзүнө ишене албай.

– Да, зайка. Но не будем ссориться, макулбу?

Жыгыла жаздаган Нуризаны алып кирип жаткырды. Билектерин көрүп жүрөгү токтоп кала жаздады. Ийне сайыла берип кан тамырлары жешилип кетиптир. Өңү купкуу. Башын мыкчый берди. Жумушка да барган жок. Эс алып ойгонгондон кийин гана сүйлөшүүгө отурду.

– Эмнеге жашырдың?

– Корктум.

– Канча убакыт болду?

– Эмнеге?

– Баарына, мына буларга,- Аман ачуулана бакырып жиберди да, таштанды челектен тапкан ийнелерди, бош бөтөлкөнү көрсөттү.

– Аа, көп болду.

– Тагыраагы?

– 5 жыл.

Үн катпай отуруп калды. Эмне дейт?

– Бир жыл тааныш болуп жүрүп кантип мага билгизбедиң?- деди акырында.

– Экөөбүз аз жолуктук. Мен бул абалда экенимде атам телефондорумду алып катып койчу. Же үйгө камап коюшчу. Мен сага айтайын дедим, бирок кантип айтарымды билбедим. Экөөбүз үйлөнөргө бир ай калганда 10 миң долларга Назаралиевдин клиникасына жатып чыктым. Баарыбыздын үмүтүбүз бар болчу. “Ушуну менен токтоп калса Аман билбесин” деди атам. Бирок ал дарынын күчү мага 2 айга араң жетти. Өткөндө чыдабай калдым. Кечир мени!

– Кантип башталды баары?

– Чөйрөбүздөн. Кыздар-балдар менен көңүл ачып отуруп калчубуз. Бир күнү ичип отуруп, баңгини да колдонуп көрүүнү сунушташты. Башында “чыгып кетем, бат эле го” деп ойлогом. Көрсө, бай, колунда бар адамдардын балдар-кыздарына атайын ушундай тузак курулат экен. Азыр баарына башым жетет. Болгону токтото албай жатам.

– Менин жашоом эми эмне болот?

– Мен аракет кылам. Сөз берем, бул акыркысы.

Нуриза акырын жылып келип кучактап калды. Аман же кучактай албады, же түртүп сала албады. Жаралуу куштай алсыз эле, өзүнө баш паанек сурап тургандай, боор ооруй тургандай абалда болчу. Кээде адамды боор оору да кармайт тура. “Акыркы жолу...” Бул сөз көп жолу кайталанды. Башында чыдап өзүн кармачу. Кийин такыр ээ бербей калды. Аман качан командировкага кетсе дароо баштайт. Түнү менен жоголуп кетет. Жүрөктү ээлеген коркунуч менен жашачу. Ким эмне кылып салат, сайып кеттиби? Бирөө таанып калдыбы? Элита чөйрөдө башы көрүнүп калган учуру эле, өзүнүн репутациясы үчүн болсо да Нуризаны жашырышы керек болчу. Аркасынан киши коюп, үйгө камап кетип көрдү. Бир жолу кол да көтөрдү.

– Коё бер мени, Аман, билесиң, мен баары бир чыгып кетем.

– Отур, эсиңе келмейинче чыкпайсың.



(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Башка сандарда:
Комментарийлер(7)
25.09.2018. 09:15 
Тайпасы:
Жаран
Комментарийлердин саны:
57
Катталган:
16-03-2016
Соӊку аракети:
10-02-2019 21:08
Жынысы:
Белгисиз
0
Аии
25.09.2018. 09:15 
Тайпасы:
Жаран
Комментарийлердин саны:
57
Катталган:
16-03-2016
Соӊку аракети:
10-02-2019 21:08
Жынысы:
Белгисиз
0
Аиии
25.09.2018. 09:16 
Тайпасы:
Жаран
Комментарийлердин саны:
57
Катталган:
16-03-2016
Соӊку аракети:
10-02-2019 21:08
Жынысы:
Белгисиз
0
Мен биринчи
25.09.2018. 10:02 
Тайпасы:
Жаран
Комментарийлердин саны:
409
Катталган:
19-05-2014
Соӊку аракети:
25-05-2019 14:09
Жынысы:
Белгисиз
0
Эхх Нуриза деле бироолордун капканына тушкон экен эледа.
25.09.2018. 10:57 
Тайпасы:
Жаран
Комментарийлердин саны:
20
Катталган:
13-10-2017
Соӊку аракети:
18-01-2019 16:05
Жынысы:
Белгисиз
+4
Uwul Aman Olboi Ele Bir Kychykta Jawap Jurgondoi Ele Sezile Beret Maga Baarynan Tajap Tynch Jawoodo Meesin Sergitip Ozu Mn Ozu Bolgusu Kelgendei Je Kyrsyktan Kiiin Akylyn Jogotup Ech Nerse Estei Albagandai Sezile Beret Bul Chygarma Turuktordun Kalbimdeki Deniz degen kinosuna okwow eken al jaktan birok 40 jawtagy a9l 6 jawynan beri dos bolgon kurbusunun jawoosun buzat kurbusun kuioosu tawtap biroo mn jurup ketet bir tyiynsyz uisuz taalada kalat bunun baaryna kunolu bolgon kurbusu ekenin kiiin b.t
25.09.2018. 11:13 
Тайпасы:
Жаран
Комментарийлердин саны:
20
Катталган:
13-10-2017
Соӊку аракети:
18-01-2019 16:05
Жынысы:
Белгисиз
0
Kurbusunun da bir uul bir kyzy bar bularga jakwylyk kylyp uiun achkan bir azamat bolgon owontseda bulardyn bawyna ar kun tun debei ar turkun jamandyktar kelgen jamandyktardy kylgan kurbusu ech nerse bilbegen korbogon suudan taza sutton ak bolup jandarynda booru achyp j.t al emi bulardyn jawoosun buzgan katyndyn ech balasy bolgon emes kuioosu da any jamandygynan ulam ajyrawkan uwundan ulam tynch jawap jatkan kurbusun koro alchu emes bul chygarmany janylatyp olumdun uch tusu dep chygarywkango deim
25.09.2018. 12:14 
Тайпасы:
Жаран
Комментарийлердин саны:
137
Катталган:
26-03-2014
Соӊку аракети:
25-05-2019 21:38
Жынысы:
Белгисиз
+1
Мага да Аман олбой калгандай сезилет чыгарманы окуган сайын
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22285;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: