КУРАЛ ЧОКОЕВ СҮЙҮКТҮҮСҮНӨ БАШ КОШСО, РАХАТ АКСУЛТАНОВА АК ЖООЛУК САЛЫНДЫ

«Түндүктүк келин" тасмасындагы ролу менен таанылган актриса Рахат Аксултанова турмушка чыкты. Актрисанын кыз узатуу тою 20-сентябрда Ысык-Көлдө болду. "Мен Ысык-Көлдүн Бостери айылына келин болдум. Буюрса, үлпөт тоюбуз октябрь айында Бишкек шаарында өтөт. Азыр Бостериде келиндик милдетимди аткарып жүрөм",- дейт актриса.

Той тойго уланып 24-сентябрда ырчы Курал Чокоев бойдокчулук менен коштошту. Кыз узатуу салты менен сүйүктүүсүн Чолпон-Ата шаарынан ата-энесинин үйүнөн алып кетти.

“Сүйүктүүм Жанара экөөбүз кол кармаштык. “Той болот, тойдун эртеси да болот” демекчи, азыр эле коноктордун аягын узатып жатабыз. Келинчегим ата-энеме ысык чайын берип, жаңы үй-бүлөгө көнүп калды. Ал эми үлпөт тоюбузду 30-октябрга белгиледик",- дейт ырчы.

Ырчынын жубайы Жанара 27 жашта. Курал Чокоев жайында сүйүктүүсү менен чогуу Түркияда эс алып жүргөндө колун сураган.

Баш кошкон жаштарга бакыт каалап кетмекчибиз.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

Aikan1966

2018-10-02 11:42:14

Бактылуу болгула.

Royal55

2018-10-03 16:22:21

Бактылуу болгула.Рахат аябай сонун кыз да мага жагат ушул кыз.

Комментарий калтыруу үчүн өз ысымыңыз менен кириңиз же каттоодон өтүңүз.

№ 830, 28-cентябрь - 4-октябрь, 2018-жыл