БИР БҮРКҮМ. КЫРГЫЗ МИГРАНТТАРЫНЫН 45 ПАЙЫЗЫ АЯЛДАР...

Быйыл тышкы карызды төлөөгө 28 МИЛЛИАРД СОМ жумшаларын премьер-министр Мухаммедкалый Абылгазиев билдирди.
Учурда №2 аялдар абагында 344 АЯЛ жаза мөөнөтүн өтөп жатат.
Башкы прокурор ӨТКҮРБЕК ЖАМШИТОВ “Беларусь өлкөсү саясий куугунтук деген негиз менен Бакиевди бизге бербей жатат” деди.
Кара-Суу районунда милициядан качып жашынып жүргөн АВТОМАТЧАН КЫЛМЫШКЕР 1 аптадан бери кармала элек.
Тажикстандын жарандарына Кыргыз жеринде 60 КҮН КАТТООСУЗ жүрүшүнө уруксат берилгени жатат. Тийиштүү мыйзам долбоору парламентте 2-окууда каралды.
Бишкекте 100гө жакын кишини Сириядагы куралдуу жаңжалдарга жөнөткөн эл аралык ТЕРРОРДУК ТОПТУН мүчөсү кармалганын УКМК кабарлады.
Быйылкы кышка карата өлкөгө 2 МИЛЛИОН 329 МИҢ тонна көмүр керек экенин Өнөр жай, энергетика жана жер казынасын пайдалануу комитети билдирди.
“Министрликтердин бюджетин 2019-жылы 14 МИЛЛИАРД СОМГО кыскартуу пландалууда”,- деп билдирди каржы министри Адылбек Касымалиев.
ИИМдин маалыматы боюнча, бүгүнкү күндө Кыргыз жеринде Тажикстандын 46 ЖАРАНЫ иштесе, 1944 жараны окуу жайларда окуп жатат.
Борбордук шайлоо комиссиясы Каракол шаарынын МЭРИН ШАЙЛООНУ 12-октябрга дайындады.
Экс-премьер ЖАНТӨРӨ САТЫБАЛДИЕВ Улуттук кардиология борборунда дарылануусун улантууда.
Кыргыздын эмгек МИГРАНТТАРЫНЫН 45 ПАЙЫЗЫ аялдар. Бул тууралуу Миграция боюнча мамлекеттик кызматтан билдиришти.
Мамлекеттик айыптоочу соттон “теракт тууралуу жалган маалымат таратууга” шектелип жаткан Мамлекеттик мүлктү башкаруу фондунун мурдагы жетекчиси Дүйшөнбек Зилалиевди 2 ЖЫЛГА ЭРКИНЕН ажыратууну сурады.
Адам уурдоо боюнча жыл башынан бери 16 ФАКТ боюнча кылмыш иши ачылды.

Автандил Добулбеков
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 830, 28-cентябрь - 4-октябрь, 2018-жыл