«Жылдын супер ырчы мырзасы»

Жыйынтык

Башка сурамжылоолор


Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Талант Кадыров, «60`К» тобунун ырчысы: «ЖУБАЙЫМ ЭКӨӨБҮЗ АТА-ЭНЕБИЗГЕ АЙТПАЙ БАШ КОШУП АЛГАНБЫЗ»

№831 5-11-октябрь, 2018-жыл


"60`К" тобунун солисти Талант Кадыров соңку учурларда ырчы Айя Садырова менен 2 дуэт аткарып, клиптерин тарттырууга жетишти. Мындан улам эл арасында 2 ырчы тууралуу айың кептер тарады. Мындай кептерге Талант мырзанын жубайы Элмира Ыстамбаева терикпейби? Балким, кызганат? Эмесе, жубайлардын өз оозунан угалы.

– Саламатсыздарбы? Маекти экөөңүздөрдүн таанышканыңыздардан баштасак...

Талант Кадыров: – Саламатсызбы? Жубайым Элмиранын бир тууган эжеси Гуля менен дос элем. 2006-жылы Бишкектеги кафелердин биринде музыкант, администратор болуп иштеп калдым. Кафенин алдында бильярд клубу бар эле, ал жакка кыздар керек болуп, Гуля «сиңдимди ишке албайсыңбы» деп калды. Элмираны биринчи көргөндө эле жактырдым. Бул деле мени көргөндө жактырган экен (күлүп). Ошентип бул бильярд клубда иштеп калды. Күндө тыныгуу маалында бильярд ойночу болдум. Акыры жакындан таанышып, кыз-жигит болуп сүйлөшө баштадык. 1 айга жеткирбей сүйдүрүп алдым.

Элмира Ыстамбаева: – Талант менен таанышканда эле «бирөө тийишсе мага айт, чогуу качабыз» деп тамашалаганы эсимде. Бильярдда иштеп жүргөндө Талант келип, өзүнчө эле «шеф» болуп «чай, тамак алып келсин» деп мага буюртма берип калчу.

– Ошол мырза жолдошум болуп калат деп ал учурда ойлодуңуз беле?

Э.: – Жок, антип деле ойлогон эмесмин. Муну талашкан кыздар да толтура эле. Кардарлар, ошол жерде иштегендер «бул бош эмес, менин жигитим болот» дегендей кептерди айтып калышчу.

Т.: «Демек, мага буйрук эмес экен» деп калдың анан (күлүп).

– Кыз-жигит кездеги кызыктуу окуялардан айта кетсеңиздер.

Т.: – Эрнест Бөрүбаев аркылуу түрмөдө отурган бир байке менен таанышып, ырчылардын баары аны көрүш үчүн азык-түлүк алып түрмөгө барчубуз. Бизге кызык эле. Ала келген азык-түлүктөрдү дубалдан ары ыргытабыз. Алар болсо кайра белек катары бизге жыгачтан колго жасалган буюмдарын ыргытат. Бир күнү «жүр, сени бир байке менен тааныштырам» деп ал жакка Элмираны ээрчитип барып тааныштыргам. Кийин тиги байке бизди атайын чакырып «Таке, бул сага менден белек, а сен өзүң белек кылып ал» деп бир кутуча ыргытты. Ачып карасам кызыл жүрөкчөдө «Таланттан Элмирага...» деген жазуу бар экен. «Күзгү махабат» деген ырымды келинчегиме арнагам. Ошол клипте келинчегиме кызыл жүрөкчө берем го, ошол.

Э.: – Талант түрмөгө ээрчитип барганда кинодогудай элестетип, көзүмө Супермендей көрүнүп, “ушундай адамдарга жолугуп жатабыз” деп аябай башкача болгом.

– Жубайыңызды сүйүп калганыңызды качан билдиңиз?

Т.: – Чынын айтсам, башында сүйчү эмесмин, жактырчумун. Бир күнү Элмира «апам ооруп жатат» деп Жалал-Абадга кетти. Апасы «ырчы жигит менен сүйлөшпө» деп каршы болчу. Көрсө, менден ажыратыш үчүн алдап чакырып, Элмираны эжесине кошуп Астанага кетирип жибериптир. Телефон чалам, жок, издедим, жок. Ошондо гана сүйүп калганымды билип, жүрөгүм ооруп кыйналып жүрдүм. Бирок ичип, жаман жолдорго барган жокмун. Бир күнү дос кызым «сенин сүйгөнүң Астанада жүрөт» дегенде гана билдим.

Э.: – Астанада жүргөндө ага чейин Талантка эжемдин номеринен телефон чалып, сүйлөбөй тыңшап туруп өчүрүп койчумун.

– Анан эмне кылдыңыз?

Т.: – Бир күнү Артык менен Сапар, Тынар Курбаналиев болуп Астанадагы мекендештерге концерт уюштурмакчы болдук. Мен концерт үчүн эмес, Элмираны табуу үчүн баратам. Астанадан 1 күн кечке кыргыздар көп жерлерди, базарларды, соода түйүндөрүн кыдырып Элмираны издеп, тапкан жокмун. Акыркы үмүтүм концертте калды. Укса келет деп күттүм. Концерт да башталды. Ырдап жатып ар бир кишини карап жатам, көрүнбөйт. Концерт бүттү, «демек, келбептир» деп маанайым түшүп калды. Эшикке чыксам күйөрмандар кол тамга сурап калышты. Бир маалда эле «Талант байке, мага да кол тамга бересизби?» деген тааныш үн угулду.

Э.: – Эжем Таланттар концерт коюп келгенин мага айткан эмес, бирок өзү барган экен. Үйдө отурсам эле эжем эшиктен жылмайып кирип келди. «Эмне болду?» десем, «Талант келиптир, сени чакырып жатат» деди. Чыксам туруптур.

Т.: – Ошентип экөөбүз жолугуп, таң атканча Астанада сейилдедик. Эртеси Элмира бизди узатканы келип, ыйлаган боюнча калды. Мен болсо коштошордо баягы жүрөкчөнү берип, кыйналгандын, депрессиянын баарын Астанага таштап келе бердим. Элмира артымдан издеп келиптир. Эмнегедир кайра мен муну көргүм келбей калган экен. «Мени таштап кетти» деп таарынган окшойм. «Сенин жаныңда болоюн» десе болбой, кайра Астанага салып жибердим. Ошол боюнча 3-4 жыл көрүшкөн жокпуз. Астанадан кийин Москвага барып иштеди. Кайра 2012-жылы жолугуп, 2013-жылы экөөбүз ата-энебизге айтпай никебизди кыйдырып алып, Орусиянын Иркутск шаарына кетип калдык.

Э.: – Экөөбүз жолукпай жүрсөк да, агенттен жазышып жүрдүк. Мен Москвада жүрсөм да, Талант тааныштарын жиберип жардам берип турчу.

– Талант мырза, анан сизди кайын журтуңуз кандай кабыл алды?

Т.: – Азыр кайнатам менен кайненем мени өз баласындай эле көрөт, аябай жакынбыз.

– Кызганбаган артисттин аялы болбосо керек. Жолдошуңузду кызганасызбы?

Э.: – Жөнү жок кызганбайм. Кызганганга себеп деле жок. Талантка толугу менен ишенем. «Чогуу ырдайын дедим эле», «ырларыңыз жагат» деп жазгандар көп эле болот. Эл адамы болгондон кийин туура түшүнөм.

– Бирок жолдошуңуз «Айя менен экинчи ирет дуэт жаздырарда келинчегим каршы болгон» деди эле?..

Э.: – Башында туура эле кабыл алдым. Клибине деле тартылгам. 2-дуэтти ырдайлы дегенде бир аз каршы болдум. Кызганычтан эмес, элдин ашыкча сөзүнөн качтым. Туугандарым, тааныштарым «тиги экөө мындай экен го» деп менин жүрөгүмдү кысып айта башташты. Эл дагы азыр бетке айтышат экен да. «Ушундай экен го экөө» дешсе уялып кетем. «Эмне эле буларга жабышып калышты?» деп кайра аларды жаман көрөм. Айя менен деле мамилем жакшы. Болгону элдин сөзү үчүн каршы болгом, анан кайра макулдугумду бердим.

– Талант мырза, «качан келесиң?» деген СМСтерден тажаган учуруңуз болбойбу?

Т.: – Чынын айтайынбы? Ошондой СМСтерден кээде тажап калам. «Качан келесиң?» «Ким менен, каякта жүрөсүң?» деп жаза берчү. «Менин телефонумду аңтарба, анан кечке жаза бербе! Эгерде ошенте берсең, анда экөөбүздүн ынтымак ыдырап, мамиле сууп, уруша баштайбыз» деп түшүндүргөм. Башында жакшы эле жүрдү. Анан кийин баштады. Кулагына «антпе» деп куюп жүрдүм. Такыр болбогонунан бир күнү катуу урушуп кеттик. Ошондон бери телефонумду текшербейт, жөнү жок жаза бербейт.

– «Балалуу болгондо сүйүү балага өтүп кетет» дешет. Ошондой бекен же сүйүүңөр мурункудай ысык бойдонбу?

Т.: – Чынын айтыш керек. Бүгүн биринчи ирет айтып жатам. Сүйүү балага өтөт экен. Баарынан да бала биринчи ролго чыгат тура. Үйгө келер замат балама көңүл бурам, анан келинчегиме көңүл бурам.

Э.: – Мага деле ошондой болот. Бирок мен үчүн баламдын да, жолдошумдун да өз орду бар.

– «Аял жакшы – эр жакшы» дейт.

Т.: – Менин оң колум, оң бутум, оң көзүм, жүрөгүм, кеңешчим, сынчым – жубайым. Жубайымсыз мындай ийгиликке жетпейт элем. Ар дайым жардамын, колдоосун көрсөтүп келет. Буюрса, жакшы жаңылыгыбыз бар, келинчегим кош бойлуу. Ошондуктан жакында өтчү концертимде жубайым жардам берем десе болбой жатам. «Сен сарсанаа болбо, баарына өзүм жетишем. Болгону мен WhatsApp`тан номер, даректерди жиберем, аларды кагазга жазып тур. Мен унутуп калып жатам» дедим. Себеби иш көп болуп жетишпей калуудамын. Ошентип келинчегим мага «заметка» болуп жүргөн чагы. Силердин гезит аркылуу айта кетейин, жубайымды сүйөм, ага ыраазымын.

– Бактылуу болуңуздар!

Асхат Субанбеков
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(17)
09.10.2018. 09:04 
Тайпасы:
Жаран
Комментарийлердин саны:
126
Катталган:
14-02-2016
Соӊку аракети:
18-12-2018 18:54
Жынысы:
Белгисиз
Калаасы:
Кыялдарда
+27
Азырак журсун да Ая менен)Экоо жавышыпле калды.Эн жакын досум деп Аяа жазыптыр инстада Талантты.Эркек менен аялдын ортосунда достук болбойт эч качан.Же суйуу же тошок менен бутот.
09.10.2018. 11:39 
Тайпасы:
Жаран
Комментарийлердин саны:
329
Катталган:
21-07-2014
Соӊку аракети:
18-12-2018 11:29
Жынысы:
Белгисиз
Калаасы:
Деңиз жээгинде.
+11
Stervamyn,эң туура!
09.10.2018. 09:20 
Тайпасы:
Жаран
Комментарийлердин саны:
3
Катталган:
20-03-2017
Соӊку аракети:
07-12-2018 10:26
Жынысы:
Белгисиз
+11
Аялына бир аз катуурак маалиле кылгандай сезилди.Бактылуу болушсун.
09.10.2018. 09:31 
Тайпасы:
Жаран
Комментарийлердин саны:
122
Катталган:
06-11-2016
Соӊку аракети:
14-12-2018 08:38
Жынысы:
Белгисиз
+14
негизи эле бойдок аялдар уй булолуу эркектерден оздорун оолак кармаш керек.эркектин аялына катуу эле тийет. "дос,пос"деген жомокторду таштап. озун деле ошол уйдо кутуп отурган аялдын ордуна коюп коруш керек. аял аялды жакшы тушунуп, бири-бирибиздин журогубузду оорутпасак
09.10.2018. 09:40 
Тайпасы:
Жаран
Комментарийлердин саны:
26
Катталган:
05-01-2017
Соӊку аракети:
18-12-2018 08:09
Жынысы:
Белгисиз
+10
Ая обу жок эле аял,бирок экоонун дуэти ,,мощный,,чыккан. Уйбулоо биринчи орунда.биринчи жубайынарды баалай билгиле..атынар чыкканда эле жанысына чуркабай.П.сы))Супер силер аркылуу коп ырчыны тааныдык бирок акыркы мезгилде таптакыр эле жылмалап маалымат берип калдынарда. Откон аптада экоону чакырдынар чулгандуу ушактарга чекит коер бирда суроо бербединер. Биринин жолдошу,жашоосу тууралуу экинчисинин жаака чапканы тууралуу. ХХХ ХХХ ХХХ
Модератор admin_media түзөттү 2018-10-09 12:11:09
09.10.2018. 12:11 
Тайпасы:
Супермодератор
Комментарийлердин саны:
7587
Катталган:
22-02-2011
Соӊку аракети:
18-12-2018 18:21
Жынысы:
Белгисиз
Калаасы:
...
0
erkeleim, саламатсызбы! Сунуш-сурооңуз тиешелүү бөлүмгө жеткирилди.
09.10.2018. 10:18 
Тайпасы:
Жаран
Комментарийлердин саны:
133
Катталган:
28-01-2016
Соӊку аракети:
18-12-2018 16:30
Жынысы:
Белгисиз
+25
Аялына катуу одоно мамиле жасаары билинип калыптыр.
Ээрчип келди анан коргум келбей калды, чалба,жазба, текшербе деп!Аял болгон сон эрине чалып сурабаганда кимге чалат, кимди кутот эркек аялдын болбогон майда капризине чыдабаса эн жаман! Аял эринин кыйкырып, конул бурбаганына да ун чыгарбай чыдап коё алат.
Айтоор Талантка акыл керек экен.
Балага суйуу отот деген келжирек соз баланын баладай орду бар, аялдын аялдай, эркектин эркектей суйуунун туру бул! Балага жанан жарга болгон
09.10.2018. 10:24 
Тайпасы:
Жаран
Комментарийлердин саны:
2
Катталган:
30-12-2017
Соӊку аракети:
14-12-2018 14:20
Жынысы:
Белгисиз
+5
Аялын экоон жакшынакай пара экенсинер.
09.10.2018. 11:31 
Тайпасы:
Жаран
Комментарийлердин саны:
60
Катталган:
31-05-2016
Соӊку аракети:
18-12-2018 18:20
Жынысы:
Белгисиз
Калаасы:
Ош
+18
Аядан мин эсе сулуу экен аялы
09.10.2018. 12:28 
Тайпасы:
Жаран
Комментарийлердин саны:
297
Катталган:
30-05-2011
Соӊку аракети:
18-12-2018 16:11
Жынысы:
Белгисиз
Калаасы:
germahiya
+10
Эмнеге текшербейт? Аялы текшерет антпесе силер эркектер кетесинер онду солду басып ар кимге суйуунорду арнап....
09.10.2018. 17:42 
Тайпасы:
Жаран
Комментарийлердин саны:
15
Катталган:
23-10-2017
Соӊку аракети:
17-12-2018 12:30
Жынысы:
Белгисиз
Калаасы:
ПИШПЕК
+13
Аялы абдан акылдуу, чыдамкай, коп нерсени которгон сабырдуу корунот.
Эмнеге дегенде Таланттын бул жерге айтканы чети эле болсо керек.
Уй-булодо аял коп нерсени куйосу учун тууралап, анын козу-созу мн болуп озун тарбиялайт, ошондо гана аял куйоосун ээрчип омур сурот деген соз Таланттын жубайына таанымалдай.
Суйуу балама отту дегендин ордуна, омурлук жарымды башкача суйом, ал менин жубайым, балдарымдын апасы дебейби!!!

09.10.2018. 20:27 
Тайпасы:
Жаран
Комментарийлердин саны:
257
Катталган:
15-08-2017
Соӊку аракети:
17-12-2018 19:36
Жынысы:
Белгисиз
+8
Анча деле супер ырчы эмес деп ойлойм .Бирок "Жубайым озу эрчип келди,ыйлады ,кетирип жибердим"- деп опколонуп айткандары туура эмес.Тем более гезит бетине .Бекеринен кайненен башында каршы болбосо керек .Айя экоон дальше- больше болуп кетпесенер болду
10.10.2018. 09:56 
Тайпасы:
Жаран
Комментарийлердин саны:
14
Катталган:
05-07-2017
Соӊку аракети:
18-12-2018 10:46
Жынысы:
Белгисиз
+4
Toobo erkek sen ozundu oto jogoru sezesingo ayalyndan,ayalyn uilono elek jash jigitter karai turgan suluu,yimanduu,sozu ordunda ayal eken saga okshop suiuu balaga otup ketti dep tantyrabai,,balaga bolgon suiuu bashka,ataenege bolgon suiuu bashka,,ayalga bolgon suiuu bashka,,dagy ele suiuu emne ekenin bilbeitko)))ozundu jyldyz sezip alypsyngo,,
11.10.2018. 12:56 
Тайпасы:
Жаран
Комментарийлердин саны:
302
Катталган:
14-11-2015
Соӊку аракети:
18-12-2018 13:35
Жынысы:
Белгисиз
Калаасы:
Ата-энемдин журогу...
+4
Аялы байкуш жакшы эле мактаганга аракет кылыптыр,бирок окшобоптур.А куйоосу болсо аялынын качандыр бир кезде жаштык кылп артынан келгенин ар дайым жузуно салып ,тилин кысык кылып жашап келе жатканын элдин алдында да тастыктап отуптур.Сени деп эррчиген адамды басынтып жашоо бул эркектикке жатпайт.
11.10.2018. 17:13 
Тайпасы:
Жаран
Комментарийлердин саны:
1
Катталган:
28-12-2016
Соӊку аракети:
18-12-2018 18:47
Жынысы:
Белгисиз
Калаасы:
бишкек
+1
Чоон тамга менен жазылып турат.Жакшынакай эле экоо тен интервью берген .калп эле бурамалап жаза бербегилечи .Жаш суйлошуп жургонун айтып жатат.Суйом ыраазымын,журогум берекем деп эле.Силерге эч нерсе жакпайт озу.Жумурткадан да кыр издейсинер.
12.10.2018. 01:07 
Тайпасы:
Жаран
Комментарийлердин саны:
168
Катталган:
23-05-2015
Соӊку аракети:
17-12-2018 01:20
Жынысы:
Белгисиз
Калаасы:
Ордолуу Ош
0
Кечке аялын мактай берсе анда да жакпайт мынча аялын мактады деп,бир жакшына маек. Бактылуу болгула
12.10.2018. 21:38 
Тайпасы:
Жаран
Комментарийлердин саны:
88
Катталган:
16-02-2018
Соӊку аракети:
18-12-2018 14:35
Жынысы:
Белгисиз
Калаасы:
Бишкек
+2
Иши кылса, Таланттын ити чоп жеп, кооп калыптыр. Аялына сабыр.
13.10.2018. 15:39 
Тайпасы:
Конок
Комментарийлердин саны:
2
Катталган:
06-10-2018
Соӊку аракети:
21-11-2018 23:03
Жынысы:
Белгисиз
Калаасы:
Беловодское
+1
Башкача ойлочумун..Кичине бой которгонсуп суйлойт экен
14.10.2018. 15:13 
Тайпасы:
Жаран
Комментарийлердин саны:
99
Катталган:
05-11-2014
Соӊку аракети:
15-12-2018 21:15
Жынысы:
Белгисиз
+1
Элдер Бир эки дуэт жазыдырып Тим болушат а силер чё то жабышып эле калдынар. Эсине Кел Талант. Бул иртервьюнар просто отмаскага окшоп калгандай сезилди. Айя Майяны токтот. Уй булонду кара. Анан тескерисинче суйуу негизи нормальный Уй булодо балага отуп кетпейт кучойт
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21592;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: