БИР БҮРКҮМ. САПАР ИСАКОВ ДАГЫ 2 АЙГА КАМАКТА КАЛДЫ...

Кыргыз өлкөсү 4 миллиард доллар тышкы карызы үчүн жыл сайын 13 МИЛЛИАРД СОМ туум төлөп жатканын Каржы министрлиги билдирди.
Бишкек шаардык мэриясы ушул жылдын аягына чейин газ менен жүргөн 60 ЧАКТЫ автобус сатып алууну пландап жатат.
Туруктуу элдик кеңеш президент жана Жогорку Кеңештин ишмердүүлүгүнө баа берүү үчүн ноябрда ЭЛДИК КУРУЛТАЙ өткөргөнү жатат. Бул кеңешке Азимбек Бекназаров, Эмилбек Каптагаев өңдүү саясатчылар мүчө.
2010-жылы күйүп кеткен Башкы прокуратуранын имаратынын ордуна ЭС АЛУУЧУ ЖАЙ куруларын Бишкек мэриясы кабарлады.
Депутат Алтынбек Сулайманов премьер-министрди облус башчы жана акимдик КЫЗМАТТЫ ЖОЮУГА, айыл өкмөттөр менен түз иштешүүгө чакырды.
Акыркы 4 жыл аралыгында Кыргыз өлкөсүндө 4141 БАЛА асырап алынган. Бул тууралуу эмгек жана социалдык өнүктүрүү министри Таалайкүл Исакунова билдирди.
Миграция кызматынын мурдагы башчысы АЛМАЗ АСАНБАЕВ «Сапар Исаковду колдогон пикирим үчүн мени кызматтан кетиришти» дейт.
Жарандык активист МАВЛЯН АСКАРБЕКОВ Бишкектин Биринчи Май районунун акиминин орун басары болуп дайындалды.
Расмий маалыматка ылайык, жыл башынан бери өлкөдө 3 ЖООКЕР КАЗА ТАПСА, 2 жоокер жаракат алган. Ал эми 32 жоокер ур-токмокко кабылган.
Мектеп окуучулары 5-ноябрдан 12-ноябрга чейин КҮЗГҮ КАНИКУЛГА чыгышарын жооптуу министрликтен билдиришти.
Биринчи Май райондук соту экс-премьер САПАР ИСАКОВДУ 5-декабрга чейин камакта калтыруу чечимин чыгарды.
Эсептөө палатасы: «2016-жылы Транспорт министрлиги жол оңдоодо мыйзам бузууларга жол берип мамлекетке 351 МИЛЛИОН СОМ зыян келтирген».

Автандил Добулбеков
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 831, 5-11-октябрь, 2018-жыл