Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«АЯТ» ШЫЛУУНДАРДЫН АЙЫНАН ТАРТЫЛБАЙ КАЛА ЖАЗДАП...

№399 25-июнь - 1-июль, 2010-ж.


"Толкундар, ак толкундар..." деп көл жээгинде толкундар менен сырдашкан Мухтар Атаналиевдин ырын сүйгөндөр ырчыны сахнадан таппай калышты. Бирок Мухтар мырза акыркы күндөрү кино дүйнөсүнө чыйыр салсамбы деп эмгектенип келет. Өзү сценарийин жазып, продюсерлик кылып тарткан эң биринчи тасмасы "Аят" деп аталып, кино сүйүүчүлөрдүн сынына коюлду.

Режиссёру – Санжар Абдыжапаров
Сценарийин жазган – Мухтар Атаналиев
Фильмдин директору – Абдыш Айылчиев
Ролдордо:
Али – Азамат Арыков
Аскар – Улан Султангазиев
Алинин аялы Фатима – Жазгүл Акбаралы кызы
Аскардын аялы Арууке – Айтолкун Жумаканова
Алинин ата-энеси – Мукамбет Токтобаев жана Жандат Жаманбаева
Фатиманын ата-энеси – Табылды Актанов жана Зухра Акылова
Мустафа – Тейит ажы Сурантаев

ЖАШООДОН БАКЫТ ИЗДЕГЕНДЕР
Адам баласы бул жашоо менен бактылуу болоюн деп күрөшөт эмеспи. Көп адам ой-туюмунда бай, атак-даңктуу, бийликтеги адам болгусу келет. Бул мүдөөлөрүнө жетсе деле жүрөгү тынчыбайт. Кинодогу баш каарман Али да бактылуу болсом деп ары-бери чайпалат. Досу Аскар байлык топтоп, бакыт даамын сезгиси келет. Бир жолу Аскар Алинин үйүнө келсе, дин жолунда жүргөн аялы досторго чай даярдап берип, өзү отурбай коёт. Анда Аскар “эмне, аялың биз менен отурбайт, мени жактырбай жатабы?!” деп таарынат. Али болсо “жок, шариятта ушундай экен, капа болбо” деп түшүндүргөнгө аракет кылат. Мындайды түшүнгүсү келбеген досу аялын менден кызганып жатат деп ойлойт. Көп өтпөй Аскар адамдарды тукуруп, мас болуп калган Алини сабатып, талаага ыргыттырып жиберет. Ошондо Алиге бир даанышман карыя жолугуп, үйүнө алып келет.
– Балам, атың ким?
– Али.
Мухаммед пайгамбардын күйөө баласынын аты да Али болгон. Ал адилеттүү, ыймандуу, дайыма элге жардам бергендиги менен адамдардын эсинде калган.
Али бул сөздөрдү угуп отуруп, “мен дагы ошондой ыймандуу боло аламбы?” деп ыйлайт.
Албетте, ыймандуу болуу сенин колуңдан келет.
Ошол күндөн баштап Алинин жашоосу башка нукка бурулуп, ыйман жолуна түшөт.

ТАСМАНЫН ЭЛ БИЛБЕГЕН ЖАКТАРЫ

  • Куранда ар бир сүйлөм аят деп аталат. Эгер адам ар бир аятты аткарса, бактылуу боло алат деген мааниде тасма "Аят" деп аталган.
  • Алинин ролун алгач "Учур" театрынын актёру Эрлан Шатемиров аткармак болуп, Ала-Буканын Сафед-Булан айылында өткөн үч күндүк съёмкага катышкан. Анан өзүнүн жеке маселелеринен улам кинодон баш тартууга аргасыз болгон.
  • Ала-Букадагы Сафед-Булан деген жерди Мухтар Атаналиев гастролдо жүргөндө көрүп, киного ылайык деп жактырган.
  • 12-мартта тартылчу кадрларга кар керек болуп чыгармачыл топ Суусамырга жөнөгөнү жатышса, бапылдап кар жаап жиберген.
  • Тасманын толук тартылып бүтү­шүнө беш ай кеткен. Анын бир жарым айы техника тапканга, бир айы тасманын тартылышына, бир айы монтажга, бир жарым айы дубляжга жумшалган.
  • Тасманын режиссёру Санжар – Эрнест Абдыжапаровдун уулу. Санжар буга чейин кыска метраждуу 2-3 фильм тарткан. "Аят" фильми жаш режиссёрдун биринчи толук метраждуу көркөм тасмасы. Фильмди тартуу учурунда атасынан кеңеш сурап турган.
  • Актёрлорго, операторлорго, монтаждагандарга келишимде көрсөтүлгөн гонорар төлөнүп берилген.
  • Тасма Бишкекте, борбордун четиндеги Ала-Арча, Ак-Өргө, Туңгуч сыяктуу жаңы конуштарда тартылган.
  • Киного жалпысынан 24 000 доллар сарпталган.

КҮТҮЛБӨГӨН ОКУЯЛАР МЕНЕН КОШТОЛГОН
Мухтар Атаналиев:
– Эртең тасманын алгачкы кадрлары тартыла баштайт деген күнү демөөрчүлөрдөн 6000 доллар алдым. Анын 400 долларын акча алмаштыруучу жайдан сомго айландырып, тиешелүү адамга бергени бардым. 5600 доллар машинада калган. Үйүнө кирип акчаны берип чыксам эле, кожоюндун кызы "байке, машинаңызды сындырып кетишти" деп калды. Көрсө, шылуундар акча алмаштыруучу жайдан эле артымдан түшүшкөн окшойт. Ошентип, беш мүнөт ичинде 5600 доллардан айрылдым. Элестет, эртең съёмка башталат. Техника, чыгармачыл топ мени күтүп отурушат. Акча уурдалды. Милиция кызматкерлерине барсам "табылбайт" деп коюшту. Намазымды окудум да, үйгө кетип калдым. Үйгө барсам келинчегим "акча уурдатканыңды угуп, бир таанышың келип кетти. Менде иштетилбей турган акча бар, алып турсун" деди дейт. Барсам, 1500 доллар берсе болобу! Демөөрчүлөргө да акчанын уурдалганын айтып койгом. Алар да чалып "маанайыңды бузбай иштей бер. Акчадан кабатыр болбо" дешти. Чынын айтыш керек, "берген акчаны да жөндөй албайт" деп айтышабы деп демөөрчүлөрдүн алдында катуу уялдым.
Фильмде Али Аскардын тарапташтары менен мушташып, таяк жеп калган жери бар. Ошол жеринде Али бир жигитти ээкке коёт. Улам-улам муштайт, бирок режиссёр жаратпайт. Тажаган Али болгон күчү менен уруп салганда, тигил жигит өзүн жоготуп коюптур. Ал учурда мен сыртта элем. Ээкке жеген бала мени шашпай карап жанымдан өтүп кетти. 15 мүнөттөн кийин дагы эле баягыдай таңыркап карап турат. "Эмне болду, тартылдыңбы?" десем, "ыя, эмне дейсиз? Мен каяктамын?" деп чочуп кетти. Көрсө, катуу муштан кийин эмне иш кылып жатканынын билбей, дендароо болуп калыптыр да. Ал жигиттин жагдайын көрүп, кино деп жүрүп бирөөнүн баласынын мээсине доо кетирдимби деп коркуп кеттим. Бирок жыйырма мүнөттөн кийин өзүнө келди.
Кино ушундай окуялар менен коштолду. Менин оюмча, бул тасманын жаштарга тарбиялык мааниси чоң.

АТАНАЛИЕВ ЖӨНҮНДӨ

  • Мухтар Атаналиев аты дүң болуп турганда ыр дүйнөсүнөн кетти. Сахна менен коштошушуна адамдардын бири-бирине кылган терс мамилелерине кыжалат болгону түрткү болуптур.
  • Жашоо-турмушту диндин негизинде изилдеп жатканына үч жыл болду.
  • Үч уул, бир кыздын атасы.
  • Жубайы, 11 жаштагы жана 4 жаштагы уулдары намаз окушат.
  • Концерт берүүдөн, ырдоодон таптакыр баш тартканы менен, учурда жаштарга ыр жазып берүүдө.
  • Жашоого каражатты чакан дүкөндөрүнөн алат.
  • "Динди түшүнгөндөн кийин гана адам бактылуу боло алат экен" деген Мухтар мырза өзүнүн билгендерин башкаларга жеткирүү үчүн "Аят" фильмин тартууга киришкен.

Сүйүн Кулматова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(5)
28.06.2010. 11:06 
Тайпасы:
Кыймылы жок
Комментарийлердин саны:
82
Катталган:
04-06-2009
Соӊку аракети:
21-10-2013 09:37
Жынысы:
Белгисиз
0
Бизде негизи эле биринчи ырчы болуп чыгышат анан эле актер кино режиссер болуп калышат.
бул кинонун да келечеги кандай болорун куто туралы,болбосо бизде саны коп сапаты жок кинолор коп эле болуп жатпайбы!
мындай кинолордун катарына кирбей сапатту болсо албетте жакшы.
30.06.2010. 14:19 
Тайпасы:
Жаран
Комментарийлердин саны:
105
Катталган:
09-09-2008
Соӊку аракети:
09-08-2018 10:48
Жынысы:
Белгисиз
Калаасы:
Кыргызстан, Бишкек
0
Бул тасманы көрдүм бирок мага жаккан жок. Мисалы Фатима деген кыздын ролун ойногон Жазгүл Акбаралы кызы өз ролун жеткиликтүү ойноп бере алган эмес. Баласын уурдап кеткенде ушундай эмоцияны чыгарыш керек эле, калп эле кыйкырымыш болуп койгон, артында бир сезим менен аткарганы такыр туюлбайт. Негизи актерлорду тандоосу жаккан жок! Бир гана Аскар өз ролун жакшы ойноп бере алган дейм.
30.06.2010. 21:07 
Тайпасы:
Жаран
Комментарийлердин саны:
2
Катталган:
25-04-2010
Соӊку аракети:
27-11-2017 19:05
Жынысы:
Белгисиз
Калаасы:
Bishkek
0
Бул фильмдин тартылышына эмес негизги ойго, тупку маанисине конул бурсак туура болмок! Кандай максатта тартылса ошого жетсе экен деп тилейли!!!
01.07.2010. 11:29 
Тайпасы:
Кыймылы жок
Комментарийлердин саны:
340
Катталган:
04-10-2008
Соӊку аракети:
22-10-2013 14:27
Жынысы:
Белгисиз
0
Мен бул кинону көрүп, таң калдым. Себеби андагы башкы ролду ойногон актер укмуш аткарып жатам деп ойлогон окшойт, бирок ага караганда терс каармандын ролун ойногон Аскар жакшы аткарыптыр. Анан да улам эле шурулдатып чай иче берет экен. Фатима болсо жиджабын чечип тойго барганы, ииши кылса көп түшүнбөгөн жактары бар экен. Алгач турмушка чыкканда кийген халатын баласы 4кө чыкканда деле кийип жүрөт. Алинин балдызы болсо кино бү
21.09.2010. 13:35 
Тайпасы:
Кыймылы жок
Комментарийлердин саны:
10
Катталган:
19-08-2010
Соӊку аракети:
28-07-2011 17:25
Жынысы:
Белгисиз
0
Бул фильмди кантип корсо болот?!?!?!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: