«Жылдын супер клиби»

Жыйынтык

Башка сурамжылоолор


Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

№831 5-11-октябрь, 2018-жыл


РУСЛАН АКУН, РЕЖИССЁР: “КАЗАКТАР ТАСМА ТАРТЫП БЕР ДЕП КӨП СУНУШТАШАТ”

Руслан Акун учурдагы ийгиликтүү жаш режиссёр. Анын ар бир тасмасын эл күтүп көрөт. Руслан мырза муну менен гана токтолуп калбай, жакында дагы бир чоң эл аралык долбоорду ишке ашырууну пландап жатканын айтат. Маекте казак боордоштордун Руслан Акунга көз артып жатышканы, экран артындагы оош-кыйыштар, режиссёрдун аталык мээрими жана бир топ кызыктуу темалар козголду.


– Саламатсызбы, Руслан. “Көк бөрү” тасмаңыз купулуңузга толдубу?

– Саламатчылык. Киночулар айтып коюшат, “экран көрсөтөт” деп. Эл өзү көрүп, өзү баамдайт. Бирок алгачкы жолу көк бөрү тууралуу тасма тартып жаткандыктан чоң жоопкерчиликти сезип, кылдаттык менен болгон күч-аракетибизди жумшадык.

– Эмне үчүн көк бөрү темасына кайрылдыңыз?

– Бул идея көптөн бери бар эле, көпчүлүк сунуштап да жүргөн. Ал кезде билим жагынан, тажрыйба, чеберчилик жагынан быша элек болчубуз. “Апамды издеп” тасмасынан кийин байкасам команда бышып, даяр болуп калыптырбыз. Ошентип тартуу иштерине киришип кеттик.

– Тасманын идеологиясы кандай? Улуттук оюнубузду дүйнөгө жайылтуубу, же учурдун талабыбы?

– Тасма аркылуу “кыргыздарга учурда намыстан бийик нерсе барбы, мекен, Ата Журтубуз канчалык даражада бизге ыйык, керек?” деген ойду бергибиз келген. Ошол идеологияны көк бөрү оюнуна камтып тарттык.

– Буга чейин автордук кыска метраждуу тасма тартыптырсыз. Автордук тасмаларга дагы кайрылайын деген оюңуз барбы?

– Мен кинону автордук, коммерциялык, элдик деп бөлбөйм. Мен үчүн тасма эки эле топко: таланттуу жана таланты жок болуп бөлүнөт.

– Киночуларда дайым искусство же сатык деген суроо болот. Сиз көбүнчө эмнеге басым жасайсыз?

– Буга заман жооп берет. Кимдин тасмасы 15-20 жылдан кийин деле сыналгылардан берилсе, жаңы муундарга кызык болсо, анда ал “таланттуу кино” болот. Эгер бүгүн укмуш болуп, 15 жылдан кийин унутулса, анда ал убактылуу тасма.

– Тасмаларыңызда дайым бир көйгөйдү көтөрүп, юмор менен жеңилдетип бересиз. Эки башка багытты жуурулуштуруп элге жугумдуу кылып берүү оңойго турбаса керек?

– Албетте, оңой эмес. Мен бир нерсени түшүндүм, бирөөнү сындап, кемсинткенден эч нерсе чыкпайт. Тескерисинче, бири-бирибизди мактап, даңазалап, туура багытта, маданиятыбызды бийигирээк көтөрсөк ошондо жакшы жыйынтык болот. Юмор кошконумдун себеби – эл окуяны күлкү аркылуу кабыл алып, кийин терең ойлонуп, өзүнчө тыянак чыгарса дейм.

– Тасмага тема тандоодо элдин суроо-талабына кайрыласызбы, же жүрөгүңүздү өйүткөн, жан дүйнөңүздөн чыккан тасмаларды тартасызбы?

– Биринчиден, тема жан дүйнөдөн чыгышы керек. “Салам, Нью-Йорк!” тасмасындагы айрым эпизоддор өзүмдүн жашоомдон алынган. Менин да бир кезде сейил бакта түнөгөн учурларым болгон. “Апамды издеп” тасмасы балалуу болуп, аталык сезимдер ойгонгондо жаралган идея. Акыркы кезде"чыныгы эркек болбосок мекенибиз, өлкөбүз чоң коркунучта" деген ой коё бербей жүргөн. Бул оюмду жогорку тасмада бердим.

– Көрүүчүлөр “Көк бөрү” тасмасында кыргыз жигиттеринин ойногонун жактырып жатышат. Казактардын рыногун алуу үчүн сөзсүз казак актёрлорун кошуш керекпи деп суроо салгандар да көп болууда...

– Менден да "эмне үчүн казак?" деп сурагандар болду. Жок дегенде маданият чөйрөсүн, искусствону, кинону саясатка аралаштырбасак. Саясат эки элди уруштурса, биз жакындатканга аракет кылабыз. Уруштуруп жиберүү өтө оңой. Достукту, мамилени сактап калуу оор. Биз өзүбүздүн казаныбызда кайнабай, чет жактарга да чыгышыбыз керек.

– Режиссёр үчүн карьерасында эң коркунучтуу же түйшөлткөн нерсе эмне?

– Мен буга чейин режиссёр катары мамлекеттен бир да тыйын алган жокмун. Каражат жагын досум Нурбек Айбашов чечип келет. Бизди ойго салган нерсе – бул тасма кетирген каражатты актайбы жана кийинки тасмага акча жетеби?

– Чыгармачылык жактанчы? “Оюмду элге жеткиликтүү бере аламбы? Тасма ишеничти актайбы?” деген ой болобу?

– Режиссёрдун чоң катачылыгы – жасалмалуулуктун артынан түшүүсү. Өзүңө ишенсең, элге жагынуу максатында эмес, жан дүйнөңдөн чыккан нерсени тартсаң ошол жугумдуу. Негизгиси киночулар саясатчы болбошу керек. Саясатчылар эмне көргүң келсе, эмне уккуң келсе ошону айтып, кулагыңа бал куюп кетип калат эмеспи. Бизде андайга жол берилбеши зарыл.

– Бул тасмада каражат маселеси кандай болду?

– “Көк бөрү” тасмасына деле 30 миллион сомдой каражат жумшалды. Аны акташ үчүн биз 70 миллион сом чогултушубуз керек. Анткени салыкка 12 пайыз төлөйбүз, акчанын тең жарымын кинотеатрларга беребиз. Бизге орточо 37 пайыз калат. 30 миллионду акташ үчүн жок дегенде кинотеатрга 350 миң адам келип көрүшү керек.

– Чет өлкөлөрдө мамлекет тарабынан киночуларга жакшы шарт түзүлөт. Бизде ошондой колдоо жок деп өкүнгөн учур болобу?

– Бизде шарт түзүлөт. Мамлекет тарабынан кино тартууга жылына 20 миллион сом каралат. Бирок, менимче, мамлекет акча бөлбөшү керек. Анткени мамлекеттен колдоо алган соң акчаны актайбызбы, элге жагабызбы деген ой 3-4-планда калат. Ошондуктан 3 жылга бөлүнгөн акчага техниканы жаңылап, күчтөө зарыл. Себеби техника жактан биз аман эле бололу, абдан жардыбыз. Биздеги эң көйгөйлүү темаларга басым жасап, аны тартууга жеке студияларды кызыктырсак. Аларга техникаларды бекер берсе, жакшы жыйынтык болмок деп ойлойм.

– Казакстан сизди ийгиликтүү режиссёр катары билип калды. Боордоштордон тасма тартууга сунуштар түшүп турабы?

– “Салам, Нью-Йорктон” кийин сериал тартууга сунуш түшкөн. “Апамды издеп” тасмасы чыккан соң чакыргандар андан көбөйдү. "Кайрат Нуртастын “Арман” тасмасын тартып бериңиз" деп продюсери да кайрылган. Буга чейин буюртма менен иштеп көргөн эмесмин. Кала берсе мага жакын тема болбогондуктан баш тартып келем.

– Казакстандан башка кино рыногуна чыгуу планыңызда барбы?

– "Көк бөрү" тасмасынын бет ачарына Голливуддун “Оскарына” тете Орусиянын “Кинотавр” сыйлыгынын баш байгесин жеңип жүргөн продюсерлер келишти. Мен “Көк бөрү” кайда, Москва кайда деп ойлогом. Көрсө, адашыпмын. Алар тасманы аябай жактырышты. Кудай буюрса, орустар менен жакында бир долбоор камдап жатабыз. Ал долбоор менен бүтүндөй КМШ өлкөлөрүнө чыгуу планыбыз да бар.

– Эми жеке жашооңузга да кайрыла кетели. Сизди олуттуу мырза катары билебиз. Бирок Инстаграмдагы баракчаңыздан жубайыңызга кайрылган билдирүүлөрүңүз жалаң тамаша иретинде жазылат. Бул сиздин эркелегениңизби же эркелеткениңизби?

– Мен үйдүн улуусу болгондуктан эркелеген сезим кандай экенин деле билбейм (күлүп). Иним менен карындашыма каралашып, кам көрүп жүрүп ал сезимди сезген эмесмин. Менимче, эркекке эркелеген жарашпайт.

– Деги эле жашоодо кандай дос, жар жана атасыз?

– Жаңы дос пайда болбойт экен. Бала кездеги достор дос боюнча калган. Эгер чыныгы досум бар деп ишенсең, досуң болот. Баары акчага карап мамиле кылат десең ошондой мамилени күтөсүң.

Ал эми мүнөзүм боюнча, өтө чатакмын (күлүп). Жубайыма рахмат, мүнөзүмө чыдап, көнүп келгенине. Учурда 2 баланын атасымын, аларды аябай жакшы көрөм. Балдарым төрөлгөндө жашоого болгон көз карашым аябай өзгөрдү. Мурун мотоцикл айдап, сноуборд тепсем, андайга азыр жолобойм. “Аман болсом экен, үй-бүлөм кор болбосо экен” деген гана ой мени бийлеп алган. 

"Салам, Нью-Йорк" тасмасын тартуу учуру.
"Cүйүктүүмдүн каарманы" комедиялык тасмасынан кадр.
Элди патриоттуулукка чакырган "Көк бөрү" тасмасы.

"Энелер күнүнө карата апам Канышай Акунова Кыргызстандын өнүгүшүнө салым кошкон уулдарды тарбиялаганы үчүн Ардак грамотага ээ болду. Атам Кубан менен апама бизге татыктуу тарбия бергени үчүн ыраазымын".


"Азыр мени аман болсом экен, үй-бүлөм кор болбосо экен деген гана ой бийлеп калды".

Гүлжамал Абылкасымова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(6)
09.10.2018. 09:28 
Тайпасы:
Жаран
Комментарийлердин саны:
26
Катталган:
05-01-2017
Соӊку аракети:
14-12-2018 23:18
Жынысы:
Белгисиз
+2
Ийгилик!!! Ар бир кинонузду кутуп,суйуп кором. Кийинки ата-энеси небересине барыш учун Акшга бет алат деген фильминизди Европада эмес Туштук Кореяда тартып корбойспу
09.10.2018. 11:57 
Тайпасы:
Конок
Комментарийлердин саны:
1
Катталган:
06-10-2018
Соӊку аракети:
14-12-2018 11:34
Жынысы:
Белгисиз
+4
Руслан, сизге ийгилик каалайбыз. Кок боруну кордум. аябай жакты. Сонун кино болуптур. Негизи, сизздин бардык тарткан кинолорунуз жакшы чыкты. Бирок. Бирок мени бир нере окундурду. Руслан, мен тушуном баарын кыргыз-казак бир тууган. Бирок башкы ролду кыргыз эле актеруна берсениз жакшы болмок да.(менин оюм боюнча) Бизде деле аябай жакшы таланттар бар да. Кок боруда эн бакшы ролду казак ойногонун билип, мен эмнедегир капа болдум.
Diana123 түзөттү 2018-10-09 12:01:46
09.10.2018. 13:08 
Тайпасы:
Жаран
Комментарийлердин саны:
183
Катталган:
31-03-2009
Соӊку аракети:
14-12-2018 20:22
Жынысы:
Белгисиз
Калаасы:
Бактылуулар калаасы.
+1
Руслан Акун таланттуу режиссер. Ар бир тасмасын баалайм. Маани маныздуу, адамды ойго салган салмактуу, бир соз менен айтканда керемет! Сыйлык бербей коюу уят. Эмгегин баалоо керек бийликтегилер.
09.10.2018. 18:16 
Тайпасы:
Жаран
Комментарийлердин саны:
144
Катталган:
10-07-2017
Соӊку аракети:
13-10-2018 18:36
Жынысы:
Белгисиз
Калаасы:
moscou
0
Кыргызда! Ушундай уулдары,Айсулуудай кыздарын коруп. Мекеним, улутум деп. Баш которуп сыймыктана жашайсын. Бар бол! Жигит пири колдосун! Коз тийбесин. Аман бол! Бут дуйного "Кыргыз"Ким экенин тарт. "Манас" атабызды, Кыргыздын нукуралуугун. Азыркыдай араб менен турктун диний кошулмасы жок. Кыргызды тааныт. Биз ишенебиз!
09.10.2018. 22:47 
Тайпасы:
Жаран
Комментарийлердин саны:
Катталган:
03-04-2017
Соӊку аракети:
13-12-2018 17:18
Жынысы:
Белгисиз
+1
Азамат кыргыздардан чыккан дагы бир патриот жигиттерибиздин бири бар бол...Сизди да тушунобуз Кыргызстанда эч бир кино (эгер коп каражат жумшалса) чынында акталбайт.
12.10.2018. 02:56 
Тайпасы:
Жаран
Комментарийлердин саны:
10
Катталган:
30-08-2013
Соӊку аракети:
14-12-2018 08:04
Жынысы:
Белгисиз
Калаасы:
Жалал-Абад
+1
Чыныгы патриот режиссёр! Сиздей патриотторду коруп, сыймыктанып келебиз! Ар бир киносу маанилуу! Мамлекетибизге каттуу таарынгансыз го? Туура мамлекеттен эч кандай материалдык колдоо жок. Бирок биз МАМЛЕКЕТ учун, ЭЛ учун,УЛУТУБУЗ учун аракет кылсак, ин шаа АЛЛАХ созсуз онугобуз! Албетте мээнетинизди, эн башкысы ЭЛ СЫЙЛАЙТ жана КОЛДОЙТ!!! Сиздердей инсандар тарыхыбызда да каласыздар!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21592;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: