«Жылдын супер ремейки»

Жыйынтык

Башка сурамжылоолор


Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№831 5-11-октябрь, 2018-жыл


(Башталышы өткөн сандарда)

Үйүнө кирип келди да, эшикти бекитти. Мурда ачкычты бир эле бурап койчу, азыр 3 ирет бурады. Кошумча илгичин да илди. Азыр эле Азамат кирип келчүдөй, колунан Айназикти жулуп каччудай көңүлү жай албай турду.

Милицияга кабарлаш керекпи? Жок, Тимурга чалуу керек. Шаша-буша телефонун ала калды.

– Алло, Тимур?

– Кандайсың? Эмне болду?

– Тимур, Азамат келиптир. Бүгүн Айназиктин мектебине келип аны менен жолуккан экен.

– Түшүнбөдүм.

– Азамат келиптир. Ал Айназикти дагы уурдап кетеби деп коркуп жатам.

– Милицияга чалдыңбы?

– Жок.

– Чалуу керек. Арыз жаз. Баланы уурдап кетсе же өч алам деп аны майып кылып койсо кантебиз?

– А сен... Сен бүгүн биздикине келбейсиңби? Коркуп жатабыз.

– Ооба, барам.



ххх

– Сен кайда?

– Айттым го сага түшүндүрүп. Кызымды уурдап кеткени үчүн соттолгон киши түрмөдөн чыгып келиптир. Кызыма жолугуптур. Барышым керек. Үйгө келип алса да...

– Мен сага айттым беле? Бала ооруду деп чакырат, дагы бир нерсе дейт. Болду ошентип кайра үйүңө барып каласың.

– Нуржан, сен мени түшүнүшүң керек да. Ал деген кылмышкер. Үй-бүлөмдү бир нерсе кылса мен эмне кылам?

– Барагой. Бирок кайтып келбе...

– Эмнеге?

– Болду жетишет. Сен тиякка бир чуркап, биякка бир чуркап жүрө бергенден тажабасаң, мен тажадым. Же сен бизди тандайсың, же өзүң айтмакчы, үй-бүлөңө кетесиң. Тандоо өзүңдө. Мени тамашалап жатат деп ойлобо. Кетсең биротоло кет. Антпесе өзүңчө эле гаремдеги Султандай болуп алдың. Бир тиги аялыңа, бир мага чуркайсың... Кеткиң келсе кет! Сенсиз деле жашай алам.

– Эмне деп жатасың?!

– Бул кайра мени жаман көрөт го. Эмне сенин оюңча мен бардык кылыктарыңды кылт жутуп, таарыныч, кызганычты ичиме катып, сага жаркылдап гана турушум керекпи? Аялым деп бир кеткенде, балам деп бир кеткенде деле мен сени башым адашып сүйө беришим керекпи? Эгер билсең, жек көрүп баратам сени. Же сен тигилерге үй-бүлө болуп кыйрат, же мага күйөө болуп кыйрат. Мен да баарына көз жумуп сага келгем. Мени да баала...

– Сени таптакыр ушундай экен деп ойлобоптурмун,- эшикти тарс жаап чыгып кетти Тимур.

– Чемоданыңды алып кет!- Нуржан өктөм сүйлөдү. Аркы бөлмөдөн Тимурдун кийимдери салынган чемоданды сүйрөп чыгып, тепкичтен тоголотуп жиберди.

4-кабаттан 2-кабатка түшүүгө жетишкен болчу Тимур. Даңгыр-дуңгур эткен үндү угуп чочуп кетти. Кайра артка чыкса, чемоданы кемшийип оозу ачылып, кийимдер тепкичтин туш-тарабына чачылып калыптыр. Ачуусу башына чыгып кетти. Эшикти барып койгулады.

– Эмне?!- көзүнөн жаалы чыккан Нуржан чыга калды. Жок, бул баягы Тимур ачуусу келгенде күйпөлөктөп калчу Айсулуу эмес экен. Жемин жедирчүдөй эмес. Колун чаап жиберчүдөй көтөрүп токтоду. Жалтанып да койгон жок.

– Эмне?! Чабасыңбы?! Колуңдан келеби? Үйгө кайтчу болбо! Жогол ошондон ары,- эшикти кайра жаап алды. Селейип туруп калды Тимур. Мындайды күткөн эмес. Шалдайып тепкичке отура кетти. Үстүртөдөн түшүп келген орус эркек аны таң кала карап, чачылып жаткан кийимдерден аттап-буттап өтүп түшүп кетти. Кийимдерин салыштырып баштады.

– Энеңдурайын, кайра кел деп жалдырайттырсың!- деп сүйлөнүп чемоданын жапты да, ишенимдүү түрдө тепкич ылдый түшүп кетти.



ххх

Айсулуу бир кезде Тимур өзү көтөрүп кеткен кийим салчу чемоданын кайра сүйрөп келип калганын көрүп таң калып калды.

– Эмне болду?

– Кел дебедиң беле? Коркуп жатабыз дедиң го,- жактырбагандай бурк этти. "А эмнеге чемоданың менен?" Ушинтип сурагысы келди. Бирок үн каткан жок. Ансыз да баары түшүнүктүү болчу. Мына баягы чыныгы мырза көрүнгөн Тимур. Жөн эле бир омурткасыз жан турбайбы. Кууп чыккан тура муну тигиниси. Кебетеси кантет? Ушунча алсызбы? Ушунун эмнесин сүйгөн? Кантип кайра ушинтип Айсулуунукуна келди? Уялган жокпу? Намыстанган жокпу? Жолдо калган мышыктай. Ушунун артында жоодон сактанууга болобу? Азамат ушундан сестенип Айназикти алып кете албай калабы? Эрксизден Азаматтан Айназикти талашып жатып, андан Тимурдун мурун талаштыра муштум жегенин эстеди. “Жиндинин кызы деп айттырбайм” деп бир айылдын эркектерин сестентип койгон Азаматты эстеди. Канча жыл өткөнүнө карабай, миңдеген чакырымды басып келиптир го ал кызына.

– Милицияга чалдыңбы?

– Эмне деп?- өзүнчө ойго батып Тимурдан иренжий түшкөн Айсулуу чочуп кетти.

– Кызымды талашып, уурдап кетип жүргөн мурунку күйөөм кайра келип алыптыр деп да. Эмне деп чалмак элең?

– Жок, чалган жокмун. Сага эле айттым. Анын үстүнө чын эле Азаматпы же башкабы билбей жатам. Айназик айтпай жатат эч нерсени.

– Айназик айтпай жатса, демек, ошол Азаматың да,- Тимурдун Азаматың дегени кулагына чак дей түштү.

– Милицияга чалыш керек.

– Менин атам милициядан коркпойт, уктуңарбы?!- Айназик жанатан булардын кире бериште сүйлөшүп жатканын тыңшап турган болчу. Акыры чыдабай чыга калды.

– Коркпойт менин атам. Ал мени алып кетет. Байэлди алып кетет. Апамды... А сен, Тимур, каласың. Милиция сенин өзүңдү алып кетет.

Экөө тең эмне дээрин билбей калышты. Кыз көзү жашылданып, ыза болуп алган, бирок ошондо да өзүн кармап, тайманбастыгын көрсөтүп сүйлөп жатты.

– Атам мени жакшы көрөт. Ал мени издеп келди. Ал келмек, мен билгем. Анткени атам "сөзсүз келем, мени унутпа" деген болчу. Мен унуткан жокмун. Атам келди.

– Менмин сенин атаң!- кызга эки аттап жетип барган Тимур аны билегинен тартып жиберди.

– Жо-ок. Менин атам Азамат. Ал мага күн сайын келет. Ал таштабайт. Ооруп калганда эле же коркуп жатканда эле келесиң сен Байэлге. Эми ал Байэлге да ата болот,- кыз чындап ачууланып алыптыр. Ыйлап жатып да сүйлөй берди.

– Токтот, тур укта!- кызды силкип түртүп жиберди.

– Атама айтам сени, ал сени урат. Шашпа сени...

– Эй, Тимур, бул эмне кылганың балага теңелип? Алдап көңүлүн алып койбойсуңбу ушундан көрө? Кайра кичине кыздан күчүңдү чыгарасың. Бар, чыгып кетчи. Сени кайдан чакырдым эле?

– Чыгып кет?- жини келе сурады Тимур.

– Ооба, чыгып кет!

Бүгүн ушул сөздү аябай көп жолу угуп коюптур. Адегенде Нуржан, эми Айсулуу.

– Энеңди...- эшик тарс жабылды.


ххх

– Апа, суранам. Милицияга чалбачы, ээ? Мен сага баарын айтып берем,- кыз ыйлап сүйлөп жатты.

– Чалбайм, кызым. Айтсаң, ал келдиби?

– Атамбы? Ооба. Ал мени сагыныптыр, апа. Мен...- кыз ыйлап сүйлөй албай калды. Кантип ушул кичине кыздын сүйүүсүнө татып алган? Айсуулунун башына келген биринчи ой ушул болду.

– Сен ага таарынган экенсиң. "Апаң билип калса, экөөбүз жолукпай калабыз го" деди. Сен бизди жолуктурбай коймоксуң. Сен кечке Тимур, Тимур дей бересиң... Бирок менин атам Азамат да.

– Ал эртең да келеби?

– Ооба.



ххх

Айсулуу атайын жумушунан суранып алып, Айназик мектептен чыкчу мезгилде барып калды. Кыз мектептен али чыга элек экен, бирок аны күткөн Азамат жүрөт. Колунда эскилиги жеткен күрөң мамалак. Дароо эле тааныды аны. Азамат болсо Айсулуу жанына жакындап келгенче байкаган жок. Анын үстүнө азыр Айсулуу өзгөрө түшкөн. Жылдар, түйшүк өзүнүкүн алып жатат...

– Кхм, кандайсың?- өзүнчө ойго батып, мектеп тарапты карап турган Азамат Айсулууну көрө сала чочуп кетти.

– Жакшы. Мен... Мен көрүшкөнгө эле. Мен... Айназик...- алдастап кетти.

– Ачык сүйлөшүп алуу үчүн келдим. Көрүшө берсең болот. Бул Айназиктин суранычы. Ооба, ал чоңойду. Анын сезимдери менен да эсептешиш керек болуп калды. Ал сени ата дегенин койбоду. Сен анын атасы бойдон калдың. Мен уруксат берем. Көрүшүп тургула. Бирок...

– Ооба. Рахмат, Айсулуу. Жок-жок, кам санаба. Мен кызымды эле көрүп турсам болду,- Азаматтын үнүндө бир башкача толкундануу, кубануу бар эле...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Башка сандарда:
Комментарийлер(16)
09.10.2018. 09:23 
Тайпасы:
Жаран
Комментарийлердин саны:
51
Катталган:
27-09-2011
Соӊку аракети:
14-12-2018 15:08
Жынысы:
Белгисиз
Калаасы:
Биш))
+1
Коз жащ..))
09.10.2018. 09:27 
Тайпасы:
Жаран
Комментарийлердин саны:
33
Катталган:
27-07-2011
Соӊку аракети:
21-11-2018 14:43
Жынысы:
Белгисиз
Калаасы:
Москва
+7
Кутуп олтуруп окудумго иштеримди да таштап койуп
09.10.2018. 09:32 
Тайпасы:
Жаран
Комментарийлердин саны:
2
Катталган:
20-07-2018
Соӊку аракети:
14-12-2018 17:21
Жынысы:
Белгисиз
-3
Биринчи мен окшойм.
09.10.2018. 10:11 
Тайпасы:
Жаран
Комментарийлердин саны:
159
Катталган:
06-02-2017
Соӊку аракети:
13-12-2018 17:27
Жынысы:
Белгисиз
Калаасы:
убактылуу жашоодо!!!
+11
"Гаремдеги султандай болуп"-расс болот сага Тимургул
09.10.2018. 10:20 
Тайпасы:
Жаран
Комментарийлердин саны:
7
Катталган:
14-09-2016
Соӊку аракети:
20-11-2018 09:29
Жынысы:
Белгисиз
+1
Тимурга булда аз
09.10.2018. 10:34 
Тайпасы:
Жаран
Комментарийлердин саны:
10
Катталган:
20-06-2017
Соӊку аракети:
08-12-2018 19:10
Жынысы:
Белгисиз
+1
аз,аябай эле аз
09.10.2018. 10:37 
Тайпасы:
Жаран
Комментарийлердин саны:
12
Катталган:
07-03-2017
Соӊку аракети:
13-12-2018 14:09
Жынысы:
Белгисиз
+1
Бирок...Не дейт экен эми,жакшы эле суйлосо экен,Айсулуу да адам болсо экен.
Дагы бир жума кутобуз да ээ.
09.10.2018. 10:40 
Тайпасы:
Жаран
Комментарийлердин саны:
12
Катталган:
07-03-2017
Соӊку аракети:
13-12-2018 14:09
Жынысы:
Белгисиз
0
Бирок...Айсулуудан да жакшы ой- пикир чыгат бекен.Балдары учун ойлорун озгоруро бекен.
Дагы бир жума ойлономун экен да ээ,не деди экен деп.
09.10.2018. 11:54 
Тайпасы:
Жаран
Комментарийлердин саны:
143
Катталган:
13-02-2017
Соӊку аракети:
27-11-2018 18:57
Жынысы:
Белгисиз
0
Азамааат. Кыйынчылыктарды артка таштап жеттин э кызына.
09.10.2018. 12:12 
Тайпасы:
Жаран
Комментарийлердин саны:
52
Катталган:
30-07-2011
Соӊку аракети:
13-12-2018 10:36
Жынысы:
Белгисиз
+5
Ха ха ха комментарий эч жазбайт элем тимурдун көчөдө калганын окуп өллө күлүп жатам
09.10.2018. 13:57 
Тайпасы:
Жаран
Комментарийлердин саны:
8
Катталган:
04-03-2018
Соӊку аракети:
14-12-2018 19:09
Жынысы:
Белгисиз
+1
Жолукканга уруксат берём, бирок кызды уурдап кетпейсин д шарт коет.
10.10.2018. 10:29 
Тайпасы:
Жаран
Комментарийлердин саны:
82
Катталган:
24-08-2012
Соӊку аракети:
14-12-2018 08:10
Жынысы:
Белгисиз
Калаасы:
Ош
0
Ыйлаттыңар кишини...
10.10.2018. 12:25 
Тайпасы:
Жаран
Комментарийлердин саны:
52
Катталган:
17-05-2012
Соӊку аракети:
27-11-2018 13:11
Жынысы:
Белгисиз
Калаасы:
каракоо
0
Эх Азаматжигиттин гулу экенсин го... Автор Сериалды болушунча чоюп, Азаматты сагындырасын...кобуроок жазса болот
12.10.2018. 08:05 
Тайпасы:
Жаран
Комментарийлердин саны:
159
Катталган:
10-03-2016
Соӊку аракети:
11-12-2018 18:48
Жынысы:
Белгисиз
Калаасы:
Кыргызстан
0
Ушул сериалдардын китеби барбы
12.10.2018. 11:51 
Тайпасы:
Жаран
Комментарийлердин саны:
5
Катталган:
14-03-2015
Соӊку аракети:
14-12-2018 13:03
Жынысы:
Белгисиз
0
ыйлаган смайлик
14.10.2018. 05:44 
Тайпасы:
Жаран
Комментарийлердин саны:
10
Катталган:
22-02-2009
Соӊку аракети:
15-12-2018 03:19
Жынысы:
Белгисиз
0
Ухх Бир дем менен окуп чыктым. Бирде кайгырып бирде кубанып жатып. Муну окуйм деп жатып электричкада аялдамадан отуп кетипмин Москваны Бир айланып келдим. )))
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21592;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: