200 МИҢ ДОЛЛАР ПАРА МЕНЕН КАРМАЛГАН ПРОКУРОР БОЮНЧА ТЕРГӨӨ БҮТТҮ

"200 миң доллар пара алды” деп кармалган Башкы прокуратуранын кызматкери Улан Чалбаевге ачылган кылмыш иши боюнча тергөө бүттү. УКМК тийиштүү материалдарды Башкы прокуратурага өткөрүп бергенин кабарлады.

Ушул жылы апрелде Башкы прокуратуранын Прокурорлордун соттордогу ыйгарым укуктарын камсыздоо башкармалыгынын жетекчиси Улан Чалбаев 200 миң доллар пара алып жаткан жеринен кармалганын УКМК кабарлаган. Кылмышка шектүү тергөө бүткүчө камакка алынган. Ага Кылмыш-жаза кодексинин 313-беренеси – пара талап кылуу боюнча кылмыш иши ачылып, тергөөнү УКМК жүргүздү. 2016-жылы 100 миң доллар пара алып жатканда кармалган Башкы прокуратуранын кызматкери Кылычбек Арпачиев 14 жылга эркинен ажыратылган. Мыйзам баарына бирдей иштесе, анда Чалбаевдин жазасы да Арпачиевдикинен жеңил болбошу күтүлөт.

Автандил Добулбеков
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 833, 19-25-октябрь, 2018-жыл