Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КАРТАЙГЫҢ КЕЛБЕСЕ, ЖАШЫЛЧА-ЖЕМИШ МАСКАЛАРЫН КОЛДОН!

№400 2-8-июль, 2010-ж.


Ден соолук жана сулуулук

Жашылча-жемиштерден жасалчу маскалар беттеги тактарды кетирип, терини чың көрсөтүп, майда бырыштардан арылтат жана агартат. Андыктан бет териси үчүн кам көрүүнү унутпоо кажет.

БЕТТИ ДАЯРДОО
Масканы колдонуудан мурун чач жүдөтпөшү үчүн жоолук салынып, бетти жууп, макияжды кетирүү керек. Анан пахтадан жасалган сүлгүнү ысык сууга салып, аны менен бетти бир азга жаап туруу зарыл. Бул беттин тешикчелерин кеңейтип, маскадагы керектүү заттардын жакшы сиңишине шарт түзөт.

ЖЕМИШ МАСКАЛАРЫ
Мындай маскалар аптасына 1-2 ирет жасалып, жалпысынан 15-20 күн аралыкты камтыйт. Абдан кургак беттер үчүн маскаларга айран, каймак, жумуртканын сарысын же бал кошуп коюу талапка ылайык. Масканы бетке коюу убактысы – 15-20 мүнөт.
Өрүк. Ширеси жана жумшак эти кандай типтеги тери болбосун жагымдуу. Сергитип, жашартып, бырыштарды канчалык бир деңгээлде жазат. Теринин кургап кетүүсүнүн алдын алып, серпилгичтигин жогорулатат. Маска үчүн ичке кесилген тилимин колдонуу жакшы.
Шабдалы. Жемиштин ширеси же кесими калыптагы бет терисин сергитет, серпилгичтигин сактайт. Ал үчүн шабдалыны эзип, бетке 15 мүнөт коюп, анан жууп салуу жетиштүү. Эгер тери майлуу болсо, анда шабдалы боткосуна 1 чай кашык картошка крахмалын кошуп коюу оң.
Жүзүм. Бул жемиштен жасалган маска бардык типтеги терини азыктандырып, нымдандырып жана жылмакай кылат. Жүзүмдү эзип, ширесин бетке жана моюнга сүртүү кажет. 15 мүнөттөн соң муздак суу менен жуулат.
Карагат. Терини азыктандырып, тери тешикчелерин кичирейтет. Кургак беттер үчүн карагатты эзип алып, үстүнө 1 чай кашыктан бал жана каймак кошуу ылайыктуу.
Майлуу беттер үчүн карагат боткосуна 1 чай кашык сулунун унун кошуу керек.
Лимон. Майлуу бетти сергитип, жа­гымдуу көрүнүшкө келтирүү үчүн лимон ширеси жана каймак керек. 1 чай кашык лимон ширесине 1 чай кашык каймак кошулуп, аралаштырылат. Маска бетке 15 мүнөт коюлат.

Алма.

  • Терини сергитип жана жашарт­кыңыз келсе, анда алманы майдалап туурап, 50 грамм сүткө кайнатыңыз. Анан алманы толук эзип, алма-сүт боткосун бетке жабыңыз. Бул бетти тазалап, азыктандырат жана терини витаминдер менен камсыз кылат.
  • Бетти азыктандырып, тышкы таасирлерден улам теринин дүүлүгүүсүн (кычышуусун, бүдүрөйгөнүн ж.б.) кетирүүдө колдонулуучу маска. 1 алманы сүргүчтөн өткөрүп, үстүнө 1 чай кашык зайтун майын (же каймак) кошуңуз да, бетке жабыңыз.

Кулпунай. Бет терисин тазалап, азыктандырып, агартат. Кан тамырларды ичкертет, кызарууну кетирет. Майлуу тери үчүн кулпунайдын өзүн эле эзип, бетке шыбоо жетиштүү.
Териси абдан сезимтал жана абдан кургактар эзилген кулпунайдын үстүнө 2 чай кашык бал, 1 чай кашык быштак кошуп коюулары керек.
Дан куурай. Дан куурайды эзип, 1 чай кашык бал кошуп аралаштырып, бетке жабуу кажет. Бул бардык типтеги терилер үчүн колдонула берет.
Банан. Бананды эзип, ага 1 чай кашык каймак кошуп аралаштырса, маска үчүн ботко даяр (майлуу, кургак жана сезимтал тери үчүн).
Мандарин. Бул өзгөчө бет териси картайып бараткандар үчүн жакшы. Эзилген мандариндин үстүнө 1 чай кашык быштак, жарым чай кашык зайтун майы кошулат. 15-20 мүнөттөн соң алгач жылуу, артынан муздак суу менен жуу керек.
Анар. 2 аш кашык анар ширесине 1 чымчым күрүч уну кошулат. Бетке коюлган соң кадимкидей эле жуулуп салынат. Жаштар да, улуулар да колдонсо боло берет.

ЖАШЫЛЧАДАН ЖАСАЛЧУ МАСКАЛАР
Бадыраң. Мунун маскасы бетти азыктандырып, тазартат жана агартат. Жылмакай кылып, нымдандырып, беттин кызарганын кетирет. Мындан тышкары тери тешикчелерин кичирейтет. Тегерекче кылып кесип алып, бетке жабуу керек. Же бадыраңды эзип, анан жабуу кажет.
Картошка. 2 картошка сууга бышырылып алынат. Аны эзип, ага 1 жумуртканын сарысы, 1 чай кашык глицерин, 3-4 тамчы зайтун майы жана бал кошулат. Бетке 15 мүнөт койгондон соң жуулуп салынат. Маска картайып бараткан тери үчүн колдонулат. Теридеги зат алмашуу жакшырып, анча-мынча бырыштар жазылат.
Помидор. Майлуу терилер үчүн өзгөчө пайдалуу. Ал терини майлардан арылтып, тешикчелерин кичирейтет. Клеткалардын бат калыбына келишине шарт түзүп, терини жибектей жылмакай кылат. Маска үчүн помидорду эзип алып, бетке жабуу керек.
Капуста. Мындан жасалган маскалар бардык типтеги терилер үчүн колдонула берет. Капуста терини жумшартып, азыктантат. Сергитип, тазалап, агартат. Капустаны өтө майда туурап, ширесин сыгып алып, бетке жабыңыз. Анан жылуу суу менен жууп салыңыз.
Сабиз. Сүргүчтөн өткөрүлгөн сабиз бардык типтеги терини жазып, бетке эндик сымал күлгүн өң берет. Андыктан жүзү купкуу адамдар бетин сабиз ширеси менен сүртүп жүрсө жакшы.
Болгар калемпири. Фосфор, магний, темир жана кальцийге бай болгондуктан, бул жаатта карагат жана лимонду басып өтөт. Калемпирдин ширесин кургак жана картайып бараткан терилер үчүн колдонсо жакшы.
Кызылча. Бетти сергитип, өңүн жакшыртат. Сепкилдүү жана тактары бар беттер үчүн колдонсо жакшы. Маска үчүн, болгону, чийки кызылчаны эт тарткычтан өткөрүп, боткосун бетке жабуу керектелет. Бышкан кызылчаны деле ичке, тегерек кесип алып бетке жапса болот.


Билип ал

ТАБИГЫЙ МЕДИЦИНАНЫН БАГЫТТАРЫ

  • Анималотерапия – жаныбарлар менен байланышта болуу аркылуу дарылоо
  • Апитерапия – бал аарыдан алынган заттарды (бал, чайыр ж.б.) колдонуу аркылуу дарылоо
  • Аэрофитотерапия – дары чөптөрдүн эфир майларын колдонуп дарылоо
  • Гелиотерапия – күн нурунун жардамы менен дарылоо
  • Дендротерапия – дарактар менен байланышта болуу аркылуу дарылоо
  • Ландшафтотерапия – аймактагы кооз жерлердин жардамы менен дарылоо
  • Фитотерапия – чөптөр менен дарылоо
  • Флоротерапия – гүлдөр менен дарылоо
  • Фунготерапия – козу карындар менен дарылоо
  • Хронотерапия – биологиялык ритмдерди активдештирүү аркылуу дарылоо

Канымжан Усупбекова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
05.07.2010. 14:44 
Тайпасы:
Жаран
Комментарийлердин саны:
20
Катталган:
28-07-2009
Соӊку аракети:
22-06-2018 15:44
Жынысы:
Белгисиз
0
рахмат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: