НУРАЙЫМ АЗЫКБАЕВА МЕНЕН НАЗБЕК КЕНЧИНБАЕВ ЭЛ АРАЛЫК СЫНАКТА БАШ БАЙГЕГЕ ЭЭ БОЛУШТУ

54 музыкалык аспапта кол ойноткон таланттуу музыкант Курмангазы Азыкбаевдин кызы Нурайым Азыкбаева менен күйөө баласы Назбек Кенчинбаев Кыргыз өлкөсүнүн атынан Казань шаарында өткөн эл аралык “Факел” сынагынан байгелүү кайтышты. Бул тууралуу кененирээк маалымат алуу үчүн комузчу Назбек мырзага кайрылдык:

– Эки жылда бир таланттардын башын бириктирип турган сынак 3-күн болуп, жалпысынан ырчылык жана музыкалык аспаптарда кол ойнотуу боюнча 700 катышуучу ат салышты. Бул сынакка биринчи ирет катышканыбызда жубайым Нурайым скрипкада, мен комузда кол ойнотуп, 2-орунду алганбыз.

Быйыл кыргыздын улуттук музыкалык аспабы комуз менен композитор Атай Огонбаевдин “Ак тамак, көк тамак” күүсүн аткарып, баш байгени жеңип алдык. Калыстар тобунда Орусиянын аттуу-баштуу адамдары отурушту. 200 миң сом акчалай сыйлык берилди. Бул каражатты чыгармачылыгыбызга жумшайбыз. Андан сырткары келе жаткан жылдын май айында Сочи шаарында өтө турган чоң масштабдагы сынакка жолдомо алдык.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

vikidiki

2018-10-30 09:44:02

Куттуктайбыз!

Aikan1966

2018-10-30 13:06:18

Куттуктайбыз,ийгилик.

Anzhela

2018-10-30 22:42:48

Куттуктайбыз, браво

Talantbek80

2018-10-31 03:02:10

Ийгилик азаматсынар

Kymbatym

2018-10-31 08:29:33

ушул сынакта ырдоо боюнча биздин ырчы катышты го ошол ким эле?адашпасам ал 1-же 2-орунга татыды го атын таппай атам

Комментарий калтыруу үчүн өз ысымыңыз менен кириңиз же каттоодон өтүңүз.

№ 834, 26-октябрь - 1-ноябрь, 2018-жыл