БИР БҮРКҮМ. АЛБЕК ИБРАИМОВ 2 АЙГА КАМАКТА КАЛДЫ...

  • 9 айда миграциялык мыйзамды бузган 4 миңдей чет өлкөлүк жаранга 35 МИЛЛИОН СОМ айып салынганын ИИМ билдирди.
  • Кыргыз-Казак чек арасынан "Кызыл китепке" кирген ЫЛААЧЫНДЫ МЫЙЗАМСЫЗ алып өтүп бара жаткан казак жараны кармалды.
  • Айлана-чөйрөнү коргоо жана токой чарба агенттиги: "МӨҢГҮЛӨРДҮН КӨЛӨМҮ азаюуда, бирок канча пайызга азайганы белгисиз".
  • Биринчи Май райондук соту экс-мэр АЛБЕК ИБРАИМОВду 28-декабрга чейин камакта калтырды.
  • 9 айда өлкөдө 23 МИҢГЕ ЖАКЫН кылмыш иши катталып, 15 миңден ашык кылмыштын бети ачылган.
  • Биринчи вице-премьер Кубатбек Бороновдун айтымында, кышка карата ооруканалар менен мектептердин 20-30 ПАЙЫЗЫНА көмүр жеткириле элек.
  • Кыргыз-Өзбек ЧЕК АРАСЫН ТАКТОО боюнча өкмөттөр аралык жумушчу топтордун кезектеги жыйыны ноябрь айында Кыргыз өлкөсүндө өтөт.
  • “2016-2017-жылдары президент АКЫЙКАТЧЫНЫ БИР ДА ЖОЛУ кабыл алган эмес” дейт акыйкатчынын орун басары Гүлнара Жамгырчиева.
  • Жыл башынан бери Кыргыз өлкөсү Өзбекстанга 399 МИЛЛИОН КИЛОВАТТ электр энергиясын экспорттоп, 16,5 миллион доллар киреше түшкөнү маалымдалды.
  • ИИМ: "9 айда өлкөдө уюшкан кылмыштуу топтордун 181 МҮЧӨСҮ кармалды".
  • Жыл башынан бери өлкөдө 75 МИҢ АДАМ сүйүнчү пул алганы расмий маалымдалды.
  • Бишкекте жүргүнчү ташыган автобустарга ВИДЕОКӨЗӨМӨЛ ОРНОТУЛУУДА. Бул тууралуу Бишкек мэриясынан кабарлашты.
  • "Өлкөдөгү эгин талааларын зыянкеч курт-кумурскалардан арылтууга 10 ТРАКТОР ЖАНА 15 УНАА жетишип жатат",- дейт айыл чарба министринин орун басары Жаныбек Керималиев.
  • Бишкек жылуулук ЭЛЕКТР БОРБОРУ 60 пайыз жергиликтүү көмүрдү, 40 пайыз Казакстандын көмүрүн пайдаланууда. Бул тууралуу биринчи вице-премьер Кубатбек Боронов билдирди.
  • Өкмөт быйыл ЭЛЕКТР ЭНЕРГИЯСЫНЫН БААСЫ көтөрүлбөй турганын билдирди.

Афтандил Добулбеков

politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
№ 834, 26-октябрь - 1-ноябрь, 2018-жыл
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА