Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ӨЛҮМДҮН ҮЧ ТҮСҮ (Миллионердин акча үчүн болгон курмандыгы, өлүмү, сүйүүсү тууралуу сериал)

№835 2-8-ноябрь, 2018-жыл


(Башталышы өткөн санда)

– Муну ким анча?

– Маша уруптур.

Маша аялдар колониясын кармаган күржүйгөн орус аял болчу. Анын айтканы айткан, дегени деген эле.

– Акмак!- деп күбүрөнүп алды ичинен.

Зирек ошол түнү эсине келди.

– Суу...- деди эрдин кыбырата.

– Ким кылды муну сага? Арыз жазышың керек!- деди Зирек сууну ичип бүткөн соң ага Алим. Зирек аны тиктеп турду. Дили ооруп кетти. Мындай таза көз карашты көрбөгөн экен. Андан да таң калычтуусу, түрмөдө камалып, бирок ушундай көз карашты сактап калыш акылга сыйбаган иш эле. Жүрөгү дагы бир алып учту. Андан аркысы да акылга сыйбаган иш болду. Зиректи сүйүп калды. Жубайы, баласы бар эле. Жүрөктө жалын болбосо эч нерсе болбойт экен, акыры ажырашты. Зирек деди жүрөгү! Эркиндикке чыкканда үйлөнүп алышты. Сокулуктагы айылда жашаган аксаган киши менен арыкчырай аялдын жашоосунда дагы далай сырлар катылган эле.

ххх

Элина жумуштан чарчап келе жаткан. Зирек эрте чыгып балдарды бакчадан алып үйүнө бармак. Үйүнө жете турган бурчтан апыр-тапыр эки сомодой жигит пайда болду. “Ай, силер кимсиңер?” деп кыйкырганга үлгүрдү келин. Оозун бекем басып акырын бычак такады бири.

– Тсс, сен кимге согуш ачып жатасың?

Чакчайган көздөрү коркунучтуу эле.

– Эмкиси балдарың болушу мүмкүн. Эсиңди жыйгын дагы, арызыңды кайра ал, уктуңбу?- демите берген тиги келинди муунта кармады.

– Оозун бошотчу,- деди экинчиси.

– Сен бизди жакшы түшүндүңбү?

– Жок, арызымды албайм. Күйөөмдүн өлүмүнө жооп берет ким болсо да. Коркпойм мен силерден...- деди келин энтиге.

Ушуну эле күтүп тургансып бири ыргыта чапты келинди. Жыгылып кетти. Жердеги муздун сыныгына тийдиби, бетинен кан жайыла берди.

– Сага эскерттик!- деп тигилер караңгыга сиңип жоголушту.

Элина ордунан араң турду. Энтигип отуруп калды. Өмүрүндө бирөөдөн таяк жегени ушу. Ызасына муунуп турду. Бирок ыйлаган жок. Коркподу дагы. Болгону Аман чындап киши колдуу болгонуна эми чындап ишенди.

Анткени өткөнкү жумада Аман каза болгон ооруканага барып келишкен эле Жаныбек экөө. Эч бири Аман тууралуу теманы ачкысы келбеген. Бир гана орус улутундагы картаң пол жууган санитар кемпир кетип бара жатканда четке тартты.

– Аман Алымбеков тууралуу айтып жатканыңарды уктум. Мен...- деди шыбырай.

– Ооба...- деди шыбыраган Жаныбек.

– Ишим бүткөнчө күтүп тургула, анан чыгам,- деди кемпир. Бөжөңдөй баскан кемпир алдыга түшүп алып чакан сейил бакка келди.

– Кана, эмнени билесиз?

– А силер канча бересиңер?- деди көк көзүн күлүңдөткөн кемпир. Бекер айтпашы белгилүү эле, Жаныбек чөнтөгүнөн акча алып чыгып карматты.

– Мен ошол күнү дежур элем. "Миллионер экен, укмуш киши экен" дешти. Атайы учак менен борборго алдырып кетишкенче ушу жерде болду. Негизи ал ооруканага уулануу менен түштү.

– Уулануу?

Элина менен Жаныбек бирин-бири таң кала тиктеп алышты.

– Ооба, кечке кусуп жатты байкуш. Алгач ашказанына зонт жуткуруп тазалашты, бирок кеч болуп калган окшойт. Мен полду жууп жүрсөм күбүрөнүп жатты. “Үй-бүлөмө тийбе, мени эмне кылсаң ошо кыл” деп жаткан экен.

Элина ыйлап жиберди.

ххх

Жүзү кан болуп кирип келген Элинаны көрүп Зирек ордунан ыргып турду.

– Кызым!

Жүрөгүнөн атылып чыкты бул нерсе. Карбаластап кетти.

– Коркпоңуз, Седеп эже, мен мындай жөн эле...

Чырылдап ыйлап жиберген балдарын карап Элина жылмайганга окшош бир нерсе жаратты.

– Апа, эмне болду?- деди кызы үрпөйүп.

– Жыгылып кеттим, кызым, азыр жуунуп келейин...

Араң чыгып кранга жуунуп бүтүп маңдайындагы күзгүгө карады. “Мен жеңилбейм!” деди ичинен. Эрдемсиген бир күч пайда болду.

– Ким булар?- деди балдар жаткан соң Зирек.

– Күйөөмдүн душмандары...

– Элина, сен...

– Сиз эч нерсе билбейсиз, эже, андыктан унчукпаңыз,- зирк этти Элина. Ызасы көкүрөгүндө чыңалып турганын байкаса да Зирек унчукпай коё албады.

– Сенин балдарың бар, бул иштен алыс турсаңчы, деги эле эки жылдан бери соттун эшигин жыртып бүтүпсүң. Баары бир адилеттик жок. Ким күчтүү болсо ошонун сөзү...

– Анан эмне кылайын, ия? Жөн гана “силер ушундай кыйынсыңар” деп кол куушуруп отуруп беремби? Балдарымдын атасын өлтүрттү алар, менин жашоомду тозокко айлантты! Билесиңби, Адам шоколад жакшы көрөт. Алия болсо ага шыбырап “апамдын акчасы жок, эмкиде алабыз, сен ыйлаба” деп жоошутат. Айрым учурда мен балдарга нан таба албай калган учурларым болот. Баарынан оору эмне, билесиңби? Балдарды жалгыз өстүрүү кыйын эмес, аларды бутуна тургузгандан да коркпойм. Алар “менин атам эмне болду эле?” десе жооп бере албай калгандан корком. Анткени алардын атасынын жашоосун, чыныгы жашоосун өзүм да билбейм. Ошондуктан эмне болсо да мен арызымды кайтарып албайм.

– Анда балдар эмне болот? Сага бир нерсе болсо...

– Сен барсың!

Элина жерди тиктеп отуруп ушинтип айтты. Айтты да терс бурулуп сыртка чыгып кетти.

Эртеси Зиректин жүзүнө карай албай жатты. Кечээ сен деп сүйлөгөнүн, кагып-силкип салганын эстеди. Экөө жумушка жакындаганда гана күнөөлүү тиктеп бурк этти.

– Эже, кечириңиз, мен туура эмес кылдым. Акыркы күндөрү эмне болуп жатканымды түшүнө албай жатам. Бир билгеним кайдыгер жана текебер тиктеп өтүп кеткен Амандын мурунку аялы. Ар бир сотто утулган сайын жанымдан жеңиштүү өтүп кетет. Бирок көрөсүң жакында...

– Келчи бул жерге отуралы.

Жолдон бура бир отургучка отурушту. Зирек Элинанын колдорун алып көзүнө тике карады.

– Жүрөгүң ачышып турат, билем. Бирок ыза көздүүнү көр кылат. Көкүрөгүңдү суутмайынча ызаң сени далай жерге алып барат. Өзүмдөн билем. Ошондуктан суутканга аракет кылып жатам.

– Жанымда болуңуз, ошол мага жетет.

Элина өзүнөн-өзү Зиректин ийинине башын койду. Ушу калыбында алар үн-сөзсүз көпкө отурушту.

ххх

Биринчи сот. Жаныбек күбө катары орус санитарды алып келди. Муну эч ким күткөн эмес. Мукактанып айтып жаткан күбөнүн сөздөрү булар эле.

– Аман ооруканага уулануу менен түшкөн. Полду жууп жатканымда “үй-бүлөмө тийбегиле, мага эмне кылсаңар да” деп жөөлүп жатты. Уйку-соонун ортосунда дагы бир фамилияны айтты. Мээме жара чыккыр, эстей албай жатпайымбы. Белгилүү эле фамилия.

Тилинин учунда турган фамилия! Кемпир багына эстей албай койду. Бирок соттук отурумда отургандардын ар бирине ким экени белгилүү эле. Бул Элинанын согушунун ачылышы болчу.

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Башка сандарда:
Комментарийлер(6)
06.11.2018. 09:15 
Тайпасы:
Жаран
Комментарийлердин саны:
7
Катталган:
13-10-2012
Соӊку аракети:
18-11-2018 13:46
Жынысы:
Белгисиз
Калаасы:
osh
0
ото аз го
06.11.2018. 09:45 
Тайпасы:
Жаран
Комментарийлердин саны:
149
Катталган:
10-03-2016
Соӊку аракети:
13-11-2018 22:50
Жынысы:
Белгисиз
Калаасы:
Кыргызстан
+2
Аман болсо кен уй булоосу
06.11.2018. 21:57 
Тайпасы:
Жаран
Комментарийлердин саны:
152
Катталган:
10-01-2015
Соӊку аракети:
06-11-2018 21:57
Жынысы:
Белгисиз
0
Кызыктуу болуп кеттиго биягы
08.11.2018. 15:39 
Тайпасы:
Жаран
Комментарийлердин саны:
6
Катталган:
21-01-2017
Соӊку аракети:
18-11-2018 15:41
Жынысы:
Белгисиз
0
Аман тирүү
12.11.2018. 18:21 
Тайпасы:
Жаран
Комментарийлердин саны:
1
Катталган:
09-08-2018
Соӊку аракети:
18-11-2018 12:35
Жынысы:
Белгисиз
0
Коптон эле жазгылачы
12.11.2018. 21:50 
Тайпасы:
Конок
Комментарийлердин саны:
1
Катталган:
12-11-2018
Соӊку аракети:
18-11-2018 13:00
Жынысы:
Белгисиз
0
Бара бара кызып баратат го Аман тируу болсо жакшы болот эле.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 4 колдонуучу (Катталган: 0, коноктор: 4) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: