Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«КАЙДИГЕРЛИГИ ҮЧҮН ДАРЫГЕР ЖООПКО ТАРТЫЛАБЫ?»

№400 2-8-июль, 2010-ж.


– Мен II топтогу майыпмын. 8 айымда кулап, бутум чыгып кетиптир. Дарыгерге алып барышса, ал менин бутумду туура эмес салып койгон экен. Бутум кыйшык бүтүп калгандыктан, чоңойгондо кайра сындырып, түздөтүүгө аргасыз болдум. Бирок экинчи дарылаган дарыгерим да жасалма сөөктү туура эмес коюп, жараатым ырбап кетти. Ушул күнгө чейин 11 оор операцияны башымдан өткөрдүм.
Менин берейин деген суроом: дарыгерлер кайдигер мамилелери үчүн жаза алышабы? Мен кайрадан алардын бирин таап, сотко берсем болобу? Сот менин оорума кеткен каражатымды дарыгерден өндүрүп алганга жардам бере алабы? Шахрезада, Бишкек шаары.

– Эгерде дарыгер профессионалдык милдетине кайдыгер мамиле жасап, анын кесепетинен адамдын ден соолугуна орчундуу зыян келтирилсе, сот жообуна тартылат. Бул үчүн төмөнкүдөй жагдайлар болушу керек:

  1. “Дарыгердин кайдыгерлигинен адам ден соолугунан ажырап, эмгектенүү мүмкүнчүлүгүн жоготту” деген медициналык далил-тыянак болсо;
  2. Болуп өткөн окуядан үч жыл өтпөсө.

Жогоруда берилген далилдер болсо, дарыгердин үстүнөн арыз менен сотко кайрылса болот. Демек, операция жасатканыңызга 3 жыл боло элек болсо, сиз ден соолугуңуз үчүн кеткен моралдык жана материалдык чыгымдарды өндүрүп ала аласыз.


«КЫЛМЫШКА ШЕКТҮҮ АДАМ КАНЧА КҮН КАРМАЛАТ?»

– Саламатсыздарбы, редакция! Жакында биздин айылдагы тойдо мас балдар бир жигитти сабап өлтүрүп коюшкан. Милиция кызматкерлери шектүү деп 11 баланы кармап алып кетишти. Анын ичинде менин да агам бар. Арадан беш күн өттү. Кармалган жигиттерди же бошотушпайт, же күнөөсүн далилдешпейт. Алардын үстүнөн кылмыш иши козголгонун же жөн эле жатканын билбейбиз.
Сурайын дегеним, “кылмыш жасады” деп шектелген адам канча күн камакта жатыш керек? Улан,
Чүй облусу.

– Эгерде адам кылмышка шектелип милиция тарабынан кармалса, КРнын Кылмыш-процессуалдык кодексинин 39-беренесине ылайык, шектүүгө 48 сааттын ичинде күнөө коюлуп, кылмыш иши козголушу керек. Эгер буга жетиштүү далилдер болбосо, ал адам ошол убакыттын ичинде камактан бошотулууга тийиш. Беш күн бою кылмышты далилдебей же коё бербей жатышканы мыйзамга туура келбейт. Сиз бул тууралуу райондук сотко арыз менен кайрылсаңыз болот.


«БАЛАМДЫН АТЫ-ЖӨНҮН ӨЗГӨРТКҮМ КЕЛЕТ»

– Күйөөм менен бирге жашабай калганыма көп убакыт болду. Бирок ортобузда кызыбыз бар. Ал азыр 5 жашта. Учурда жолдошумдун кайда жүргөнүн билбейм. Анын биз менен байланышы жок, эч качан кызымды багууга, тарбиялоого көмөк көрсөткөн эмес. Андай атанын фамилиясын кызымдын алып жүрүшүн каалабайм. Кызымдын фамилиясын өзгөртүп, өзүмдүкүнө жаздырайын дегем. Бул мүмкүнбү? Айгүл, Балыкчы шаары.

– Мыйзам боюнча, Үй-бүлө кодексинин 64-беренеси төмөнкү шарттарда баланын фамилиясын өзгөртүүгө жол берет:

  1. Баланын ата-энеси чогуу жашабаса, экинчиси жубайлардын ата-энелик укугунан сот аркылуу ажыраса;
  2. Атасы же энеси белгисиз болсо, анын кайсы жерде жүргөнүн аныктоо мүмкүн болбосо;
  3. Экөөнүн бири “психикалык жактан жабыркаган, өз жоругуна жооп бере албайт” деп табылса;
  4. Жубайлардын бири баланы багууга материалдык, моралдык жардам көрсөтпөсө жана тарбиялоодон баш тартса.

Жогорудагы далилдер болгондо гана ошол адамдын макулдугу жок эле балдарга кам көрүү органы аркылуу баланын фамилиясын өзгөртүүгө болот. Бул маселени чечүүдө баланын кызыкчылыгы, ою мыйзам боюнча 10 жашка чыккандан баштап эске алынат.


«ТИЛ КАТТЫН КАНЧАЛЫК КҮЧҮ БАР?»

– Мен өзгөчө жагдайга туш болуп отурам. 1993-жылы Нурбек аттуу таанышымдын үйүн сатып алган элем. Мен акчасын берген менен, ал мага үйдү каттаткан эмес. Болгону, тил кат жаздырып калгам. Ошол эле жылы ал үйгө көчүп барып жашап калдым. Бирок экөөбүздүн ортобузда “сатуу жана сатып алуу келишими” түзүлгөн эмес. Арадан көп убакыт өтпөй Нурбек автокырсыкка туш болуп, кайтыш болуп калды. Үй азыр анын наамында. Үйдү өз наамыма котороюн деп Нурбектин мураскери, тууган-туушкандарын таппай жатам.
Суроом: учурда жашап жаткан турак жайды кантип өзүмө каттатып алсам болот? Тил каттын канчалык күчү бар. Алтынбек, Бишкек шаары.

– Чындыгында эле өзгөчө жагдай экен. Сиз өзүңүз жашаган райондун сотуна доо арыз менен кайрылышыңыз керек. Сот Жарандык кодекстин 181-беренесинин 2-пунктунун негизинде “сатуу жана сатып алуу келишими түзүлгөн” деп чечим чыгарып бериши мүмкүн. Бирок ал үчүн бир катар далилдер керек.

  1. Сизге Нурбек жазып калтырып кеткен тил каттын түп нускасы (көчүрмөсү жарабайт);
  2. Нурбектин каза болгондугу тууралуу күбөлүктүн көчүрмөсү;
  3. Кайсы мөөнөттөн баштап бул турак жайда жашап жаткандыгыңыз тууралуу маалымдама.

Мына ушул документтерди даярдап алып сотко кайрылсаңыз, иш сиздин пайдаңызга чечилишине мыйзамдуу мүмкүнчүлүк бар.


«ОРУСИЯНЫН ЖАРАНЫ БОЛГОН КҮЙӨӨМ МЕНЕН КАНТИП АЖЫРАШАМ?»

– Менин жолдошум Орусиянын жараны, бирок учурда Кыргызстанда жашайт. Ортобузда эки балабыз бар. Орчундуу себептер менен мындан ары үй-бүлө болуп жашай албай калдык. Мен ажырашуу үчүн кайсы сотко кайрылып, кандайча ажырашып, балдарга алимент кестирип алсам болот? Гүлай, Каракол шаары.

– Бул жерде эч кандай деле маселе жок. Кыргыз Республикасынын Жарандык кодексинин 370, 28-беренелеринин негизинде, чет мамлекеттик жарандын Кыргызстанда жашаган жери белгилүү болсо, ошол райондук сотко кайрылыш керек. Андан тышкары өзүңүз жашап турган райондук сот дагы ажырашуу маселесин чечүүгө укуктуу.

Окурман, сиз укуктук жактан коргоого муктажсызбы? Анда биздин «Юристтин кеңеши» рубрикабыз кызматыңызда. Сиздин тынчыңызды алган суроолорго тажрыйбалуу мыкты адистер жооп беришет. Кат жазыңыз, кеңеш сураңыз! Байланыш телефону: 32-33-26


Сиздердин су­роо­ңуздарга Жогор­ку Соттун судьясы (1990-1994-жж.),
Башкы прокурордун орун басары (1994-1999-жж.) болуп иштеген,
учурда “Статут” юридикалык компаниясынын президенти,
профессор НАЗАРКУЛ БОПОЕВ жооп берди.
Дареги: Турусбеков көч. 86. Байланыш тел: 0543 94-05-90

Нуржамал Жийдебаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(1)
10.07.2010. 21:35 
Тайпасы:
Кыймылы жок
Комментарийлердин саны:
70
Катталган:
30-12-2007
Соӊку аракети:
15-08-2014 11:44
Жынысы:
Белгисиз
Калаасы:
..:Жалган дүйнө:..
0
Кайдигерлиги үчүн билбейм, бирок кайдыгерлиги үчүн тартылышы керек!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: