ЖЫЛДЫЗ ТӨЛГӨ 19-НОЯБРДАН 25-НОЯБРГА ЧЕЙИН

Астролог Жанар Кадыралиев сунуш кылат.

КОЙ (21.03-20.04)

Башка жактык өнөктөш, текшерүү органдары, куда-сөөктөр менен болгон мамиле өзгөрүлүп турмакчы. Курбу, кесиптештер менен жакшы тил табышасыз. Акча табууга болгон аракетиңиз күчөйт. Башкысы өзүмчүл болбоңуз.

БУКАЧАР (21.04-20.05)
Кире турган киреше акчалай же буюм түрүндө болушу мүмкүн. Кирешеге ээ болуу үчүн өкмөт адамдарына же жетекчиликке кайрылууңуз күтүлүүдө. Эл менен алака кылууда токтоо болуңуз. Таарынычтар чыгышы ыктымал.


ЭГИЗДЕР (21.05-21.06)
Бул аптада көп карым-катнаш жасайсыз. Айрым адамдар менен мамилеңиз курчуса, айрымдары жакшы мамиле жасашат. Таанышуулар күтүлүүдө. Сунуштар түшсө четке какпаңыз. Кызматтагылар тараптан бут тосуулар болсо капаланбаңыз.

БӨЙӨН (22.06-22.07)
Аптада кесиптештердин эки топко бөлүнүп калганын байкайсыз. Биринчи топ сизди колдосо, экинчиси, тескерисинче, сизге каршы чыгат. Андыктан ийкемдүү болуп, токтоолук көрсөтүңүз. Ошентсеңиз колуңузга акча тийиши да мүмкүн.

АРСТАН (23.07-23.08)

Балдарыңызга мамиле кылууда педагогдук сапаттарды көрсөтүңүз. Антпесеңиз ортодо таарынычтар күчөп, сиз күнөөлүү болуп каласыз. Жан шериктер ортосунда сезимдер күчөйт.

БИЙКЕЧ (24.08-23.09)
Үйүңүзгө конок келет. Үйдөгү атмосфера кээде жакшы, кээде чыңалуу абалында болот. Андыктан токтоо болууга аракет жасаңыз. Жакындарыңыздын урматына ээ болосуз. Жумуш жакшы жүрөт.

ТАРАЗА (24.09-23.10)
Кыска мөөнөттүү сапарга чыгасыз. Унааны бир ирет текшерүүдөн өткөрүп алыңыз. Кошуна, жакын туугандар менен алакалар көп болот. Акча, буюм маселесине көңүл бурасыз. Үйдөгүлөрдүн мамилеси же эс алуу маанайыңызды көтөрөт.

ЧАЯН (24.10-22.11)
Акча табууга көбүрөөк аракет жасайсыз. Киреше кирет, чыгым да чыгат. Киреше көп кириши үчүн ата-энеңиз же жакын туугандар менен тыгыз байланышта болуңуз.

ЖААЧЫ (23.11-21.12)

Көпчүлүктүн көңүл борборунда болосуз. Кошуна, жакын дос же бир туугандар менен чогуу иш алып барсаңыз, ишиңиз илгерилейт. Үй чарбага тийиштүү маселелерди чечүүдө тоскоолдуктар жаралат.

ТЕКЕЧЕР (22.12-20.01)
Жабык типтеги мекемелерге барууга туура келет. Купуя иш-аракеттерди жасайсыз. Түшүнүксүз нерселер ачыкталат. Кошуна, бир тууган, жакын дос менен баарлашууда токтоо болуңуз. Акча аласыз.

СУУ КУЯР (21.01-19.02)

Курбу, өнөктөш менен чогуу иш алып барасыз. Иштин жыйынтыгы жарым-жартылай кубандыруусу мүмкүн. Айрым тилектер орундалат. Лидерликти өз колуңузга алыңыз. Чарба иштерине жүгүрөсүз. Акча муктаждыгы жаралат.

БАЛЫК (20.02-20.03)
Кызматтагы адамдар же жетекчилик менен чогуу иш алып барууга туура келет. Сүйлөшүү учурунда тактикалуу болуңуз. Антпесеңиз маселе жаратып аласыз. Жашыруун аракеттерди жасап, ачууңузду ооздуктаңыз.