Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Бермет Байкелова, Кыргыз Республикасынын Эмгек сиңирген артисти: “АМЕРИКАДА ЧИРКӨӨДӨ ХОРДО ЫРДАЙМ”

№838 23-30-ноябрь, 2018-жыл


Кыргыз маданиятына чоң салым кошкон, белгилүү ырчы Бермет Байкелова 26 жыл Улуттук филармонияда эмгектенген. Ырчы айым атактуу Атай Огонбаев, Жумамүдүн Шералиев сыяктуу залкарлардын ырларын аткаруу менен кыргыз жүрөгүн багынткан десек жаңылышпайбыз. 26 жыл өмүрүн берген филармониядагы ишин таштап, 52 жашында Америка Кошмо Штаттарына 2012-жылы кетип калган эле. Эмне себептен кетти, азыркы жашоосу кандай деген суроолор менен эжени кепке тарттык.


– Саламатсызбы, Бермет эже? Иштериңиз, ден соолугуңуз жакшыбы? Кыргыздын кыйын кыздарынын бирисиз, филармонияда 26 жыл иштеп, бир заматта жумушуңузду таштап Америкага кетип калдыңыз. Бул жоругуңузду түшүнө албай калгандар да болду го.

– Ооба, 2012-жылы Америкага Бегайым аттуу курбумдун чакыруусу менен келгем. Азыр Нью-Йорк штатында жашайм. Биротоло калып калуу оюмда да жок эле. Бирок келген күндүн эртеси океанга түшүп жатып эмнегедир биротоло калууну чечтим. Жолдошум Давлет каза болуп калганына 3 жыл болгон. Эки кызым бой жетип, жогорку окуу жайында окушчу. Мага эки кызымды таштоо абдан кыйын болду. Менин мындай чечимиме араң макул болушту. Албетте, ыйлап-сыктап 5 жыл эки жакта жашадык, азыр эки кызым, эки неберем жанымда. Жаратканга ыраазымын.

– Филармониядагы жумушуңузду таштоо оор болдубу?

– Албетте, оор болду. 26 жыл иштеген жерим экинчи үйүмдөй эле болуп калган. Мен жөн жерден кетип калганым жок. Бир күнү ишке келсем, филармониянын көркөм жетекчиси Келдибек Тургунбаев чакырды. Барсам менин атымдан өз каалоом менен концерттик алпаруучулугумду таштоого суранып жазылган даяр арызга “кол коюп бериңиз” дейт. Таң калып “эмнеге бул ишти кылып жатасыңар?” десем жооп айта албай араң “дикцияңыз начар болуп жатат” десе болобу. 20 жыл бою эч алмаштыргыс, дикциясы абдан жакшы алпаруучу болуп жүрүп эле бир күнү ушундай чечимге туш келдим. Менсиз ал кезде бир дагы өкмөттүк концерт өтчү эмес. Кол коюп чыгып кеттим. Кызыгы, жарым жыл өтпөй кайра өздөрү суранып ордума коюшту. Ошондой эле солисттер группасында инспектор да болуп иштечүмүн. Жетекчилик кайсы бир ырчыга өчөшүп кетиргиси келсе эле “рапорт жазып бер, баланча ырчыны иштен кетиребиз” деп менден суранып башташчу. Эл артисти Саламат Садыкова жумушка кечигип келсе "асмандан түшүрүп, жер менен бастырам" деп жетекчи рапорт жазууну суранганда каршылык көрсөткөнүм эсимде. Саламат да дал мага окшоп эч нерседен тайманбай жетекчиликтин туура эмес иштерин бетине айтчу. Дагы бир ырчы жигитибизге тим эле асылышып көпкө суранышты. Ал жигит каза болуп калгандыгына байланыштуу атын атагым келбеди. Ошентип андай ишке барбасымды билишкенде менден кайра ушундай жол менен өч алууну башташыптыр. Анан мыйзамсыз эле аттестация уюштура калышып, мени атүгүл ырдаганга да татыксыз кыла башташты. Аттестациядан өткөрүүчүлөрдүн ар бирине 3000 сомдон (ооз басырык) берилиптир. Комиссиянын курамындагы аттуу-баштуу эл артисттер кантип 3000 сом үчүн адамдын тагдырына балта чабууга макул болушту экен? Кийин ошол комиссияны жетектеген эл артисти менен бир ооруканада чогуу дарыланып калдык. Аттестация мени мокотуу, сындыруу үчүн бир ай мурун сүйлөшүлгөнүн айтып берип кечирим сурады. Ал көп өтпөй эле каза болуп калды. Антсе да айтып алып кичине өз күнөөсүнөн арылгандай болду бейм. Кандай бут тосушпасын, мени сындыра алышпады. Кийин мен аларды жетекчи түгүл киши деп да санабай калгам.

– Америкага кетүүгө ушул окуялар да себеп болуптур да.

– Балким. Америкага кетерде 6 айга акы төлөнбөгөн эмгек өргүү алганга уруксат сурап филармониянын ошол кездеги жетекчиси Замирбек Үсөнбаевге кирсем “сен эми ушул бойдон ал жакта калып калба. Бизге абдан керексиң, сен кайтып келишиң керек” десе болобу. Ишенсеңер, ушунча эки жүздүү адамдын бетин карагандан уялдым. “Эгерде калууга жылчык болсо эле аракет кылам. Сиз менен ушул жерде ден соолугумду кетирип, чындык издеп алышканча, жакса сөзсүз калам. Кудай сизге атаңыздан калган үч ырды кут кылсын, ошону менен ушул күнгө келдиңиз” деп артымды карабай чыгып кеттим. Унчуга албай, көзүн кызартып, ызасына тумчугуп кала берди. Деги эле бизде кайсы гана тармакты карабайлы, дээрлик жетекчилер кол алдында көзүн караган адамдардын иштешин каалашат. Туурасын, ачыгын айттың, болду душманга айланасың. Мен эч качан теңсиздикти карап унчукпай коё албайм. Менин ошол кыялым аларга жакчу эмес. Ал эми Америкада өз ишиңдин көзүн жакшы билген адис болсоң, сени айга-күнгө теңеп бардыгына жолуңду ачып, жардам беришет экен. Мыйзам бул жакта 100 пайыз иштейт. Адамдардын жашоосу үчүн керектүү шарттар өтө дыкаттык менен иштелип чыккан. Кимдир бирөө турмушунда кор болсо, ага өзү гана күнөөлүү. Кыргызстандагыдай жетекчилерге кор болуп, алардын курмандыгы болуу деген маселе жок.

– Америкага барганы дароо жумуш таап, иштеп кетпесеңиз керек.

– Эки күндөн кийин курбум бала баккыч кылып жумушка орноштуруп салды. Армян улутундагы эки айлык эгиз кыздарды бактым. Алардын ата-энеси Америкага кичинекей кезинде келишиптир. “Иштей албайсың го” деп курбуларым күмөн санап жүрүштү. Америкага 52 жашымда бардым. Чындап келсе өз кыздарымды кандай чоңойтконумду унуткан кезим эле. Бирок кыйналган жокмун. Бул жактагылардын балдары да башкача. Бизге окшоп кечке көтөрүп уктатуу же алдына алуу деген жок. Тамагын берип, алдын кургактап жаткызып коймой. Кыздардын уктап эле жаткан кездери болчу, мен да алар менен кошо уктап жатып, кантип көнүшүп кеткенимди билбей калдым. Аларды 1 жыл 2 ай бактым. Кетерде таштап кете албай аябай кыйналдым. Ушунча көнөт экенсиң, унута албай эстеген сайын жүрөгүм ооруп кыйналчумун. Өзүм неберелүү болгондон кийин анан унуттум.

– Бала багуучудан кийин кайсы кесиптерде иштедиңиз?

– Андан кийин Манхеттенде италиялык ишкердин ресторанында жана чиркөөдө хордо ырдап иштедим. Кийин тамак-аш дүкөнүндө колбаса саткан бөлүмүндө эмгектендим. Ээси ишке аларда “мекениңде кесибиң ким эле?” деп сурап жатпайбы. “Ырчы, музыка мугалими болчумун” десем, алгысы келбей жатып “мейли, эми иштеп көр, анан билинет” деп койду. Колбаса, сырларды машина менен кескенди көргөзүштү, шар эле үйрөнүп кеттим. Кожоюн “камерадан колбаса, сыр кескениңизди карап турдум, ырчы эмес эле, өмүр бою ушул иште иштегендей ой калтырдыңыз” деп таң калды. Азыр үйдө неберелеримди карайм, вокалдан сабак берем. Кээ бирөөнүн үйүнө барам, айрымдары үйгө келишет. Анан чиркөөдө хордо ырдайм.

– Ал жак менен биздин өлкөдөгү маянаны салыштыруу мүмкүнбү?

– Албетте, мүмкүн эмес. Бул жакта эки күндүк алганым, Кыргызстанда бир ай ырчы жана алпаруучу болуп бир жарым ставка менен алган маянама тең келет.

– Тилден кыйналган жоксузбу?

– Америкада 20-30 жыл жашап англис тилин үйрөнбөгөндөр көп. Көбүнчө 50 жаштан өтүп калгандар окушпайт деле экен. Мен 52 жашымда келдим, колледжде 2 жыл англис тилин үйрөнүп окудум. Америкада жашап англисче билбегеним мен үчүн уят деп эсептедим. Кээ бир тааныштарым, “ой, кыйын, окуй албайсың, биз да окуп, анан таштап салганбыз” деп көп айтышты. Ооба, абдан кыйналдым. Азыр окусам, азыр жок. Жарым жылча мээме бири кирсе, бири чыгып кетип жүрдү. Анан акырындап баары ордуна келди. Элдин сөзүнө кирип таштап салбаганыма абдан сүйүнөм.

– Маектешкениңизге рахмат, мекениңизден, тууган-уруктан алыстасыз, жакшы жүрүңүз. Ишиңизге ийгилик.

"Ушул жайда мекениме барып неберелеримди АКШга алып келдим".


Сүйүн Кулматова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(13)
27.11.2018. 09:23 
Тайпасы:
Тартип бузгандар
Комментарийлердин саны:
371
Катталган:
31-05-2017
Соӊку аракети:
06-03-2019 12:18
Жынысы:
Белгисиз
+10
Азамаааааттттт!!!
27.11.2018. 10:33 
Тайпасы:
Жаран
Комментарийлердин саны:
122
Катталган:
05-05-2014
Соӊку аракети:
26-06-2019 15:40
Жынысы:
Белгисиз
-11
Чиркоодо хордо ырдаймын дейт не баптист болуп кетипби?
27.11.2018. 12:17 
Тайпасы:
Жаран
Комментарийлердин саны:
145
Катталган:
15-02-2013
Соӊку аракети:
25-06-2019 19:09
Жынысы:
Белгисиз
Калаасы:
Бишкек Новосибирск
+15
taalay25,чиркоодо ырдаса эле баптист болуп кетеби, мумкун чиркоодо бир келишим тузуп анан ырдап жаткандыр албетте Бекер эмес.
27.11.2018. 19:02 
Тайпасы:
Жаран
Комментарийлердин саны:
122
Катталган:
05-05-2014
Соӊку аракети:
26-06-2019 15:40
Жынысы:
Белгисиз
+2
ady-88,чиркоодо жалан диний ырлар ырдалышын билбейсинби? Ал жерге азан айтканы кирбегендир?
29.11.2018. 05:34 
Тайпасы:
Жаран
Комментарийлердин саны:
58
Катталган:
04-09-2016
Соӊку аракети:
14-06-2019 00:52
Жынысы:
Белгисиз
-4
taalay25,оперный ырларды ырдашат
28.11.2018. 20:47 
Тайпасы:
Жаран
Комментарийлердин саны:
120
Катталган:
07-06-2018
Соӊку аракети:
07-06-2019 09:24
Жынысы:
Белгисиз
+1
taalay25,христиандар баптист эмес баптист деп кудайга ишенбегендерди айтат чиркө христиандардын сыйынуучу үйү
27.11.2018. 14:44 
Тайпасы:
Жаран
Комментарийлердин саны:
28
Катталган:
16-03-2018
Соӊку аракети:
14-06-2019 17:20
Жынысы:
Белгисиз
+5
Бермет эжеке эң сонун аялсыз. Сизди филармонияда 3-кабаттан көргөм. Ырас эле кылыпсыз. Филармионияга башкалары камалып олтура берсин. Мына сиз Американы багынтыпсыз. Эже бар болуңуз!
27.11.2018. 21:51 
Тайпасы:
Жаран
Комментарийлердин саны:
6
Катталган:
20-09-2013
Соӊку аракети:
25-06-2019 16:42
Жынысы:
Белгисиз
+2
Эже аябай күчтүү аял экенсиз.Кыргыздар ушинтип бири -бирибизди артка тартканыбыз өкүнүчтүү.Замир агайдын жоругу -ХХХХ
Модератор admin_media түзөттү 2018-11-28 12:40:02
28.11.2018. 01:15 
Тайпасы:
Жаран
Комментарийлердин саны:
23
Катталган:
26-10-2018
Соӊку аракети:
13-03-2019 10:11
Жынысы:
Белгисиз
+3
Уну таптаза операга дал келген чыныгы талант болчу. Мекенден алыстап кеткени окунучтуу.
28.11.2018. 19:18 
Тайпасы:
Жаран
Комментарийлердин саны:
65
Катталган:
17-07-2013
Соӊку аракети:
26-06-2019 09:16
Жынысы:
Белгисиз
Калаасы:
Бишкек
+4
Замирбек Үсөнбаев начар адамбы ошондо? Төкмө акын ушундай адамбы деп ойлобогом.
30.11.2018. 09:49 
Тайпасы:
Жаран
Комментарийлердин саны:
27
Катталган:
10-08-2016
Соӊку аракети:
04-01-2019 23:06
Жынысы:
Белгисиз
-1
Замирбек Усонбаев аман эле болунуз
03.12.2018. 14:16 
Тайпасы:
Жаран
Комментарийлердин саны:
103
Катталган:
14-07-2016
Соӊку аракети:
28-05-2019 19:47
Жынысы:
Белгисиз
+1
Азаматсыз аябай чечкиндуу аялсызго мына мен 2 жылдан бери Италияга кеталбай журом.
03.12.2018. 19:30 
Тайпасы:
Жаран
Комментарийлердин саны:
65
Катталган:
29-11-2010
Соӊку аракети:
26-06-2019 14:27
Жынысы:
Белгисиз
0
Ошончо алганы менен квартира ,тамак-аш кымбат да, ошолорду эсептебей эле мактана бересинерби. Бироонун жеринде султан болгуча...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22453;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: