Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Асел Турдалиева: «КЕРЕК БОЛСО МАМЛЕКЕТТИ БАШКАРГАНГА КУДУРЕТИМ ЖЕТЕТ»

№229 17-29-март, 2007-ж.


Бул жолку тамаша торубузга ырчылар Асел Турдалиева менен Акбар Сүйүнбаев илинди. Анда эмесе, окурман, тамаша тордун ичиндеги кызыкка өзүңүз күбө болуңуз.

– Алло!
– Алло, бул Аселби?
– Ооба, мен угуп жатам.
– Асел, мен Нарындан келдим эле, жердешиң болом. Сенин декан болгонуңду угуп, кантсе да өзүбүздүкү, жардам бере алат болуш керек деп чалып жатам. Менин кызым жакшы ырдайт, ырчы болгонго аябай кызыгат. Былтыр силердин институтуңарга тапшырып, өтпөй калган болчу. Быйыл да өтпөй калбасын деп сени менен алдын-ала сүйлө­шөйүн дедим эле. Жардам бере аласыңбы?
– Эже, мен сизге жардам катары багыт бере алам. Бизде ар кандай бөлүмдөр бар. Кызыңыздын кайсыл жакка шыгы болсо, мугалимдер текшерип көрүп, ошого жараша бөлүм­дөр­гө кабыл алышат. Ошондой эле кызыңыз абдан таланттуу болсо, бюджеттик бөлүмгө кабыл алынып калышы да мүмкүн.
– Асел, антип мени да, өзүңдү да убара кылбай баш­кача сүйлөш­пөй­лүбү. Сен канча десең мен ошон­чо акча берейин, менин кызымды окууга өткөрүп эле койчу?!
– Эже, билесизби, биринчиден, искусство эч качан сатылбайт, экинчиден, мен акча албаймын. Үчүнчү­дөн, акча берейин деп айтканыңыз уят. Мен андай паракор адамдардан эмесмин. Эгерде сиз мени ошентип ойлосоңуз, анда таптакыр жаңылышасыз. Кудайга шүгүр, өзүм­дүн ак эмгегим, кудай берген талантым менен тапкан акчам өзүмө жетет.
– Койчу, баары ушинтип айтып коюп эле алып жатышпайбы. Өткөндө эле өзүңдүн айылыңдагы туугандарыңды окууга акча менен эле өткөргөн турбайсыңбы?
– Кана, ким кимден акча алыптыр? Ошол адамды алып келе аласызбы алдыма? Менин моюнума коюп бере алат бекен? Мына, Кудай турат, мен бирөөдөн бир тыйын алган эмесмин. Тууганым болмоктон башкасы болсун, антип калп айткан адам менен мен башкача сүйлөшөм.
– Ырдай албаган жаш ырчылар деле окуп жүрүшпөйбү. Демек, ошолордун баарынан акча алгансыңар да?
– Кызык, ай, жаштардан ким ырдай албай жатат? Султан ырдай албай жатабы? Мирбек ырдай албай жатабы? Антип жок жерден эле биздин институтка шек келтирбеңиз. Далилсиз эле бизге тийишкенге акыңыз да жок. Болдучу, башымды оорут­паңызчы! Экинчи чалбагыла минтип мага!
– Искусство институту болбосо, анда кызымды сага берейин, өзүңдөй кылып тарбияла. Сөөгү меники, эти сеники.
– Жок, эже, мен сиздин эмес, өзүмдүн кызыма араң убакыт табам. Мен сиздин кызыңызды тарбиялай албаймын.
– Сен бир жаш кызды тарбиялай албасаң, бир факультетти кантип башкарып жатасың?
Ишиңиз болбосун! Угуп туруңуз, менин ким экенимди билип алыңыз. Мен керек болсо, бир мамлекетти башкарганга кудуретим жете турган аялмын. Мен сизге окшоп ар кимге жалдырап пара берейин дебеймин. Өз эмгегим, өз күчүм менен гана бийиктикке умтулам. Арабызда сизге окшогон арамзалар бар үчүн кыргыздар өспөй жатабыз. Мен сиз...
– Асель эже, кечиресиз, мен «Супер-Инфо» гезитинен чалып жатам.
– Ыя, «Супер-Инфо»?
– Асел эже, биз сизди жөн гана тамашага салдык. Аябай кыжырыңыз келди го?!
– Ух, кан басымым көтөрүлүп кетпедиби. Менин жумушума байланыштырбай эле тамашаласаңар болмок. Анткени, бул менин сүйгөн жумушум. Мен бул жумуш менен ооруймун, дем алам, эс алам. Анан да эч качан сатпаймын. Мейли эми, болоор иш болду. Ийгилик силерге.
– Сизге да ийгилик, сиздей өз ишин сүйгөн патриот эжекебиздин бар экенине ыраазыбыз.

Тамашалаган Замира Рахманбердиева


Акбар Сүйүнбаев: «УКСУСТУ ӨЗҮҢ ИЧИРИП КОЮП, ЭМНЕ МЕНИ КҮНӨӨЛӨП ЖАТАСЫҢ?»

– Алло, бул Акбарбы?
– Ким сурап жатат?
– Мен Перизаттын жигитимин. Азыр Перизат оор абалда доктурга түштү, уксус ичип алыптыр. Кол телефонун текшере келсек, акыркы жолу сени менен сүйлө­шүптүр. Ошондой эле сенин жөнөткөн SMS билдирүү­лөрүң жүрөт. Сен аны эмне деп капа кылдың эле? Негизи эле, братишка, сага менин девушкам менен сүйлөш­көнгө ким уруксат берди?
– А... кайсы Перизат? Мен андай кызды тааныбаймын. Мага көп кыздар чалат. Кимиси экенин мен кайдан билем?
– Жок, бул сага гана тиешелүү иш. Келип, жооп бересиң. Анын телефонунда бардык далилдер бар.
– Кечиресиз, сиз туура эмес чалып алдыңыз окшойт же мени башка бирөө менен алмаштырып жатасыз.
– Туптуура эле чалып жатам. Бул телефондо сенин номериң, «Акбар Сүйүнбаев» деп аты-жөнүң жазылып турат. Демек, сен кү­нөө­­лүүсүң да?!
– Сиз түшүнөсүзбү, мен андайды тааныбаймын. Ага уксусту өзүңүз ичирип алып эмне мени күнөөлөйсүз? Ал сиздин сүйгөн кызыңызбы же меникиби? Мисалы, мен өзүмдүн сүйгөн кызыма өзүм жооп берем.
– Эй, сен Сүйүнбаев болсоң өзүңө Сүйүнбаевсиң. Көп сүйлөбөй жооп беришиң керек! Антпесең ишиң оорлошуп кетиши мүмкүн.
– Эч кандай мен жооп бербейм. Биринчи тактап алып, анан бирөөнү күнөөлөбөй­сү­збү? Мен эмне үчүн өзүмө тиешеси жок нерсеге жооп беришим керек?
– Сен эмне мага калчылдап жатасың? Эгерде таза болсоң, анда коркпостон келип жооп бермексиң да эдиреңдебей. Кел дегенде келип кал, келбесең мен сени менен башкача сүйлөшө­мүн! Экинчи сахнага чыккыс кылып коём!
– Башкача сүйлөшкүң келип жатса, мен даярмын башкача сүй­лөш­көнгө.
– Эй, жигит, ишенгениң бар көрү­нөт, ээ? Ошол ишенгениң бар үчүн ушул ишти жасадың да. Шашпа, мен сенин түбү­ңө жетпесем, карап тур. Азыр ошол ишенгениңди алып, эркек болсоң мен айткан жерге келип кал, уктуңбу?
– Сиз эмне деп жатасыз? Кайсы жерге барыш керек?
– «Супер-Инфо» газетасынын редакциясына.
– А-ай, тамашалаган турбайсыңарбы. Ту-уй ата, ушунчага да барасыңарбы, кишинин жүрө­гүн тү­шү­рүп. Чынында эле менин Перизат деген тааныш кызым жок да. Бирок, кыздар көп чалат, мындай окуядан Кудай сактасын.
– Акбар, жүрө­гүң­дү тү­шүр­гөн болсок кечирим сурайбыз. Сени тамашага салып, бир аз күлүп алалы дегенбиз.
– Эч нерсе эмес.

Тамашалаган Улан Мамбетов



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: