САЛЫКТАН КАЧКАН ТАМАДАЛАР ДАГЫ “КЫЛТАККА ИЛИНИШТИ”

Мамлекеттик салык кызматы Бишкек, Ош, Жалал-Абад шаарларында жана Чүйдүн Аламүдүн районунда рейд жүргүзүп, эки ай ичинде тойдо кызмат көрсөткөн 109 адамдын патенти жок болгону аныкталып, акт түзүлгөн. Бул маалыматты кошумчалай Салык кызматынын басма сөз катчысы Эркин Сазыков төмөнкүлөргө токтолду:

– Бул жолу биз рейдге үлкөн ресторан, тойканалар жайгашкан шаарларга чыктык. Рейд учурунда патенти жок 44 тамада, 36 сүрөтчү, ошондой эле бий топтору, операторлор аныкталды. Аларга акт түзүлүп, 2000 сомдон айып пул салынды. Былтыр аттуу-баштуу тамадалардын патенти жок болчу. Быйыл алар патент алып иштеп башташты. Ал эми документи жоктордун көпчүлүгү элге анча таанылбагандар. Айрымдары ири шаарларда кызмат көрсөтсө да, аймактардан патент алып баштаптыр. Анткени аймактарда 500 сомго алса болот. Негизи тойго кызмат көрсөткөндөрдүн кирешесин эсептебейбиз, болгону айына аймакка жараша 500 сомдон 2500 сомго чейин төлөп койсо жетиштүү,- дейт Эркин мырза.

Эске салсак, бул маселе былтыр да козголуп, чыгармачыл адамдардын айрымдары салык төлөөгө каршы чыгышкан. Азыркы күндө деле ал оюнан кайта элек тамада көп.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

fanatka19

2018-11-27 12:58:35

Бир тойду алып барыш учун эн азы 500 доллар сурашат сом менен дагы эмес.Кичине суммадагы патентти толошсун анда эчтеке болушпайт.

jashoonu-suiup-jashagyn

2018-11-29 22:47:31

100 кишиден ашкан тойлорго дагы салык салып андан тушкон акчаларга жолдорду ондосонор баарын эле жейсинер тоюп олбодунор элдин акчасын элге иштеткилечи кудайдан коркуп

yrysbek

2018-12-03 17:21:49

Мен жана менин итимен башкасынынбаары эле ырчы, чоорчу, бийчи, актер, кыскасы "артист" болуп тойгозушту, баары эле эптеп эл корсун, жылдыз болуп кетсем. Бул жашаштын ээн оной жолу, же оной оокат кылуунун бир туру

Комментарий калтыруу үчүн өз ысымыңыз менен кириңиз же каттоодон өтүңүз.

№ 838, 23-30-ноябрь, 2018-жыл