«Жылдын супер ырчы мырзасы»

Жыйынтык

Башка сурамжылоолор


Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТООЛОР АРКЫЛУУ ЖАЛАЛ-АБАДДАН БИШКЕККЕ ЖӨӨ ЖҮРҮШ. КЫРГЫЗ ВЛОГЕР КӨРСӨТӨТ

№839 30-ноябрь-6-декабрь, 2018-жыл


«Артымда Жалал-Абад шаарына кире бериштеги тосмо турат, ушул жерден тарта Бишкекти көздөй сапарга чыкканы турам. Жол менен эмес, тоо аралап жөө барам» деп тажрыйбалуу саякатчы Нурбек Адышев өз жүрүшүн Ютуб каналында айтып баштайт. Анын бул жолку сапары 340 чакырымдай болуп, тоо аралаган жүрүшү ары татаал, ары кызыктуу болгонун көпчүлүк көрө алды.

Саякатчынын аты-жөнү Нурбек Адышев. Ал 5 айдан бери «Над горой» каналына өзүнүн саякатка чыккан видеолорун киргизип турат. Анда балык кармоо, кыргыз жеринин ажайып кооз жерлерин эч кандай унаасыз эле, жөө басып өтөт. Кара-Суу көлү, Кочкордон Ысык-Көлгө чейин, Чоң-Алай, Сары-Челектен Токтогул районуна чейин жөө чыккан сапарларын көрүүгө болот. Тажрыйбалуу саякатчыдан бир катар суроолорго жооп алганга мүмкүн болду.

– Салам алейкум, Нурбек мырза, жөө саякатка качантан бери чыгып жүрөсүз?

– Мен жети жылдан бери жөө жүрүштөргө чыгып келем. Бишкектен Жалал-Абадга чейин велосипед менен баргам. Балдарым менен Кочкор районундагы Кызыл-Дөбө айылынан Суусамырга чейин жөө барганбыз. Өзүм Жалал-Абаддан болом. Орусияда кичи бизнесим бар.

– Жалал-Абаддан Бишкекти көздөй жөө чыгууга эмне түрткү болду?

– Жөө жүрүшкө чыкканымдын себеби жолдордун жабылып калышынан улам жана Ош-Бишкек маршрутун башка жол менен басып өтүү болду. Форель кармоо сезону 15-октябрда жабылган, андыктан видеого башка нерсе тартуу керек эле. Жөө жүрүшкө чыгуу менен көпчүлүк көрөрмандарды тартууга болот. Ошондой эле бул жолдон кызыктуу жерлерди көрүүгө да мүмкүн. Алсак, Кызыл-Үңкүрдөн Үч-Терекке (Токтогул району) чейинки аралык, Үч-Теректен Аралга (Жумгал) чейинки Нарын дарыясынын жээги.

– Жөө саякаттын багыты кандай эле? Аны өзүңүз түздүңүзбү?

– Жалал-Абаддан тоо этеги менен Чкалов айылына – Правда (Базар-Коргон району) – Кызыл-Үңкүр (Базар-Коргон) – Үч-Терек – Сары-Камыш (Токтогул) – Кызыл-Коргон – Өрнөк – Арал (Жумгал) – Кызыл-Ой – Кожомкул – Суусамыр (Жайыл). Шылдырак, Каргыш деген ашуулар, Токтогул суу сактагычынан Арал айылын Нарын дарыясынын жээги менен этектеп өтүү керек эле. Төө-Ашуунун этегине чейин жалпы маршрут ушундай болду. Башка ашууларды ашып өтүүгө менин жабдыктарым туура келбейт болчу. Температура абдан төмөн, бийиктик деңиз дэңгээлинен 4000 метрден ашык эле. Бишкек-Ош жолу менен баргым-келгим жок. Анткени кызыксыз. Анан жолдон ар ким ар кайсыны сурап, тоскоолдуктарды жаратмак. Мындайды жактыра бербейм.

– Бишкекке ошондо Жалал-Абаддан канча күндө жеттиңиз? Бул багытта жөө басып өткөн жалгыз сиз болушуңуз керек?

– Кар, жаан жаап калган 4-5 күндүк тыныгууну кошпогондо 11 күн. Карта, Google Планета жана топографиялык карталар менен эсептеп чыксам, жалпы 340 чакырымдай болду. Биринчи болгонум тууралуу ойлонгон жокмун. Менин багытым Бишкек-Ош трассасы менен эмес, ага параллель жүрдү.

– Саякатыңыздагы эң кооптуу же кызыктуу учур?

– Кызыктуусу – жолдо жолуккан чабандар мени Токтогул районундагы жапайы өскөн кара куурай үчүн келди деп ойлоп жатышты. Кээ бирлери үй куруу үчүн бактарды кыйып жатышкан. Мени экотехинспекциядан экен деп ойлоп корккондору болду. Үчүнчү күнү ичим ооруп баштады, бирок өтүп кетти.

– Тажрыйбаңыз менен бөлүшө кетсеңиз, мындай жүрүшкө чыгууда эмнелерди алыш керек?

– Жүрүшкө чыгууда эң башкы нерселер:

  • Мыкты бут кийим (тоого чыкканга ылайык, туристтик деп атап коюшат)
  • Бекем рюкзак
  • Түнөк кап
  • Бир кишилик чатыр
  • Килемче (каремат)
  • Газ очок
  • Портативдик газ

Азык-түлүктөр (гречка, күрүч, жаңгак, кургатылган жемиштер, сыр, кургатылган нан, кургак сүт, шоколад, шекер, чай, туз, кошумчалар) 3-4 килограммдай. Жолдон дагы анча-мынча нерселерди сатып алып да жаттым. Кийимдер көбүнчө синтетикалык, жеңил болушу шарт.

  • Муз чаккыч (альпинисттерге ылайык)
  • Бут кийимге кийилчү атайын илмелер
  • Видео аппаратура
  • Дрон
  • Аптечка
  • Жарык бергич, бычак, гигиена үчүн керектүү каражаттар.

Жүгүмдүн жалпы салмагы 20 килограммдай болду.

– Башкы суроону берейин. Буттарыңыз кандай?

– Үйгө келгенде 2 күндө өзүмө келдим. Буттарым чаалыгып калганы үчүн ооруп жатты. Муундар ооруган жок. Жүрүштө мунун баары билинбейт, анда жетиш керек деп эле ойлоп каласың. Үйдөн эс аласың да, анан ооруп баштайт.

– Ютубда сиздин влогдоруңуз кызыгууну жаратып жатат. Күттүңүз беле ушундайды?

– Менин буга чейинки видеолорумдун көрүүлөрү 70 миңден ашкан. Негизинен көрүүлөрдүн саны 30-40 миңдей болот. Бирок каналыма жазылгандардын саны өстү.

– Дагы кайсы жакка саякатка чыгууну көздөп жатасыз?

– Кыргыз өлкөсүн кышында көрсөткүм келет. Мисалы, Жети-Өгүз же Сары-Челек болушу мүмкүн. Жабдыктар суукка даярбы, мен азыртадан эле даярдыктарды көрүп баштадым.

– Сизге ийгилик!

Адилет Керимбек уулу
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(4)
04.12.2018. 12:18 
Тайпасы:
Жаран
Комментарийлердин саны:
2
Катталган:
16-08-2017
Соӊку аракети:
11-12-2018 02:54
Жынысы:
Белгисиз
0
каналы кандай аталат екен Нурбек Адышев десем чыкпай жатат
Модератор admin_portal түзөттү 2018-12-10 16:59:19
04.12.2018. 12:47 
Тайпасы:
Жаран
Комментарийлердин саны:
30
Катталган:
07-08-2018
Соӊку аракети:
10-12-2018 21:28
Жынысы:
Белгисиз
+2
Beks0207,Над горой
06.12.2018. 11:08 
Тайпасы:
Жаран
Комментарийлердин саны:
99
Катталган:
25-06-2015
Соӊку аракети:
10-12-2018 13:31
Жынысы:
Белгисиз
+1
Ийгилик Нурбек . Видеолорунун баарын кором . Мен Москвада болгонум учун . Россиянын - Азыркы убак - белгисиз Россия деген желеси бар ю тубта .Россиянын унутулуп калган айылдары , олконун четиндеги элдер жонундо . Сенин видеолорунан да конунлумо туура келген нерселерди таптым .
10.12.2018. 14:42 
Тайпасы:
Жаран
Комментарийлердин саны:
56
Катталган:
12-03-2013
Соӊку аракети:
10-12-2018 14:42
Жынысы:
Белгисиз
Калаасы:
Бишкек
0
бул жакка эми чыгыптыр.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21565;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: