«Кыргыз тилдүү супер вайнер»

Жыйынтык

Башка сурамжылоолор


Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ӨЛҮМДҮН ҮЧ ТҮСҮ (Миллионердин акча үчүн болгон курмандыгы, өлүмү, сүйүүсү тууралуу сериал)

№839 30-ноябрь-6-декабрь, 2018-жыл


(Башталышы өткөн санда)

Уйку деле жок. Тунарган дубалдарды тиктеп балдарын ойлоп жатты. Балдарынын көзүндөгү сагыныч жанын кашайтып жиберди. Айрыкча кетерде Алиянын көздөрүнө жаш толуп баратканын билгизбей бурулуп кеткеничи. Онтоп жиберди. Жаздыгынын алдында катылган балдарынын кийимдерин мурдуна алып келип жыттап алды. Кызынын көзүнөн толуп турган бир тамчы жаш үчүн дүйнөнү от жагып өрттөп жибергиси келди. Өзү кептелген бул абалга, ден соолугуна, жанын ачып таяк жегенине да кайыл, көз алдында Алиянын көзүнө толуп бара жаткан тамчы жашы.

– Аттиң, ушундай болбосо эмне? Аман өлбөсө, аркасында миң сан ойлорду калтырбаса, ызадан көөдөнүм жарылып кетчүдөй болбосом эмне? Аманды кезиктирбей калсам, аны сүйбөй калсам эмне? Андан бала төрөбөй, анын миң сырдуу дүйнөсүнө кирбей койсом эмне? Балдарымды минтип жалдыратканча төрөбөй койсом эмне? Же өзүм таптакыр жаралбай койсом эмне?

Бул “эмнелердин” аркасы таптакыр бүтпөчүдөй чубалып бара жатты. Аттиң деп башын койгулай берип чарчады. Жоопсуз суроолорду бере берип чарчады. Мээсине чак-чак урулган бул ойлордон чарчады.



ххх

Эмнегедир кара кийинчү. Көйнөк, иймек, жалтырак-жултурак, дегеле аялзатына тиешелүү нерселер анда жок болчу. Сөздөрү да кыска, так, түшүнүктүү. Уйкусураган, чарчаган, аялдарга кошулуп ушакташканын көрүү мүмкүн эмес эле. Андыктан андан башкалар өздөрүн оолак кармашчу. Иш арасында кимдир бирөөнүн телефон номерин сурап же жардам сурап эле кайрылышпаса, дээрлик эч ким менен сүйлөшчү эмес. Ал дайым эч ким көрө албаган, биле албаган өз дүйнөсүндө эле.

– Азема...

– Ии?

– Каза болгон солдаттын материалы мыкты болуптур. Азаматсың!

Баш бармагын көрсөтүп койгону болбосо, эч бир эмоция билдирбеди. Чапчаң кыймылдап, жазгандарына үйүлүп, диктофонун тыңшап иши менен алек. Телефон “чырр” деди.

– Бандит, сага бир иш чыгып жатат,- деди тааныш бир агасы.

– Айтыңыз.

– Учугу Сыялы Тумановго алып бара турган бир иш бар экен. Сен “сүйөсүң” го ал кишини. Мына сага иш!

Аземанын башы чуулдап кетти. Каны кызып чыкты. Тигинин ар бир сөзүн угуп эмес, жутуп жатты.

– Кайдан табам?

– Адвокаты менин жанымда отурат. Кааласаң кел.

– Азыр эмес, мага телефонун бериңиз, өзүм сүйлөшөм.

Адатынча кыска сүйлөштү.

ххх

– Апаң сени бакчага эмнеге алып келбей калды?- деп сурады Алиядан бакчадагы кичине кыз.

– Ал... Жумушта.

– Силерди алып келип жаткан аял ким?

– Таенем.

– Калпычы, сенин таенең жок болчу. Менин чоң энем да, таенем да бар, а сеники жок болчу.

Алия эмне дээрин билбей калды. Чын эле Зирек таенеси эмес да. Бирок болсо так эле ушундай болмоктур. Дал ушундай күндө бетинен өөп, чачын тарап каалагандай өрүп, каалаган тамагын жасап бермектир. Мейли эл эмне десе, ал Алия менен Адамдын таенеси! Өзүнө-өзү ушинтип айтканы менен, кичинекей жүрөгү ызаланып турду. Тиги кыздын жаңы көйнөгүнө суктана карап алды. Кайра өзүнүн башы ачылып бара жаткан бут кийимин карады. Улутунуп алды.

Кечинде бакчадан кетип бара жатып Алияга бир нерсе болгонун Зирек байкады. Өзү айтабы деди эле, үн каткан жок.

– Алия, Адам, бүгүн сейил бакка баралыбы?

– Жок.

– Эмнеге?

Алия үн катпай бутунун башын көрсөттү. Бут кийими жыртылып калган экен. Зирек күйпөлөктөп кетти.

– Алияш, мага айтпайт белең, кызым. Ушуга маанайың түштүбү сенин?

– Жо-ок, ага эмес, таене, Саку мага бүгүн “сенин таенең жок” деди. Айтсаң, апам келгиче сен бизди таштап кетпейсиңби?

– Мен силерди таштап кайда барам, кызым? Мен... Жүрү бул жакка отуралычы.

Экөөнө балмуздак алып берип, скамейкага отурушту. Бир аздан кийин Адам чуркап ойноп кетти.

– Алия, экөөбүздүн сырыбыз болсунбу? Мен сага бир нерсе айтсам, эч кимге айтпайсыңбы?

– Жок, эмне айтайын дедиңиз эле?

– Мен сенин чын эле таенеңмин!

Алия таң кала тиктеп алды. Кандайча деп жатты көздөрү. Зиректин кайра тили байланды. Эчен жолу тилине келип кетип жаткан нерсени кимге кантип айтат?

– Апаңа окшогон көздөрүңдөн сенин!

– Апама окшошмунбу?

– Ооба.

Кыз күлүңдөп койду. Зирек ошол күнү балдарды уктатып коюп, Элинага узун кат жазды. Качан берерин деле билбеди. Деги эле береби, аны да билбеди. Болгону жүрөгүнө ката албай, батыра албай калган ачуу чындыкты ак баракка шилеп чыгарып жатты.

“Кызым, алтын кызым, жашоомдун маңызы! Мен сени төрөгөн күндөн баштап өзүм менен кошо шорго малдым. Сага татыктуу эне боло албадым. Бирок сен меникисиң. Жылдардан соң сени көргөнүмдө түрмөнүн кара дубалдарына калган үмүтүм бошко чыкпаганын билдим. Сен мен каалагандан акылдуу, мен элестеткенден да сулуу аялзаты болупсуң. Сыймыктандым! Кызым, мени эч качан кечирбесиңди билгендиктен сенин энең экенимди айта албадым. Сен “апамды издегилечи” дегениңде да айтканга кайратым жетпеди. Коркоктук кылдым мен! Азыр сенин балдарыңдын жанындамын, өзүмдү бул эки баладан куткара албай калдым. Аларсыз дем ала албай калдым. Сенин эки көзүң – сенин балдарың. Сага болгон кусалыгымды, жылдар бою айта албай келген энелик мээримди бердим. Кайсы бир күнү мен тууралуу чындыкты билесиң. Сен мендей аялды эне дебесең керек. Сен өзүңдүн атаңды өлтүрүп салган аялды ЭНЕ деп айта албасыңды билем, кызым...”

Калем сынып кетти. Баракты кимдир бирөө жулуп алып Элинага жеткирчүдөй болуп жан талышып жыртып жиберди. Аргасыздык менен сүйүүнүн ортосунда кептелген эне байкуш алсыз денесин керебетке урду.



ххх

Түрмө. Беш тамга. Адамдардын тагдырын, жылдарын бооруна басып, так маңдайына мөөр сыяктуу өмүр бою жаза турган жаза үйү. Бул жерде акмагы да, акылдуусу да, күнөөсүзү да, күнөөсү тоодой болгону да бар. Азема бул жайга эчен жолу келип репортаж жасаган. Кере дем алды. Элинаны ал оңой эле тапты.

– Саламатсызбы?

– Салам.

Эки кыз бирин-бири үн катпай тиктеп алышты. Экөөнүн тең көздөрү курч эле. Экөө тең адилетсиздиктин айынан жапа чеккендерден, турмуш өзү такшалткан, тагдыр менен оңой күрөшпөгөндөрдөн эле.

– Журналистмин. Жаныбек жиберди.

– Мындан майнап чыкпайт. Бекер келипсиз.

– Кайдан билесиз?

Аземанын курч көздөрүнөн бул саам жалтана түштү.

– Сен канчадасың?- деди кызыга.

– Тең чамалашпыз.

– Сени Сыялы Туманов эки бүктөп чайнап, жутуп коёрун билесиң да.

– Сени, балким, жута алат, бирок мен анын тамагынан өтпөйм.

Ызалана түштү Элина. Столдон туруп басып кетмекчи болду. Ай ушу Жаныбек, ар дайым анын жашоосуна мурдун тыгат да турат. Ушу кыздын колунан эмне келмек? Элинанын көздөрүнөн ушуну окуду Азема.

– Алдыңа курсагы чыккан, жашы 40тан өткөн, тажрыйбалуу көрүнгөн бир эркек киши келсе, балким, ага менден да жакшыраак ишенмектирсиң. Бирок билип кой, алардын жамбашы жылуулукту сүйөт.

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Башка сандарда:
Комментарийлер(6)
04.12.2018. 09:26 
Тайпасы:
Жаран
Комментарийлердин саны:
159
Катталган:
10-03-2016
Соӊку аракети:
11-12-2018 18:48
Жынысы:
Белгисиз
Калаасы:
Кыргызстан
+1
Эхх
04.12.2018. 10:30 
Тайпасы:
Жаран
Комментарийлердин саны:
123
Катталган:
11-08-2017
Соӊку аракети:
17-12-2018 23:43
Жынысы:
Белгисиз
0
Эх аягы кантип аяктайт экен
04.12.2018. 10:37 
Тайпасы:
Жаран
Комментарийлердин саны:
8
Катталган:
15-08-2017
Соӊку аракети:
17-12-2018 19:36
Жынысы:
Белгисиз
0
Сонун жерине келгенде токтотуп коюптурсунар даа
05.12.2018. 01:11 
Тайпасы:
Жаран
Комментарийлердин саны:
15
Катталган:
14-04-2017
Соӊку аракети:
16-12-2018 20:32
Жынысы:
Белгисиз
0
ушу кыз жардам берет экен да
10.12.2018. 14:12 
Тайпасы:
Конок
Комментарийлердин саны:
3
Катталган:
09-12-2018
Соӊку аракети:
16-12-2018 17:14
Жынысы:
Белгисиз
0
Бул сериалды турктордун мама деген сериалына еле окшото берем.менимче елинанын апасы куйоосун олтурбой еле елина озу олтургон атасын ошон учун кызынын ордуна апасы озу камалган.
10.12.2018. 14:15 
Тайпасы:
Конок
Комментарийлердин саны:
3
Катталган:
09-12-2018
Соӊку аракети:
16-12-2018 17:14
Жынысы:
Белгисиз
0
Атасы апасына коп кол которгон ошондон артында тырыктар калган.елина апасына боору ооруп атасын олтургон болуш керек
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 2 колдонуучу (Катталган: 0, коноктор: 2) бул макаланы окуду:

Макалалардын саны:
21592;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: