«Жылдын супер ыры»

Жыйынтык

Башка сурамжылоолор


Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

“УУЛУМДУ МЫКААЧЫЛЫК МЕНЕН ӨЛТҮРҮШҮПТҮР. АНЫ КОЛУНДАГЫ ТЫРЫГЫНАН ТААНЫДЫК” дейт маркумдун апасы

№839 30-ноябрь-6-декабрь, 2018-жыл


Ушул жылдын 27-октябрь күнү Ысык-Көлдүн Жети-Өгүз районуна караштуу Жон-Булак айылындагы арыктан белгисиз адамдын киши колдуу болуп каза болгон денеси табылган. Маркум Каракол шаарынын 32 жаштагы тургуну Бактияр Абдыкадыров болуп чыккан. Бир айдан кийин анын өлүмүнө шектүү Бишкектен кармалып, анын уюшкан кылмыштуу топтун мүчөсү экендиги айтылды.

“КЫЛМЫШКА ШЕКТҮҮЛӨР АДАМ ӨЛТҮРҮП, АНЫН УНААСЫ МЕНЕН МАЛ УУРДАШКАНЫН МОЮНДАРЫНА АЛЫШТЫ”

Бул кылмыш тууралуу Ысык-Көл ОИИБинин басма сөз катчысы Сталбек Усубакунов буларга токтолду:

– 2018-жылдын 27-октябрь күнү эртең мененки саат 8дер чамасында Жети-Өгүз РИИБине Жон-Булак айылынан белгисиз жарандын жансыз денеси табылгандыгы тууралуу маалымат түшкөн. Окуя болгон жерге барган ыкчам тергөө тобу арыктан жаш эркек адамдын өлүгүн табышкан. Маркум 32 жаштагы Бактияр Абдыкадыров аттуу Каракол шаарынын тургуну болуп чыкты. Маркумдун Ниссан Сефиро үлгүсүндөгү унаасы эки күндөн кийин Тамга айылынын четинен табылды. Соттук-медициналык экспертиза маркумдун катуу нерсе менен сабалып каза болгондугун аныктаган.

Издөө иштеринин натыйжасында Бактияр Абдыкадыровду өлтүргөнгө шектелип Эрмек аттуу Бишкек шаарынын 32 жаштагы тургуну кармалды. Ал уюшкан кылмыштуу топтун мүчөсү катары каттоодо турат. Буга чейин мал уурулук боюнча соттолгон. Андан тышкары 25 жаштагы Руслан С. аттуу жаран кармалган. Кылмышка шектүү Эрмектин берген көрсөтмөсүнө караганда, анын маркум менен аласа-бересеси бар болчу экен. Канча сумма экенин айтпай жатат.

Ошол күнү ал маркумдун үйүнө келип, экөө жолугушат. Аласа-бересе боюнча экөөнүн ортосунда келишпестиктер болуп, анан шектүү маркумду Жон-Булак айылына өз унаасы менен алпарып, жыгач союл менен сабап өлтүрөт. Кайра Караколго келип, 25 жаштагы Руслан аттуу адамга жолугуп, экөө маркумдун шаардын Кашка-Суу кичи районунда токтоп турган унаасын айдап качышат. Андан кийин алар Липенка айылына барышып, ал жактан торпок уурдап, сатып жиберишет. Маркумдун унаасын Тамгага таштап коюп, Эрмек Бишкекке качып кеткен экен. Ал Бишкектен колго түшүрүлдү.

Бул факт боюнча Кылмыш-жаза кодексинин 97-беренеси (адам өлтүрүү), 172-беренеси (автомобилди же башка автомототранспорт каражаттарын укукка жат түрдө ээлеп алуу) жана 165-беренеси (мал уурдоо) менен кылмыш иши козголду. Кылмышка шектүүлөр кылмышын моюндарына алышты. Алар азыр Каракол шаарындагы СИЗОдо камакта. Тергөө уланууда.

“БАЛАМДЫН СҮРӨТҮН КӨРГӨН САЙЫН ЖАМАН БОЛУП ЖАТАМ”

Уулун жерге берген 57 жаштагы Элмира Абыдкадырова кылмышкерлер уулун канчалык мыкаачылык менен өлтүрсө, ошончолук деңгээлде катуу жаза алышын күтөт:

– Мен 8 баланын апасымын. Бактиярым үчүнчүсү. Ал жарандык никедеги аялы менен өзүнчө жашачу. Бизге кээде келип турчу. Минтип бир күндө эле уулумду жерге берип отуруп калдым. Уулумду жанынан табылган телефонундагы сүрөтү аркылуу милицияда иштеген кайнежемдин уулу таанып, бизге кабар берди. Балам таанылгыс болгончо сабалган экен. Туугандар барып шакеги жана колундагы тырыгынан таанышты. Байкуш уулум ай, мыкаачылык менен өлтүрүлүптүр. Канчалык кыйналды экен, каралдым. Килтейген таяк менен сабалып, жаактарынын баары талкаланган. Оозу жарылып, тиштери күбүлүп түшкөн, денеси бүт көк ала. Колдору сынганбы, билбейм, кыйшайып калыптыр. Муну денени жууганга киргендер айтышты. Мага өлүктү көрсөтүшкөн жок.

Уулумдун өлүмүнө шектелип кармалган жигит анын кошунасы экен. Тергөөчүнүн айтканына караганда, Эрмек түрмөдө отурганда уулум ага 50 миң сом берген экен. Ошол карыздын айынан уруша кетишиптир. Анан экөө кайра чогуу Жон-Булак айылына Эрмектин унаасы менен барып, арак ичип отуруп дагы уруша кетишет да, Эрмек баламды таяк менен башка чаап сабаптыр. Бактияр өлүп калганда арыктагы сууга ыргытып салган экен.

Андан кийин уулумдун чөнтөгүнөн унаасынын ачкычын алып, Жон-Булактан Руслан деген таанышын таап, ага “мага бирөө карыз болчу, аны өлтүрүп салдым. Унаасын айдап кел” деп айтып, Бактиярдын үйүнүн алдында турган унааны айдап келүүгө жумшайт. Руслан дегени түнкү 11 жарымдарда унааны айдап чыгат. Келиним болсо терезеден көрүп, Бактияр айдап кетти деп ойлоп калат. Тиги экөө эки унааны айдап алып, Липенка деген айылдан Эрмектин мурунку кайнатасынын торпогун уурдап, Чоң-Өрүктүгө барып, кийинки кайнатасына саткан экен. Эрмектин Жигули үлгүсүндөгү унаасын да ошол жакка таштап, Бактиярдын унаасы менен келатып Түптөн дагы 2 кой уурдап, сатып жиберишиптир. Анан Бактиярдын унаасын Тамгага алып барып таштап салышкан тура. Андан кийин Эрмек Бишкекке барып өз унаасын да сатыптыр. Бактиярдын өлүгү табылганын, өлтүргөндөрдү милиция издеп жатканын интернеттен көрүп-билип эле жүргөн экен. Бирок Эрмек жалгыз өлтүрө алмак эмес деп ойлоп жатам. Бактиярдын буттары бут кийимдин боосу менен байланыптыр. Андан “эмнеге бутун байладың?” деп сурашса, “мен байлаган эмесмин” деп жооп бериптир. Демек, дагы бирөө бар.

Аялы Бактиярдын жанында 40 миң сом акчасы бар болчу дептир. Билишимче, анча акчасы жок болчу. Шектүү болсо “5 миң сому бар болчу. 1000 сомго менин унаама бензин куйдук. Ичимдик, майда-чүйдө алганбыз” дептир.

Уулумду өлтүргөндөр жазасын алышсын, алар Бактиярдан да катуу кыйналышсын. Менин абалым азыр жакшы эмес, баламдын сүрөтүн көргөн сайын ого бетер жаман болуп жатам.

“БАКТИЯРДЫН ЭЧ КИМ МЕНЕН АЛАСА-БЕРЕСЕСИ ЖОК БОЛЧУ”

Маркумдун аялы Бактиярдын душманы жана эч ким менен аласа-бересеси жок болгонун айтат:

– Экөөбүз нике кыйдырып жашап жатканбыз. Бирок расмий түрдө баш кошкон эмеспиз. 25-октябрь күнү мен атама куран окутуу үчүн айылга барып, кечки саат 8 жарымдарда үйгө келсем Бактияр кызуу экен. Анан “сен мени айылга алып барбайсың” деп калды, экөөбүз уруша кеттик. Ал мени сабап, мен кошунанын үйүнө кетип калгам.

Үйдүн алдында азык-түлүк саткан күркөбүз бар. Эртеси саат 10дордон өтүп күркөнү ачып, иштей баштадым. Бир маалда Бактияр үйдөн чыгып кетти. Колунда кичинекей баштык бар болчу. Мен таштанды төккөнү чыкты го деп ойлогом. Үйдүн ачкычын ала кеткен экен, саат бирден баштап телефон чалышып жаттык. Акыркы жолу кечки саат 8 жарымдарда сүйлөштүк. Ошондо ал ачкычты жоготуп алганын айтты. Телефондон кызуу экенин билдим. Унаадан радионун үнү чыгып жатканын уккам. Терезеден карасам менин да, анын да унаасы үйдүн алдында туруптур. Майрамдап жүргөн экен деп койгом. Анткени жанында акча бар болчу. Бир жума мурун 2 бука сатып, өзүбүзгө керектүү нерселерге жумшагандан кийин 46 миң сом калган. Аны өзүм товарга коротуп салбайын деп Бактиярга каттырып койгом. Бирок ал акча үчүн жолдошумду өлтүргөн деп ойлобойм.

Эмне үчүн өлтүрүлгөнү мага да табышмак. Анткени Бактиярдын эч кандай душманы жок. Аны өлтүрдү деп кармалган адам “мага акча карыз болчу” деп жатыптыр. Баханын эч ким менен аласа-бересеси жок болчу. Карыз болсо өлтүрбөй эле үйгө келип бир буюмун тартып алмак деп ойлойм. Бактиярга да эч ким карыз эмес. Ал Бишкекте иштеген кезде деле батирине, күнүмдүк жашоосуна жете турган гана акча тапчу. Акыркы убакта иштебей үйдө жаткан.

Баха ичип алганда бир аз мүнөзү жаман болгону болбосо, негизинен жакшы адам эле. Мен аны аябай жакшы көрчүмүн, ал да мени жакшы көрчү. Урушуп, үйдөн чыгып кетип эле кайра “сенсиз жашай албайм, сени эч кимге бербейм” деп келип, жанымдан чыкчу эмес. Анын карааны мага канча күч берчү эле...

Ал өлтүрүлгөндөн кийин мен күндө ооруп, “Тез жардам” чакырып калдым. Түндө уктай албай ойлонуп чыгам. Анын өлүмүн кабыл ала элекмин. Бир жакка кеткендей эле туюлуп жатат. Кечээ көчөдөн унаасын көрүп калып, азыр менин жаныма токтойт деп күтүп карап калыптырмын. Бирок унаа жанымдан өтүп кетти. Көрсө, аны иниси айдап жүрүптүр. Анан эстеп алып кечке ыйладым (ыйлап).

Жолдошумду өлтүрдү деп кармалган Эрмек деген жигит биз менен кошуна турган эже менен ушул жаздан баштап жашап жаткан. Ал экөө менен тең мамилебиз жок болчу. Баханын ал жигит менен бир жолу учурашканын гана көргөм. Экөөнүн сүйлөшүп турганын, чогуу бир жакка барганын көргөн да, уккан да эмесмин. Бактиярды жерге берген күнү Эрмек менен жашаган эженин 2 чоң сумкасын көтөрүп таксиге түшүп кеткенин көргөм. Андан кийин көргөн жокмун. Руслан дегенин тааныбайм.

Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
04.12.2018. 11:28 
Тайпасы:
Жаран
Комментарийлердин саны:
294
Катталган:
07-11-2017
Соӊку аракети:
10-12-2018 19:05
Жынысы:
Белгисиз
+2
Арактын айынан экенда
05.12.2018. 12:03 
Тайпасы:
Жаран
Комментарийлердин саны:
4
Катталган:
01-02-2018
Соӊку аракети:
10-12-2018 20:54
Жынысы:
Белгисиз
+1
Байкуш эне
08.12.2018. 14:12 
Тайпасы:
Жаран
Комментарийлердин саны:
22
Катталган:
31-08-2016
Соӊку аракети:
10-12-2018 19:08
Жынысы:
Белгисиз
+2
Эмнеге жарандык Нике?Нике кыйылган болсо аялы да кадимкидей эле
09.12.2018. 13:17 
Тайпасы:
Конок
Комментарийлердин саны:
2
Катталган:
04-12-2018
Соӊку аракети:
11-12-2018 02:58
Жынысы:
Белгисиз
Калаасы:
Искусство
0
Акыркы учурда ушундай мыкаачылыктар ачык-айкын бүт булактарга жарыяланып жатат. Муну өспүрүмдөр көрүп, "боло берет экен" деген жыйынтык чыгарып жатышат өзүнө. Ушундай кабарларды, жеке булак ачып, жашына чектөө койуп, чондор гана кирип койсо болмок беле деген ой...
Өз келечегибиз үчүн?!
09.12.2018. 13:20 
Тайпасы:
Конок
Комментарийлердин саны:
2
Катталган:
04-12-2018
Соӊку аракети:
11-12-2018 02:58
Жынысы:
Белгисиз
Калаасы:
Искусство
0
Surotchu-kyz, "чондор жана каалагандар гана кирип окуй турган кылып койсо, TVдан бербесе, социалдык булактарга тарабаса, бир аз болсо да жаап жашыруу болсо дегеним
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
21565;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: