2018-ЖЫЛДЫН ТАНДООСУ – ЭҢ МЫКТЫ ГЕЗИТ “СУПЕР-ИНФО”

23-ноябрда Бишкекте "Жылдын тандоосу" фестиваль-сынагы жыйынтыкталды. Анда "2018-жылдын мыкты гезити" номинациясы Кыргыздагы эң көп нускалуу "Супер-Инфо" гезитине ыйгарылды. Эл аралык "Жылдын тандоосу" фестивалы Кыргыз өлкөсүндөгү белгилүү жана сапаттуу товарларды жана кызматтарды жайылтуу үчүн жыл сайын өткөрүлөт. Долбоордун башкы максаты – белгилүү бир товардын же кызматтын сапатын жана популярдуулугун бирдиктүү баалоо болуп саналат. Баалоо керектөөчүлөр жана дасыккан эксперттер тарабынан жүргүзүлүп, ар бир номинация боюнча лидерлер тандалат.

Аталган фестиваль Кыргыз өлкөсүнөн тышкары Украина, Беларусь, Казакстан өңдүү өлкөлөрдө өткөрүлөт.

Өлкөдө бийликти бир беткей мактап, Акаев доорунан бери кайталанып жаткан катачылыктарга көз жумуп, коомчулукка чыныгы абалды айтпай жаткан ЖМКлар ар дайым жетиштүү. Кыргызда бардык президенттер эл көзүнө ЖМКлар акты ак, караны кара деши керек, чындыктан тайбашы зарыл деп айтып жүргөнү менен, иш жүзүндө андай медиа эч бир бийликке жаккан эмес. Көз карандысыз медиаларга ар кандай ойдон чыккан дооматтарды коюу менен күчкө салып жаап салууга аракет эгемендүү Кыргыз мамлекетинин тарыхында көп жолу болуп келди. Мындай өлкөдө коомчулук альтернативдүү маалымат булагына муктаж. Көз карандысыз “Супер-Инфо” гезитинин “жылдын мыктысы” деп табылышы андай муктаждык бүгүнкү күндө деле жогору экенин билдирет.

Автандил Добулбеков
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 839, 30-ноябрь-6-декабрь, 2018-жыл