БИР БҮРКҮМ. КЫТАЙ КЫРГЫЗ ЖАРАНДАРЫНА ВИЗА БЕРЕ БАШТАДЫ...

УКМКнын мурдагы жетекчиси, 20 жылга соттолгон МУРАТ СУТАЛИНОВ бөйрөк оорусуна байланыштуу абактан Улуттук онкология борборуна которулду.
Парламент депутаты Чыныбай Турсунбеков өкмөткө социалдык камсыздандыруу төлөмүн 15 ПАЙЫЗГА ТҮШҮРҮҮ сунушун айтты. Учурда ал 27 пайыз.
Өлкөдө Сузак району ЭРТЕ ТУРМУШ кургандардын саны боюнча биринчи орунда экенин депутат Ирина Карамушкина айтып чыкты.
АЗАМАТ ҮСӨНОВ Кыргыз Республикасынын Кытайдагы жана Монголиядагы элчиси кызматынан бошотулду.
ИБРАГИМ ЖУНУСОВ Кыргыздын Өзбекстандагы элчиси болуп дайындалды.
Лейлек районунда тоого жылкы издеп чыккан жергиликтүү тургунду КАР КӨЧКҮ БАСЫП каза болду.
СИЗОдо отурган парламент депутаты ОСМОНБЕК АРТЫКБАЕВ ооруканага которулду. УКМКнын маалыматына таянсак, ага операция жасалышы мүмкүн.
Мамлекеттик бажы кызматынын мурдагы төрагасы АДАМКУЛ ЖУНУСОВ Баку шаарынан кармалды. Аны Кыргыз өлкөсү Интерпол аркылуу издеп жаткан.
"Манас" эл аралык аэропорту" ААКсынын төрагасы болуп НУРЛАН АКМАТОВ дайындалды.
Иш күнү бүттү деген жүйө менен Жогорку Кеңеш 2 аптадан бери “Коопсуз шаар” боюнча өкмөттүн МААЛЫМАТЫН УКПАЙ жатат.
Каржы министри АДЫЛБЕК КАСЫМАЛИЕВ кызматынан бошотулду.
Жогорку Кеңеш "АЧЫК АСМАН" режимин ишке киргизүү жөнүндө мыйзам долбоорун 2-окууда жактырды.
Өкмөт ветеринардык жана фитосанитардык лаборатория куруу үчүн Кытайдан 18 МИЛЛИОН ДОЛЛАР ГРАНТТЫК каражат алганы жатат.
Кытай өлкөсү Кыргыз жарандары үчүн кайрадан жеке туристтик ВИЗА БЕРЕ БАШТАДЫ. Кытай мекендештерге виза берүүнү 2017-жылы токтоткон эле.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 840, 7-13-декабрь, 2018-жыл