БАЛАТЫЛАР БАЯНЫ. ШААРЛАР МАЙРАМДЫК ШӨКӨТКӨ КАНЧА КОРОТОТ?

Өлкөбүздүн шаарларында декабрь айынын башынан тарта Жаңы жылга даярдануу күч алат. Бөлүнгөн миллион сомдорго балаты орнотуу, кооздоо, жарык берүү иштери жүргүзүлөт. Муну менен катар канча каражат коротулду жана кайда жумшалары кызыктырбай койбойт.

БИШКЕК БЮДЖЕТИН КЫСКАРТАТ

Бишкек шаарынын мэриясы бул жылы Жаңы жылга жасалгалоо иштеринде бюджетин бир топ кыскартты. Бул жылы майрамга жалпы 6,5 миллион сомго жетпеген каражат жумшалат. Өткөн жылкыга салыштырсак, 2017-жылы 17 миллион сомдун тегерегинде каражат коротулган. “Ала-Тоо” аянтына 3 жылдан бери колдонулуп келе жаткан жасалма балаты орнотулуп, ал 10-декабрь күнү жандырылды.

Балатыны кооздоо мэриянын алдындагы “Бишкексвет” жана “Тазалык” муниципалдык мекемеси тарабынан ишке ашырылды. Мамлекеттик сатып алуулар порталынын маалыматына таянсак, балатынын оюнчуктарына эле 410 миң сом керектелген. Мындан тышкары жарыктандыруу иштерине 1 миллион 800 миң сом, концерттик иш-чараларга 600 миң сом, фейерверк 500 миң сом, сахнаны жасалгалоо иштерине
394 миң сом, видео жана промо-ролик даярдоо 140 миң сомго эсептелинген. Бишкек мэриясы "быйылкы жылы каражат үнөмдөлсө дагы, майрамдык маанай тартуулайбыз" деп ишендирип жаткан чагы.

Каражатты туура пайдалануу үчүн дагы бир жагдай, ушул жылдын ноябрь айында УКМК 2016-жылы Жаңы жылга карата шаарды жасалгалоо иштеринде "Бишкексвет" муниципалдык мекемесинин жана шаардык мэриянын кызматкерлери мамлекеттик бюджетке 7 миллион 849 миң сом өлчөмүндөгү зыян келтирилгенин аныктап, кылмыш ишин козгоду. Буга чейин да балатынын айынан мэрия бир катар окуяга туш болуп келген. Алсак, 2012-жылы 2 миллион сомго жасалган балаты кулап калганы менен эсте калган. 2014-жылы балатыга 2,5 миллион сом сарпталып, жасалгасы көпчүлүктүн купулуна толгон эмес.

ТАЛАС

Талас шаарынын борбордук аянтына Жаңы жылга карата 136 миң сомдук балаты орнотулууда. Мурунку жылы 14 метрлик балаты 16 миң сомго алынган, аны кооздоого 95 миң сом каралган.

НАРЫН

Былтыркы жылы Нарын шаарынын мэриясы белекке берилген, бийиктиги 15 метрлик балаты орнотуп, аны кооздоого 200 миң сом жумшаган. Быйылкы жылы балатыны кооздоо үчүн 219 миң сом жумшалат.

ЖАЛАЛ-АБАД

Жалал-Абад шаарында быйылкы жылы биринчи жолу жасалма балаты орнотулууда. Муну менен катар ага коротулган каражат дагы өстү. Шаардын мэриясынын басма сөз кызматы балатыны жасоо иштерине 1 миллион 370 миң сом коротуларын билдирди. Шаарды көрктөндүрүү иштерине жалпы
2 миллион 300 миң сом каралган. Өткөн жылкы каражаттар менен салыштырсак, майрамга 550 миң сом сарпталган. Каражат менен кошо балатынын бийиктиги жогорулады. Мурунку жылдары 20 метрлик балаты болсо, быйылкысы 25 метрди чапчыйт.

КАРАКОЛ

Ысык-Көлдүн борбору Каракол шаарында өткөн жылдагы балаты орнотулууда. Шаар мэриясынын басма сөз кызматы балатыны кооздогонго 200 миң сом жумшалат дейт. Ал эми жалпы шаардын ичин кооздоого канча каражат бөлүнөрү азырынча чечиле элек. Аталган шаар мэриясы 21 метрлик жасалма балатыны былтыркы жылы 1 миллион сомго алган. Аны кооздоого 320 миң сом короткон.

БАТКЕН

Баткен шаарында быйылкы жаңы жылдык балаты майрамын өткөрүүгө 90 миң сом жана көчөлөрдү жасалгалоо үчүн 11 миң сом коротуларын мамлекеттик сатып алуулар порталынан көрүүгө болот. Былтыркы жылы шаар мэриясы
123 миң сомго 15 метрлик балаты орноткону белгилүү.

ОШ

Ордолуу Ош башка шаарлардын балатыларынан бийиктиги менен айырмаланат. Борбордук аянттагы балатынын бийиктиги 27 метр. Ош шаарынын мэриясы билдиргендей, өткөн жылы коюлган балатынын конструкциясы бузулуп, быйылкы жылы ал жаңыдан орнотулууда. Балатыны орнотуу иштери 10-декабрда башталган. Мамлекеттик сатып алуулар порталында балатыны орнотуу жана кооздоо иштерине жалпы каражат 1 миллион 525 миң сом деп көрсөтүлгөн. Өткөн жылы Ош шаарындагы балатыга 900 миң сом коротулган.

БАЗАРДАГЫ БАЛАТЫ БААСЫ

Бишкек шаарында Жаңы жылга карата табигый балаты алам дегендер үчүн атайын балаты базар иштеп жатат. Аталган базар 10-декабрдан тарта 31-декабрга чейин иштеп, балатынын түрүн алса болот. Сатуучулардын айтымында, базарда карагайдын бир канча түрү бар. “Тянь-Шань карагайы, ак карагай, арча жана башкалар сатыкта. Булардын бардыгы тамыры менен сатылат, аны майрамдан кийин жерге отургузуп койсо болот. Бойлору 1 метрден 4-5 метрге жетет, кардар каалаганын тандап алса болот. Баалары 1500 сомдон 70 миң сомго чейин жетет”,- дешет алар.

Жылдан жылга майрам үчүн табигый балаты эмес, көбүнчө жасалма балаты коюлууда. Табият үчүн да, капчык үчүн да ыңгайлуу чечим. Жасалма балатыларды миң сомдон баштап 30 миң сомго чейин алса болот.

Адилет Керимбек уулу
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (13)
meni_kut
2018-12-18 10:41:32
Жон эле бир конус.Андан коро бою кыска болсо парпыраган чыныгы елка койсо кана....Оштогу елкага килем жаап койгондой...озум Оштонмун....Ссср убакта сонун елкалар болчу жомоктогудай.
0
Flowhive
2018-12-18 14:44:23
Өзү Оштун мэри да болбогон адам
+3
Nargiza1987k
2018-12-18 15:07:58
Чыгаша чыгаша чыгаша
+4
Aisle
2018-12-18 16:29:36
Баткендеги елканын жасалышына ошончо акча кетиптирбии...кечирип койго жасалгасыы....кимдин чонтогуно кетип атат акчалар
+2
Sprite
2018-12-18 17:46:22
Ошол миллиондогон акчаларды,чет мамлекетте операция боло тургандарга берсе эн жакшы болот эле.Эч Ким нааразы болбосо керек эле менимче.Жеке мен учун жаны жыл,кымбат балатылар кызыгы жок.Ошончо оорулуулар,жакырлар бар алардын козуно азыр ден соолук,жылуу соз керек,жакындарынын элеси козуно элестеп.Калайык калк быйыл балаты болбойт,муктаждарга бердик дешсе кайра,эл колдосо керек эле.
+8
zinagull1996
2018-12-19 16:22:08
Кана фоткалары
+1
pirim77
2018-12-19 16:27:31
оштун балатысы кундузу жапжашыл эле футбольный газон. тундосу очуп жанганы эле болбосо анысы 1 жарым миллион экен
+1
Zaina
2018-12-19 22:13:06
2-3 жыл чыдап эч бир жерге елка койбой, эч той откорбой тышкы карызды толосок болбойт беле?
+3
Frunze2
2018-12-20 18:28:14
Баалары 1 миллиондон 6,5 миллионго чейин жеткен конустарды кантип балаты деп атоого болот?! Биздин Окмоттогулор Тарых музейинин тегереги, артындагы арчаларды беои болгондо 1000 жолу корсо керек эле, ошондо да чыныгы балаты кандай болуусу керектигин тушунушпоптурбу?!! Темир каркас орнотуп, устун футбол талаасындагы жасалма газон кейиптентип туктуу килем жаап, гирлянда, светодиоддорду илип койсо, ошол КОНУС балаты болуп калат бекен?!! Апачык эле КОРРУПЦИЯ!!! Уят!!!
+3
Nur777
2018-12-20 23:09:21
Караколдо жылда шактары барпыраган,кооз,тируу ёлка коюшчу эле,2 жылдан бери алар да конуска отушкон экен да))))Конокко барып калсан Караколдун площадына суйроп жоношот эле,ошондо чыныгы балпайган балатынын жытын жыттап,чыныгы илгеркидей кооз оюнчуктарына суктанып кайтчубуз,азыр Бишкектегидей пластмасса,баардык жерге жайылып жаткан жасалма конустун жанына деле баргым келбейт...
+1
Skarlett-Skarlett
2018-12-21 00:42:19
Мен жакшы эле карайм балатыга,кубанууну да сезе билели туугандар.Мына,былтыры Ошто тостум Жаны-Жылды.Концерт,дискотека,жузунон кубаныч тогулгон адамдар.Адамдын коптугун айтпай эле койсом болот.Соода кылган адамдар да байыды окшойт,анткени майрам куну баарыбыз берешен болуп кетебиз го.Жаш балдар аябай жыргашты.Бактылуу жашоо жок,бактылуу минуталар гана бар дегендей конулдуу ойноп кайттык.
+1
Baktyluu_bolgum_kelet
2018-12-21 10:55:21
Андан көрү үйү докторго уй алып бергилечи.
+1
tyrgon
2018-12-21 15:24:50
Ооо ак оргодо дарика эже троллейбус жууп журот суукта ыссыкта орукчан кызы бар вагондо жашапатат ошого жардам ьеруу больойбу
0
№ 841, 14-20-декабрь, 2018-жыл
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА