Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

УКТАП ЖАТКАН ЖЕ КРИТКЕ КЕТКЕН КАРТАЛАР, ОЙ, ЫРЧЫЛАР...

№401 9-15-июль, 2010-ж.


Кыргыз шоу дүйнөсү

Өткөн саныбызда бул жылы шоу-бизнести басып турган туздарды, ырларын эл сүйүп уккан хан, ханышаларды, эмгеги көзгө толумдуу вазирлер менен айымдарды жазганбыз. Бул жолу бир нече жылдык тыныгуудан кийин ишке киргендерди, критке кеткендерди, куш уйку салгандарды тизмектөөнү туура көрдүк.

КОЛДОГУ АЧЫК КАРТАЛАР
Атаандашынын колундагы карталарды аңдып, кандай жүрүш жасар экен деп кооптонуу менен байкоо салган мүнөттөр кандай кызыктуу. Басууга даяр, колдо ачык турган карталарды иштейм деп шымаланууга киришкен ырчыларга окшоштурдук. Мисалы, Неля ымыркайын торолтуп коюп, эки билегин түрүнө ишке киришкен кербези. 12 ыр камтылган “Сүйүү баяны” деген альбомун жарыкка чыгарды. Ичинде Урмат экөө аткарган дуэттер да толтура. Урмат демекчи, бул ырчы жубайына окшош жүрүш жасайт өңдүү. Дегеним, Неля кош бойлуу болуп турганда Урмат дагы талкан сугунуп алган сымал унчукпай калган. Неля вокал боюнча сабак алып, фестиваль-сынактарга катыша баштаганда Урмат да кыймылга келди. “Назаровдон кем бекем?” деген окшойт, “Балама” деген ырды жаратып таштады.
Анча-мынча ырчыларды чабам деген Темир Назаров кыска мөөнөттөгү уйкудан ойгонду. Бул жигиттин уйкусу катуу деле болгон жок. Уйку-соонун ортосунда бир аз кыңылдай коюп да жүрдү. Экс-продюсери менен элдешкен Темир кандай эмгек жаратар экен, бир аз күтө туралы.
Ханышалардын катарын толуктасамбы дегендердин арасында Асема бар. Бул айым көз жарган соң баласынын жытына мас болуп, “Наристем” деген ыр жаратты.
“Две реки” деп созуп, жаш ырчылар арасында төбөсү көрүнө баштаган Тилек Каныметов бир нече жыл сахна түгүл көшөгө артынан да көрүнбөй кеткен. Көрсө, бул ырчы акчанын артынан Кытайга иштеп кетиптир. Чөнтөгүн канчалык тултуйтканын ким билет, кыскасы, мекенине кайтып келип, жаңы ырларды жаздырууга киришти.

ЖЕРДЕГИ АЛЫНА ЭЛЕК КАРТАЛАР
Жердеги колго алына элек карталарды элестетсеңиз. Ошол карталарды элестетип отуруп, чээнге киргендей уйкусу келген ырчылар көзгө урунду. Алар кимдер? Океандын ары жагында жүргөн Омар. Омар түнкү клубда ырдап акча таап жатканы менен, чыгармачылыгы жууркан астында катылуу.
Байкадым бир кызыл гүлдү бакчадан” деген саптарды жаңыдан созо баштаганда Айчүрөк Иманалиева ушунчалык популярдуу эле. Жаш келсе – ишке, кары келсе – ашка дедиби, акыркы учурда Айчүрөк айымдын оозунан жаңы ырлар куюлушпай калды.
Дагы бир ырчы Алихан эмнегедир уйкуда. Же бул жигитке продюсери анчалык көңүл бөлбөй жатабы, ким билет?
Курбуларынан “Алина деги бир жулунуп тигинтейин, минтейин дебейт” деп кейип калгандарын угуп калчубуз. “Кыймылда” деген киши болбой калдыбы же Алина Жетигенова эрте эле ордун жаштарга бошотуп бердиби, айтор, карааны алыстагандан алыстап баратат.
Жашоодогу ары тур, бери турга маанайы чөгүп, ар бир майда-баратты жүрөгүнө жакын алып кейий берген Султан Садыралиев качан арышын чоңойтот? Муну Султан өзү да билбесе керек. Чиркин өмүр, жанып турган жылдыздын бүлбүлдөп калганы жаман турбайбы.
Дүйнө жүзүндөгү ири державалар Кытай менен АКШ­нын ортосунда чабылган Бактыгүл Бадыева. Жаңы эле АКШдан келген ырчы кайрадан Кытайга сапар тартыптыр. Эмне эле бул эки мамлекетке жабышып калды, азырынча табышмак.
Семанын сахнадан оолактаганынын сыры бештен белгилүү. Анткени бул жигит ишкерликке оой баштады.
Таланттуу, бирок таланттуумун деп алы жеткенин да, жетпегенин да басууга, чабууга аракеттенгенди жактыра бербеген Алтынбек Алымов. Бул жигит карт бойдок аталбай үйлөнсө, болуп көрбөгөндөй чыгармачылык эргүү жаралабы деген жакшы тилек менен күн кечире туралы.
Кыркында бала жытын искеген Мерген Турган. “Казак аял алсаң, Казакстанга карай зымырайсың” деген тамаша кеп бар эмеспи эл арасында. Анын сыңарындай Мерген байкебиз да акыркы учурларда баурдастарга кол бала болуп кеткен шекилдүү.
Досторунун “бас, бизге кошулуп сен да ырдап кал” деп сүйрөгөнүнөн эле келип калгандай болгон Акбар Сүйүнбаев. Эмитен эле жоошуп калган ырчы мырза августта үйлөнсө, сахна менен таптакыр эле кош айтышабы деп турам.
Ырчылыкка караганда көбүрөөк тамадалыкка ыктаган Чыңгыз Мырзаев. “Коёнектер, көзү тегеректер” деп жүрүп эле басыгы солгундап калды.
Казакстанда катуу иштеп коюп чарчап калган окшойт. Мекенине кайтып келгени жаңы чыгармалардын үстүндө иштеп жаткандай болгон Тынай Алыбаев. Азыр баса албай калган карталарды көтөрүп маанайы жок отурган адамдай эле унчукпай калды.
Анжеликаны түшүнсө болот. Мына-мына көз жарам деп турган айым бир аз тыныгууга кетти.

КРИТКЕ КЕТКЕН КАРТАЛАР
Өз милдетин аткарып, жабылып калган карталарды да четте калтырган жокпуз. Убагында жанга жагымдуу ырларды жараткан, бирок акыркы учурда ыр дүйнөсүнөн оолактагандардын башында Мирбек Иманбеков турат. Бул жигит продюсери экөөнүн түзгөн келишими менен катар чыгармачылыкты да жыйыштырды көрүнөт.
Үй-бүлөнү багыш үчүн кафеде ырдаганы менен, эл көзүнөн алыстаган Кайрат Примбердиев.
Жаңы ырларды, жаңы клиптерди жаадырып күйөр­ман топтосо, ийгилик коштомок эле бул ырчыны. Тилекке каршы, андай кадамга Эрмек Маматов да бара албады.
Жаркырап келе жатып эле көшөгөгө кире качкан Бегимай Карабаева. Бегимай бул кадамы менен, жаш ырчы кыздар сахнада көп кармалбасын көрсөтүп койду. Көшөгөң көгөрүп, бакыт тап дегенден башка эмне айта алабыз.
Созулкан Алибекова, апей, Клара Алибекова. Кичинесинен дүңгүрөп чыккан Кларанын таланты Байыш экөөнүн очогу өчкөндө кошо жалп өчкөн сыяктуу.
Бек Борбиевдин өнөк­төш­төрүнүн бири Мая. Бектин жа­нында жүргөн-­дө­гүдөй алым­дуулук эми келбесе керек.
Замир Мырза мугалим болуп, сахна менен кош айтышат өңдүү.
Чынында, эл Айгүл Чалованын бир эле “Сүйүү арманы” деген ыры бар деп ойлойт. Айгүл аталган ырдан башка деле чыгармаларды жаратууга жетишкен. Бирок алар алгачкы ырындай боло алышкан жок. Кыскасы, сүйүүсүн арман кылган кыз катуу уйку кучагында.

КЕЛЕЧЕКТЕ БАСА ДА, ЧАБА ДА АЛЧУЛАР
Москва бир күндө эле курулган эмес” деген сыяктуу учурда шоу-бизнести басып турган Гүлнур, Бек өңдүү туздар бул жарыкка ушундай деңгээлде төрөлүшкөн эмес. Канчалаган эмгек, өжөрлүк жумшалып, анан Эмгек сиңирген артист, Эл артисти болуп отурушат. Кыймылдаган кыр ашат болуп уктап да калбай, катуу да кетпей, дайыма чыгармачылык үстүндө жүргөн ырчыларыбыз көп. Алар: Айдин Шер, Арсен, Замир Арыкбаев, Съездбек Искеналиев, Эрлан Андашев, Нурлан Насип, Айжан Газиева, Максат Бегалиев, Айя Садырова, Бегимай Бекбоева, Ынак Осмоналиев, Самат Дөөлөтбаков, Бегимай Эсенгулова, Гүлжигит Сатибеков, Кубаныч Сатаев, Добр жана башкалар.

Сүйүн Кулматова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(3)
16.07.2010. 14:33 
Тайпасы:
Кыймылы жок
Комментарийлердин саны:
120
Катталган:
01-04-2009
Соӊку аракети:
13-02-2013 00:56
Жынысы:
Белгисиз
Калаасы:
бишкек
0
Замир Арыкбаев, Съездбек Искеналиев, Айя Садырова, Бегимай Бекбоева, Самат Дөөлөтбаков, Бегимай Эсенгулова,Айдин Шер,Айжан Газиева булар деле критке чыгып калган карталар го....
катуу тийсе кечиргиле
16.07.2010. 14:34 
Тайпасы:
Кыймылы жок
Комментарийлердин саны:
120
Катталган:
01-04-2009
Соӊку аракети:
13-02-2013 00:56
Жынысы:
Белгисиз
Калаасы:
бишкек
0
Арсен, Эрлан Андашев, Нурлан Насип, Ынак Осмоналиев, Добр жана Зари --- мына ушул ырчыларга умуттонсо болот го ..........
07.08.2010. 00:01 
Тайпасы:
Жаран
Комментарийлердин саны:
137
Катталган:
05-08-2010
Соӊку аракети:
15-09-2017 17:46
Жынысы:
Белгисиз
0
А где Атабеков
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: