БИР БҮРКҮМ. БОРБОР АЗИЯДАГЫ ЭҢ КЫМБАТ КҮЙҮҮЧҮ МАЙ КЫРГЫЗСТАНДА

КАЙРАТ ИМАНАЛИЕВ Кыргыз Республикасынын маданият, маалымат жана туризм министринин орун басары болуп дайындалды.
2018-жылы мамлекеттик мүлктү ижарага берүүдөн бюджетке 158,3 МИЛЛИОН СОМ түшкөн.
Улуттук статистика комитетинин төрагасы: "2018-жылы өлкөдөгү орточо айлык акы 15 МИҢ 747 СОМДУ түздү".
Америкалык Global Petrol Prices аналитикалык басылмасы: Борбор Азияда КҮЙҮҮЧҮ МАЙ эң кымбат Кыргызстанда сатылат.
14-январь күнү Бишкектен Тегеранга учуп чыккан BOEING 707 учагы кырсыкка кабылып, борттогу 16 адамдын көбү мерт болду.
Айлана-чөйрөнү коргоо жана токой чарба мамлекеттик агенттиги браконьерлер менен күрөшүү үчүн 2 МИЛЛИОН 280 МИҢ СОМГО 8 учуучу аппарат (дрон) сатып алды.
Кыргызстандын АКШ жана Канададагы атайын жана ыйгарым укуктуу элчиси КАДЫР ТОКТОГУЛОВ кызматтан бошотулду.
Жогорку Кеңештин депутаты ТАЗАБЕК ИКРАМОВ алкоголдук продукцияга "Манас" эпосунун каармандарынын атын ыйгарууга тыюу салууну сунуштады.
14-январь күнү президент СООРОНБАЙ ЖЭЭНБЕКОВ Жогорку Кеңештин төрагасы жана фракция лидерлери менен жолугушту.
Бишкек шаардык соту мурдагы вице-премьер-министр ДҮЙШӨНБЕК ЗИЛАЛИЕВди 3 жылга шарттуу соттогон Биринчи Май райондук сотунун чечимин күчүндө калтырды.
Президент Сооронбай Жээнбеков Жогорку Кеңеш кабыл алган “Кыргыз Республикасынын АБА КОДЕКСИНЕ өзгөртүүлөрдү киргизүү жөнүндө” мыйзам долбооруна кол койду.
Премьер-министр бир айдан бери бош турган транспорт жана жолдор министри кызматына ЖАНАТ БЕЙШЕНОВдун талапкерлигин сунуштады.
Вице-премьер Жеңиш Разаков ТҮКҮРҮККӨ салынган айып пулдун суммасын 1000 сомго чейин азайтуу каралып жатканын айтты.

Кубан Жумамидинов
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 846, 18-24-январь, 2019-жыл