ДИЛШАТ КАНГЕЛДИЕВА “ТҮНДҮК ЭЛЕКТР” ИШКАНАСЫНЫН АЙЫБЫН АЧТЫБЫ?

Кыргыз Республикасынын Эмгек сиңирген артисти Дилшат Кангелдиева жашабаган үйүнө электр энергиясы үчүн 3982 сом эсеп дүмүрчөгү келгенин айтып “Түндүк электр” ААКсынын кызматкерлерине нааразы. Ырчы айым бул окуя боюнча төмөнкүлөргө токтолду:

– Биз Сокулук районундагы Ак-Жол айылында жайгашкан үйүбүзгө электр энергиясы үчүн буга чейин көп сумма төлөп келгенбиз. Электр кубаты 3 фазалуу болгондуктан ушундай көп чыгат турбайбы деп ойлочубуз. Мындан 3 жыл мурун кышында 3 айга деп 60 миң сомго дүмүрчөк келди. Мен эл адамы болгондон кийин калп айтмак белем? Бул жерден жетекчилердин күнөөсү деле жок болуш керек. Ал дүмүрчөктү алып келген көзөмөлчүнүн иши. Бизге олчойгон сумманы алып келген, анан сүйлөшүп, ошол сумманы өзүнө төлөгөнбүз. Ал болсо бул жакка башка сумманы жөнөткөн окшойт. Азыр сураштырсам ал жигит иштебейт экен. Мындай ортодон акча жасаган адамдар үчүн мен ортодо күйүп отурам.

Электр энергия үчүн октябрда биз 5300 сомду төлөп, бул жактан көп чыгым болот экен деп Бишкектеги бардык шарты бар батирибизге көчүп келгенбиз. Эми минтип жашабаган үйүбүзгө январь айында 3982 сомго дүмүрчөк келиптир,- дейт ырчы айым.

Ал эми “Түндүк электр” ААКсынын басма сөз катчысы Гуля Мураталиеванын айтымында, аларга аталган даректе 20-ноябрга чейин электр энергиясы колдонулган деген сигнал келген. Ошол суммага туум кошулуп отуруп аталган сумма келип чыккан. Акыркы 8 жылдык дүмүрчөктүн эсебин караганда расмий түрдө базага орточо Дилшат айым 10-12 миң сом гана төлөгөн деген маалымат бар.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

DNurgiza

2019-01-22 21:32:08

СЧет келген соң, контролер эч качан өзүнө ала албайт, кичине апыртып ийгенге окшошуп турат.

miraidaaa

2019-01-23 08:58:20

DNurgiza,ката кетириши мумкун,бизге да бир жылдары коп келир аткан ай сайын 1000 сом кошулуп апам барып урушкан эле кийинкисинде азайтып келишкен 150 сом кылып.

DNurgiza

2019-01-23 09:32:28

miraidaaa, урушсак эле колдонгон сумманы азайтып ийгенге ишенбейм мен, ошондо калган сумманы контролер төлөп калабы. Негизи счетчик он жылдан соң же абоненттин эсебине, же өкмөттүн эсебине ичтеп калышы мүмкүн, б.а. бузулуп калат, ошондуктан ар кимди күнөөлөбөй счетчикти арыз жазып алмаштырышы керек.

BTFB93

2019-01-23 14:34:48

Эптеп унутулуп калганда эле бирдемени ойлоп гезит бетине чыга калышат.

BTFB93

2019-01-23 14:36:17

Бул ырчы айым үйлөрүм көп деп эле мактангысы келген го менимче ал жактан көп чыгым болуп бул жака көчүп келдик деп

Azatbek.Svoboda.

2019-01-28 04:13:34

Бул айым менин жердешим болот. Жаман соз жазбагыла! Ала-Букадан болот!

Комментарий калтыруу үчүн өз ысымыңыз менен кириңиз же каттоодон өтүңүз.

№ 846, 18-24-январь, 2019-жыл