Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Жол кырсыгында агасынан айрылган жаран: «2 АДАМ КАЗА БОЛСО ДА, ТЕРГӨӨЧҮ КЫЛМЫШ ИШИН КОЗГОБОЙ КОЙДУ»

№847 25-31-январь, 2019-жыл


2018-жылдын 24-декабрь күнү Ысык-Көл облусунун Ысык-Көл районуна караштуу Чоң-Сары-Ой айылында Хонда Степвагон үлгүсүндөгү унаа менен Мерседес-Бенц 210 унаасы сүзүшүп, андан Хонда Степвагондо келе жаткан 2 жүргүнчү каза болуп, 2 жүргүнчү, айдоочусу, Мерседес унаасынын айдоочусу ар кандай жаракаттарды алышкан. Мерседес унаасында айдоочу гана болгон. Адам өлүмү катталып жатса да бул факт боюнча тергөөчү эмнегедир кылмыш ишин козгоодон баш тарткан. Аталган иш боюнча сөз кылабыз.


«УНААМДЫ КАРЫЗГА АЛЫП, АКЫСЫН 4 ЖЫЛ ТӨЛӨГӨН ЭЛЕМ»

Кырсыкка кабылган Хонда Степвагондун айдоочусу 47 жаштагы Мирбек Манияров Бишкек-Григорьевка багыты боюнча жүргүнчү ташып иштеп, үй-бүлөсүн багып жүргөн. Ал окуя тууралуу буларды айтып берди:

– Мен саатына 60 чакырым ылдамдык менен келаткам. Бир маалда эле жарк этип Мерседес катуу ылдамдык менен алдымдан чыкты. Ылдамдыкты азайттым. Качырып жатат го деп, фараны күйгүзүп-өчүрүп көрдүм. Мерседес катуу ылдамдык менен келип сүзүп салды. Мерседестин айдоочусу аял киши экен. Ал уктап кетти окшойт деп ойлоп жатам. Азыр ал учурду ойлогондо каршы тилкеге чыгып ары карай бурсам болмок экен деп калам. Бирок анда да Мерседес кайра бурулса эмне болот эле? Билбейм, кантишим керек эле? Мен эреже бузган жокмун. Өзүмдүн жолумда бара жаткам. Өзүмдү күнөөлөй албайм.
Менин унаам чимирилип барып туруп калыптыр. Бир учур эсимди жоготуп кайра өзүмө келдим окшойт. Эсиме келсем өзөрүп калыптырмын, дем ала албай жаттым. Унаадан түшсөм бир бутум иштебей калды. Бутумду жерге койсом таянбай койду. Унааны кармалап эптеп арткы эшикке бардым, эшикти ачууга алым жетпей койду. Бир убакта кишилер келип мени бир жерге отургузуп коюшту. Турайын десем эле кулап жаттым. Көрсө, бир бутум иштебей жатыптыр. Бирок ооруну сезген жокмун. Көп нерсе эсимде жок. «Тез жардамда» баратканда Мерседестин айдоочусунун кыйкырып, бирөөнүн атын айтып сөгүп баратканын билем. Бирөө менен урушуп жолго чыккан окшойт. Айдоочу кыз мас экени билинген.
Өзүм 1999-жылдан бери таксистмин. Мындай абалга биринчи жолу кабылып жатам. Унааны карызга алып, 4 жылда араң кутулган элем. Ушул күздө акчасын төлөп бүткөм. Эми минтип төшөктө жатып калдым. Тиземдеги сөөктөр майдаланып кетиптир, операция жасашты. Башымдан, өпкөмдөн жаракат алдым. Эми качан турам, билбейм. Үйдө иштеп акча тапкан мен элемин. 3 балам, жубайымды мындан ары кантип багам? Өзүбүздүн үйүбүз жок, туугандардын үйүндө жашайбыз.

«НЕС АБАЛЫНДА ЧУРКАП КЕТИПТИРМИН. АЗДАН КИЙИН ТУРА АЛБАЙ КАЛДЫМ»

Ысык-Көл районунун Кашат айлынын 34 жаштагы тургуну Элнура Тынаева Хонда Степвагондун жүргүнчүсү болгон. Орусияда иштеген каарманым жумушунан 10-январга чейин гана суранып үйүнө келаткан. Эми ал 3 ай төшөктө жатуусу керек.

– Орусиядан атамдын каза болгон күнүнө карата куран окуталы деп келе жаткам. Биздин унаа жай келаткан. Чоң-Сары-Ой айылынан өтүп баратканда Мерседес үлгүсүндөгү унаа аябай катуу ылдамдык менен келип бизди сүзүп салды. Мен унаадан ыргып барып жамбашым менен куладым. Белим ооруй түштү. Ал учурда өзүмдү эмес, мен менен чогуу келаткан 15 жаштагы инимди ойлодум. Жыгылган жеримден туруп эле унаага чуркадым. Иним уктап келаткан жеринен эс-учун жоготуп коюптур, бети-башы канжалаган. Аны жулкулдата бердим, ойгонду. Айдоочу байке «жардамга-а» деп кыйкырып жүргөн. Ары жактан өтүп бараткан таксисттер келип жардам берип, инимди унаадан чыгарышты. Ал чыккандан кийин мен баса албай калдым. Нес абалында эле ооруну сезбей жүрө берген окшойм. Айдоочунун да басып жүргөнүн көргөм. Ал деле буту сынганын сезбей басып жүрүптүр. Кийин баса албай отуруп калды. Мени бирөөлөр сумка, чемодандардын үстүнө жаткырып коюшту. Ошондо ары-бери баскан эл Мерседестин ичинде спирттик ичимдиктер бар экенин айтып жатканын уккам.
Жол коопсуздугун көзөмөлдөө кызматы тез эле келди. Ал эми «Тез жардам» болжол менен бир сааттан кийин келди. Мерседестин айдоочусу менен «Тез жардамда» чогуу бардык. Ал кыйкырып, сөгүнүп жаткан, оозунан ичимдик жыттанып турду.
Чолпон-Атадагы ооруканада белимден ылдый кыймылдабай жатса да, врач «эч нерсе жок» деп койду. Бир күн тамчылатма дары куюп, дарыларды берди. Башка эч нерсе кылган жок. Абалым күндөн-күнгө оорлой берди. Кайдыгер мамиле кылган врачтын үстүнөн да арыз жазалы деп жатабыз. 3 күндөн кийин Бишкектеги ооруканага барсак, шыр эле жандандыруу бөлүмүнө жаткырышып, операция жасашты. Түшүнгөнүм боюнча, ашказан жактагы май, ичеги үзүлүп кетиптир. Куймулчак сыныптыр. Врачтар 3 ай турбай жат дешти. Жумушум калды.


«СОТКО ЧЕЙИНКИ ӨНДҮРҮШ ТУУРА ЭМЕС БЕРЕНЕ МЕНЕН БАШТАЛДЫ»

Бул кырсыктан Эрнис Жээнтаевдин атасынын иниси Шериф Жээнтаев каза тапты. Анын артында 6 баласы калды.

– Байкем Алматыга барып алма сатып, 24-декабрда үйүнө бара жаткан экен. Жаракатынан улам ооруканага жеткенче үзүлүптүр. Бул ишке болгон тергөөчүнүн мамилеси бизди нааразы кылды. Эки адам каза болсо да тергөөчү кылмыш ишин козгогон жок. Себебин сурасак, «арыз жазылбагандыктан иш козголгон жок» деп түшүндүрүштү. Бирок мен 28-декабрда арыз жазгам. Анда деле козголгон жок. Прокуратурага арыз жазгандан кийин ушул жылдын 8-январында иш КЖБРге (кылмыштар жана жоруктардын бирдиктүү реестри) катталды. Ишти жаңы Кылмыш-жаза кодексине ылайык алып баруу үчүн атайын создуктургандай сезилип жатат. Дагы бир нааразычылыгым, кылмыш иши 297-берене менен козголду. Бирок ал беренеде адам өлүмүнө алып келген кырсык тууралуу сөз жок.


«АРЫЗ ЖАЗЫЛБАГАНЫ ҮЧҮН КЫЛМЫШ ИШИ КОЗГОЛГОН ЖОК»

Суроолорго Ысык-Көл ОИИБинин басма сөз катчысы Сталбек Усубакунов жооп берди:

– 24-декабрда болжол менен түнкү саат 23:30 чамасында Балыкчы-Каракол жолунун 66-чакырымында жол кырсыгы болуп, анда Мерседес Бенц 210 үлгүсүндөгү унаа менен Хонда Степвагон унаасы сүзүшкөн. Андан эки киши каза болуп, 4 адам ар кандай жаракаттарды алышкан. Жазык-процесстик кодексине ылайык, атайылап жасалбаган кылмыш иши жеке-жалпы айыптоо менен козголот. Бул жерде кылмыш иши соттук-автотехникалык экспертизанын негизинде же жабырлануучу тараптын арызынын негизинде козголот. Алар арыз жазышкан эмес. Кырсык декабрдын акыркы күндөрүндө болуп, эс алуу күндөрүнө туш келгендиктен экспертизанын жыйынтыгы кечигип калгандыгына байланыштуу тергөөчү кылмыш ишин козгоодон баш тарткан.
Жабырлануучу тарап 28-декабрда арыз жазганын айтыптыр, жазган эмес. Алар Жаңы жылдан кийин факт боюнча эмес, тергөөчүнүн ишине нааразы болуп арыз жазышкан. Азыр прокуратура тарабынан тергөөчүнүн чечими жокко чыгарылып, иш кайра тергөөгө жиберилди. Иш 8-январда КЖБРге Кылмыш-жаза кодексинин 297-беренеси менен (Автомототранспорт каражаттарынын кыймылынын жана аларды эксплуатациялоонун коопсуздук эрежелерин бузуу) катталып, сотко чейинки өндүрүшкө алынды. Берененин ичиндеги «оор зыян келтирүү» дегенди адам өлүмүнө алып келүү менен барабар санасак болот.
Мерседес үлгүсүндөгү унаанын айдоочусу, 1980-жылы туулган Чоң-Сары-Ой айылынын Д.И. аттуу тургунунун канында спирт ичимдиги бар болгондугу аныкталды. Соттук-автотехникалык экспертизанын корутундусу менен Мерседес унаасы күнөөлүү болуп жатат. Мерседес эрежени бузуп, Степвагонду сүзгөн. Факт боюнча сотко чейинки өндүрүш жүрүп жатат.


«АРЫЗСЫЗ ЭЛЕ КЫЛМЫШ ИШИ КОЗГОЛУШУ КЕРЕК БОЛЧУ»

Юрист Калыйнур Батыралиев бул жагдайда тергөөчү туура эмес аракет кылган деген пикирде:

– Бул иш боюнча Кылмыш-жаза кодексинин 297 жана 138-беренелери менен сотко чейинки өндүрүш башталышы керек болчу. Себеби автомототранспорт каражаттарынын кыймылынын жана аларды эксплуатациялоонун коопсуздук эрежелерин бузуу (297-берене) менен ал эки же андан көп адамдын өлүмүнө (өзгөчө оор зыян) алып келип (138-берене) жатат. Бул окуя боюнча арыз жазылбады деп кылмыш ишин козгобой коюу туура эмес. Анткени Жазык-процесстик кодексинин 23-беренесинин 3-пунктуна ылайык, тергөөчү, прокурор сотко чейинки өндүрүштү, жабырлануучунун же анын мыйзамдуу өкүлүнүн арызы жок учурда да баштай берет.

Көңүл бурчу жагдай, Ысык-Көл ОИИБинин басма сөз катчысы 28-декабрда арыз түшпөгөнүн айткан. Жабырлануучу тарап 28-декабрда арыз жазгандыгын далилдеп берип жатат. Эки адамдын өлүмүнө карабай тергөөчү факт боюнча кылмыш ишин козгобой койгондугу да шек санатат. Бул милиция кызматкерлеринин өз ишине кылган кайдыгер мамилесиби?

Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
29.01.2019. 13:19 
Тайпасы:
Жаран
Комментарийлердин саны:
122
Катталган:
05-05-2014
Соӊку аракети:
25-06-2019 00:43
Жынысы:
Белгисиз
+5
Тергоочуго да прокуратура тарабынан иш козголушу керек
29.01.2019. 22:41 
Тайпасы:
Жаран
Комментарийлердин саны:
112
Катталган:
21-09-2012
Соӊку аракети:
24-06-2019 16:56
Жынысы:
Белгисиз
+7
эки киши олуп атса дагы арыз жазыш керек деп шылтоо кылып отура бергиле мерстин ээси ооздоруна тыгып койсо керек
30.01.2019. 11:55 
Тайпасы:
Жаран
Комментарийлердин саны:
158
Катталган:
03-08-2013
Соӊку аракети:
24-06-2019 21:52
Жынысы:
Белгисиз
+2
Кудай сактасын,боодо кырсыктан, тергоочуну мерстин ээси тойгузган да,
30.01.2019. 20:51 
Тайпасы:
Жаран
Комментарийлердин саны:
15
Катталган:
31-03-2016
Соӊку аракети:
20-06-2019 06:28
Жынысы:
Белгисиз
0
Бир мас катындын айынан эки адам каза болду калгандары ар кандай жаракат алды. Жазасын алсын! Ичип алып айдап башкалардын убалына калды.
03.02.2019. 17:55 
Тайпасы:
Жаран
Комментарийлердин саны:
574
Катталган:
02-04-2018
Соӊку аракети:
25-06-2019 00:04
Жынысы:
Белгисиз
0
Жумуштан баарын алыш керек!
04.02.2019. 21:32 
Тайпасы:
Жаран
Комментарийлердин саны:
15
Катталган:
14-12-2013
Соӊку аракети:
25-06-2019 00:56
Жынысы:
Белгисиз
Калаасы:
Карасуу
0
Ошол тергогунун жакындары ушинтип жол кырсыгынан каза болсо кантээр экен?жашоо бумеранг тергочу акчага козун май бастыбы?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22453;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: