ДОБР КЫРК ЖЫЛКЫЛУУ БОЛДУ

Рэп аткаруучу Добрдун үйүндө экинчи жолу наристе үнү жаңырып отурат. Тактап айтканда, рэпер 22-январда экинчи ирет ата макамына ээ болду. Рэперге байланышканыбызда ал сезимдери менен төмөндөгүдөй бөлүштү:

– Кудай буюрса, кырк жылкылуу болдум. Учурда жубайым Жибек менен кызымдын абалы жакшы. 4-төрөтканада саат 21:45те көз жарды. Салмагы 3 килограмм 300 грамм, ал эми бою 50 сантиметр экен. Кыздуу болгон сонун сезим экен. Ысымын буга чейин эле тандап койгонбуз, бирок азырынча айтпай турайын.

Рэпер мырза жана жубайы Жибек 2016-жылы 19-августта тун наристелүү болушуп, уулуна Азирет деген ысым ыйгарышкан.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

Aikan1966

2019-01-29 10:22:19

Омурлуу,чыныгы кыргыздын патриотту болсун.

Комментарий калтыруу үчүн өз ысымыңыз менен кириңиз же каттоодон өтүңүз.

№ 847, 25-31-январь, 2019-жыл