Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ДРЕСС-КОД КАЙДАН КЕЛИП ЧЫККАН?

№847 25-31-январь, 2019-жыл


“Сиз бул жерге кире албайсыз, сиздин кийимиңиз талапка жооп бербейт” деген сөздү бардыгыбыз өмүрүбүздө жок дегенде бир ирет уксак керек. Кандайдыр бир мекемеге кирүү үчүн же бир иш-чарага катышуу үчүн кийимиң тоскоол болуп калганы өкүндүрбөй койбойт. Негизинен эле дресс-код деген түшүнүк качан жана кандай ойдо пайда болгонуна сереп салып көрүүнү чечтик.

ИШИНЕ ЭМЕС, КИЙИМИНЕ БАА БЕРГЕН ДЕПУТАТТАР

16-январда Жогорку Кеңештин жалпы жыйынына көйнөк кийип келбегени үчүн Баштапкы кесиптик билим берүү агенттигинин өкүлү Талантбек Тынысов жыйындан чыгарылды. Алгач депутат Алмазбек Токторов Тынысовдон вице-спикердин кескин сындарынын коштоосунда эмне үчүн парламентке футболка кийип келгенин сурады. Тынысов бул абалды: "Бул футболка эмес, свитер. Жетекчибиз ооруп калганына байланыштуу мага бул жакка келеримди эртең менен эле айтышты",- деп түшүндүрдү. Андан кийин вице-спикер Мирлан Бакиров "Жогорку Кеңеш базар эмес" деп сүйлөнүп өкмөт өкүлүнөн жыйындан чыгып кетүүсүн талап кылды. Жыйынтыгында Тынысов жыйындан чыгып кетти. Эл өкүлдөрүнө өкмөт өкүлүнөн билим берүү тармагы боюнча суроолорго жооп алуу эмес, кандай кийинип келгени маанилүү болду көрүнөт.

Депутат Токторов менен Бакировдун өкмөт өкүлүнө карата жасалган бул мамилеси интернет айдыңында кызуу талкууга алынды. Пикирлердин арасында көпчүлүктүн көзүнчө адамдын кийими тууралуу айтып, сынга алуу туура эмес дегендер басымдуу. Жыйынтыгында вице-спикер видео аркылуу Тынысовдон кечирим сураса, депутат Токторов үн каткан жок.

Мындай көрүнүш кыргыз парламентинде биринчи жолу болгон жок. Буга чейин да мындай окуялар болуп келген.

2008-жылы ал кездеги парламент төрагасы Адахан Мадумаров жыйынга галстугу жок келген министрдин орун басарын сыртка чыгып кайра кийинип келүүсүн талап кылган. 2012-жылы экс-депутат Турсунбай Бакир уулу Жогорку Кеңеште иштеген кыз-келиндердин мини-юбка кийгенине каршы болуп, бардык кызматкерлерди талапка ылайык кийим кийүүгө милдеттендириш керектигин айтып чыккан. 2018-жылы июнь айында парламент төрагасы Дастанбек Жумабеков өкмөттүн бир нече өкүлдөрү жыйынга галстугу, костюму жок, жеңи кыска көйнөк кийип келишкени үчүн сындаган.

2011-жылдын 14-октябрында Кыргыз Республикасынын Жогорку Кеңеши тарабынан кабыл алынган Кыргыз Республикасынын Жогорку Кеңешинин Регламенти боюнча "Жогорку Кеңештин имаратында тартипти жана этиканын ченемдерин сактоо" деп аталган 145-берененин 2-бөлүгүндө “Жогорку Кеңеште иштеп жаткан учурда депутаттар жана ага катышкан адамдар Жогорку Кеңештин расмий иш мүнөзүнө ылайык келген кийим кийип жүрүүгө тийиш” деп гана жазылган. Бирок расмий иш мүнөзүнө ылайык кийим кандай болуш керектиги так жазылган эмес.

ДРЕСС-КОД: СОЦИАЛДЫК АБАЛДЫН КӨРСӨТКҮЧҮ КАТАРЫ...

Бул терминдин келип чыгышына көңүл бурсак, адамдар ортосундагы социалдык абалдын өзгөчөлүктөрүн белгилеп туруу үчүн керек болгон. Мисалы, Рим империясында бардык жаран сенаторду кийиминин түсү аркылуу айырмалай билчү. Тагыраагы, сенаторлор сейрек кездешчү кочкул кызыл өңдөгү кийим кийишчү. Ал эми Кытайда сары түстөгү кийимдерди кийүүгө жана жасалгаларды тагынууга бир гана императорлорго уруксат болчу. Орусияда ХVII кылымда Пётр Iдин бийликке келиши менен кийимге көңүл буруу башталган. Анын жарлыгында дворяндарга сакалын кырып, европалык тигилиштеги кафтандарды кийүү талабы коюлган.

Азыркы учурдагы дресс-код деген түшүнүк ХIХ кылымда Англияда пайда болгон. Кийимге болгон талаптын пайда болушу өлкөнүн экономикалык, социалдык өнүгүшүнүн натыйжасында келип чыккан. Учурда кийим аркылуу адамдын социалдык статусун гана эмес, ошондой эле ал адамдын кесибин, диний көз караштарын аңдап билүүгө мүмкүн болуп калды.

ТЕНДЕНЦИЯДАН АРТТА КАЛЫП БАРАТКАН ЖОГОРКУ КЕҢЕШ

“Галстук – мен үчүн көйгөй. Ал менин эркиндигимди чектеп, ээн-эркин жүрүшүмө тоскоол болууда” деген пикирди колдогон чет өлкөлүк чиновниктер көбөйүүдө.
ХХ кылымда дресс-код саясатчылар үчүн милдеттүү нерсе катары кабыл алынса, акыркы жылдары дресс-кодду жеңилдетүү иштери башталды. Ал эми Кыргыз өлкөсүндө, тескерисинче, дресс-код жылдан жылга күчөтүлүп бараткандай...

Жогорку Кеңештин I, II, III чакырылыштарындагы депутаттарын тизмектеп карасак, алардын көпчүлүгү академиктер, окумуштуулар, мугалимдер болгон. Ал учурдагы депутаттарга дресс-код маселеси анча маанилүү эмес эле.

Мыйзам иштеп чыгуудан мурун жөнөкөй кызматкердин кийимине асылып калган учурдагы парламент бекеринен эл оозунда “базардан келгендер” деп аталып калбаса керек...

Парламенттик жыйынга зыңкыйып кийинип келгенинен бөлөк элге кымындай пайдасы жок. Ушундай көрүнүштөрдөн улам парламенттеги депутаттар депутат эмес, базарком деген атка конуп жатышат.

КЫТАЙДЫН ЧИНОВНИКТЕРИ

Бул өлкөнүн аткаминерлерине жумушка ачык түстө кийинүүгө, чачын ачык түстөргө боёого тыюу салынган. Өлкөнүн мамлекеттик кызматкерлери Кытайдан жасалган костюм-шымдарды жана аксессуарларды гана колдонушу шарт. Кытай президенти Си Цзиньпинь аткаминерлерди байлыктын символу болгон нерселерден баш тартып үнөмдөөгө чакырган.
А биздин депутаттардын көпчүлүгү Швейцариянын жүздөгөн миң долларлык сааттарын тагынууну, Европанын кымбат костюмдарын кийүүнү, Япониянын кымбат унааларын айдоону адатка айлантышкан.

АЗИЛ-ЧЫНЫ АРАЛАШ

Апенди тойго эски чапанын кийип барса, эч ким аны киши экен деп тоотпой коёт. Анда апенди үйүнө барып, жаңы чепкен кийип келет. Аны көргөн туугандары ийилип тосуп, сый көргөзүшөт. Апенди болсо чепкенин этегинен кармап алып, дасторкондогу тамакка салат. Таң калып караган элге "адам баркынан чепкендин баркы жогору болгон соң чепкеним жесин" деген экен.

Жогорудагы тамаша бүгүнкү күндө чындыкка айланып баратат. Бийлик өкүлдөрү гана эмес, жөнөкөй жарандар дагы бири-бирине адамдык сапаттарына карап баа бербей, анын байлыгына, кадыр-баркына карап мамиле жасап калышты.

Кубан Жумамидинов
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(11)
29.01.2019. 11:58 
Тайпасы:
Жаран
Комментарийлердин саны:
3
Катталган:
12-03-2018
Соӊку аракети:
10-02-2019 00:18
Жынысы:
Белгисиз
+13
100% болбосо да 99% чындык! Эмне дагы дейт элек. Ашыкча сөздүн кереги жок! Автор азаматсың баарын кашкайта көргөзүпсүң!.....
29.01.2019. 12:16 
Тайпасы:
Жаран
Комментарийлердин саны:
18
Катталган:
20-07-2016
Соӊку аракети:
20-08-2019 12:14
Жынысы:
Белгисиз
Калаасы:
Аксы
+8
Эн туура. Бугунку кундо кедейдин баласы туулганда эле проблеманын устундо. Болунуу бардык жерде бар
29.01.2019. 16:26 
Тайпасы:
Жаран
Комментарийлердин саны:
62
Катталган:
14-11-2016
Соӊку аракети:
20-08-2019 12:28
Жынысы:
Белгисиз
+6
Эң тууру, таамай айтылган сөз...
29.01.2019. 17:56 
Тайпасы:
Жаран
Комментарийлердин саны:
32
Катталган:
21-01-2017
Соӊку аракети:
19-08-2019 18:49
Жынысы:
Белгисиз
+7
Биринчи жолу супер инфодон, оюмдагыдай макала окудум.
30.01.2019. 15:59 
Тайпасы:
Жаран
Комментарийлердин саны:
174
Катталган:
04-10-2011
Соӊку аракети:
19-08-2019 22:20
Жынысы:
Белгисиз
Калаасы:
Бишкек
+1
Бирок ушуларды шайлаган озубуздо куноо! Келгиле туугандар буйруса эмдиги жылы шайлоо болот. Ошондо ойлонуп туура шайлайлы, дагы азыркыларга окшогон допарастарды шайлап албай.
30.01.2019. 19:41 
Тайпасы:
Жаран
Комментарийлердин саны:
301
Катталган:
13-05-2017
Соӊку аракети:
20-08-2019 03:36
Жынысы:
Белгисиз
+1
ачуу чындык , журналист азаматсын чындык жакта болсон ососун
30.01.2019. 21:06 
Тайпасы:
Жаран
Комментарийлердин саны:
0
Катталган:
13-04-2016
Соӊку аракети:
19-08-2019 23:11
Жынысы:
Белгисиз
+1
Автор,азамат. Макала дегенди ушинтип жазат.
30.01.2019. 21:06 
Тайпасы:
Жаран
Комментарийлердин саны:
0
Катталган:
13-04-2016
Соӊку аракети:
19-08-2019 23:11
Жынысы:
Белгисиз
+1
Автор,азаматсын!
31.01.2019. 03:43 
Тайпасы:
Жаран
Комментарийлердин саны:
67
Катталган:
27-07-2013
Соӊку аракети:
28-07-2019 11:43
Жынысы:
Белгисиз
+1
Биз шайласак шайлабасак деле акча менен оздорун шайлап алат. Азыр бийлик мандат сатуу буларга мода болуп калган.
01.02.2019. 14:54 
Тайпасы:
Жаран
Комментарийлердин саны:
34
Катталган:
27-06-2018
Соӊку аракети:
25-04-2019 20:36
Жынысы:
Белгисиз
+1
Депутаттар эле эмес дегеле кыргыз эли сырткы кооздука конул буруп, кам коруп калганбыз, а ички байлык эчкимди кызыктырбайт (((
02.02.2019. 11:06 
Тайпасы:
Жаран
Комментарийлердин саны:
94
Катталган:
03-12-2018
Соӊку аракети:
20-08-2019 09:59
Жынысы:
Белгисиз
+1
Окунучтуу....
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22754;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: