Архив
844   845   846   847   848   849   850  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Джонни, ырчы: «КҮТТҮМ, АЙ» ТОЙ ЫРЫ ЭМЕС. БИРОК ТОЙГО КӨП ЧАКЫРЫШАТ»

№848 1-7-февраль, 2019-жыл


Джонни. Бул ысым кыргыз эстрадасында 2018-жылы чыкты. Күтүшкөн кыз-жигиттердин символуна айланган “Күттүм, ай” деген ыр телеканалдарга бергенге чейин эле угармандарын таап, хит болуп кетти. Ал эми Джонни ким? Джонни – аталган романтикалуу ырдын автору, аткаруучусу. Абдан тамашакөй, күткөндү жактырбаган, жасалмасы жок сүйлөгөн ырчы мырза.


– Джонни, салам. Сени жалпы журтка тааныткан “Күттүм, ай” аттуу ырың жашооңдон алынганын билебиз. Аны ырдаган сайын мурунку сүйүүңдү эстей берсең керек?

– Албетте, ырды аткарган сайын өткөн күндөр эске түшөт. Сезимдер өчөт, бирок адам унутулбайт деген чын экен. 3-4 жыл чогуу жүрүп калган адамды кантип унутасың? Ырдын өмүрү узун болсо, элес да ошончо жашай берет деп ойлойм.

– 2018-жылдын хит ырларына кирген чыгармаң канча убакта, кандай шартта жаралган?

– “Күттүм, ай” деген ырдын чыгышына жалпысынан эки жыл кетти. Алгач обонун гитарада ойноп отуруп диктофонго сактап койгон болчумун. Былтыр Таиландга Максат досум (ред.: Садырбеков) экөөбүз барып эс алып, жергиликтүү бар, клубдарда англис, итальян, француз тилиндеги ырларды аткарып иштеп калдык. Бир жолу бөлмөдө диктофондогу обондорду угуп отурсам Макс “ушул обон жакшы окшойт, сөзүн жазбайлыбы?” деп калды. Айбек Курманбаев деген Макстын акын байкеси бар. Ал мурун эле Макска бир ырдын текстин жөнөткөн экен. Ошол эске түшүп, сөздөрүн обонго салып көрсөк дал келип калды. Мен кайырмасын жазып, аталган чыгарма жаралды.

Казак ырчысы Кайрат Нуртас “Күттүм, ай” деген ырыңды сенден уруксат албай туруп аткарган видеосун интернетке жүктөгөн. Бир кезде Мирбек Атабековдун “Суранам” деген ырын да толук уруксат албай эле жаздырган экен. Ушундай автордун укугун бузгандарга шоу чөйрөсүндө кандай баа берилет?

– Бул иш боюнча алгач Кайраттын менеджери кайрылган. Анда ырым эми гана чыккан эле. Мен ага ыр элге кеңири жайылсын, кыргыздын ыры экенин эл билсин, анан ойлонуп көрөм дегем. Бирок болбой эле чыгарып салышты. Мыйзам боюнча мындай нерсе туура эмес. Бирөөнүн эмгегин жегендикке жатат. Сапаттуу чыгарма жаратыш үчүн көп эмгек, каражат кетерин ырчылар жакшы билет. Уруксаты жок видеону чыгарганга болбойт. Ал көрүнүш мага деле жаккан жок. Видеону көрүп алып менеджерине байланышып, болбойт да мындай кылганыңар десем, ар кандай актанууларды айтты. “Чыгармаңыз Кайратка жагат. Ал жөн эле өзү үчүн ырдаганын жүктөп койгон. Бирок радиого, эч жакка чыкпайт. Сиздер дагы ойлонуп көрүңүздөрчү, берсеңиздер жакшы болмок” деди. Ал тууралуу көп ойлондум, апам менен, башкалар менен кеңештим. Айрымдары "сат, көп акча болот" деди. Айрымдары, тескерисинче, сатпа дешти. Жүз адам болсо жүз ой болот экен да. Акыры апамдын “казак-кыргыз бир тууган. Сатпай жөн эле берип, ыраазычылыгын алганың жакшы” деген сөзүн туура көрүп, уруксат бердим.

– Аталган чыгарманы кавер аткаргандар да көп болду окшойт. Канча жолу аткарылганын эсептеп көрдүң беле?

– Менин билишимче, 3 айдын ичинде 1000дей кавер аткаргандар болду. Арасынан эсте калганы Африкада жашаган кара терилүү байкеники, француз, индус улутундагы аткаруучулардыкы болду. Ыр радиолорго бериле электе, клип чыга электе популярдуу болуп кетти. Албетте, ырды хит болот деп күткөнбүз. Бирок интернет аркылуу жайылып, башка улуттар ырдайт деп ойлогон эмеспиз.

– Сахнага чыкканга чейин 10 жылдай кафе-ресторандарда иштеп жүрүптүрсүң. Сахнага чыгуу максатың башта эле бар беле?

– Мен кичинекей кезимден эле ырчы болом деп кыялданчумун. Үйгө коноктор келип “чоңойгондо ким болосуң?” дешсе, “арноо концерт болом" дечүмүн.

5 жашымдан баштап конокторго концерт коюп, акча таап, кашыкты микрофон кылып ырдачумун. 6-классымда Нарындагы Жумамүдүн Шералиев атындагы музыкалык окуу жайда комуз, баян бөлүмүнө киргем. Андан соң Бишкекке келип Мураталы Күрөңкеев атындагы музыкалык училищеге тапшырдым.

Чыгармачылыкты да жөн жерден тандап калган жокмун. Анткени чоң атам комузчу, таенем жакшы ырдачу. Мен 1 жашка чыгайын дегенде апам ырымдап чоң атамдын комузунун башын тиштеткен экен. Андыктан талант сага чоң атаңдан өткөн дешет.

Апам да жаш кезинде ырчылыкка кызыкчу экен. Бирок атам ала качып кетип, отуруп калыптыр. Эми болсо апам "эгер ырчы болсом бир эле дипломум болмок, азыр менин 6 дипломум бар" деп күлүп калат. Үй-бүлөдө 6 бир тууганбыз. Бир туугандарымдын баары жакшы ырдашат, бирок мен гана ырчылыкты кесип катары алып кеттим.

10 жылдай кафе-ресторандарда ырдап жүрүп, былтыр сахнага чыгайын деген чечимге келдим.

– Мектепте гитарада жакшы ойночу экенсиң. Демек, сага ашык болгон кыздар да көп болсо керек?

– 7-класска чейин класстын алдыңкы окуучуларынан болдум. Гитараны жакшы өздөштүрүп калганда 10-11-класстагы эжекелер гитарам менен сабактан “сууруп” чыгышчу. Аларга гитара менен ырдап берчүмүн. Бул музыкалык аспапка кызыгуум күчөп, кыздарга ырдап берем деп жатып 9-класста жалаң “4” деген баага окуп калдым. Ошентип чыгармачылыкка киришип кетип сабакты таштап салдым. Гитаранын жардамы аркылуу кыздар менен көп тааныштым, отуруштарга чакырылдым дегендей (күлүп).

– Азыр сен кайда барсаң "Күттүм, айды” ырдап бер" деп суранышса керек. Эң көп дегенде канча жолу ырдадың?

– Бир жолу кайрымдуулук концертине барып эки жолу, андан кийин тушоо, сүннөт той, башка тойлорго ырдап отуруп бир күндө 14-15 жолу аткаргам. Чынында башында ырдатышса өзүмө деле жакчу. Кечке кайталай берсең тажап да калат экенсиң. “Күттүм, ай” тойдун ыры эмес. Бирок элге жагып юбилей, балдарынын тоюна деле чакырып ырдатып жатышат.

– Шоу-бизнесте ырчылар фирмач, тойдун ырчысы деп бөлүнөт эмеспи. Анткен менен азыр дээрлик баары тойго чыгып калышты. Ошондо эми кандай болуп калат?

– Фирмач ырчылар десе эл кыйын ырдайт деп ойлойт. Алардын арасында деле ырдай албагандары бар. Мында ырлардын айырмачылыгы, тойго ылайыкташкандары дүйнөлүк деңгээлге төп келбейт. Ал эми ар бир ырчы үнүн жакшы таптап, репертуарын өзгөртсө, баары эле эл аралык сынактарга катышса болот. Азыр акчанын баары тойдо болуп жаткандыктан, көпчүлүк той ырларына басым жасап жатат.

– Бир кезде Түштүк-Сахалинскте да иштеген экенсиң...

– Ал жакта Адилет деген досумдун байкеси иштечү. "Музыканттар керек болуп жатат" дегенинен Аско, мен, Бек деген балдар менен барып 3 жарым жылдай иштедик. Кечинде ресторанда, түнкү 12ден таңкы саат 4кө чейин клубда ырдачубуз. Клубдарда ар кандай шоу-программалар менен чыкчубуз. Кийинчерээк андан ары өсөлү деп мекенибизге келе бергенбиз. Келерим менен эки ыр жаздырдым. Бирок ал ырлар элге алынган жок.

– Жакында жеке концертиңди бергени турасың. Концертиңден кандай өзгөчөлүк күтсөк болот?

– Биздин концертте алпаруучу болбойт. Өзүм чыгып, коноктордун суроолоруна жооп берип, эл менен жандуу байланышта болом. Мага "2-3 ырың менен концерт коёсуңбу?" деп да айтышты. Негизи азыр жарыкка чыккан 6 ырым бар. Көрүүчүлөр концертте 10 чакты жаңы ырыма күбө болушат.

– Маегиңе рахмат. Тушоо кесүү концертиң ийгиликтүү өтсүн!

"Түштүк-Сахалинск шаарында клубдарда иштегенде ар кандай шоу өткөрүп турчубуз".
Джоннинин "Күттүм, ай" ырынын клибинде Бек Исраиловдун жубайы Айжаркын тартылган.

Гүлжамал Абылкасымова
star@super.kg



Джонни: "Сүйүктүүмө үйлөнөм деп жүргөндө кол үзүштүк. "Күттүм, ай" ошол кызга арналган"

Автор: Айжан Нурманбетова
Оператор: Мундуз Нурланбек уулу, Мухамадзиямидин Турдубек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
05.02.2019. 11:03 
Тайпасы:
Жаран
Комментарийлердин саны:
0
Катталган:
15-08-2018
Соӊку аракети:
20-02-2019 10:45
Жынысы:
Белгисиз
0
Южно сахалинде жашап кетсе молодеец . Биз азыр ошол аралдабыз
05.02.2019. 11:27 
Тайпасы:
Жаран
Комментарийлердин саны:
36
Катталган:
13-05-2016
Соӊку аракети:
19-02-2019 11:31
Жынысы:
Белгисиз
0
Чыгармачылык ийгилик
05.02.2019. 13:15 
Тайпасы:
Конок
Комментарийлердин саны:
30
Катталган:
15-01-2019
Соӊку аракети:
20-02-2019 18:05
Жынысы:
Белгисиз
0
Ушул темпте кетсен Атабеков Арсен марсен нурландардан дв ашып номер 1 болосун Кыргыз эстрадасында! Молодец!Лично мага жагат ырларын. Саны аз болсо да сапаттуу!
05.02.2019. 19:07 
Тайпасы:
Конок
Комментарийлердин саны:
197
Катталган:
03-12-2018
Соӊку аракети:
20-02-2019 16:56
Жынысы:
Белгисиз
+2
Азаматсын!Кыргызымда таланттуу жигиттер,кыздар коп экени ото кубантат.Иштеген жеримде сыймыктыктанып коюп коём.Орустарга да жакты
14.02.2019. 18:42 
Тайпасы:
Жаран
Комментарийлердин саны:
2
Катталган:
08-05-2017
Соӊку аракети:
18-02-2019 19:29
Жынысы:
Белгисиз
0
Молодец, Джонни! Талантын оркундой берсин!
Мен аябай жакшы кором "Куттум ай" ырын. Кечке ырдай берип, жанымдагы адамдар кошо жаттап бутту.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21873;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: