Архив
844   845   846   847   848   849   850  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

«БАЗАРЧЫЛАР», «АТКЕЗЧИЛЕР». ЖОГОРКУ КЕҢЕШ ДАГЫ КАНДАЙ АТКА КОНОТ?

№848 1-7-февраль, 2019-жыл


25-январда түнкү саат 3-4 аралыгында "Токмок автожол" көзөмөл-өткөрүү пунктунда аткезчилик менен алектенген жарандардын ортосунда чыр чыгып, окуя атышуу менен аяктаган. Бул атышууга Жогорку Кеңеште “Кыргызстан” фракциясынан депутат Урмат Самаевдин да тиешеси бар экени айтылууда. Коомчулуктагы мындай талкуу ансыз деле "деңгээли начар", "базардан келгендер" деп аталып келе жаткан парламенттин калган азгантай аброюн дагы тебеледи. Эске салсак, ушул эле “Кыргызстан” фракциясынын дагы бир депутаты Дамирбек Асылбек уулу өткөн жылы ири аткезчиликке шектелип, Казакстандын атайын кызматы уюштурган операциянын негизинде кармалып, учурда сот өкүмүн күтүп камакта жаткан кези.

АТКЕЗЧИЛЕРДИН ЧАТАГЫ

Жергиликтүү маалымат булактарына чыккан маалыматтарга ылайык, аткезчилик жолу менен күйүүчү май ташыгандар деп айтылып жаткан Дастан менен Кубан аттуу жарандар аткезчилик менен жаңыдан иштеп баштаган Бахтияр жана Аскат деген адамдарга кысым көрсөткөн. Ортодо чыр-чатак чыгып, окуя атышууга чейин жеткен. Натыйжада Аскат аттуу жаран травматикалык тапанчадан денесинин төрт жеринен жаракат алып, ушундай абалын сүрөттөп көрсөтүп видео тартып, аны интернетке жарыялады. Видеодо Аскат аттуу жарандын башына, аркасына жана санына ок тийгени көрсөтүлөт.

Жогоруда аты аталган Кубан деген жаран Токмок шаардык кеңешинин депутаты Кубанычбек Кочкорбаев экени айтылууда. Кочкорбаев Жогорку Кеңештеги “Кыргызстан” фракциясынын депутаты Урматбек Самаевдин жакын адамы экени да айтылды. Окуянын экинчи катышуучусу делинген Дастан аттуу адам болсо ушул эле депутаттын жакын тууганы делинүүдө. "Тар чөйрөдө депутат Самаев Чемпион деген каймана атка ээ" деген маалымат коомчулукка бул окуя менен кошо жарыя болуп кетти. Видеодогу сүйлөшүүлөрдө сөз Чемпион деген каймана аты бар адам жөнүндө болуп жатканын угууга болот.

Ошондой эле эл өкүлү 25-октябрда окуя болгон жерге баргандыгы айтылууда. Анын келбети көзөмөл-өткөрүү пунктундагы камерага түшүп калганын окуяга катышуучулардын бири Аскат айткан. Чек ара көзөмөлдөө башкармалыгы бул маалыматты төгүндөгөн да жок, ырастаган да жок .

БИРИ-БИРИН КҮНӨӨЛӨГӨНДӨР

Октон жабыркаган Аскат Үсенов депутат Самаевдин жакын тууганы аны травматикалык тапанча менен атканын, бул ишке эл өкүлү кийлигишип жатканын айтып, президент Сооронбай Жээнбековго видео аркылуу кайрылып, жардам сурады.

– Токмокто чек аранын жанында иштеп жатсак, бизди иттей кылып атып кетти. Ооруканага бара албайм же милицияга кайрыла албайм. Анткени бүт баарын караган Жогорку Кеңештин депутаты Урмат Самаев. Кайрылган күндө деле иш эртеси кайра жабылат. Мени райондук ички иштер бөлүмүнө Урмат Самаев өзү Тойота үлгүсүндөгү машинасы менен алып келген. Мени ошол депутаттын тууганы Дастан деген жигит атты. Ал Токмоктун чек арасын караган адам. Телефонума "өлтүрүп кетебиз" деген СМСтер келип жатат,- деп видеокайрылуу аркылуу президенттен коопсуздугун камсыз кылып берүүнү суранды.

Аскат Үсенов “мени атты” деп күнөөлөп жаткан Дастан Бейшенкулов учурда ооруканада. Ал желим октон көкүрөк тушунан жаракат алганынан улам дарыланууда. Дастан Бейшенкулов, тескерисинче, аны Аскат Үсенов атканын айтып, арыз жазды.

ДЕПУТАТТЫН КАТЫШЫ БАРБЫ? АНЫ ТАКТОО КЫЙЫН

Чүй облустук милициянын башчысы Саматбек Курманкулов бул окуя боюнча маалымат жыйын өткөрүп, төмөнкүлөргө токтолду:

– Чек арадагы көзөмөл-өткөрүү пунктуна жакын жердеги атышуу 25-январга караган түнү болгон. Чыр Дастан Бейшенкулов, Токмок шаардык кеңештин депутаты Кубан Кочкорбаев менен Бахтияр жана Аскат Усенов аттуу жарандардын ортосунда чыккан. Алар товарларды жана күйүүчү майларды чек арадан мыйзамсыз өткөрүшкөн. Ошонун негизинде акча маселесинен улам чыр чыккан. Атышуудан Аскат жана Дастан аттуу эки адам жаракат алган экен. Бирок биз аларды 26-январда Токмок РИИБине чакырып сураганыбызда эч кандай атышуу болбогонун айтышкан. Кийин Аскат деген адам октон жаракат алганын көрсөткөн видео интернетке жарыяланды. 28-январда Дастан Бейшенкулов дагы октон жаракат алганын айтып, ооруканага жаткан. Андан тергөөчүлөр кайрадан сурак жана арызын алышкан,- деди Курманкулов.

Облустук милициянын башчысы Жогорку Кеңештин депутаты Урматбек Самаевдин окуяга тиешеси болгон-болбогону тактала элек дейт:

– 26-январь күнү депутат Урмат Самаев дагы Токмок РИИБине чакыртылган. Бул маалыматты тастыктай алам. Бирок анын окуя болгон жерге атышууда барганын так айта албайбыз. Райондук милицияда өзү сурак берип жатып окуяга катышы жок экендигин айтты. Эгерде тиешеси бар болсо, УКМКга материалдарды чогултуп беребиз, чара көрүлөт. Анын окуя болгон жерге барганын көргөндөр болсо, облустук милицияга келип маалымат беришсе угууга даярбыз.

КРИМЧӨЙРӨ ЖОГОРКУ КЕҢЕШКЕ АРАЛАШЫП КЕТТИБИ?

"Мамлекеттик жогорку бийлик болгон Жогорку Кеңештин аты буга чейин да чуулгандуу иштерде аталып, "криминалдык чөйрөнүн белгилүү өкүлдөрү менен аралашып кетти" деп талкууга түшкөн, буга чейин да парламент депутаттарынын ичинен аткезчилик менен алектенет" деп шектелген эл өкүлдөрү болгон.

2011-жылы мыйзам чыгаруучу органдын спикери ири уюшкан кылмыштуу топтун башчысы Камчы Көлбаев менен Жаңы жыл майрамын Караколдогу лыжа базалардын биринде чогуу майрамдашканы айтылган. Жогорку Кеңештин 5-чакырылышында төрага болгон Ахматбек Келдибеков кримавторитет Камчы Көлбаев менен жолукканын ички иштер министри далилдеген соң спикерликтен кетүүгө аргасыз болгон. Алар менен чогуу Жаңы жыл тоскондордун катарында Жогорку Кеңештин дагы бир депутаты Улан Чолпонбаев да болгон.

Өткөн жылы Жогорку Кеңештеги “Кыргызстан” фракциясынын депутаты Дамирбек Асылбек уулу аткезчилик менен алектенген ири кылмыштуу топту түзгөн деп шектелип, Казакстанда кармалган. Эскерте кетсек, 2018-жылдын 15-16-февралында Казакстандын укук коргоо органдары тарабынан атайын операция жүргүзүлүп, анын негизинде 29 шектүү адам кармалган. Алардын арасынан 4 кыргыз жараны бар болуп, анын бири Жогорку Кеңештин депутаты Дамирбек Асылбек уулу болуп чыккан. Көп өтпөй анын казак жарандыгы да бар экендиги тастыкталган. Бул окуя депутаттыкка талапкерлер тизмеси БШКда жетиштүү деңгээлде текшерилбегендигин далилдеген. Кош жарандуулук шылтоосу менен БШК Дамирбек Асылбек уулун депутаттык мандатынан ажыратуу менен бул чуудан кутулду.

ПРЕЗИДЕНТ ҮН КАТПАЙ ЖАТАТ

Бажы кызматы Кыргыз өлкөсүндө коррупцияга малынган орган экени көптөгөн окуялар, маалыматтар менен түшүнүктүү болуп келе жатат. Дал ушул аткезчилик маселеси өлкөнүн экономикасына чоң кедергисин тийгизүүдө. 2017-жылы Казак өкмөтү Кыргыз тарапты Бажыдагы аткезчиликти көзөмөлгө албайт деп сындаган эле. Анда Казак өкмөт башчысы Кыргыз менен Кытайдын соода жүгүртүү статистикасы кескин айырмаланарын, Кыргыз тараптын бажы көрсөткүчтөрү Кытайдыкынан кескин аз экендигин, демек, ортодогу айырма көмүскө чөнтөктөргө кетип жатканын айтып сындаган.

Бажы кызматында олчойгон көйгөйлөр бар экенине карабастан бул тармакта эч кандай реформалар жүргүзүлбөй келет.

Мамлекеттик бажы кызматынын башчысы Алмаз Оңолбеков эл ичинде “Раим миллион” атыккан, ЖМКлардын иликтөөлөрүндө ири коррупцияга шектелген Райымбек Матраимовду Бажы кызматына кайра алууга даяр экенин билдирет. Муну менен бул тармактагы коррупцияга каршы күрөш кантип жүрүп жатканы белгилүү болду:

­– Райымбек Матраимов Бажы кызматынын башчысынын орун басары болуп иштеп кеткен. Ага чейин аталган кызматта жетекчилик кызматтарды да аркалап келген. Сот кандай чечим кабыл алса, биз аны аткарууга даярбыз. Ал Ошто иштеп жүргөндө жакшы көрсөткүчтөр болгон. Бажы кызматында 20 жылдык тажрыйбасы бар адам катары соттун чечимин аткарууга даярбыз,- дейт Оңолбеков.

Атышуулар, камакка алуулар, ЕАЭБдин мүчөлөрүнүн нааразычылыктары жана башка толтура маалыматтар Бажы кызматында коррупциянын тамырлап кеткенин көрсөтүп турса дагы Жогорку Кеңеш, президент, өкмөт бул тууралуу үн катпай жатат.


Кубан Жумамидинов
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21873;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: