Архив
844   845   846   847   848   849   850  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Баласын жоготкон эне: «УУЛУМ КИШИ КОЛДУУ БОЛУП ӨЛДҮ. МИЛИЦИЯ ТОҢУП ӨЛДҮ ДЕП ИШТИ ЖАПКАНГА АРАКЕТ КЫЛДЫ»

№849 8-14-февраль, 2019-жыл


ИШ ЭКИ ЖЫЛДАН КИЙИН СОТКО ӨТТҮ

2017-жылдын 24-январында Жалал-Абад облусунун Токтогул районуна караштуу Ничке-Сай айылынын Жердик жайлоосунда 24 жаштагы Мирбек Сокубашовдин жансыз денеси табылгандыгы тууралуу маалымат Токтогул РИИБине түшкөн. Маалыматтын негизинде Токтогул РИИБинин ыкчам тергөө тобу окуя болгон жерге барган. Сокубашовдун сөөгү райондук оорукананын өлүкканасына алынып барылып, денеге кароо жүргүзүлгөн. Соттук-медициналык экспертиза даярдалып, анда маркумдун денесинде сабалган тактар болгону бирок суукка тоңуп өлгөн деген жыйынтык чыккан. Иш боюнча Кылмыш-жаза кодексинин 121-беренеси (адамдын өмүрүн коркунуч абалда калтыруу) менен кылмыш иши козголгон.

Бирок маркумдун апасы Анара Бусурманова уулунун киши колдуу каза болгондугун тастыктаганга аракет кылып чуркап жүрөт. Эки жылдан кийин иш 97-берене (адам өлтүрүү) менен сотко өткөн.

Окуя болгон күнү маркумдун жанында 3 адам болгон. Алардын бирөө ишке шектүү катары өтүүдө.


«ӨЛГӨНДӨН КИЙИН КАРГА КӨМҮП КОЮШКАН»

Токтогул районунун тургуну Анара Бусурманова окуя тууралуу буларды айтат:

– Уулум мал кайтарып жайлоодо жашачу. Өлүмү тууралуу каза болгонунан 2 күндөн кийин уктум. Уулумдун сол кулагы кара-көк тартып, катуу буюм менен урулгандай. Оозунун ич жагы жарылып, тишинин издери эриндерине түшүп калган, эриндери кара-көк, тилин тиштеген абалда. Буту-башы көк ала, тырык болуп, катуу сабалганы көрүнүп турат. Колун жип менен байлагандагы издер бар. Чыканагына чейин тырмак менен тытылган издер көрүнөт. Шектүү бала Мирбектин буту бир жарым сутка атка байланып тургандыктан ат аны тепкилеп койгон деп жатат. Атка байланган болсо, баламды ары-бери сүйрөгөнү кардан билинмек да. Балам киши колдуу болуп өлгөн. Өлтүргөндөр өлгөндөн кийин гана эшикке алып барып таштап, кар менен көмүп коюшкан деп ойлойм. Ал эми эксперттер менен тергөөчүлөр аны тоңуп өлгөн деп жатышат. Тоңуп өлсө кайдан мынча жаракат алды? Анан да Мирбек бир колу аркасында, бир колу астында болуп чалкасынан жатыптыр. Тоңуп өлгөн киши бүрүшүп калбайт беле?

Алгачкы жолу соттук-медициналык экспертизага жиберилгенде эксперт Муктар Исаков уулумду тумчуккандан улам өлгөн деген жыйынтык чыгарды.

Мен уулумдун кийимдерин экспертизага жиберилүүсүн талап кылдым. Марттын башында комиссиялык экспертизага жиберилди. Аким Маликов аттуу жактоочум, тергөөчү Айбек Ажибаев «денесинде көк ала жок экен, жыйынтыгы таза чыкты. Балаңыз тоңуп өлүптүр» дешти.
4 жолу экспертиза даярдалып, баарында окшош жыйынтык чыкты. Жакында эле Аксыда соттук-медициналык эксперт пара алып жаткан жеринен кармалгандан кийин алардан көбүрөөк күмөн санап калдым.


«МАГА АКЧА СУНУШТАШКАН»

– Каргашалуу күнү уулумдун жанында болгон шектүү Н. уулу А. күбө катары өтүп жатышкан Алмаз Бугубаев, Амангелди уулу Азаматтын ата-энелери мага келип 1 миллион сом сунушташкан. Мен көнбөй койгондон кийин милиция менен сүйлөшүүгө өтүшкөн окшойт. Мен ар кайсы жакка арызданып жатып, милицияга улам бара бергенде ишти коркунуч абалда калтыруу беренесинен адам өлтүрүү беренесине алмаштырышты да, Н. уулу А. шектүү катары катталды. Ал эми берки экөө күбө катары өтүп жатышат. Шектүүнү 3 күн камап, кайра үй камагына бошотушту. Санкцияга мени киргизбей коюшту. Ал учурду видеого тартып алгам.

Балам алардын бир жашыруун иштерин билип калгандыгы үчүн өлтүрүштүбү деп ойлоп жатам. Булар үчөө биригип өлтүрүшкөн деп шекшип жатам. Шектүү катары өтүп жаткан баланын менин балама алы жетпейт болчу, жалгыз анча сабай алмак эмес.

Бир ирет таежемдикинде чай ичип отурсак, Сагын Сатаров деген жактоочу телефонуна вирус кирип кеткенин айтты. Жанымдагы бөлөм аны карап берем деп алган. Ошол жактоочунун телефонундагы аудиожазууларды өчүп кетпесин деп компьютерге көчүрүп калганбыз. Сагын Сатаровдун тергөөчү Чоюнбек Исаков менен сүйлөшүүсүндө «Эки жакты элдештирип, ишти жаап салалы» деп айткандары бар. Жактоочума да ишенбей калдым.

Аудиожазууда облустук прокуратурада иштеген Акжол деген прокурор менен жактоочумдун да сүйлөшүүсү бар. Анда жактоочу «Уланга кирдим. Ал өзү да бул ишке кызыкдар. Айыпталып жаткан тарапты жеңилдетип карап берген. Ошол боюнча сен менен сүйлөшөйүн дегем» десе, прокурор «Баарын Улан чечет» деп жатат. Улан Ибраим уулуна Токтогул районунун прокуратурасында иштеп турганда кайрылгам. Ал «Эже, экспертизанын жыйынтыгы чыкканга чейин жактоочу жалдабай эле коюңуз, сүрөттөрдө көрүнүп турат. Бул өлүмдү жаап койгон кишинин башы экөө эмес» деген. Ал азыр Жалал-Абад облусунун прокурорунун орун басары кызматында.

11-февралда эки жылдан бери эми биринчи жолу сот процесси башталат. 3 бала тең камалсын. Биз ички иштер министрине, президентке, Коопсуздук кеңешинин төрагасына бул ишти көзөмөлдөөсүн өтүнүп кат жаздык.


«ТЕРГӨӨЧҮ ИШТИ ЖААП САЛУУГА АРАКЕТ КЫЛГАН»

Жактоочу Сагын Сатаров маркум катуу соккудан улам каза болгонун айтат:

– Ишти башында тергөөчү Айбек Ажибаев тергеп, «коркунуч абалда калтыруу» беренеси менен иш козгоп койгон. Жабырлануучу тарап күнөөлөп жаткан балдар менен сүйлөшкөнбүз. Алардын корккону, үйрөтүлгөнү билинип турат. Мурдагы тергөөчүлөр үйрөтүп коюшкан окшойт, өз сөзүн айта алышпайт. Тергөөчүлөр ишти жаап салууга аракет кылышкан. Маркумдун катуу соккудан өлгөнү сүрөттөрдөн көрүнүп турат. Тергөөчү Ажибаев Сокубашов менен ошол күнү чогуу болгондордон кан кайдан келген, бети эмнеден сыйрылган деген суроолорду сураган эмес. Делодо алардын «көрбөй, билбей калдык. Таштап койгонбуз, өлүп калыптыр» деген гана сөздөрү бар. Аудиожазууда Чоюн Исаков менен сүйлөшкөндө «ишти жаап коёлу» деген эмесмин. Мен Анара эже менен сүйлөшүп, «Зыяндарды төлөп беребиз деп калыптыр. Эмне кылалы?» десем, ал сүйлөшүп көрүүгө макул болгон. Анара эжеге «Бугубаев менен Амангелди уулу 600 миңдей акча бере албайбыз, 150 миңдей беребиз деп жатышат» дегем.

Сүйлөшүп жатканда техникалык себептерден улам байланыш үзүлдү. Андан кийин жактоочу телефонун албай койгондугуна байланыштуу суроолорубузга толук жооп ала алган жокпуз.


«БИЗ ЭКИ ТАРАПТЫ ЭЛДЕШТИРИП КОЁЛУ ДЕГЕНБИЗ»

Ишти сотко өткөргөн Токтогул РИИБинин тергөө кызматынын башчысы Чоюнбек Исаков эки тарапты тең ыраазы кылуудан башка жаман ою болбогонун айтат:

– 2017-жылдын 24-январында Токтогул районунун тургундары 1994-жылы туулган Мирбек Сокубашов, 1988-жылы туулган Алмаз Бугубаев, 1992-жылы туулган Азамат Амангелди уулу жана шектүү 1996-жылы туурган Н. уулу А. чогуу кыштоого бара жатышкан болот. Жолдон шектүүдөн башкасы арак ичишет. Үчөө катуу мас болуп калгандыктан кантип үйлөрүнө жеткенин билбей калышканын айтышууда. Шектүү Н. уулу А. Сокубашовду уруп-тепкилеп, атынын чылбырын бутуна байлап, ээн талаага суукта таштап кеткен. Анткени Сокубашов анын бир тууган эжеси менен жакын мамиледе экенин билип ачууланган. Берки экөө аттары менен астыга кетип калышат. Шектүү аларды үйлөрүнө жеткирет.

Эксперт Сокубашовдун денесинде жеңил жаракаттар болгонун, катуу, мокок буюм менен урулуп, тепкиленгендигин жазган. Бул ортодо мушташ болгон деген сөз. Бирок жыйынтыкта маркум жаракаттардан эмес, тоңуп каза болгон деп жазылган. Ошол себептүү факт боюнча Кылмыш-жаза кодексинин 121-беренеси менен (коркунуч абалда калтыруу) кылмыш иши козголгон.

Мен ишти 2018-жылдын августунда өз өндүрүшүмө алгам. Ишти "адам өлтүрүү" беренеси менен ачалы десек, урулуп өлгөнү боюнча далил жок, "коркунуч абалда калтыруу" боюнча иш ачалы десек, жабырлануучу тарап көнбөй койгондуктан башыбыз айланып калган. Акырында мен тергеп, 97-берене менен сотко өткөрдүм. Анткени кийинки экспертизаларда маркумдун кийимдеринде шектүүнүн каны табылган жана денесинде жаракаттары болгон. Азыр Н. уулу А. шектүү катары, Азамат жана Алмаз деген жарандар күбө катары өтүп жатышат.

Жактоочу менен телефон аркылуу сүйлөшкөнүмдө жок дегенде материалдык пайда өндүрүп берели деп ойлогом. Себеби буга чейин беркилер «500 миң сом беребиз» деп, Анара эже «миллион бересиңер» деген сөздөр болгон экен. Жактоочу өзү кызыкдар болуп келип, «Жок дегенде бирөөнү сотко кетирсеңер, экөөнөн өндүрүп бербейсиңерби» деген. Мен Сагын байке менен Азамат, Алмазды сүйлөштүргөм, алар «күнөөбүз жок, бир сом акча бере албайбыз» деп коюшкан. Бирок жабырлануучу тарапка жардам берип койсок, ал ыраазы болуп калса дегем. Анара эже көнүп тосмо арыз жазып берсе, эки тарап тең ыраазы болмок. Өз кызыкчылыгымды ойлогон жокмун. Пара алган эмесмин. Мындай учурда пара алганга уятым чыдабайт. Бугубаев Алмаз буга чейин бир жолу мал уурулук боюнча соттолгон.


Чуулгандуу иштин жүрүшүнө баам салып турмакчыбыз.


Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
12.02.2019. 10:41 
Тайпасы:
Жаран
Комментарийлердин саны:
129
Катталган:
14-02-2016
Соӊку аракети:
22-02-2019 08:18
Жынысы:
Белгисиз
Калаасы:
Кыялдарда
+4
Эхх эч бир эне ыйлабасынчы баласынан ыйрылып.
12.02.2019. 11:53 
Тайпасы:
Жаран
Комментарийлердин саны:
174
Катталган:
05-05-2018
Соӊку аракети:
21-02-2019 23:19
Жынысы:
Белгисиз
Калаасы:
Уч-Коргон
+10
Тузук эле жаны кыйналып олгон го,ушундай абалдан да акча жеп калуунун жолун издегендер ,кайтар дуйнооо ,бул нерселер учун да жооп берчу кун келеет,шашпагыла!
12.02.2019. 15:36 
Тайпасы:
Жаран
Комментарийлердин саны:
69
Катталган:
04-06-2011
Соӊку аракети:
22-02-2019 01:45
Жынысы:
Белгисиз
Калаасы:
россия москва
+1
Кан кое бербейт го, жаза алышат барибир катышы барлар!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21873;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: