Архив
844   845   846   847   848   849   850  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Чынар Капарова, диктор: «БУЛ ЖЫЙЫНДАН АЙРЫМ ДЕПУТАТТАРДЫН ЖЕТЕЛЕНМЕ, КОРКОКТУГУ ДАГЫ БИР ИРЕТ ДАЛИЛДЕНДИ»

№849 8-14-февраль, 2019-жыл


Кыргыз журтчулугуна диктор катары таанылган Чынар Капарова өткөн жумада КТРКнын Байкоочу кеңешинин мүчөлүгүнө талапкер катары көрсөтүлгөн. Жогорку Кеңештин жыйынында Чынар айым көп добуш алып утуп чыгып, бирок көрүнгөн шылтоолор менен добуш берүүнүн жыйынтыгы жокко чыгарылып, кайрадан шайлоо болду. Экинчи добуш берүүдө Чынар Капарова артта калып, Атыркүл Сарыбаева Байкоочу кеңештин мүчөлүгүнө бекитилди. “Мен өзүмдү утулдум деп эсептебейм” деген Чынар айым бул окуя тууралуу өз пикирин билдирди.


– Чынар айым, кепти өткөн жуманын темасына айланган окуядан баштайлы. КТРКнын Байкоочу кеңешинин мүчөлүгүнө талапкерлигиңизди коёрдо саясий оюндар болуп кетиши тууралуу ойлодуңуз беле?

– Журналистикада “Эгерде ит адамды тиштеп алса, жаңылык эмес. Эгер адам итти тиштесе, жаңылык” деп окутат эмеспи. Анын сыңарындай, Байкоочу кеңештин мүчөлүгүнө Жогорку Кеңештин колдоосу менен келсем, жаңылык болбой калмак. Анткени телевидениеде иштеген, аны жакындан билген адаммын. Тескерисинче, менин өтпөй калганым чоң жаңылык болду.

Алгач Байкоочу кеңештин мүчөлүгүнө 5 талапкерди кабыл аларда баарыбыздан тиешелүү документтерди алышкан. Шартка ылайык, талапкерлер 5 жыл массалык маалымат каражаттарында, бейөкмөт уюмдарда иштеши керек болчу. Мени ойлондурганы “баарыбызда 5 жылдык журналисттик тажрыйба барбы?” деген суроо болду.

Өзүңүздөр деле байкасаңыздар керек, саат 10до жыйындын алдынан мен журналисттерге “Мен өтпөйм. Бүгүнкү маселе алдын ала чечилген. Кайсы айымдын өтөрүн да билем” деп айткам. Анткени жыйынга келерде эле бул сөздөр массалык маалымат каражаттарына тарап кеткен. Күндүн биринчи жарымында 114 депутаттын 79унун колдоосуна ээ болуп, мен бекитилгениме баары күбө. Токтом чыгарылгандан кийин заматта Асылбек Жээнбеков пайда болуп, саясий оюндар жүргүзүлө баштады деп жазып чыгышты. Ошондо эле көпчүлүгү “бүттү, маселе чечилип калды” деп айтышты.

Жыйынтыкты алдын ала билсем да, өзүмдүн позициямды, чындыгымды айтып кетейин дедим. Жакында бир депутат жергиликтүү маалымат каражатына маек берип жатып, “мыйзамды кабыл аларда суранып-өтүнүүлөр, коркутуп-үркүтүүлөр болот” деп айтты. Азыркы Жогорку Кеңешке Кыргыз өлкөсүнүн жараны катары менин ишенимим жок. Бул жыйындан айрым депутаттардын жетеленме, коркоктугу дагы бир ирет далилденди. Албетте, арасында пикири бар саналуу эл өкүлдөрү бар. Алар канчалык коркутуп-үркүтүүлөр болбосун, позициясынан тайбай өз тандоосун кылышканына ыраазымын.

– Байкоочу кеңештин мүчөлүгүнө сиз кандай максатта талапкерлигиңизди койдуңуз эле? Сизди ал жакка жолотпоого ким кызыкдар? Эмнеге сизден чочулап жатышат?

– КТРКнын жетекчиси Илим Карыпбеков менен анын орун басары Жылдыз Жумабекова жана алардын Ак үйдөгү колдоочулары кызыкдар. Анткени мен КТРКда иштеп, ал жактын ысык-суугуна күйгөн адам катары өзүмдүн салымымды кошмокмун. Бул тандоо мени гана эмес, КТРКнын келечегин тандоо болгон. КТРК коомдук дегени менен, коомдук миссиясын аткарбай жатат. Буга экс-президент Атамбаевдин салымы зор. Ал Коомдук каналдын директорун да, Байкоочу кеңешти да өзү каалагандай иштетип, башкарып турду. Атамбаев өзүнүн Өмүрбек Текебаевге окшогон оппоненттерин бир беткей жамандатып жатты, өзүнүн керексиз адамдарынын ишине эле эмес, үй-бүлөсүнө чейин асылып жатты. Ушунун баарын Байкоочу кеңеш тескеп, жок дегенде сөгүш берүү, кызматтан алуу менен коомчулук алдында абийирин сактап калышы керек эле. Бирок Байкоочу кеңеш андайга бара алган жок. Буга чейинки Байкоочу кеңештин курамы Кыргыз өлкөсүнө белгилүү журналисттер, КТРКда иштеп кеткен тажрыйбалуу Абды Сатаров, Тамара Джаманбаева, Бүбүкан Досалиева жана башка белгилүү адамдар менен куралган. Кийин курамы кыскарганда жалаң жетекчилердин гана сөзүн уга тургандар калган.

Эгерде мени мүчө катары шайлап беришсе экономиканы көтөрүп, гүлдөтүп жиберем дегенден алысмын, бирок КТРКнын каржылык маселеси боюнча документтерди алып, кызматкерлердин тиешелүү адистиги бар же жоктугу боюнча чоң маселелерди ачам деген ой бар болчу. Мына ушул нерселерден Илим Карыпбеков жана Жылдыз Жумабекова коркту.

– Илим Карыпбековдун мөөнөтү аяктап, сынак жарыяланды. Ордуна татыктуу талапкер келет деп ишенсе болобу?

– Азыр массалык маалымат каражаттарында Илим Майрамбекович кайра директорлукка келүү ниетин билдирүүдө деп жазып жатышпайбы. Албетте, мыйзам боюнча анын экинчи мөөнөткө барууга укугу бар экен. Бирок адамдык абийири жол береби? Атамбаевдин убагында анын жеке кызыкчылыгындагы буйруктарын аткарып жүрүп элге шардана болгон. Анда бул жагы кандай болуп калат? Бүгүнкү бийлик деле "биздин айтканды айткан, дегенди деген жетекчи керек" деп кайра Илим мырзаны тандайбы, мына ушул чоң маселе. Азыр көпчүлүк ишкана, мамлекеттик мекемелерге башкы директорлукка сынак жарыяланып жатат. Бул оюн да. Башкы директорлукка макулдашылган, уруксатын алган адам өтөт. Аны Байкоочу кеңеш шайлайт. Ал эми Байкоочу кеңештин мүчөлөрүн ким шайлады, кантип шайланды, коомчулукка көрүнүп турбайбы.

– Бир жолку бизге берген маегиңизде саясатка келсем деген тилегиңизди айткан экенсиз. Тилегиңиз дагы деле күчүндөбү?

– Дикторлорду көпчүлүк сүйлөп турган баш катары кабыл алышат. Ырас, даяр кагазды окуп берген, өзүнүн өңүн, кийимин көрсөткүсү келгендери да бар. Бул алардын тандоосу. Мен аларды сыйлайм. Бирок өзүм алардын катарына кошула албайм. КТРКда кабарчылык, редакторлук милдеттерди аткардым. Мен журналистмин. Журналистика боюнча үч дипломдун ээси, журналистика тармагындагы илимий иштин автору катары айтып коюшум керек. Байкоочу кеңештин мүчөлүгүнө талапкерлигим көрсөтүлгөн учурдагы саясий оюндар, бут тосуулар менин саясий багыттагы жолумду ачып берди. Менин чындыгым, принцибим бар экенине ишеним, калың журттан колдоо таптым.

– Ошол окуядан кийин сиз тууралуу жаман кептер да айтылып баштады. Буга кандай жооп кайтарат элеңиз?

– Элден колдоого ээ болуп кеткенден кийин утулган тарап чыдай албай менин үй-бүлөмө, жеке жашоомо асыла баштады. Жаман окуяларды жазып коюу, адамдын абийирине шек келтирүү менен эч качан алар утушка ээ боло албайт. Көпчүлүк мен жөнүндө каралоону окуду. Менде да кайын журт бар, менин да мындан 12 жыл мурун каза болгон жолдошумдун достору бар. Эгерде менин жолдошум менен жашаган тагдырым, жолдошумдун катуу ооруга чалдыкканы суроо жаратса, кайын журтумдун кошуна-колоң, жолдошумдун дос, бир туугандарына кайрылышса болот, алардын эшиги ачык. Бул жерде актануунун кажети жок. Кудайга койдум!

– Сиз күчтүү айым экениңизди дагы бир ирет далилдедиңиз. Эгер жолдошуңуз жаныңызда болсо азыркыдай күчтүү болот белем деген ойлор келбейби?

– Мага "айым катары өзүңүздү бактылуумун деп эсептейсизби?" деп көп суроо беришет. Албетте, мен бактылуу айыммын. Мага Кудай Таала үй-бүлө күткөнгө, балалуу болгонго, аял катары үй кожойкеликти алып барууга чоң мүмкүнчүлүктөрдү берди. Арийне, тагдыр деген ар кандай экен. Жолдошум каза болуп калды. Бирок менин өмүрүмдөгү эң бактылуу күндөр жолдошум менен жашаганым, балдарымды жарык дүйнөгө алып келген күндөрүм болду. Тилекке каршы, бизге оор ооруну берип сынап көрдү. Андай ооруну эч кимге каалабайт элем. КТРК аркылуу кимден буюртма болуп жатса, өздөрүнүн балдарын, үй-бүлөсүн, кайын журтун да ойлоп коюшсун. Мен Карыпбеков менен Жумабекованын же алардын Ак үй тараптагы колдоочуларынын жеке жашоосуна тийишкен жокмун. Мен иш жөнүндө гана сын-пикиримди айтып келем.

Эгерде кыргызда тың болсоң, бир аз өңдүү-түстүү болсоң, тилиңден чаң чыгып турса, албетте, көрө албастар көбөйөт экен. Эмне үчүн бизде, коомчулукта ийгиликтүү кыздарды көрө албайбыз? Сөзсүз аны басынтып, басмырлап, кимдир бирөөгө көңүлдөш кыла коюу адатыбыз бар. Кара пиар менен мени жок кыла алышкан жок, тескерисинче, коомчулукта мага болушкандар арбыды.

– Маегиңизге ыраазычылык!

"Жыйындан чыккандан кийин Атыркүл Сарыбаева менден кечирим сурады".

Гүлжамал Абылкасымова
Адилет Бектуров
star@super.kg



Чынар Капарова: "Айрым депутаттардын жетеленме, коркоктугу дагы бир ирет далилденди"

Автор: Илим Туратбек уулу
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(20)
12.02.2019. 09:27 
Тайпасы:
Жаран
Комментарийлердин саны:
95
Катталган:
20-04-2014
Соӊку аракети:
20-02-2019 21:46
Жынысы:
Белгисиз
+5
Коомдук канал эмес эле частный эле болуп баратат..
12.02.2019. 10:07 
Тайпасы:
Жаран
Комментарийлердин саны:
14
Катталган:
12-09-2017
Соӊку аракети:
21-02-2019 18:22
Жынысы:
Белгисиз
+7
Депутаттар бир жетелеме,кун карама эле болуп буттунор,ушуну да саясий оюн кылып,буюртманы аткарып жатасынар.Ошол эле Атамбаевдин доорундагы жетеленме шайлоолор уланып жатат,устудон кандай приказ келсе ошону аткарып.
12.02.2019. 10:12 
Тайпасы:
Жаран
Комментарийлердин саны:
138
Катталган:
11-08-2017
Соӊку аракети:
21-02-2019 19:03
Жынысы:
Белгисиз
+6
Жоголсун Илим болбой ХХХХ болгур, Чынара Эже сиз күчтүүсүз жакшы көрөбүз, Илим аман эле болсун инстаграмдан башы чыкпайт, ХХХХ
Модератор admin_portal түзөттү 2019-02-12 10:46:57
12.02.2019. 10:59 
Тайпасы:
Супермодератор
Комментарийлердин саны:
8195
Катталган:
19-11-2013
Соӊку аракети:
21-02-2019 12:09
Жынысы:
Белгисиз
-3
Paprikafm, коомдук адепти сактаңыз. Эскертүү!
12.02.2019. 10:18 
Тайпасы:
Жаран
Комментарийлердин саны:
168
Катталган:
13-07-2013
Соӊку аракети:
21-02-2019 00:45
Жынысы:
Белгисиз
Калаасы:
Бакыт калаасы!
+1
Азаматсыз, сизди сыйлайм!
12.02.2019. 13:11 
Тайпасы:
Жаран
Комментарийлердин саны:
235
Катталган:
15-08-2017
Соӊку аракети:
16-02-2019 19:55
Жынысы:
Белгисиз
+2
Аябай кучтуу,ар бир создуу орду менен суйлогон позитивдуу аял экенсиз.
12.02.2019. 16:38 
Тайпасы:
Жаран
Комментарийлердин саны:
50
Катталган:
31-12-2016
Соӊку аракети:
21-02-2019 01:21
Жынысы:
Белгисиз
+2
Илимдин таэнеси айтмакчы Коомдук канал "былжырап" эле жатып калды. Чынара эже күчтүү айым экени көрүнүп турат. Ак ийилет бирок, сынбайт.
12.02.2019. 23:12 
Тайпасы:
Жаран
Комментарийлердин саны:
95
Катталган:
14-07-2016
Соӊку аракети:
20-02-2019 19:05
Жынысы:
Белгисиз
+1
Чынында грязга князь болбойле жургон онго дейм .
12.02.2019. 23:51 
Тайпасы:
Жаран
Комментарийлердин саны:
135
Катталган:
10-05-2016
Соӊку аракети:
22-02-2019 02:44
Жынысы:
Белгисиз
Калаасы:
узген
0
Уят уят уят.... 2 жүздүү парламент.
13.02.2019. 07:33 
Тайпасы:
Жаран
Комментарийлердин саны:
26
Катталган:
11-06-2017
Соӊку аракети:
13-02-2019 08:55
Жынысы:
Белгисиз
Калаасы:
Бишкек
0
Вечно ушул аял Карыпбековду жамандаганы жамандаган. Карыпбеков бир да жолу бул ж.дө жаман сөз айткан эмес. Бул болсо жашоосунда кандай женилүү болбосун, кандай туура эмес нерсе болбосун баарын эле Карыпбековдон көрүп келатат. Жакында ити өлүп калса деле ошондон көрөт го. Как будто сен иштеп жүргөндө Ктрк өнүгүп, жалан эле элдин сөзүн жеткирип, укмуш иштеп аткансып...
13.02.2019. 09:01 
Тайпасы:
Жаран
Комментарийлердин саны:
51
Катталган:
14-01-2015
Соӊку аракети:
22-02-2019 06:45
Жынысы:
Белгисиз
0
Samarish1216,тууура
16.02.2019. 01:09 
Тайпасы:
Жаран
Комментарийлердин саны:
6
Катталган:
03-11-2018
Соӊку аракети:
21-02-2019 19:45
Жынысы:
Белгисиз
Калаасы:
Бишкек
+1
Altynbekova.01, эмнеси туура? Карыпбеков унчукпаса эле туура болуп калабы? Менимче ал эжедей күчтүү кызматкерден коркуп турат. ошондуктан КТРКга жакын жолотпой жатат да. Сөздү эжеге эмес, тарапташтарына айтып, мындайча айтканда бардык ишти кадр артында бүтүрүп жаткандыр...
13.02.2019. 10:19 
Тайпасы:
Жаран
Комментарийлердин саны:
164
Катталган:
20-11-2010
Соӊку аракети:
22-02-2019 01:38
Жынысы:
Белгисиз
Калаасы:
Жалал-Абад
-1
Samarish1216,++++++ мин жолу + сага
16.02.2019. 00:59 
Тайпасы:
Жаран
Комментарийлердин саны:
6
Катталган:
03-11-2018
Соӊку аракети:
21-02-2019 19:45
Жынысы:
Белгисиз
Калаасы:
Бишкек
0
Samarish1216,Карыпбеков кылган иши менен жаман кылып жатпайбы.
13.02.2019. 12:18 
Тайпасы:
Жаран
Комментарийлердин саны:
201
Катталган:
13-05-2016
Соӊку аракети:
19-02-2019 11:31
Жынысы:
Белгисиз
+1
Чынара ак ийилет ,бирок сынбайт дегендей кыйын кыз экенин корунуп турат сага ийгилик,депутаттарды озубуз шайлаганбыз мына эми озун этият бол ,курошом деп уй-булооно зыян келтирип алба.
13.02.2019. 12:43 
Тайпасы:
Жаран
Комментарийлердин саны:
78
Катталган:
16-03-2017
Соӊку аракети:
21-02-2019 17:54
Жынысы:
Белгисиз
+3
Атамбаевтин кочу уланууда эл журт
13.02.2019. 15:54 
Тайпасы:
Жаран
Комментарийлердин саны:
90
Катталган:
28-01-2014
Соӊку аракети:
20-02-2019 14:27
Жынысы:
Белгисиз
Калаасы:
Бишкек
+3
Парламент чыныгы жузун дагы бир жолу ачыктап берди. Капарованын маселесин кошпогондо деле жетелетме, бир-эки адамдын кызыкчылыгына иштеген, жеке пикири жок базарчы депутат соройлордон куралган парламеттен эл эч нерсени деле кутпой калган.
16.02.2019. 01:03 
Тайпасы:
Жаран
Комментарийлердин саны:
6
Катталган:
03-11-2018
Соӊку аракети:
21-02-2019 19:45
Жынысы:
Белгисиз
Калаасы:
Бишкек
+1
Эже азаматсыз. Сиздей мыкты инсандын окуучусу экениме сыймыктанам. Ак ийилет, бирок сынбайт.
Ал эми сабатсыз сынчылар, деги силерге эмне жагат? Баарын ачык айтып, көзүңөрдү ачып жатса да кээ бириңерге жакпайт экен. Карыпбеков эмне кылып жыргатып жатат?
17.02.2019. 03:16 
Тайпасы:
Жаран
Комментарийлердин саны:
2
Катталган:
03-06-2018
Соӊку аракети:
18-02-2019 01:06
Жынысы:
Белгисиз
+1
Депутаттарга айла жок болуп калбадыбы. Эл давно эле үмүтүн үзүп койгон алардан. Жанар Акаев туура айтты жыйында саясий оюн кылбагыла деп. Чынара эже аягына чейин күрөшүнүз. Сиз күчтүүсүз
18.02.2019. 11:31 
Тайпасы:
Жаран
Комментарийлердин саны:
25
Катталган:
19-06-2018
Соӊку аракети:
21-02-2019 15:01
Жынысы:
Белгисиз
0
ааламга кетчуу жол айылдан башталат дегендей Чынара айым биринчи озунун уй булосун жакшылап карап алсынчы корунгон эрекетин колтугуна секирбей
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 2 колдонуучу (Катталган: 0, коноктор: 2) бул макаланы окуду:

Макалалардын саны:
21873;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: