Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ДОЛБООР МАКСАТЫНА ЖЕТТИ

№849 8-14-февраль, 2019-жыл


«ЖАЙЫТТАРДЫ ЖАНА МАЛ ЧАРБАЧЫЛЫКТЫ БАШКАРУУНУ ЖАКШЫРТУУ» ДОЛБООРУНУН ЖЕТИШКЕНДИКТЕРИ

«Жайыттарды жана мал чарбачылыкты башкарууну жакшыртуу» долбоору Кыргыз өлкөсү менен Эл аралык өнүктүрүү ассоциациясынын ортосундагы 2015-жылдын 18-майында Кыргыз Республикасынын Мыйзамы менен ратификацияланган каржылык келишимдин негизинде Чүй жана Талас облустарында ишке кирген. Долбоордун жалпы баасы – 15 миллион АКШ доллары, 2015-2019-жылдар аралыгында ишке ашырылып келет. Долбоордун максаты – жайыттарды жана мал чарбачылыкты жамааттык башкарууну жакшыртуу, жайыт пайдалануучулар бирикмелеринин, анын аткаруучу органы – Жайыт комитеттеринин, жеке ветеринарлардын көрсөткөн кызматтарынын сапаттуулугун жогорулатуу, жайыттардын жеткиликтүүлүгүн адилеттүү камсыздоо жана жайыт жерлердин деградациясы менен күрөшүү.

ЖАЙЫТТАРДЫ ПАЙДАЛАНУУДАГЫ ЖАМААТТЫК ПЛАН

Долбоордун негизги аракеттеринин бири: «Жайыттарды башкаруу жана пайдалануу боюнча жамааттык пландын» бирдиктүү форматын беш жылдык, бир жылдык мезгилдерге иштеп чыгуу эле. План жайыт пайдалануучулар бирикмелерине иш-чараларды туура пландоого, жаратылыш ресурстарын аяр колдонууга көмөктөшөт. Алгач (2016-жылы), пландар жаңы формат боюнча 16 пилоттук жайыт пайдалануучулар бирикмесинин базасында түзүлгөн. Долбоордун кийинки жылдарында пландар Чүй, Талас облустарынын бардык 140 бирикмесинде түзүлүп, райондук агрардык өнүгүү башкармалыктарынын колдоосун таап, айылдык кеңеш тарабынан бекитилген.

ЖАЙЫТ ПАЙДАЛАНУУЧУЛАР БИРИКМЕЛЕРИНИН ДЕМИЛГЕЛЕРИН КОЛДОО

Долбоор Чүй жана Талас облустарынын жайыт пайдалануучулар бирикмелерине 400 микродолбоорду ишке ашырууга көмөктөштү. Аны ишке ашырууга 6,5 миллиондон ашык АКШ доллары бөлүнүп, техникалар, жабдыктарды алуу, ветеринардык клиниканын курулушу, мал суу ичүүчү жайлар, жолдор менен көпүрөлөр, бастырмалар, кашарларды салуу жана капиталдык оңдоо, Беккари чуңкурун куруу пландалып, аткарылган. Жайыт пайдалануучулар бирикмелеринин өздүк салымдары, накталай акча, кол эмгеги жана материалдары микродолбоордун 25 пайызын түзгөн. Натыйжада Чүй облусунда 271, Таласта 122 микродолбоор ишке ашкан.

ЖАЙЫТТАРДЫН АБАЛЫН ИЗИЛДӨӨ: МОНИТОРИНГ ЖАНА БААЛОО

Жайыттарга мониторинг жүргүзүү-жайыттарды башкаруу планынын маанилүү бөлүгү, жайыт пайдалануучулар бирикмелеринин аткаруучу органы – Жайыт комитеттеринин функционалдык милдеттери. Ал жайыттарга мал жаюудагы жайыттардын абалына, жайыт түшүмдүүлүгүнө, жайыт жерлериндеги зыяндуу тенденциялардын өөрчүшүнө тийгизген таасирин аныктоого мүмкүнчүлүк берет. Мониторинг мезгил сайын бир жылда төрт жолу жүргүзүлүп, келерки жылдын планын түзүүдө колдонулат.2017-2018-жылдары ушул долбоордун алкагында, Чүй жана Талас облустарынын бардык Жайыт комитеттери кайчылаш сызыктар ыкмасын колдонуу менен жайыттарга мониторинг жүргүзүшкөн.

СУУСАМЫРДАГЫ АЛТЫГАНА МЕНЕН КҮРӨШҮҮ

Акыркы жылдары Суусамыр өрөөнүндө мал жебей турган алтыгана өсүмдүгү жыш өсүп келүүдө. «Жайыттарды жана мал чарбачылыкты башкарууну жакшыртуу» долбоору бул өсүмдүктүн мындан ары көбөйүүсү менен күрөшүү иштерин баштаган. Биринчи жайыттардын деградацияга чалдыккан аянты аныкталып – 16 000 гектардан ашык, отоо чөптүн ареалы менен карта түзүлгөн. Алтыгана менен күрөшүү боюнча практикалык колдонмо даярдалып, ал боюнча Кыргыз мал чарба жана жайыт илим изилдөө институту жана Жайыт, мал чарба жана балык чарба департаменти биргеликте эксперименталдык иштерди өткөзүшүүдө.

ТЕХНИКАЛЫК ЖАРДАМДАР

Аталган долбоор Чүй, Талас облустарынын жайыт пайдалануучулар бирикмелери техникалык жабдууларын жакшыртышты. Кеңсе техникалары, эмеректер, маалыматтык доскалар жана GPS-түзмөктөр берилген. Ар бир комплектинин баасы – 2000 АКШ доллары, гранттык жардамдын жалпы суммасы 20 миллион сомдун тегерегинде.Түзүлгөн Жайыт пайдалануучулар бирикмелеринин райондук ассоциациялары жалпы суммасы 1,7 миллион сом болгон уктоочу мүшөктөргө, чатырларга жана рацияларга ээ болушту. Бардык 140 Жайыт комитетине малды жайкы жайлоого айдоо мезгилинде керектүү боз үйлөр тапшырылган. Долбоор жайыттарды башкарууга тартылган институттарга техникалык жардам көрсөткөн.

ЖАЙЫТТАРДЫ ЖАКШЫРТУУДАГЫ ИЛИМИЙ ИЗИЛДӨӨЛӨР

Демонстрациялык участок – бул белгилүү бир мөөнөткө «эс алдырып», мал кирбегендей кылып, атайын тосмолор менен курчалган жайыт тилкеси. Чүй жана Талас облустарында ушундай участоктордун үчөөсү түзүлгөн: Кемин районунда Боролдой, Панфилов районунда Фрунзе жана Кара-Буура районунда Кара-Буура. Бардык участоктордо эки жылдык эксперименттин жыйынтыгында чөптөрдүн өсүшү жакшырган. Андыктан жайыттарды жакшыртуунун бул ыкмасын пайдалануу боюнча сунуштар Жайыт комитеттерине берилген. Үрөнчүлүк участок-тоюмдуулугу жогору тоют чөптөрдүн уругун көбөйтүп, Жайыт комитеттер жана фермерлер арасына жайылтуу максатында себүү.

МАЛ ЧАРБАЧЫЛЫГЫН ӨНҮКТҮРҮҮДӨГҮ ИЛИМИЙ ИЗИЛДӨӨЛӨР

Долбоор Панфилов, Кара-Буура жана Кемин райондорундагы фермердик чарбаларды моделдик чарбалар катары тандап алган. Жыйынтыгында малды жайыттарга жаюу канчалык деңгээлде алардын абалына, салмагы менен башка зарыл болгон габариттерине кандай таасир этерин көрсөтмөк. Изилдөөгө 60 баш жаш мүйүздүү бодо мал пайдаланган. Биринчи ченеп алуу (салмагы, карыш бийиктиги, төшүнүн көлөмү менен салмагын эсептөө) апрель-май айларында жайытка айдап кетер алдында жасалган. Алты айдан кийин малдар жайыттан түшкөн мезгилде экинчи ирет ченелген. Жыйынтыгында ар бир малдын салмагы 120 килограммга, суткасына 600 граммга өскөн.

БИЛИМДЕРДИ ЖАКШЫРТУУ

Долбоор Жайыт комитетинин башчылары жана мүчөлөрүнүн, жеке ветеринарлардын квалификациясын жогорулатуу максатында тренингдерди өткөргөн. Семинарлар жайыт мыйзамдарынын маселелерине, жайыттардын сапатын жакшыртуу, аларды башкаруунун планын түзүү, малдардын ден соолугун көзөмөлдөө жана башкаларга тийиштүү болгон. Окуу-маалыматтык материалдар, методикалык жана практикалык модулдар, нускамалар иштелип чыккан.

ЖЕКЕ ВЕТЕРИНАРЛАРДЫ КОЛДОО ЖАНА НАСААТЧЫЛЫК

Долбоор ветеринария жаатында насаатчылык системасын демилгелеген. Чүй жана Талас облустарынан ветеринардык факультеттин 48 бүтүрүүчүсү тандалып, ар бирине практикалык билимин үйрөтүү үчүн тажрыйбалуу ветеринар бекитилген. Долбоор насаатчыларга 400 АКШ долларынын өлчөмүндөгү грант берген. Окуучулары кесиптик жолдорун баштап кетүүсү үчүн аларга
1000 долларлык ветеринардык комплекттер тапшырылган. Иштеп жаткан 280 жеке ветеринарга долбоор тараптан колдоо көрсөтүлгөн. Алардын жалпы суммасы 420 миң АКШ долларын түзгөн, ар бирине 1500 доллардан тийген ветеринардык шаймандар: муздаткычтар, термоконтейнерлер, сертификацияланган дары-дармектер жана башкалар берилген.

ЫРААЗЫ БОЛГОН БЕНЕФИЦИАРЛАР

Долбоор Жайыт комитеттери менен жеке ветеринарлар көрсөткөн кызматтарга бенефициарлардын ыраазы болгондугун баалоочу инструмент иштеп чыгып, АРИСтин коомчулукту өнүктүрүү эксперттеринин
(ЭПРО) жардамы менен сурамжылоо жүргүзгөн. Сурамжылоо 2017-жылы жайыт билеттерине ээ болгон Чүй жана Талас облустарынын миңдеген чабандары менен малчыларынын арасында өткөрүлгөн. Жыйынтыгында жеке ветеринарлардын көрсөткөн кызматтарына канааттангандардын жалпы саны 71%, ал эми Жайыт комитеттердин ишине канааттангандар 75% болду.

Кенже Бодошева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22453;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: