Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Муунтулуп каза болгон баланын апасы: «БАЛАМДЫН ӨЛҮМҮНӨ БИЗДИ КҮНӨӨЛӨП ЖАТЫШАТ...»

№850 15-21-февраль, 2019-жыл


Аутизм менен жабыркаган Чолпон-Ата шаарынын 9 жашар тургуну Жайдар Кадыров өткөн жылдын октябрь айында киши колдуу каза тапкан. Бул факт боюнча Ысык-Көл ОИИБинде тергөө уланууда. Шектүү катары эч ким кармала элек. Бирок Жайдардын жакындары милиция кызматкерлеринин ишине нааразы болушуп, аларды баланын өлүмүнө шекшип жаткандыктарын айтып жатышат.


ЖАЙДАР МУУНТУЛУП ӨЛТҮРҮЛГӨН

2018-жылдын 1-октябрында Ысык-Көл РИИБине 9 жашар баланын жоголгондугу тууралуу арыз түшкөн. Издөө иштери жүргүзүлүп, жоголгон баланын сөөгү шаардын көчөлөрүнүн биринен табылган. Каза болгон бала аутизм илдетинен жабыркап келген. Баланын сөөгү моюнуна жип жана тор кап оролгон абалда табылган. Соттук-медициналык экспертизадан анын жип менен муунтулуп каза болгондугу аныкталды. Факт боюнча "адам өлтүрүү" беренеси менен кылмыш иши козголгон. Бирок азырынча эч ким шектүү катары кармала элек. Тергөө иштери уланууда.


«МИЛИЦИЯ КЫЗМАТКЕРЛЕРИ ИШТЕРИН ТАК АТКАРЫШКАН ЖОК»

Жайдардын атасы Таалай Хакимов милиция кызматкерлеринин ишине мындайча нааразычылыгын билдирди:

– Окуя болгон күнү мен Караколдо жумуштарым менен жүргөм. Түнкү саат 12лер чамасында мени РИИБге чакырышты. Ошол жерден баламдын сөөгү табылганын айтышты. Анан өлүкканага алып барышты. Баланын өлүмү тууралуу угуу, анын сөөгүн көрүү ата-эне үчүн канчалык оор экенин башынан өтпөгөн жан түшүнбөсө керек. Андан кийин сөөк табылган жерди көрсөтүштү. Ал жердеги унаанын изин биздин Тойота 4Раннер унаабыздын дөңгөлөгүнө окшоштурушуп, унаага караңгыда сүрөткө, видеого тартпай кароо жүргүзүштү. Унаа кызымдын атына катталган. Тинтүү кызымдын көзүнчө жүрүшү керек эле. Андай болгон жок. Унааны РИИБге алып кетишти да, ал жактан скотч менен мөөрлөп бекитишти. Билишимче, ал үчүн скотч эмес, атайын кагаз колдонулушу керек. Ошол күнү кызымды түнкү саат 23төн таңкы 5:30га чейин жактоочусуз суракка алышты. Уулумдун сөөгү табылган кечте үйүбүзгө тинтүү жүргүзүшкөн. Ал эми үйгө тинтүү жүргүзүү үчүн соттун чечими керек. Андай кагаз көргөн жокмун. Ал убакта биз бир нерсе ойлоно турган абалда эмес болчубуз. Милиция өз ишин жасап жатат дедик. Эртеси элди чогултуп, сөөктү жерге бергенден кийин автомат көтөргөн милиция кызматкерлери үйгө келишип, кызыбызды суракка алышарын айтышты. Жиним келип кетти. «Адамсыңарбы? Сөөктү жаңы койдук. Эртең да күн бар» деп уруштум. Алар кетип калышты. Ошондо гана жактоочу керек деген ой келди. 3-октябрда унаанын дөңгөлөктөрүн чечебиз деп РИИБге чакырышты. 4 дөңгөлөктү 3-4 саатта араң чечип бүтүштү. Эч кандай шаймандары жок экенин көрүп, «Шаймандарыңар жок экен. Кантип иштеп жатасыңар?» деп сурасам, алар «Байке, компьютерлер да өзүбүздүкү. Кагазды да өзүбүз сатып алабыз» дешти. Абалдары ушундай кызматкерлер канчалык деңгээлде сапаттуу иш жасайт деп ойлодум. Дөңгөлөктү чыгаргандан кийин унаанын ичиндеги одеалону алышты. Аны алган кызматкердин колунда кол кап жок болчу. Балыкчыдан өткөн химиялык экспертизадан одеалодон ал өлүмгө тиешелүү эч нерсе жок деп чыгыптыр. Андан кийин одеалону Республикалык соттук-эксперттик кызматына жиберишиптир. Ал жактан одеалодо тор каптын бөлүктөрү, унаанын чехолунда Жайдардын футболкасынын курамына кирген була, поликтен пияздын кабыгы табылыптыр. Башында Жайдардын моюнуна оролгон капты жаңы дешкен эле. Ал кап моюнуна оролуп гана турган экен. Баламды жип менен муунтушуптур.

Экспертизага далил буюмдарды ар кайсы жагы ачык, тешилген куту, баштыктар менен алынып барылганын сүрөттөрдөн көрүүгө болот. Тергөөчү кыз дүкөндөн баштык сатып келип, далил буюмдарды ошол баштыкка салып алып кеткенин көргөм. Бул – далил буюм. Андагы ар бир так маанилүү.

Ооба, бизде күнөө бар. Дарбазаны жабышыбыз керек болчу. Бирок пендебиз. 5 мүнөт ары караганча бала дарбазадан чыгып жок болуп кетти. Апа үчүн баланын өлүмүнөн өткөн оор жаза барбы? Апасы баласы менен кошо «өлдү». Көлөкөдөй эле жүрөт. Бул убактын ичинде кандай гана абалдан өткөн жокпуз. Жубайымды эки жолу, кызымды бир жолу ооруканага жаткырдым. Ишти акыйкат карап берүүлөрүн суранып президентке, Коопсуздук кеңешине, ички иштер министрине бир канча жолу кайрылуу жибердик.


«БАЛАБЫЗГА КАНТИП КОЛ САЛМАК ЭЛЕК?»

Каза болгон баланын апасы Жүрсүн Сартова Жайдарды эч кандай кыйынчылык жаратпаган бала деп сыпаттап, баласынын телефонго тартылган видеолорун да көрсөттү. Болоктоп ыйлаган эне окуя тууралуу мындай пикирде:

– Жайдарым дени сак балдардай болчу. Ал 1 жашында басып, сүйлөгөн. Ага аутизм деген диагнозду 5 жарым жашында гана коюшту. Бул анын кадимки балдардай эле өзүн алып жүргөндүгүнөн кабар берет. Бир аутист экинчисине окшошпойт. Андыктан башка аутист балдардай элестетпегиле. Балама кайчы менен бир нерсени кескенди, сүрөт тартканды үйрөттүм. Бирок ага киши жырткыч экенин үйрөтө алган жокмун. Балам күлүп койгон адам менен жүрө берчү. Диагнозун билгенде Жайдарга карап Бишкектен Чолпон-Атага көчүп кеткенбиз. Жайы бою көлдүн суусуна түшүп, кышында бассейндерге алып барчубуз. Балам менен көл жээгинде, тоо-ташта сейилдечүбүз. Ал ошол дүйнөнү түшүнчү. Унааны да балага карап тоо-ташта айдоо үчүн алган элек. Үйдө балама бардык шарттар түзүлгөн. Баламдын күндөн-күнгө өсүп келатканын көрүп жаттым. Ал жашайм деген бала болчу. Эл арасында "бала оорукчан болгону үчүн өлтүрүп коюшту" деген сөз тарады. Ушундай кам көргөн балабызга кантип кол салмак элек? Үйдө ата-эне алсыз баласына жан тартат. Биз да Жайдарды көп ойлончубуз.

1-октябрь күнү үйдө коноктор бар болчу. Балам короодо ойноп жүргөн. Ал көбүнчө суу менен ойночу. Коноктор кеткенден кийин 15:30дарда кызым Айдай "бир жакка барып келейинчи" деп суранып калды. Унааны айдап кетти. Балам унаа жүргөндө эле ээрчип алчу. Ошондуктан Айдайды ээрчип кетти деп ойлодум. Кызым саат 6ларда келди. Жайдар кызым менен кетпегенин билгенде эле издеп баштадык. РИИБ биздин үйдөн 300 метр гана алыстыкта. Андыктан 15-20 мүнөттөн кийин эле милицияга кайрылдык. Арызды 8:30дарда жаздым. Бир маалда кайра РИИБге чакырып калгандыктан, бара жатып жолдо эки унаа токтоп турганын, «Тез жардам» турганын көрүп, жол кырсыгы болгон окшойт деп ойлоп койгонбуз. Көрсө, ошол жерде балам жансыз жаткан экен. Баламдын денеси жолдун жээгиндеги талдын түбүнөн табылды. Бирок биз ал жактан бир нече ирет издеп таппай койгонбуз. Сөөктү кийин эле таштаган окшойт. Бала жаткан жердин жанынан биздин унаанын изи бар деп бизден көрүп жатышат окшойт. Ал борбордук жол. Ал жолдон өтпөй издей албайт болчубуз. Биздин колдон келген кылмыш болсо, анда далил буюмдарды жок кылмакпыз да. Ага убактыбыз көп эле болчу. Эл оозунда элек жок. Эмне деген сөздөр айтылган жок. Баары бизге катуу тийди. Менин шекшиген да адамым жок. Кимдин колунан келди, билбейм. Мен азыр жер менен асмандын ортосунда такалып калгандай абалдамын. Жайдарыма кетип калайын десем, бул жакта эки балам бар. Жасаган киши жазасын алышы керек.


«ОКУУ ЖАЙГА БАРА АЛБАЙ КАЛДЫМ»

Жайдардын бир тууган эжеси 18 жаштагы Айдай Кадырова бул ишке шектүү катары бир ирет суралганын айтат:

– Жайдар жоголгон күнү саат 23тө мени суракка киргизишти. 20дай милиция кызматкери кирип-чыгып, мени карашып, сөгүнүшүп, кабинеттен кабинетке киргизип суракка алышты. Алардын баары мас абалында болчу. Мага инимдин каза болгонун түнкү саат 3төрдө айтышты. Мага угузушкандан кийин кагазды мен тарапка ыргытып туруп, «өз ыктыярым менен моюнума алам деп жаз» дешти. Бир нече ирет «ойлон, убакыт бар кезде жаз» деп да айтышты. Мен «Кылмыш кылган жокмун. Эмнеге моюнума алам? Жазсам, силердин басым жасаганыңарды жазам» дедим. Оор кабарды укканда эсимди жоготуп кулап да калгам. Ошентип мени таңкы 5:30да коё беришти. Ал күнү мен жолуккан курбу кызымды да суракка алышып, ага сөөктү көрсөтүшүптүр. Туура эмес да, жаш кыздын психикасына ал оор тиет.

Сөөктү тапканда ал жерди шыр курчоого алышкан жок. Жамгыр жаап, барган эл жерди баскылап койгондо, бир сааттан кийин гана курчоого алышты.

Анан да алар мени бир ирет шектүү катары сурашкан, "бул сурак биздин арабызда гана калсын" деп да айтышкан.

Өкүнүчтүүсү, эл арасында инимди мени өлтүрдү деген кептер тарап кетти. Муну милиция кызматкерлеринен көрүп жатабыз. Университетке барсам, баары мени колу менен көрсөтүп, ар кандай суроолорду бере беришкендиктен, окууга барбай калдым. Интернеттен белгисиз номерлерден «уятың жок, өлтүргүч, сен эркиндиктесиңби?» деген билдирүүлөр келди. Сот аныктамайынча эч кимди күнөөлүү деп айтууга болбойт! Бирок аны ойлогондор аз экен.


«КЫЗМАТТЫК ТЕРИШТИРҮҮ ЖҮРҮП ЖАТАТ»

Ысык-Көл ОИИБинин басма сөз катчысы Сталбек Усубакунов мындай маалымат берди:

– 2018-жылдын 1-октябрында Ысык-Көл РИИБине 9 жашар бала жоголгондугу тууралуу арыз түшкөн. Көп өтпөй Чолпон-Ата шаарынын көчөлөрүнүн биринен баланын жансыз денеси табылган. 2-октябрда Кылмыш-жаза кодексинин 97-беренеси (адам өлтүрүү) менен кылмыш иши козголгон. Соттук-медициналык экспертиза баланын муунтулуп өлтүрүлгөндүгүн көрсөттү. Кошумча экспертизалардын толук жыйынтыгы чыга элек. Тергөө жүрүп жатат. Азырынча шектүү кармала элек. Каза болгон баланын жакындары «1-октябрь күнү милиция кызматкерлери мас абалында сурак өткөргөн, моюнуңа ал деп кыйнаган, үйгө автоматчан кирип барган, 18 жашар кыздын окуу жайына адам өлтүргөн деп сөз таратышкан» деген сыяктуу маалыматтарды таратып жатышат. Бул боюнча ИИМдин Ички иликтөө кызматы тарабынан кызматтык териштирүү дайындалган. Эгер ал көрүнүштөрдүн болгону аныкталса, кызматкерлер тийиштүү жаза алышат. Баланын апасы «мени шектеп жатышат» деген маалымат таратып жатат. Апасына айып тагылган эмес, шектүү катары да кармалган эмес. Кызы дагы күбө катары гана суралган.


Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(6)
19.02.2019. 10:16 
Тайпасы:
Жаран
Комментарийлердин саны:
136
Катталган:
14-02-2016
Соӊку аракети:
22-06-2019 15:42
Жынысы:
Белгисиз
Калаасы:
Кыялдарда
+3
Иий чырактай бала экен.Супсулуу
19.02.2019. 11:43 
Тайпасы:
Жаран
Комментарийлердин саны:
419
Катталган:
19-05-2014
Соӊку аракети:
24-06-2019 15:58
Жынысы:
Белгисиз
+5
Байкушум десе чырактай балага кантип колу барды экен, кимге мынчалык мешать этти экен бул бала анчалык кыйнап олтургудой? Акмактар ким болсо да оз жазасын алышсын.
20.02.2019. 01:03 
Тайпасы:
Жаран
Комментарийлердин саны:
3
Катталган:
23-03-2018
Соӊку аракети:
24-06-2019 01:41
Жынысы:
Белгисиз
+1
Жоок оорулу баласы болсо олтуруп койгудай эле кимге анчалык зыян келтирди экен???
Кантип тируу жанды адамды адам анан жаш баланы кыйнап олтуруп койо алат а???
Тообо.... ким болсода балким бул дуйнодо татыктуу жазасын албаса Аллахтын алдында татыктуу жазасын алат!!!
20.02.2019. 01:03 
Тайпасы:
Жаран
Комментарийлердин саны:
73
Катталган:
04-06-2011
Соӊку аракети:
19-06-2019 09:56
Жынысы:
Белгисиз
Калаасы:
россия москва
+1
Чын олтургон адам жазасын алса экен, аутист балада куноо жок, эч кимди жектебейт ээрчип кете берет, бир макоолор ээрчитип барып бирдеме кылып анан куч колдонуп олтуруп коюшту го, жайы жаннаттан айтсын периште, жаман адамдар жазасын алсын, тозокто мин жыл куйсун ылайым, ким болсо дагы!!!
22.02.2019. 07:21 
Тайпасы:
Жаран
Комментарийлердин саны:
36
Катталган:
06-02-2012
Соӊку аракети:
25-06-2019 02:29
Жынысы:
Белгисиз
+1
Балким кокустуктан болгондур??ким билет оздору кантип ошого барсын эжеси олтурду деген созго ким ишенет Милициялар эптеп мойнуна алдыргысы келсе керек...
15.04.2019. 13:46 
Тайпасы:
Жаран
Комментарийлердин саны:
17
Катталган:
17-08-2017
Соӊку аракети:
24-06-2019 12:44
Жынысы:
Белгисиз
0
Биздин милиция коргобойт, алар оборотни в погонах орустар айтмакчы. Бир дагы жакшы сөз укпай калдык го акыркы жылдары милициялар жөнүндө. Кудай күн салбасын бул макулуктарга.Өлкө башчыларына өтө узун өмүр ушуларды карап, кой деп койбогон. Жоопкерчилик дегендин "ж"сын да айланып өтүп кетишет го жетелешкен бойдон, беттерин табактай ичтерин чарадай кылышып. Уялгыла чоңдор атасы бакпай таштап койгон жетим баладай кылбай Кыргызстанды.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22453;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: