БИР БҮРКҮМ

Бишкек ЖЭБин модернизациялоо боюнча мурдагы финансы министри Ольга Лавровага да коррупция беренеси боюнча кылмыш иши козголду.
Мурдагы саламаттыкты сактоо министри Талантбек Батыралиевге кылмыш иши козголду. УКМКнын Коррупцияга каршы күрөшүү кызматы экс-министрге кызмат абалынан кыянаттык менен пайдаланып, өлкө казынасына 107 миллион сом өлчөмүндөгү зыян келтирген деп айып коюуда.
Премьер-министр Мухаммедкалый Абылгазиев Мамлекеттик сатып алуулар департаментинин директору Улан Өзүмбековду реформалоо боюнча тапшырмаларды аткарбады деп кызматтан бошотту.
"The Heritage Foundation" уюму дүйнөдөгү экономикалык эркиндиктин жылдык рейтингин жарыялады. Ага 180 өлкө кирип, Кыргыз өлкөсү 79-орунду ээледи. Былтыр биздин өлкө 78-орунда болчу.
Кыргыз Республикасынын Президентинин аппаратынын укуктук жактан камсыз кылуу бөлүмүнүн башчысы болуп Улан Абилов дайындалды.
"Бийликти басып алууга аракет кылган" деп соттолгон Кубанычбек Кадыров менен Бектур Асанов шарттуу түрдө мөөнөтүнөн мурда эркиндикке чыкты.
Кыргызстандын абактарында чет өлкөлүк 360 жаран бар. Бул тууралуу ички иштер министринин орун басары Курсан Асанов парламентте билдирди.
Алимент төлөбөй качып жүргөн 2731 кишиге Сот департаменти издөө жарыялады.
Мамлекеттик карызды тейлөөгө 2018-жылы 23 миллиард 741,3 миллион сом жумшалган. Бул тууралуу Финансы министрлигинин Борбордук казыналыгынын директорунун орун басары Марлен Амандыков билдирди.

Кубан Жумамидинов
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 850, 15-21-февраль, 2019-жыл