Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Шахзода Матчанова, өзбек актрисасы: «ТУРМУШКА ЧЫГАРДА ЖОЛДОШУМА КИНОНУ ТАШТАБАЙМ ДЕГЕН ШАРТ МЕНЕН ТИЙГЕМ»

№850 15-21-февраль, 2019-жыл


Өзбек актрисасы Шахзода Матчанованы кыргыз коомчулугу “Жатакана” сериалы аркылуу тааныган. Кино чөйрөсүндө 11 жылдан бери келаткан актриса былтыр ата мекендик “Ак илбирс” киносыйлыгында Ёлик Туйчиевдин “Маьсума” деген тасмасындагы ролу үчүн “Борбор Азиядагы мыкты актриса” наамына татыган. Учурдагы өзбек киносунун жылдызы Шахзода режиссёр Азамат Арыков тартып жаткан “Мурас” тасмасында роль жаратууда.

– Саламатсызбы, Шахзода. Өзбекстанда алдыңкы окуу жайдан жогорку билим алганыңызды билебиз. Бирок кесибиңиз менен иштебей, актрисалыкты тандаган экенсиз?

– Ооба, мен Ташкенттеги Дүйнөлүк экономика жана дипломатия университетинин эл аралык факультетин аяктагам. Актриса болуп киного тартылам деген ой үч уктасам түшүмө кирген эмес. 3-курста окуп жатканда кыздар менен театрга барганбыз. Ал жактан Өзбекстандын белгилүү режиссёру Зулфикар Мусаковго жолугуп калдык. Ал кыздардын арасынан мага токтолуп, “Өзбекфильмге” пробага чакырды. Тилекке каршы, анда мени эмнегедир өзбек улутунан эмес дешип, тандоодон өтпөй калгам. Ошентсе да мен тууралуу маалыматтар, сүрөттөрүм кадрлар бөлүмүндө калган экен. 3-4 айдан кийин Зебо Наврузова деген режиссёр көрүп, тасмасына чакырып, ошондон кино талаасына жолум ачылган. Андан бери 11 жыл өттү.

– Кандай ойлойсуз, профессионалдуу актриса болуш үчүн сөзсүз актёрлук кесипке окуш керекпи?

– Менин тажрыйбамдан, дүйнөлүк жылдыздардын тажрыйбасынан алганда деле актёрлук билим сөзсүз керек эмес. Актриса болуш үчүн кесипти, кинону сүйүш керек. Ошондой эле башкалардын жашоосуна сүңгүп кирип, образ аркылуу каармандын жан дүйнөсүн жеткиликтүү бере билүү зарыл.

– Сиз образга, ролдорго маани берип, тандайсызбы?

– Албетте, мен чыгармачылыкты баштаганда эле роль, сценарий, режиссёрду тандачумун. Эптеп киного тартылыш керек деген ойдон алысмын. Мени биринчи кино дүйнөсүнө чакырган режиссёр да “Акча келет, кетет. Ал эми уят болсоң өмүр бою калат” деп үйрөткөн. Андыктан дайым ролдорума маани берем.

– Учурда тартылып жаткан режиссёр Азамат Арыковдун “Мурас” деген тарыхый тасмасы сизди эмнеси менен кызыктырды?

– Тасманын сценарийине кызыктым. Буга чейин триллер жанрындагы тасмага тартылып көргөм. Аталган фильмде фантастиканын элементтери болгондугу да кызыгуумду арттырды. Ошондуктан бул жаатта өзүмдү сынап көргүм келди. Анан албетте, тасманын продюсери менен алдын ала сүйлөшүүлөр жүрүп жатканда ал гримёрдун атайын Москвага барып окуп келгенин айтты. Мындан улам дагы картинада чыныгы профессионалдар болорун билип, макулдугумду бердим.

– Сизге эл аралык чоң долбоордон, белгилүү режиссёрдон жеңил ойлуу аялдын образын жаратуу сунушу түштү дейли. Мисалы, Жулия Робертстин “Татына кыз” тасмасындагы ролундай болсо, макул болот белеңиз?

– Макул болмокмун. Бизде чыгыш коомунда адамдардын түшүнүгүндө мурунку кылымдын калдыктары бар. Актёр, актриса болуу кылмыш же жаман жорук эмес. Экрандан биз ар кандай ролду ойношубуз мүмкүн. Ачыгын айтканда, эгерде интимдик сцена бар болсо, макул эмесмин. Эгер актёр режиссёр, сценарист менен түз иштеше алса, режиссёр актёрду уга билсе, анда эмнеге болбосун? Эгер мага “Татына кыз” тасмасындагыдай ролду сунушташса, мен ойнойм, бирок айрым жерлерин башкача кылып өзгөртөлү демекмин. Менимче, кинодо интимдик эпизоддору жок деле каармандардын сүйүүсүн жеткиликтүү берсе болот.

– Чыгыш менталитетинде идеалдуу айымды кандай деп сүрөттөйт элеңиз? Өзүңүздү алардын катарына кошосузбу?

– Чыгыштын айымдары биринчи кезекте уят-сыйытты билген, өтө токтоо болушат. Үй-бүлөнү биринчи орунга койгон, өзүнүн акылмандуулугу менен максатына жете билген айымдарды айтмакмын. Ал эми заманбап чыгыш аялзаты – бул карьераны да, үй-бүлөнү да алып кете билген айымдар. 21-кылымда аял үйдө отуруш керек, тамак-аш жасаш керек деген стереотиптерди жоюп койгон туура. Эгер жолдошу түшүнүп, аны колдоп жатса эмнеге иштебей койсун? Өзүмдү да идеалдуу айымдын катарына кошом. Мен заманбап көз карашта болгонум менен, каныма чыгыштын менталитети сиңген.

– Чыгыштын менталитетине ылайык, чыгармачылыкты тандаган айымдарга үй-бүлө очогун тутантып, ошол эле учурда коомдо да өз ордун сактап калуу канчалык түйшүктүү?

– Мен жолдошума турмушка чыгар алдында кинону таштабайм деген шартты койгом. Анткени мурун кино мен үчүн хобби гана болсо, азыр жашоомо айланды. Бактыма жолдошум менин чыгармачылыгымды, киного болгон сүйүүмдү түшүнөт, колдойт. Андыктан бул жаатта мен үчүн көп деле кыйынчылык жок. Баары аялдан көз каранды деп ойлойм. Эгер аял эркектин тилин таба алса, бардык нерсени ишке ашырууга болот.

– Биз экранда көрүп көнгөн бир сындуу Шахзода менен жашоодогу Шахзоданын айырмачылыктары барбы?

– Жок. Мен үйдө деле, коомдо деле, мына сизге маек берип жаткан учурда деле бирдеймин. Эч кандай "жылдыз оорусу" менен оорубайм деп ишенимдүү айта алам. Апам мен жаңы эле тасмаларга тартылып баштаганда “мындан ары актрисалык карьераң ийгиликтүү болобу, жокпу билбейбиз. Эгер ийгиликтүү болсо, сен канчалык бийик көтөрүлгөн сайын башыңды жерди карат” деп айткан. Мен өзүм деле оор басырыктуу адамдарды жактырам. Өздөрүн башкалардан бийик көргөндөрдү жактырбайм. Андай мүнөздү көрдүм дегиче мамилемди токтотом. Мен өз күчү, эмгеги менен ийгиликке жеткен жөнөкөй адамдарды баалайм.

– Өзбек ырчысы Шахзода менен көп жылдан бери курбусуздар. Сиздерди эмне бириктирип турат?

– Биз Шахзода экөөбүз, адашпасам, 7-8 жылдан бери курбубуз. Шахзодага дайым "Мен да бир кезде сенин ырларыңды укчумун. Бирок келечекте ушинтип достошуп калабыз деп ойлогон эмесмин" деп айта берем. Шоу-бизнес чөйрөсүндө чыныгы достук жок деп көп айтышат эмеспи. Мен ошол сөздөргө кошулбайм. Себеби баары адамдын өзүнөн көз каранды. Мен шоу-бизнестеги достукка да, айымдар ортосундагы достукка да ишенем. Шахзода экөөбүз көп сырдашабыз, кээде аны карап отуруп толтура окшоштуктарыбызды байкайм.

– Убакыт бөлүп, маек бергениңизге рахмат, Шахзода. Чыгармачылык ийгилик каалайбыз!

"Мурас" тасмасында жалаң профессионалдар иштегени үчүн тартылууга макул болдум".
"Шахзода экөөбүздүн окшоштук жактарыбыз көп".
Мындан 3 жыл мурун актриса көптөн бери арзышып жүргөн жигитине турмушка чыккан.

Гүлжамал Абылкасымова
star@super.kg



Шахзода Матчанова: "Турмушка чыгарда жолдошума кинону таштабайм деген шарт койгом"

Автор: Илим Туратбек уулу
Оператор: Мухамадзиямидин Турдубек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(14)
19.02.2019. 10:12 
Тайпасы:
Жаран
Комментарийлердин саны:
37
Катталган:
13-05-2016
Соӊку аракети:
11-10-2019 11:54
Жынысы:
Белгисиз
+4
Чыгармачылык ийлилик каалаймын.
19.02.2019. 11:13 
Тайпасы:
Тартип бузгандар
Комментарийлердин саны:
2
Катталган:
05-05-2018
Соӊку аракети:
05-09-2019 19:08
Жынысы:
Белгисиз
Калаасы:
Уч-Коргон
+2
Жакшы актриса,кинолордо терс каармандарды жакшы ачып берет го
19.02.2019. 16:14 
Тайпасы:
Жаран
Комментарийлердин саны:
527
Катталган:
18-09-2018
Соӊку аракети:
13-10-2019 23:49
Жынысы:
Белгисиз
+1
Общага беле бир кино бар элего,ошодо аткарган актриса кызбы???
19.02.2019. 16:21 
Тайпасы:
Жаран
Комментарийлердин саны:
36
Катталган:
18-02-2019
Соӊку аракети:
13-10-2019 19:29
Жынысы:
Белгисиз
0
katerina.li,оа ошол кыз
Super TV
20.02.2019. 09:43 
Тайпасы:
Жаран
Комментарийлердин саны:
5
Катталган:
02-02-2018
Соӊку аракети:
17-09-2019 16:31
Жынысы:
Белгисиз
0
аябай деле сулуу эмесгоо
20.02.2019. 13:19 
Тайпасы:
Жаран
Комментарийлердин саны:
16
Катталган:
25-10-2014
Соӊку аракети:
22-05-2019 14:44
Жынысы:
Белгисиз
Калаасы:
Ош
+8
Делбирим киносу тартылганда актриса кыздарыбызды жамандап жатып калышты эле.Озбектердин эркектери жагат деп.Эми Ошо озбектердин кызы кыргыз балдар менен тартылып жатса эч ким ун дебейтко.Тообо деп гана жакан кармайсын.
20.02.2019. 22:16 
Тайпасы:
Жаран
Комментарийлердин саны:
4
Катталган:
04-01-2019
Соӊку аракети:
30-09-2019 16:06
Жынысы:
Белгисиз
Калаасы:
ЛИВЕРПУЛЬ
0
Общагада жакшы аткарган
Super TV
21.02.2019. 00:38 
Тайпасы:
Жаран
Комментарийлердин саны:
14
Катталган:
03-04-2017
Соӊку аракети:
10-10-2019 23:31
Жынысы:
Белгисиз
0
Ото жонокой кийинген акылдуу кыз экен ар бир суйлогон созу орду менен чыгармачылык ийгилик.
21.02.2019. 01:58 
Тайпасы:
Жаран
Комментарийлердин саны:
38
Катталган:
15-01-2019
Соӊку аракети:
14-10-2019 01:26
Жынысы:
Белгисиз
+2
Улуту кандай бул кыздын
21.02.2019. 04:11 
Тайпасы:
Жаран
Комментарийлердин саны:
8
Катталган:
04-01-2018
Соӊку аракети:
07-04-2019 14:42
Жынысы:
Белгисиз
-2
Eliza1991,Узбечка
21.02.2019. 19:48 
Тайпасы:
Жаран
Комментарийлердин саны:
289
Катталган:
04-07-2017
Соӊку аракети:
12-10-2019 08:04
Жынысы:
Белгисиз
+2
02.10.93N,караклпак
23.02.2019. 16:55 
Тайпасы:
Жаран
Комментарийлердин саны:
279
Катталган:
15-08-2017
Соӊку аракети:
12-10-2019 11:46
Жынысы:
Белгисиз
0
02.10.93N,биринчи кастингге барганда озбек улцтунан эмес деп актрисалыкка албай коюшкан деп атат го.Каракалпактын клибинен коргом бул кызды.
25.02.2019. 11:57 
Тайпасы:
Конок
Комментарийлердин саны:
1
Катталган:
16-01-2019
Соӊку аракети:
25-02-2019 11:57
Жынысы:
Белгисиз
0
nurhan2702,Айланайын жакшы уксанар озбеке окшобон учун албай коюшкан деп жатпайбы. Бул озбечка эле.
22.02.2019. 23:24 
Тайпасы:
Жаран
Комментарийлердин саны:
0
Катталган:
24-01-2019
Соӊку аракети:
11-10-2019 15:49
Жынысы:
Белгисиз
+1
Сонун актриса мага аябай жагат.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23008;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: