Архив
844   845   846   847   848   849   850   851   852   853   854   855   856   857   858   859   860   861   862   863  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Альбина Бейшембиева, Нурбек Савитахуновдун жубайы, актриса: “БАЛАМДЫН АУТИСТ ЭКЕНИН ЭЛГЕ АЙТЫП ЧЫГУУ ҮЧҮН ЭКИ ЖЫЛ ДАЯРДАНДЫМ”

№851 21-27-февраль, 2019-жыл


“1988-1987-жылдары дүйнө жүзүндө 2 500 баланын бири аутизм дартына кабылса, мен төрөгөн 2015-жылы ар бир 50-бала ушундай өзгөчөлүк менен төрөлгөн. Статистикага караганда, кийинчерээк эки баланын бири аутист болушу мүмкүн экен” дейт Альбина Бейшембиева. Альбина Бейшембиева менен жолдошу Нурбек Савитахунов экөө тең чыгармачыл адамдар. Учурда Москвада жашап жаткан ырчы менен актриса тун уулу Артурду калыбына келтирүү сабактары үчүн элден каржылык жардам суроодо. Анда кеп башынан болсун.

“БАЛАМДЫН ТИЛИ ҮЧ ЖАРЫМ АЙЫНДА ЧЫККАН”

– Биз Нурбек экөөбүз баш кошкон соң Москвага көчүп барганбыз. Кош бойлуу экенимди билгенде, албетте, кубандык. Курсагымдагы балама жакшы кам көрөйүн деп жумуштан да чыгып алдым. Күндө сейилдечүмүн, витамин ичип, диета кармадым. Бирок кечке жатындын тонусу боло берчү. Төрөт оор өтүп, балам төрөлгөндө ыйлаган эмес. Кош бойлуу аялдарга дарыгерлерге ишене бербей, өзүңөр деле жакшылап изилдеп чыккыла демекмин.

Мен Москвадагы белгилүү гинекологдо каттоодо тургам. Ал кечке кальций жазып берчү. Кальцийди ашыкча ичкендиктен баламдын 3 айында эмгеги катканын кийин билдим. Ошондо биринчи жолу дарыгерди укканыма өкүнгөм. Артурдун тиши 3 айында чыкты. Аябай жоош болчу, эки жакты тигилип карап жата берчү. 3 жарым айында “папа” деп тили чыгып, кийин “мама” деп айтып калды. Нурбек 2 жашында окуган экен. Бул өзгөчөлүк генден окшойт деп кубанып койгонбуз.

6 айга толгондо Артур бирин-экин англис, орус тилинде сөздөрдү айтып баштады. 6 жарым айында “атың ким?” десе, “меники Артур” деп жооп берчү. Башка балдарга тийишип, ойночу. 8 айга жакындап калганда аң-сезимин өстүрүүчү курстарга алып барууну чечтим. Башка балдардан вирус жугузуп албайлы деп АКДСтин (көк жөтөлгө, кептөөргө, селейме, сарыктын В түрүнө, b тибиндеги гемофилдик инфекцияга каршы вакцина) ордуна коркуп 6500 рублга кымбат импорттук таза вакцинаны алдык. Вакцинадан кийин балам кыңкыстап, мурду агып баштады. Ай сайын ОРВИге кабылчу болдук. 1 жаш 2 айында Ысык-Көлгө келип ичеги инфекциясын жугузуп, Москвадан дарыландык. Бирок дарыгер диета керектигин, кайра анализ тапшыруу зарылдыгын айткан эмес. Барган сайын Артурдун уйкусу бузулуп, экинчи уулумду төрөгөндөн кийин такыр эле уктабай калды.

“КӨКҮРӨГҮ МЕНЕН ДУБАЛДЫН КЫРЫН СҮЗЧҮ”

– Өзгөчө балдар жашоосундагы жаңы нерсени терс кабыл алышат экен. Аны биз ал кезде билген эмеспиз. Батир которгонубуз, экинчи уулубуздун төрөлүшү, Артурдун өзүнчө керебетке бөлүнүшүнүн баары аны стресс абалга алып келди. Ошондон кийин 6 мүнөттөп бир чекитти карап турган адаты пайда болду, уйкусу азайды, гиперактивдүү болуп баштады. Ушул маселелер менен 2 жашында невропатологго көрүнсөк ноотропторду (акыл-эсти өстүрүүчү препарат) жана кортексин (неврологиялык жактан жабыр тарткандарга колдонулат) жазып берди. Ошондо да дарыгерден тактап, “чын эле жардам береби, балама зыяны болбойбу?” деп сурагам. Невропатолог “бул жерде ким врач?” деп кагып салганынан унчукпай кала бергем.

Өзүм үйдө укол сайып жаттым, 6-күнү жоош балам агрессивдүү болуп, мени түртүп баштады. “Бала агрессивдүү болушу мүмкүн, бирок өтүп кетет” деп эскертишкендиктен аягына чейин уколду сайдым. 10 күндөн кийин сүйлөп жүргөн балам түнү уктабай, сүйлөбөй да калды. Эч нерсе болбосо деле көкүрөгү менен дубалдын же стол болобу учтуу кырларына барып өзүн уруп жатты. Анда Артурду толук билбейм да, антпе деп урушуп койсом тиземе келип сүзөт, урат, кыйкырат. Суткасына бир саат уктачу, анда да энергиясы калбай, мен урушуп, ыйлап алсырап калганда гана...

Ал кезде экинчи уулубуз Алан кичинекей болчу. Артур уйкуга кеткен бир саат ичинде мен тамак жасап, үйдү жыйнап үлгүрүшүм керек эле. Мындай учурда уйкудан баш тартып, тамак жасап, үй жыйнап, суткалап уктабай калган күндөрүм болду. Уйкумду ачыш үчүн жактырбаган кофени литрлеп ичтим, шоколад жеп кубат алып жаттым. Ошентип Артурду 2 жашынан 3 жашка чейин өзүм жалгыз карадым. Нурбектин тынчын алгым келчү эмес, анткени ал биздин келечегибиз үчүн акча таап иштеп жатты.

“ДАРЫГЕРЛЕРГЕ АКЧА ЭЛЕ КЕРЕК ЭКЕН”

– Артурдун уйкусун калыбына келтирели деп Бишкекке алып келип кой союп, түлөө бердик, күчтүү молдолорго дем салдырдык. Москвага барганда балабыздын уйкусу калыбына келе баштады. Ошондо гана менде убакыт болуп, баламды изилдөөгө кириштим. 6 айынан кошумча тамактарды берчүмүн. Бирок анын баары Артурдун организмине уу болуп чыкты. Глютенди кабыл албаган организм диетага отурушу шарт экен.

Мен бир жыл ичинде жөн гана баланы көрсөткөнүм үчүн дарыгерлерге 480 миң рубль короттум. Бирок жыйынтык болгон жок. Аларга акча эле керек экен. Дарыгерлердин туура эмес көрсөтмөсүнөн балам өсүп келаткан жеринен кайра артка кетти. Аларды угуп, айткандарын кылып жатып ушул абалга жеткирдим. Артур 3 жашка чыкканда анализдери сымаптан ууланганын көрсөтүп, 2-3 жерден аутист деген диагнозду коюп беришти.

“АҢ-СЕЗИМИ 2 ЖАШТАГЫ БАЛАДАЙ”

– Артурду 3 жашынан баштап калыбына келтирүү аракеттерине кириштик. Дарыгерлер жазып берген дары, уколду бербей койдум. Нейрокоррекция, АВА-терапия (сырткы чөйрөнүн балага тийгизген таасирин аныктоочу илим), курамында глютен-казеин жок диеталык тамактарды берип, биомедициналык дарылоого өттүк. Бир жылга жетпеген убакытта горшокко өз алдынча барууну, чакырганда караганды, өз алдынча тиш жууп, кийингенди, окуганды үйрөндү. Азыр Артур мурункудай көзүн алып качпайт. Англис, орус, кыргыз тилинде 3 сөздү бириктирип сүйлөйт. Китептерди окуйт, ырдайт, тамгаларды билет, 52 бөлүктөн турган пазлды чогултат, 200гө чейин санайт. Ошентсе да азыр физикалык жактан алсыз. Жаман-жакшыны айырмалай албайт. Жакында 4 жашка чыкса да аң-сезими 2 жаштагы баладай. Артурдун ашыкча сезимталдыгын, эл түшүнбөгөн тил менен сүйлөгөнүн, себепсиз кыйкырып, ыйлаганын жок кылып, өзүн-өзү коргоону үйрөтүү үчүн бизди алдыда көп терапиялар күтүп турат.

“АУТИСТ БАЛДАРДЫ КАЛЫБЫНА КЕЛТИРҮҮГӨ БОЛОТ”

– Уулубузду калыбына келтирүү үчүн сабактарга, диетага абдан көп каражат жумшалууда. Кээде жетишпей баратканда алтындарымды, кымбат кийимдеримди саттым. Балама бардык шартты түзүп бере албаганым үчүн депрессияга кабылдым. Өзүмдү-өзүм жедим. Нурбек канчалык аракет кылып, биз үчүн акча таап жатса да баланы реабилитация кылганга көп каражат керектелүүдө.

Артурдун аутизм менен жабыркаганын коомчулукка жарыялаш үчүн эки жыл даярдандым. Мурун бул нерсени уят көрчүмүн. Кийин анын уяты жок экенин, эгер мен башымдан өткөнүмдү, жетишип жаткан ийгиликтеримди элге айтсам, балдарынын дартын жашырып жүргөн өзгөчө балдардын энелери ойлонуп калабы деген ой болду. Аутист балдар кадимки эле балдардай, бирок уникалдуу, ошондуктан аларга өзгөчө таза тамак берип, өзгөчө көңүл буруш керек.

Биз элден сураган 45 миң долларга калыбына келтирүүчү сабактар: дарылоочу дене тарбиясы, массаж, АВА-терапия, биоакустикалык коррекция жасалып, алдыда бизди 1,5 жылдык терапия күтүп турат.

Өзгөчө балдардын энелери мага окшоп анализдерге акчасын коротпой балдарына мүнөздөп тамак беришсин, массаж жасашсын, АВА-терапияны окушсун, изилдешсин деген кеңешимди бермекмин. Диагноздун артынан чуркагандын кереги жок, 4-5 жашка чейин көңүл бөлсө, баланы калыбына келтирүүгө болот. Мен эч кимди эч нерсеге үндөбөйм. Болгону, ар бир ата-эне вакцина, кандайдыр бир антибиотик, уколду алар алдында сөзсүз изилдеп, анан жыйынтык чыгарышсын.

Анан да мага окшоп баламды дарылап алам деген энелерге эч качан “дарылай албайсың” деп айтышпасын. Бизде, мисалы, сабактарга дайыма алып барууга шартыбыз жок. Андыктан өзүм да курстарга барып, билгенимди үйдө жасап, өзгөчө балдардын энелерине жол көрсөтүп, жардам берсем дейм.



Нурбек менен Альбина учурда эки уулду тарбиялап келишет.
22-февраль күнү Артурдун дарылануусуна каражат чогултуу үчүн жылдыздардын коштоосунда Бишкектеги "Асанбай" борборунда кайрымдуулук концерт өттү.

Жардам көрсөтүү үчүн:

«KICВ», СОМ МЕНЕН: 1280096052819310, Бейшембиева Альбина

ЭЛСОМ: 0555313770

«Демир БАНК», сом менен: 1180000120508461, Бейшембиева Альбина

БИК – 118005

Гүлжамал Абылкасымова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(16)
25.02.2019. 10:18 
Тайпасы:
Жаран
Комментарийлердин саны:
106
Катталган:
06-05-2014
Соӊку аракети:
22-05-2019 03:10
Жынысы:
Белгисиз
+22
Ой бала оорубасын эч качан,ОЗУ отоле бээриле берсен кемчилик чыга берет анчалык конул бура бербей анча мынчага маани бербей койсон ошол нерсе билинбей калат дейтко мурда таенем айтып калчу бала деген жыртык журтук кийие берет ошентип чонойот деп анча конул бура бербе майда чуйдого деп.элден озгочо карайм дебей Эл кийгенди кийип эл жегенди жеп журсонор баары жакшы болот мен негизи айтып жатам баарынале бала оорубасын эч качан
28.02.2019. 20:26 
Тайпасы:
Жаран
Комментарийлердин саны:
9
Катталган:
25-01-2012
Соӊку аракети:
21-05-2019 12:44
Жынысы:
Белгисиз
0
Siren.ms,эң туура айтасыз баланын көзүн караган сайын көп эркелейт экен
25.02.2019. 18:34 
Тайпасы:
Жаран
Комментарийлердин саны:
15
Катталган:
08-01-2019
Соӊку аракети:
22-05-2019 11:48
Жынысы:
Белгисиз
+11
Кудайы шыпаасын берип жакшы бп кетсин
25.02.2019. 23:13 
Тайпасы:
Жаран
Комментарийлердин саны:
41
Катталган:
11-02-2012
Соӊку аракети:
22-05-2019 18:26
Жынысы:
Белгисиз
+4
Айыгып кетсин. Кичинекей балдар оорубасын(
26.02.2019. 02:56 
Тайпасы:
Жаран
Комментарийлердин саны:
32
Катталган:
25-04-2010
Соӊку аракети:
22-05-2019 14:51
Жынысы:
Белгисиз
+5
Мен Германияда аутизм менен ооруган баланы карагам. Ошол кезде 4 жашта болчу. Ата- энесине аябай оор болчу, жакшы суйлой алчу эмес. Айбай чыдамдуу болуш керек, бир эле нерсени кылам деп туруп алышат, эч кондуро албайсын
26.02.2019. 04:49 
Тайпасы:
Жаран
Комментарийлердин саны:
419
Катталган:
05-11-2016
Соӊку аракети:
22-05-2019 01:15
Жынысы:
Белгисиз
+5
Ден соолук каалайм. Бир жерден ошибка кеткен да. Илгери аялдар короо сарай кара жумуштун арасында эле таза балдарды торошчу. Азыр экология химия прививка вайфай смартфон дпгердер чыкты.
26.02.2019. 09:13 
Тайпасы:
Жаран
Комментарийлердин саны:
133
Катталган:
14-02-2016
Соӊку аракети:
22-05-2019 15:34
Жынысы:
Белгисиз
Калаасы:
Кыялдарда
+2
Прививканын зыяны мына.
26.02.2019. 15:38 
Тайпасы:
Жаран
Комментарийлердин саны:
45
Катталган:
07-05-2015
Соӊку аракети:
22-05-2019 09:22
Жынысы:
Белгисиз
+1
Вакцинадангоо.шыпаасын берсин аллахы
26.02.2019. 15:40 
Тайпасы:
Жаран
Комментарийлердин саны:
35
Катталган:
05-09-2013
Соӊку аракети:
22-05-2019 17:39
Жынысы:
Белгисиз
0
Эң жакшы нерсе,бул эч качан эч качан больницага ишенбегиле себеби ал жакта все сатылган, эң жакшы бул туура тамактанып спорт менен машыккыла!!!
26.02.2019. 16:38 
Тайпасы:
Жаран
Комментарийлердин саны:
39
Катталган:
09-02-2017
Соӊку аракети:
18-03-2019 15:42
Жынысы:
Белгисиз
+4
Ошо прививканы алгандан коркуп калдым. Албай койсо да коркутушат экен. Садикке мекьепке албайбыз деп.
27.02.2019. 10:50 
Тайпасы:
Жаран
Комментарийлердин саны:
292
Катталган:
07-11-2016
Соӊку аракети:
18-05-2019 11:13
Жынысы:
Белгисиз
Калаасы:
Бишкек
0
Fatimnazz,укугунду билбесен ошентип коркутат да,врачка барып отказной жазып, аны нотариустан откозуп ошол мн садик,мектепке бересин.Эгер албаса юристке тез кайрыл,закон жузундо албашка акысы жок.Анткени привывка алышы же албашы ата эненин оз эрки.
27.02.2019. 02:52 
Тайпасы:
Жаран
Комментарийлердин саны:
337
Катталган:
28-09-2011
Соӊку аракети:
21-05-2019 17:02
Жынысы:
Белгисиз
+1
Эл катары эле кылыш керекда ошол учун. Элди сакта элдин катарында бизди сакта жаратканым деп. Мен дуа кылнанда да элге бер элдин катарында мага бер дейм. 6500р ванцина канча балее алып келди. Менинда подружкамын баласы аутист. Тамак эле жейм деп жаныжал кыла берет экен. Коп тукурсо кол болот колубуздан келгенин бердик. Артур айыгып кетсин.
27.02.2019. 11:22 
Тайпасы:
Жаран
Комментарийлердин саны:
6
Катталган:
13-07-2013
Соӊку аракети:
09-04-2019 13:27
Жынысы:
Белгисиз
Калаасы:
Бакыт калаасы!
0
Баланын көзүн караган сайын назик болот, айылда кошунамдын үйүнө барсам апасынан мурун, балдары чыкчу,кыш, штаны жок, колунда катыган нан, дализде турган суудан жутуп коюп тура берчү!!! Аябай тад калчумун, ошон үчүн айылда, курсагы тоюп тойбой, бозала чаң болуп чоңойгон бала дени сак эле чоңоет
Бул эже, прививканы эл катары эле алса болмок экенда ошондо, кымбат таза дебей, балким күчтүү реакция жүрүп өзү араң турган организимди 180ге бургарбы дейм? Баары алладан, сакайып кетсин
jemile түзөттү 2019-02-27 11:24:32
28.02.2019. 15:35 
Тайпасы:
Жаран
Комментарийлердин саны:
100
Катталган:
20-09-2013
Соӊку аракети:
21-05-2019 11:12
Жынысы:
Белгисиз
0
Эч кммдин баласы оорубасын.Балаңыздын айыгып кетишине дуба кылабыз.Колубуздан келишинче элсомдон которобуз.
02.03.2019. 20:50 
Тайпасы:
Жаран
Комментарийлердин саны:
46
Катталган:
24-03-2016
Соӊку аракети:
02-03-2019 20:50
Жынысы:
Белгисиз
0
Энесин даарылаш керек биринчи ашыкча камкордуктан у неё все в голове,Аллах шыфаа берсин
03.03.2019. 15:41 
Тайпасы:
Жаран
Комментарийлердин саны:
99
Катталган:
04-02-2014
Соӊку аракети:
13-04-2019 14:29
Жынысы:
Белгисиз
0
Кичуу балам 1 жаштагы вакцинасын алгандан кийин, башкача болуп баштаган, озунон озу кулуп, козду карабай, озунун миринде жашап, атын атасан карабай, балдар менен ойнобой, ошондо случайно народный магазин жанынан "эгер бала козуно карабаса, атын укпаса, бир орунда тегерене берсе ж.б." деген жазуу окуп журогум шуу деди, астында аутизм признактары дептир. Ошол учурда жашоом тозоко айланган. Азыр прививка албайм 4ко чыкты, буюрса кадимкидей. Баланызды АВА терапия кылыныз. Буюрса айыгат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22285;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: