Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

УЧУРДУН БЕСТСЕЛЛЕР КИТЕПТЕРИ

№402 16-22-июль, 2010-ж.


“Бестселлер” деген сөз англис тилинен (“best seller”) которгондо “көп сатылган” дегенди түшүндүрөт.
Бүгүн биз учурда дүйнөдө эң көп нускада сатылган, бестселлер китептер, алардын авторлору тууралуу сөз кылмакчыбыз.

Бүгүнкү күндө дүйнөлүк көркөм адабий бестселлерлердин сап башында Борис Акуниндин “Весь мир – театр” (“Дүйнө – театр”) жана Дэн Браундун “Утраченный символ” (“Жоголгон символ”) аттуу чыгармалары турат. Аталган эки китеп тең 2009-жылдын аягында жарык көргөн. Ошондон бери дүйнөлүк сатыкта эң алдыда турган китептер.

АЛ ЭМИ КЫРГЫЗСТАНДА...
Бишкектеги белгилүү китеп дүкөнүнүн сатуучу-консультантынын бири Асел Кадыралиевага “учурда кайсы китеп көп сатылат?” деген собол салдык. Ал: “Азыр бизде суроо-талап дүйнөлүктөн кем калбайт. Ошол эле “Күүгүмдүн” төрт бөлүгү, Дэн Браундун “Утраченный символ” аттуу китеби көп сатылат. Ошондой эле бүгүнкү күнгө чейин Паоло Коэльонун “Алхимик” аттуу китеби көп өтүүдө. “Күүгүмдүн” бардык бөлүгү 500 сомдон жогору сатылса, Дэн Браундун аталган китеби 650 сом турат”,- деп билдирди.


Борис Акунин

“ДҮЙНӨ – ТЕАТР”

Кыска анкета

Автору – Орус жазуучусу Борис Акунин
Китептин аты – “Дүйнө – театр”
Жанры – Детектив
Окурмандын жаш курагы – Чектелбейт
Бети – 432

Китептин негизги мазмуну
Чыгармада 1911-жылдын күз айындагы окуя чагылдырылат. Анда 55 жаштагы каарман Эраст Фандорин күтүүсүздөн өткөөл курактагы балага айланат. Буга чейин колунан бардык иш келген, супермен деп саналган Эрасттын моюнуна мүшкүл иш түшөт. Ага эң оор кылмышты ошол курагында изилдеп чыгуу милдети тапшырылат. Мындай иш чыгармада бир эмес, бир нече болгону да маалым. Романда, негизинен, супермен болуп жүргөн адам сыйкырдуу сапатынан айрылып, катардагы инсандардын арасына кошулуп калганда өзүн кантип алып жүргөнү баяндалат. Анда көп кызыктуу окуялар камтылгандыктан, окуп жаткан адам кантип аягына жеткенин байкабай да калат.
Китептин автору: “Дүйнө – театр. Бүтүндөй аалам – жалган жашоо. Ал эми театрдын, башкача айтканда, дүйнөнүн адамдары баштан аяк жасалма”,- деген.

Нускасы...
Учурда Борис Акуниндин “Дүйнө – театр” аттуу чыгармасы “Күүгүмдөн” да популярдуу болуп саналат. Окурмандар сынына коюлганына аз гана убакыт болгону менен, 200 000ден ашык нускада сатылган.


Дэн Браун

“ЖОГОЛГОН СИМВОЛ”

Кыска анкета

Автору – Америкалык жазуучу Дэн Браун
Китептин аты – “Жоголгон символ”
Жанры – Триллер, детектив, боевик
Окурмандын жаш курагы – Чоңдор үчүн
Бети – 544
Орус тилине которгондор – Е. Романова жана М. Десятова

Китептин негизги мазмуну
Атактуу «Да Винчинин коду» романынын автору Дэн Браундун атыбул ирет да башка чыгармасы менен даңкталды. Ал – “Утраченный символ” деген эмгеги.
Лэнгтонду Смитсон институтунун башчысы, тарбиялоочусу Питер Соломон Улуттук Капитолия статуя залына лекция окуу үчүн чакырат. Соломон агайына келерде бир нече жыл мурун ишенип берген кичинекей түйүнчөктү ала келүүсүн өтүнгөн. Лэнгтон Капитолийге келгенде катуу чыңырыкты кулагы чалат. Профессор чуркап барып, залдын ортосунда жыгачтын үстүндө жаңыдан жасалган шыбакка боёк менен тартылган “Апофеоз Вашингтон” деп аталган картинаны көрсөтүп турган кесик колду көрөт. Кесилген кол окуучусу Питердики экенин татуировкасынан жана шакегинен билет. Бир нече убакыттан соң окуучусун жана досу Соломонду уурдап кеткендерден кабар келет. Алар профессорго Вашингтондун жер алдында катылган эки пирамиданы таап, аны менен бирге жоголгон сөздүн маанисин чечмелөө буйругун жөнөтүшкөн. Жоголгондорду аман-эсен кайтарууну каалаган профессор түрдүү белгилерге, символдорго маани берип, бүт аракетин жумшайт. Беш жүздөн ашуун баракчага жазылган китепте окуя кенен жана кызыктуу баяндалган.

Нускасы...
Роман алгач 6,5 миллион нуска менен жарык көргөн. 5 миллиону Түштүк Америкага таркатылса, 1,5 миллиону Улуу Британияга жөнөтүлгөн. Китеп сатыкка чыгары менен миллиондон ашык нуска өтүп кеткен. Чыгарманы интернет аркылуу да бир топ окурман сатып алган. Орусияда 2009-жылдын ноябрь айында которулуп, жарык көргөн. Алгачкы нускасы 300 миңди чапчыган. Андан кийин да китеп буйрутма менен бастырылган.
Китептин бестселлерге айланганынын себеби автор мурунку чыгармаларында башкы каарманды аябай кызыктуу көрсөтө алган. Окурмандар анын жашоодогу кийинки кыймыл-аракетин чыдамсыздык менен күткөндүктөн, сатык боюнча бүгүнкүдөй ийгиликке жетишти. 2012-жылы сөз болгон китептин негизинде тасма тартылат деген кеп бар.


Стефани Майер

“КҮҮГҮМ ЖОМОГУ”

Кыска анкета

Автору – Америкалык жазуучу Стефани Майер
Китептин аты – “Сумеречная Сага” ("Күүгүм жомогу”)
Жанры – Мистика, фантастика, мелодрама
Жарыкка чыкканы – 2005-2010-жылдар(бардык бөлүгү биригип)
Окурмандын жаш курагы – Чектелбейт

Негизги мазмуну
Учурда популярдуу жазуучу Стефани Майердин “Күүгүм жомогунун” төрт бөлүгү тең бестселлерге айланганы маалым.
Жаратылышынан экөө бири-бирине душман. Бирок таттуу сүйүү бул тирешүүнү жок кылып, вампир менен адамдын ортосунда махабат болот деген түшүнүктү пайда кылат. Тагыраак айтканда, чыгармада вампир Эдвард Каллен менен Изабелланын ыйык сүйүүсү баяндалган. Экөөнүн махабаты романтика, кооз, бирок ошол эле учурда коркунучтуу. Окурман китептин “Күүгүм”, “Күүгүм. Жомок. Жаңырган ай”, “Күүгүм. Тутулган ай” аттуу үч бөлүгүн окубаса да, тасманы көрүп, толук түшүнөт. Ал эми төртүнчү “Рассвет” (“Агарган таң”) бөлүгүн сатып алып окугусу келгендердин саны арбын. “Тутулган ай” бөлүмү тасма болуп тартылып, ачылыш аземинин алдында сатыкка чыгып, 1 миллион нускасы өтүп кеткен.

“Агарган таң” китеби
Чыныгы махабатка эч нерсе тоскоол боло албайт. Белла Вампир Эдвардга турмушка чыгып, аны менен бирге вампирлердин катарына кошулууга камынып турган чакта боюнда болуп калат. Сүйкүмдүү Белладаөзүмдүн жашоомду сакташым керекпи же курсагымдагы баланыбы?” деген маселе пайда болот. Ошол учурда вампирлердин чоңунун буюртмасы боюнча Белла тез убакыттын ичинде алардын катарына кошулушу керек эле. Эгер вампирге айланса, бала жарыкка келбейт эмеспи. “Бул кырдаалдан кантип чыгабыз?” деп жаткандарга күтүлбөстөн бирөө колун сунат. Ал Жейкоб эмес, такыр башка эле.

Жаңы вампир
“Агарган таң” китебинен кийин Стефани Майер бешинчи “Солнце полуночи” (“Жарым түндөгү күн”) китебин жазып, жарымына келгенде белгисиз бирөөлөр тарабынан интернет булагына киргизилип, жайылып кеткен. Ошондо автор китепти аягына чейин жазбай, убактылуу токтотуп коюну туура көргөн.
Жакында эле Майердин “Бри Таннердин кыска экинчи өмүрү” аттуу повести жарык көрдү. 192 беттен турган китепте жаңы вампирге айланган Бри Таннердин турмушу, өмүрү тууралуу кенен жазылган.

Нускасы...
Стефани Майердин бул чыгармасынын төрт бөлүгү жана жаңы жарыкка чыккан повести чыныгы бестселлерге айланды. Дүйнөнүн 37 тилине которулган. Баары биригип 40 миллиондон ашык нуска менен сатылган. “Күүгүмдүн” биринчи бөлүгү сатыкка чыгары менен 100 000ден ашык нуска тез убакытта сатылган. “Күүгүм” жана “Жаңырган ай” бөлүгүн орус тилине А.Ахмерова, ал эми “Тутулган айды” О.Василенко, “Агарган таңды” М.Десятова менен О.Романова которушкан. Ал эми акыркы жаралган повести учурда орус тилине которула элек.

Бактыгүл Сокушова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  8 
Комментарийлер(2)
20.07.2010. 14:52 
Тайпасы:
Жаран
Комментарийлердин саны:
3
Катталган:
26-11-2009
Соӊку аракети:
24-09-2018 17:46
Жынысы:
Белгисиз
Калаасы:
Жер эне
0
Супер - инфо, силер ваще маладессиннерр!
Мен силерди абдан сыйлайм, анткени элди агартуу ишин мыкты алып барасынар. Кыргызстандын ар бир бурчуна сатылган ушул гезитте кандай гана соннун маалыматтар камтылбайт! Мына ошондуктан силердин эмгегинерди баалайм! Жана суйом силерди!!! ;)
21.07.2010. 17:00 
Тайпасы:
Кыймылы жок
Комментарийлердин саны:
102
Катталган:
26-03-2008
Соӊку аракети:
14-03-2012 10:00
Жынысы:
Белгисиз
Калаасы:
Bishkek
0
супер инфо сапатынар тушуп баратат эле,кайра жогорулай баштаптыр молодцы.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: