Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ЧӨНТӨКТҮ КАГЫП, ТАРТИПКЕ ЧАКЫРГАН «КООПСУЗ ШААР»

№851 21-27-февраль, 2019-жыл


Үстүбүздөгү жылдын 12-февралынан тарта өлкөбүздө «Коопсуз шаар» долбоору расмий түрдө иштеп баштады. Анда көчөлөрдү көзөмөлгө алган камералар азырынча айдоочулардын 7 түрдүү эреже бузууларын каттоодо. Мындайга көнө элек тургундар бир чети ыңгайсыздыкка дуушар болсо, бир чети тартипке көнүшүүдө.


ДОЛБООРДУ ОРУС КОМПАНИЯСЫ ИШКЕ АШЫРУУДА

2012-жылдан бери ишке ашырылбай келе жаткан «Коопсуз шаар» долбоору 2018-жылдан тарта «кыймылдай» баштады. Буга чейин "Хуавей", "Мегалайн" сыяктуу бир катар компаниялар долбоорду ишке ашыра алган жок. Бул 6 жыл ичинде бир канча өкмөт алмашууга да жетишти. Аталган долбоорду ишке ашырууну өткөн жылы ноябрь айында тендерден Орусиянын «Вега» компаниясы утуп чыккан. Тендерде 2 миллиард 550 миллион сом сунуштаган «Вега» бул суммага долбоорду 4 этапта ишке ашырмакчы.


«Вега» жалпы
өлкө боюнча:

  • 110 видеокөзөмөл орнотот;
  • 48 видеокөзөмөл Бишкек – Ош, Бишкек – Чалдыбар, Бишкек – Нарын – Торугарт, Бишкек – «Манас» аэропорту, Бишкек – «Ак-Жол» чек ара пунктунда;
  • 20 жылма видеокөзөмөл орнотот.

Бишкекте:

  • 38 видеокөзөмөл кесилиштерде;
  • 4 видеокөзөмөл ылдамдыкты чектөө жайларында орнотулат.

7 эреже бузуу каттоого алынууда:

  • Жол чырактын кызыл белгиси күйүп турганда өтүп кетүү;
  • Каршы тилке менен жүрүү;
  • Тротуар, веложол, газон жана жөө адамдар өтүүчү чийимдер менен жүрүү;
  • Жол чырактын кызылы күйгөн учурда "стоп" сызыгынан өтүп кетүү;
  • Жөө адамдар өтүүчү сызыктан эреже бузуу;
  • Ылдамдыктан ашырып айдоо;
  • Аялдама жана унаа токтоочу жайда эреже бузуу.

КИМ КӨЗӨМӨЛДӨЙТ?

Ички иштер министрлиги айып пулдар мыйзамдуу түрдө салынганын жана жол эрежесин бузган айдоочулардын айып пул төлөөсүн текшерет. Айып пул жана жазалар тууралуу маалымат Мамлекеттик каттоо кызматында сакталат.

ЭРЕЖЕ БУЗУУЛАР КАНТИП АНЫКТАЛАТ?

Орнотулган видеокамералар айдоочулардын эреже бузуусун каттоого алып, айып пул жаза баштайт. Жол кыймылынын эрежелерин бузган материалдарды Жол кыймылынын коопсуздугун камсыздоо башкы башкармалыгынын (ЖКККББ) мониторинг борбору иштеп чыгат. Иштелип чыккан материалдар унаа ээлеринин катталган дарегине "Кыргыз почтасы" ишканасы аркылуу 10 күн аралыгында жеткирилет (башкача айтканда, ар бир айдоочунун үйүнө чейин). Айдоочулар өз айыптарын egov.kg сайтынан көрө алышат.

5 ЖЫЛ ИЧИНДЕ АКТАЙБЫ?

«Вега» компаниясы бул долбоор менен 5 жыл иштейт жана бул убакыт аралыгында өзүн толугу менен акташы керектигин белгилешет. Ар бир айып пулдан 211 же 220 сом (кайсы эреже бузулганына жараша) Орусиянын компаниясына түшөт.

КОҢШУЛАРДЫН ЭҢ АРТЫНДА...

"Коопсуз шаар" долбоорун биз коңшу өлкөлөргө караганда эң акыркылардан болуп ишке киргизе баштадык. Мындай тартип Казакстанда 2006-жылдан, Түркмөнстанда 2009-жылдан, Тажикстанда 2013-жылдан бери, Өзбекстанда 2017-жылдан бери иштеп келет.

«КООПСУЗ ШААР» ТЫГЫНДАРДЫ ЖАРАТТЫ

Айдоочулар жол эрежесин сактап калышкандан кийин (о, чиркин!) Бишкектин көчөлөрүндө, айрыкча кесилиштерде узун кезек күткөн тыгындар пайда болду. Мындан улам кээ бир кесилиштерге (7-Апрель – Горький, Курманжан датка – Чүй, Чүй – Фучик) кошумча жол чырак жана кошумча секцияларды орнотуу иштери жүргүзүлмөй болду. Демек, дароо эле бардыгы укмуш болуп иштеп кетпейт, маселе же тыгын жаралса аны чечсе болору анык.

БИР КҮНДӨ...

ИИМдин Жол кыймылынын коопсуздугун камсыздоо башкы башкармалыгынын маалыматына таянсак, Бишкек шаарында камералар иштеп баштаган биринчи күндө эле 761 эреже бузуу болгонун каттаган. Айып пулдун көлөмү 878 миң сомду түзгөн.

БИР ЖУМАДА...

Бир жума ичинде шаар ичинде 9700 жол эреже бузуу катталган. Бул санга ишенсек, шаар ичинде орточо эсеп менен күнүнө 1300дөн ашык айдоочу жол эрежесин бузат.

АЙДООЧУДАН АМАЛ АШЫП КУТУЛБАЙБЫ?

Камералар менен бирге амалкөй айдоочулар чыга келди. Андай айдоочулар өз унаасынын номуруна ылай же нанономер (кечинде ал номер камерага көрүнбөй калат) чаптап, жаап алгандары белгилүү болду. Бирок ЖКККББ тарабынан дароо эскертүү берилди, мындай айдоочулар 5 миң сом айып пулга жыгылат.

«КООПСУЗ ШААР» КАНДАЙ БОЛУШУ КЕРЕК?

«Технологияны жайгаштыруу экинчи маселе, алгач аны эмне үчүн коюп жатканыбызды түшүнүү керек» деп жазат өз блогунда «Сорос-Кыргызстан» фондунун аткаруучу директору Шамиль Ибрагимов. Ал чыныгы «Акылдуу шаар» кандай болушу керектиги тууралуу төмөндөгүдөй ойлорду айтат:

«Акылдуу шаар» кылууга аракет жасасак, «Коопсуз шаар» менен чектелбей, башкы максат – жашоочулардын коопсуздугу, ыңгайлуулугу жана шаарды көзөмөлдөөнүн натыйжалуу жолуна кандай жооптор буга далил болорун так билишибиз керек. 2016-жылы Кыргызстан мурунку СССР жана Европа өлкөлөрү ичинде жол кырсыгынан катталган өлүм боюнча 2-орунда турган. «Коопсуз шаардын» алкагында эмне үчүн жол кырсыктары катталып жатат, ага эмне себеп болгондугу тууралуу маалыматтар ачык жана онлайн-көрүүгө ылайыктуу болушу керек. Башкача айтканда, ар бир кырсыктын кыйыр себептери талданат. Мисалы, ылдамдыктын айынан көп кырсык катталып жатса, шаар ичиндеги ылдамдыкты саатына 40 чакырым чектөөсүн коюу керек деген сыяктуу себептерди талдоо керек.

«Акылдуу шаардын» концепциясы – бул миллиондоп акча чачып, түрдүү техникаларды сатып алуу гана эмес, эң башкысы, шаарды башкаруу принцибин өзгөртүү. Кандай маселени чечүү керектигин түшүнө албасак, жөн эле компьютерлерди сатып алабыз же иштебеген функцияга көп каражат коротуп алган болобуз,- дейт.

ЖОЮЛУШУ КЕРЕК БОЛГОН КЕМЧИЛИКТЕР

Айып пул катары төлөнгөн акчалардын пайдаланышы ачык болушу керек. Эреже бузган айдоочунун айып пулу төлөнгөндөн кийин сол чөнтөккө кетпээрине кепилдик жок. Алсак, биринчи күнү электрондук монитордо айып пул өлчөмүнүн көлөмү 9 миллион сомдон ашканын көрсөткөн, эртеси ЖКККББ расмий 878 миң сом деп билдирген.

ШААР ИНФРАСТРУКТУРАСЫ

Борбордун көчөлөрүнүн тардыгы, кошумча жол чырактардын жоктугу жана башка көйгөйлөр азырынча шаар инфраструктурасы бул системге даяр эместигин көрсөтүүдө.

ТААНЫШ-БИЛИШТИК

Камерага түшкөн үлкөн чиновниктерге, аттуу-баштуу адамдарга, тааныштарга айып пул жазылбай калышы толук мүмкүн. Алардын эреже бузгандыгын камерадан өчүрүп же түшүрбөй койсо, кайра эле баягы кейпибизге келип калабыз.

СИСТЕМ МЕНЕН ЖОЛ КАЙГУУЛ КЫЗМАТКЕРИ

Бул систем кесилиште Жол кайгуул кызматкери иштеп жаткан учурда деле эреже бузууларды аныктай берет. Эрежеге ылайык, Жол кайгуул кызматкери турганда айдоочу жол чыракка эмес, кызматкерге баш ийет. Мындай учурда протоколду кызматкер тастыктап бериши керек.

 

Адилет Керимбек уулу
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
26.02.2019. 14:45 
Тайпасы:
Жаран
Комментарийлердин саны:
19
Катталган:
03-11-2016
Соӊку аракети:
25-06-2019 02:20
Жынысы:
Белгисиз
+4
Коопсуз шаар деген жалан эле жолго камера коюш эмес.Мектеп бала бакча ушундай жерлерге коюш керек.Булар чонтокту эле ойлоп айып алышса оздоруно эсеп ачып алышкан окшойт бири бирине эле шылтап атышатго эмитен
01.03.2019. 21:04 
Тайпасы:
Жаран
Комментарийлердин саны:
6
Катталган:
18-08-2012
Соӊку аракети:
13-04-2019 01:26
Жынысы:
Белгисиз
Калаасы:
Ош
0
жөө жүргүнчүлөргө өзунчө 30секунд иштетип койсо светофорду пробка болбойт бизде болсо айдоочуга жашыл жанганда онго же солго бурулайын десең жөө жүргүнчүгө до жашыл жанып күтүп каласың
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22453;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: