Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ОРУСИЯЛЫК ГУБЕРНАТОРДУ ТАШЫГАН УЧКУЧТУН БАЯНЫ

№851 21-27-февраль, 2019-жыл


Бүгүн учкучтар тууралуу сүйлөшөбүз. Ушунчалык чоң жоопкерчиликти моюндарына алып, учкучтук кесипти тандагандар мен үчүн дайыма кызык болуп келген. Учкучтар дүйнөсү сиз үчүн да табышмактуу аалам экенинен күмөнүм жок. Орусиядагы “Скол” авиакомпаниясынын учкучу 35 жаштагы Мирел Молдалиев бизди кызыктырган дүйнөдөгү жашоо тууралуу кеп курду.

“ЧОҢ АТАМ ЖЫЛКЫСЫН САТЫП, АТАМДЫН ДОСУ КОЙЛОРУН САТЫП ЖАТЫП ОКУТУШКАН”

Каарманым каражаттын айынан бир канча жолу окуудан чыгып калуу коркунучунда болгон. Ага карабастан асманда учуп жүрүү кыялына жеткен учкуч ал күндөрдү мындайча эскерет:

– Мен Бишкекте төрөлүп, чоңойдум. Кичине кезимде “Манас” аэропорту жактагы жер тилкебизге жер-жемиштерди өстүрчүбүз. Ошол жакта иштеп жүргөндө учуп бараткан учактарды көрүп алып, асманда учуп жүрө берсем деп кыялданчумун. 2002-жылы 11-классты бүтүрүп, И.Абдраимов атындагы Кыргыз авиациялык колледжине тапшырганга бардым. 200дөй балдар ден соолугуна байланыштуу өтпөй калышты. Көрсө, биздин иште ден соолуктун чың болушу өтө маанилүү экен. Иргелип отуруп, 4 гана адам окууга өткөнбүз. Анын бирөө орус тилинен кыйналып, окубай кетип калган. Ошентип бир тайпада 3 гана адам бүтүрүүчү болдук. Ал жылдар ата-энем үчүн кыйынга турду. Жылына 25 миң сомдун тегерегинде контракт төлөшчү. Кошумча тренажёрдук даярдык үчүн саатына 1000 сомдон төлөчүбүз, аэродромдук практикага керосинди өзүбүз куйчубуз. Анын тоннасы ошол кезде 700 АКШ доллары эле. Як-40 саатына 1,5 тонна керосин иштетет. Учкуч болуш үчүн ушунун баарына чыдаш керек болду. Бир ирет кыйналганда окууну таштайм десем, чоң атам жылкысын сатып жардам берген. Кийин дагы каражаттын жетишсиздигинен окууну таштайын дегем. Анда атамдын бир досу 10 коюн сатып жардам берген. Менин окуум үчүн атам насыя да алган. Ушинтип жүрүп 3 жыл колледжде окуп, кызыл диплом менен аяктадым.

Алгач “Кыргызстан аба жолдорунда” Ош-Бишкек багыты боюнча Як-40 учагын башкардым. Алгачкы жолу учканда инструктор менен учкандыктан коркунуч болгон эмес. Бирок, албетте, жоопкерчилик чоң. Борттогу элдин өмүрү биздин колдо. Ар кандай абалдан чыгуу үчүн тез ойлонуп, тез чечим кабыл алуу маанилүү. Мен учуп баратканда жерди карагым келе берет. Бирок ага жетишпейбиз да. Приборлорду караш керек.

Иштеп баштаганымда кичине кезимде элестеткендей жумуш эмес экенин көрдүм. Элесимдеги жыргал кесип чоң жоопкерчилик, бир катар оорчулуктар менен алмашты. Анан да мен эртең менен үйдөн учуп кетип, кайра кечинде үйгө учуп келсем деп кыялданчумун. Азыр жумалап, айлап үйдөн алыс жүрөм. Бир күндө бир канча шаарды, өлкөнү аралайбыз. Мисалы, эртең менен үйдөн учуп кетсем, түштө Москвада болуп, кечинде Шаржага конобуз. Ооба, эл, жер көрөбүз. Балким, кимдир бирөө үчүн бул романтика чыгар. Мен үчүн күнүмдүк жумуш.

“БИР ЖЫЛ УЧПАЙ КАЛЫП БУУЛУККАМ”

– Азыр Орусиянын Сургут шаарында жашайм. Бул жакка 2007-жылы келип, "ЮТэйр" авиакомпаниясына жумушка киргем. Ошол учурда Орусиядагы Ульяновск шаарындагы Жогорку авиациялык училищесине тапшырып, аны сырттан окудум.

2012-жылы Боинг-737 учагын башкарганды үйрөнүп, эл аралык авиакаттам менен жүргүнчүлөрдү ташып 2 жыл иштедим. Боингди башкарууну Францияда окуп үйрөндүм. Окуума “ЮТэйр” 1 миллион 500 миң рубль төлөдү. Мен үчүн советтик учактардан Боингге отурганда Жигулиден Лексуска отургандай сезим болгон. Боингди башкаруу башында кызыктуу болду. Ал компьютер менен башкарылат. Өзү учат, өзү конот. Кнопкаларды басып эле башкарасың, айлыгы да жакшы. Бирок ал учактарды башкарып жүрө берсең советтик учактардан алган тажрыйба унутулат экен. Советтик учактарды кол менен башкарып, өзүңдү учкуч сезесиң. Ал эми Боингде өзүмдү оператор гана сезгем. Чет өлкөлүк учкучтар көбүнчө автопилотко көнүшкөн. Техникага ишенип болбойт. Айрым учурда автопилот иштебей калат. Ошондо учкучтар ызы-чууга алдырып, штаттан тыш абал жаралды деп коно албай кыйналышат. Анткени кол менен башкаруу боюнча тажрыйбалары жок. Советтик учактарда учуп көнгөн бизге андай учурда маселе жаралбайт. Автопилот иштебей калса да, кол менен башкарып, учакты кондура алабыз.

2014-жылы “ЮТэйр” банкрот болуп, учкучтар кыскартылып, мен жумуштан чыгып калгам. Ошондо бир жылдай учпай жүрүп буулугуп, учканды аябай сагынгам. 2015-жылы Сургут шаардагы “Скол” авиакомпаниясына жумушка орноштум. Бул жакта иштеп жүрүп DHC-6 учагын да башкарганды үйрөндүм. Компания менин окуума 1 миллион 800 миң рубль төлөп окутту. Компанияга ал үчүн 3 жыл контракт менен иштедим. Азыр Як-40, DHC-6 башкарам. Як-40 VIP-жүргүнчүлөргө салон болуп жасалгаланган. Көбүнчө Ханты-Мансийск автономдуу округунун губернатору Наталья Комарованы кызматтык иш сапарларына ташыйбыз. Кээде “Газпром”, “Лукойл” компаниялары буюртма кылат.

“ЧАГЫЛГАНДУУ ЖААНДЫ АЙЛАНЫП ӨТКӨНБҮЗ”

– Учак кырсыктары тууралуу көрүп, угабыз. Бирок кырсык болот экен деп коркуп жүрө берген болбойт. Жерде басып баратып деле чалынып каза болуп калуу мүмкүн. Иш тажрыйбамда учуп баратканда олуттуу маселе жарала элек. Бир ирет метеолокатор жабыркап, андан түтүн чыгып, кабина түтөп кеткен. Кыш мезгили болчу. Кышында метеолокатордун көп ролу жок. Ошондуктан аны өчүрүп коюп жолубузду улантканбыз. Бир ирет Германиядан Тюменге учуп баратканда түндө чагылгандуу жаандын зонасына киргенбиз. Чагылгандын чыккан жерин локатордон карап, андан айланып өткөнбүз.

Өзүм сүйгөн кесип. Айына 120 миң рубль айлык алам. Үй-бүлөмдү кенен багууга жетет. Бирок Кыргызстан үчүн иштеп бергим келет. Жаңы учактар алынса сүйүнмөкмүн. Азыркы учактар эски. Алар Евробиримдиктин “кара тизмесине” кирген.

“ЖОЛДОШУМДУН ҮЙГӨ КЕЛГЕНИ БИЗ ҮЧҮН МАЙРАМ”

Мирел Молдалиевдин жубайы Сезим Өмүрбек кызы жолдошу жумушка кеткен сайын аман келишин тилеп, кайсы убакта келбесин, жайыл дасторкону менен тосуп аларын айтат:

– Жолдошум жумалап, айлап жумушка кетет. Ар бир кеткен сайын Кудайдан аман-эсен учуп келишин тилейм. Биз үчүн Мирелдин үйгө келгени майрам. Ал келерде үйдү тазалап, жакшы көргөн тамактарын жасап тосуп алам. Анткени мейманканада же учакта тамактанып жүрүп үйдүн тамагын, үйдүн маселелерин да сагынып келет. Үйгө келгенде эмне кааласак баарын аткарып калат.

Ойлондурган учурлар болбой койбойт. Рейс кечиксе бир жерде отура албай сарсанаа боло берем. Кандай болсо да жолдошум менен, анын кесиби менен сыймыктанам.

Жолдошум бат чечим кабыл алып, иштерди бат бүтүрөт. Бул кесибинин таасири болсо керек. Биз Мирел менен таанышкандан бир айдан кийин эле баш кошконбуз. Жолдошумдун учкуч экенин айтсам, апамдар күлүшкөн. Анткени айылда мындай кесип тууралуу укканыбыз менен, андай окууда окугандарды, учкучтарды көргөн эмеспиз да.


“Кыдырып көргөн өлкөлөрдүн ичинен мага Франция өзгөчө таасир калтырды. Луврдагы дүйнөлүк шедеврлерди көргөнүм үчүн өзүмө ыраазы болдум”.

Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  7 
Комментарийлер(14)
25.02.2019. 10:28 
Тайпасы:
Жаран
Комментарийлердин саны:
78
Катталган:
06-05-2014
Соӊку аракети:
06-10-2019 06:43
Жынысы:
Белгисиз
+16
Аии мынча сонун бактылуу болгула омурлук болгула
25.02.2019. 12:43 
Тайпасы:
Жаран
Комментарийлердин саны:
7
Катталган:
24-01-2019
Соӊку аракети:
11-10-2019 15:49
Жынысы:
Белгисиз
+16
Демек Кыргызстан да евробиримдиктин кара тизмесине кирген учактар учат турбайбы
25.02.2019. 14:30 
Тайпасы:
Жаран
Комментарийлердин саны:
36
Катталган:
18-02-2019
Соӊку аракети:
13-10-2019 19:29
Жынысы:
Белгисиз
+5
Бат чечим кабыл алып бат бүтүрөт дейтко бат бүтүргөн жакшы эмес болбоду дегенде жарым саатта бүтүргөн жакшы)))))
25.02.2019. 16:34 
Тайпасы:
Жаран
Комментарийлердин саны:
10
Катталган:
10-05-2017
Соӊку аракети:
13-10-2019 23:23
Жынысы:
Белгисиз
Калаасы:
Жер жузу
+11
Kamchybek-007, анекдот. Бир швеяга жумушка Жаны кыз кирсе,технологу жанынан кетпейт экен. Анда тигил кыз менин оюм тиккенде а сенин оюн ....... деген экен. Сеники туура келчудойго
25.02.2019. 14:58 
Тайпасы:
Жаран
Комментарийлердин саны:
2
Катталган:
15-01-2016
Соӊку аракети:
13-10-2019 23:53
Жынысы:
Белгисиз
+6
Азамат ишине ийгилиа
25.02.2019. 16:18 
Тайпасы:
Жаран
Комментарийлердин саны:
12
Катталган:
14-05-2010
Соӊку аракети:
13-10-2019 23:48
Жынысы:
Белгисиз
Калаасы:
Сургут
+7
молодец доске.Сургутта биз да турабыз
25.02.2019. 18:15 
Тайпасы:
Жаран
Комментарийлердин саны:
Катталган:
06-11-2013
Соӊку аракети:
12-10-2019 10:50
Жынысы:
Белгисиз
+14
Аялы жонокой, карапайым кыргыздын кызы го, озу деле жонокой экен, бактылуу болгула эки дуйно.
25.02.2019. 19:31 
Тайпасы:
Жаран
Комментарийлердин саны:
1
Катталган:
04-07-2017
Соӊку аракети:
12-03-2019 16:19
Жынысы:
Белгисиз
+10
Аии сонун тугойлор экен бактылуу болгула эн сонун кесип
25.02.2019. 23:32 
Тайпасы:
Жаран
Комментарийлердин саны:
14
Катталган:
03-04-2017
Соӊку аракети:
10-10-2019 23:31
Жынысы:
Белгисиз
+8
Азамат бактылуу бол бирок кыжаалат кылып койдунго биздин самалетторду кара тизмеге кирген деп дайыма учуп келетканда коркуп учуп келем .
27.02.2019. 08:08 
Тайпасы:
Жаран
Комментарийлердин саны:
1854
Катталган:
06-02-2012
Соӊку аракети:
12-09-2019 08:56
Жынысы:
Белгисиз
+1
Орустуку менен учкула ошон учун Кыргыз самолеттор аман болушсун совет маалындагы шалдыраган самолеттор...карапайым элге боло берет да Чондорубуз Россия Туркияныкы менен учушат
28.02.2019. 02:19 
Тайпасы:
Жаран
Комментарийлердин саны:
475
Катталган:
03-12-2018
Соӊку аракети:
14-10-2019 00:39
Жынысы:
Белгисиз
+1
Сургутта болсон жакын экенбиз.
28.02.2019. 15:17 
Тайпасы:
Жаран
Комментарийлердин саны:
111
Катталган:
20-09-2013
Соӊку аракети:
13-10-2019 20:30
Жынысы:
Белгисиз
+4
Окуп жатып эс алдым.Ушундай кызыктуу кесип экенин да түшүндүм.Бактылуу болгула.Жолуңуз ар дайым ачык болсун!
01.03.2019. 00:42 
Тайпасы:
Жаран
Комментарийлердин саны:
115
Катталган:
13-11-2013
Соӊку аракети:
22-08-2019 13:48
Жынысы:
Белгисиз
+2
Кыргыздын сыймыгы болуп журо бер! Сыймыктанабыз!
02.03.2019. 17:43 
Тайпасы:
Жаран
Комментарийлердин саны:
61
Катталган:
02-01-2018
Соӊку аракети:
01-07-2019 14:30
Жынысы:
Белгисиз
0
Азаматсын брат биз сен менен сыймыктанабыз! Биздин жаштарга улгу боло бер !
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23008;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: