ЫРЧЫ ЧЫҢГЫЗ ТУРДУБЕКОВДУ МОСКВАДА «КАРАЛАРГА» КИМ САЛЫП БЕРДИ?

14-15-февралда ырчылар Чыңгыз Турдубеков жана Ош шаарында милиция кызматкеринин чекесин жара тээп көпчүлүктүн эсинде калган Алтынай Жайнакова Москва шаарындагы мекендештерибизге ыр сунганы барышкан. Бирок Москвада аларды жылуу кабыл алышпаганын Чыңгыз Турдубеков ырчыларга билдирип, нааразы болууда:

“Биз концерт менен Москвага келгенбиз. Бизди Азиз Арман деген жигит жиберген. Ага ишенип келип көчөдө калдык! Анысы аз келгенсип “караларга” салып берди. Алар салыктарын салышты, көрсө, ушинтип иштешет экен! Аваз доске (ред.: Акимов), ачык айтып кой, көбү кыйналып калышпасын. Гүлбара деген айтылуу эжекебиз бар экен, Азиз Арман экөө Москвага батпай калыптыр! Жакында “Бек Борбиев, Гүлнур Сатылганова келет” дейт. Эгерде сүйлөшүүлөр болсо байкелер, эжелер ишенбеңиздер. Ошентип болбогон кафелерге уюштурумуш болот экен, ал кафелерди көрсөңөр жүрөгүңөр айланат”.

Бул жерде аты аталып өткөн ырчы Аваз Акимов менен байланышып, бул чырдуу жагдайдын чоо-жайын сурадык. Ал төмөндөгүлөргө токтолду.

– Чыңгыз айтып жаткан Азиз деген жигит менен жакшы таанышмын. Мен бул кабарды окугандан кийин эле дароо ага чалдым. Көрсө, иш мындай болгон экен.Алтынай Жайнакова чалып,“жол кирени, жаткан жайыбызды өзүбүз моюнубузга алабыз, бизге концерт уюштуруп бергилечи” дептир. Москвадагы клуб же кафенин ээси “мага баланча ырчы керек” деп чакырышат. Негизи Азиз ортомчу катары ырчыларды чакырып берет. Биздин жол киребизди, тамак-ашыбызды, бардыгын ким чакырса, ошол моюнуна алат. Гонорарыбыздын 50 пайызын алдын ала алып, анан барабыз. Алар болсо уюштуруп бер деп өздөрү чалышыптыр. "Жол киресин, жатаканасын өзүбүз төлөйбүз" деп жатса, баары эле макул болот да. Канча эл келсе ошонун акчасын өздөрү алышмак экен. Азиз сүйлөшүп жатса, алар ортодо башка бир эже менен кетип калышыптыр. Анын буга тиешеси жок экен. Эгерде "Чыңгыз менен Алтынайды чакырып берип койгулачы” деп Москвадан бирөө чакырса, анда гонорарын төлөмөк. Өздөрү суранып барып эл келбей калса кимдин күнөөсү?

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (10)

Siren.ms

2019-02-25 09:34:33

Аиии олтуруптурго Чынгыз Турдубековду жакшылап суйлошуп алып барбасынарда мейли бул сабак болот

Aruwka.89

2019-02-25 12:21:18

Siren.ms, Ошо да! Анан да жайнакова мн барбайле койсо болмок экен

+13

Nargiza1987k

2019-02-25 15:41:01

Ушул Аваз вообще жакпай калды ото жонокой бала эле акыркы кундору только былгытып журуп калды.

+10

Paprikafm

2019-02-26 01:43:16

Аваз вообще жакпайт, өзүнчө эле звезда

+10

pixduel1

2019-02-26 01:52:01

Москвада кыргыздын козун кыргыз чукумай, бул чындык! Туура эле, концерт коюп келген кафелерди корсон столовой эле)) Дыярдык деген ноль! Келип эптеп ырдап, бой которуп кеткени толтура!

+10

Djal1987

2019-02-26 04:37:55

Аваз мн аданадека инстада бин нерсе эле болатышат го... ироолорду туурашып. Нурла менен аселди туурап атышст го

Dembele84

2019-02-27 08:38:11

Djal1987, Кичине жазган комменттерини окуп анан жонотчу айланайын,жон эле урдура бербей )))

radostmoya

2019-02-26 17:37:36

Алтынай жайнакова жүргөн жерге чөп чыкпайт экен го өзү.

+13

Dembele84

2019-02-27 08:40:52

Чын озу Жайнакова жургон жер только скандал экен да,бир тузук ыры болсо мейли...

Mika.Mars

2019-03-01 09:50:07

Азиз Арман дегендердин толук аты жөнүн и Гүльбара айымдын да толук аты жөнүн жазышса болмок себеби Москвада Эки Гүльбара деген ырчы бар

Комментарий калтыруу үчүн өз ысымыңыз менен кириңиз же каттоодон өтүңүз.

№ 851, 21-27-февраль, 2019-жыл