Архив
844   845   846   847   848   849   850   851   852   853   854  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Актан Арым Кубат, режиссёр: «АПАМДАН БАГЫП АЛДЫҢАР БЕЛЕ ДЕП ЭЧ УБАКТА СУРАЙ АЛГАН ЭМЕСМИН»

№853 7-13-март, 2019-жыл


Чөлдө араба, көлдө калсаң кеме экен,
Үшүсөң от, ысыганда жел экен.
Үстүңдө Асман, астыңдагы Жер экен,
Абдан алсыз, абдан назик неме экен.
Аял бирок айланганда Энеге,
Кудуреттүү Кудайдан да кийинки
Кудуреттүү жалгыз гана Эне экен!
Шайлообек Дүйшеевдин ыр саптары каарманым менен апасынын ортосундагы өзгөчө сезимди бап сүрөттөп тургандыктан, ашык сөзү жок ушу ыр саптарын берүүнү чечтим. Апасынын мээримин, сүйүүсүн Актан Арым Кубат айтып бергендей жеткире алсам ал менин жеңишим деп ойлойм.


«АПАМ ЫРЧЫ ЭКЕН»

– Апамдын ысымы Ракыя. Мен аны баккан апам деп айтканга тилим барбайт. Мени төрөгөн кишини эч качан «апа» деп айткан эмесмин. Демек, жалгыз Ракыя апам тууралуу айтып берем. Апам Көлдүн кызы, угушума караганда, Улуттук филармонияда ырчы болуп иштеп, атам менен таанышып, Чүйгө келин болгон экен. Мен ырдаганын уккан эмесмин, кошокту жакшы кошконун билем. Апам бир уул төрөптүр, кийин балалуу болбой, ошондуктан атамдын карындашы мени төрөп, аларга багып алганга берген экен. Сегиз айлык кезимде алган экен, менимче, апам эмизген окшойт. Анткени элес-булас апамдын эмчегин эмип жаткан кез эсимде.

Өтө тентек бала элем, урушуп какыс-кукус кылганы эсимде жок. Бир жолу келинчегим кызаңдап келди. Теңтуштарыбыздын бири «Актан дандыбайга жээн болот» деген экен. Дандыбай менин уруум. Апам болсо жини келип «анын атасы дандыбай болсо, баламдын энеси дандыбай, жатындан болобу, сийдигинен болобу, бир Кудай билет» деп сүйлөнүп жатканын угуп калдым. «Каны тартат» деп коюшат го, бирок каным тартпады. Кээ бири «душман кылып тарбиялап салса керек» деп ойлошу мүмкүн, андай болгон жок. Биздин үй-бүлөдө мени багып алгандары тууралуу эч качан сөз болгон эмес.

14 жашымда туулгандыгы тууралуу күбөлүгүм керек болуп калды. Сурасам, апам сандыктан алып берди, окуп алып нес болуп калдым. Ал жерде ата-энем башка деп жазылып турат. Бирок сурай алган жокмун. Кантип сурайм, эмне деп сурайм, ооз кантип барат? Күбөлүктү алып эле сельсоветке бардым, «булар менин эне-атам эмес, мен фамилиямды котортом» дедим. Ал киши «Азыр болбойт, 18 жашка чыкканда котортсоң болот» деди. Кийин режиссёр катары таанылып баштаганда өзүм тууралуу ачык эле интервьюларды бере баштадым. Апам окудубу же окуган жокпу, ал дагы табышмак. Кийин «Бешкемпирди» тартып апама көрсөттүм. Толкунданып жатып апамдын реакциясын да байкабай калыптырмын.

Киндик кан тамган тараптын тай жагы болуп калам да. Мени төрөгөн кишини «апче» дейм. Анан жездем (ред.: Актан Арым Кубаттын өз атасы) бир жолу «Апчеңди бир жолу «апа» деп койбойсуңбу?» деди. «Макул» дей албадым, «жок» деп да баш чайкаган жокмун. Укмаксанга салып койдум. Азыр айтканга жеңил, ал кезде мен бала элем. Ошол нерсени көтөрүп жүрүү оор эле. Булкулдап ыйлаган күндөрүм болгон.

Мына ушул кезге чейин, сага интервью берип жатып да аларды ата-апа деп атай албайм. Атам менен апамдын алдында күнөөлүү болуп калчудай туюла берет. Таарынычым деле жок, бирок мурун таарынчумун, «эмнеге мен?» деген эле суроо тура берчү. Азыр бакма бала мен болуп калганыма, мени беришкендерине сүйүнөм. Эгерде ошол нерсени башымдан өткөрбөсөм, дүйнөнү мынчалык көз карашта көрө албайт белем, режиссёр боло албайт белем деп ойлоп кетем.


«АТАМ АПАМДЫН БАШЫНАН ЫЛДЫЙ КЕСМЕ ТӨГҮП...»

– Апамды айылда баары жакшы көрчү, акылдуу, мээримдүү, шайыр адам эле. Ушу кезге чейин келинчегим «апам айткан» деп көп нерселерин айтып калат. Келин болуп келгенде жаш кыз болчу. Апам «баланча апам айткандай, түкүнчө апам айткандай» деп эле тиричиликти үйрөтөт экен. Келинчегим «апа, сиздин өз билгениңиз барбы же бирөөнүн эле айтканын айта бересизби?» дептир. Апам болсо «сага сөзүм катуу тийип калбасын деп «тиги айтты, бул айтты» деп айтам. «Минтип койбойсуңбу» десем жүрөгүңө катуу алып аласыңбы деп абайлаганым, балам» деген экен. Акылмандыгын көр, кайнене менен келиндин ортосундагы мамиле да бир топ татаал болот эмеспи. Келинчегим ушуга чейин өз апасынан мурун апамдын айткандарын эстейт.

Мен эс тартканы апамдын атама бир дагы өйдө карап сүйлөгөнүн уккан жокмун. Атам менен апамдын мүнөзү карама-каршы болчу. Атам көп сүйлөбөгөн, күлбөгөн, бир мүнөз адам. Башкарма болуп иштечү, теңтуштарым коркуп турушчу. Апам болсо күлүп эле жүрчү, аны бүтүндөй айыл жакшы көрчү. Бир жолу чай ичип отурганбыз, эмне болуп кеткенин түшүнбөй калдым. Атам чарт-чурт дей түшүп эле, ичип отурган кесмесин апамдын башынан ылдый куюп жиберсе болобу?! «Атаңдын оозун урайын!» деп кагынып туруп кетип калды. Апам каткырып эле калды. Эми элестет, азыркы учурда бир аял ушу жорукка каткырып кала бермек беле? Кыямат-кайым, чаң-тополоң болуп эле жатып калбайбы. Анткен менен үйдү, тиричилик, карым-катнашты бүт эле апам башкарчу.


«ЭКИ АПАМДЫН ТАРБИЯСЫ»

– Чоң апа деп жүргөн адамдын аты Ача апа. Антип айтып калганым, ал киши менин апамдын бир тууган эжеси болгон экен. Тагдыры оор болуп, баласы, күйөөсү жок болгондуктан сиңдисинин колуна келиптир. Биздин туугандар «кудача апа» дешсе, мен тилим келбей «Ача апа» деп алыптырмын. Апамдын акылмандыгы, кайсы бир маселелерди чечкенине Ача апам да, азыр ойлосом, салым кошкон окшойт. Ача апам сууда боломбу, бакка чыгамбы, ошол жерде жүрчү. Аркамдан калчу эмес.

Кичине кезимде тоголок момпосуйлар болчу. Өтө эрке, тентек өстүм. 6 жашта болсом керек, момпосуй менен ойноп отуруп, бирин мурдума тыгып көрдүм. Экинчи мурдума да тыктым. Үйдө Ача апам экөөбүз эле. «Эми өлөт болушум керек» деп чыгара албай коркуп ыйлап кирдим. Ача апам ары кылып, бери кылып көрдү, чыкпайт. «Сен өлгүчө мен өлөйүн» деп ал дагы мага кошулуп ыйлап кирди. Экөөбүз кучакташып ыйлап отурсак нымдашып калдыбы, момпосуй «тып» деп жерге түшүп жатпайбы. Экөөбүз тең каткырып жибердик үлүп).

«Бешкемпир» тасмасындагы чоң эненин ролуна апамды тарткым келди. Эмнеге экенин билбейм. Тасманы апама түшүндүрүп жатканда, балким, бири-бирибизге улуу чындыкты айтып калабызбы деген ой болгон. Фотопроба кылып, эми тартабыз деп жатканда ооруп калды. Айтпай калганыма сүйүнөм азыр. Мен апамдын баласы, апам менин энем катары калганыбыз, менимче, туура болду. Сезимден, жүрөктөн улуу чындык барбы? Ал киши мени балам деп кетти, мен бул дүйнөдөн энем деп өтөм.

Апам 85 жашында каза болду. Апамды жерге берерде жамгыр эки күн бою жаап турду. Далысы жерге тийгенде күн чайыттай ачылып кетти. Мен эмес, дүйнөдөн керемет адам өткөнүнө табият да ыйлап турду окшойт. Мен ошол керемет адамдын уулу болгонума сыймыктанам.


Нуржамал Жийдебаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  8 
Комментарийлер(16)
11.03.2019. 12:24 
Тайпасы:
Жаран
Комментарийлердин саны:
31
Катталган:
04-04-2016
Соӊку аракети:
18-03-2019 11:02
Жынысы:
Белгисиз
+20
Жумушта отурдум эле, бир сыйра ыйлап алдым. Бала тапкандыкы эмес баккандыкы деп коюшат го, анын сынарындай, баккан апаларга ошол балдарына ыйман берсин. Ден соолукта болунуз!!!
11.03.2019. 15:14 
Тайпасы:
Жаран
Комментарийлердин саны:
0
Катталган:
20-07-2018
Соӊку аракети:
18-03-2019 16:34
Жынысы:
Белгисиз
+4
Акылбек Абдыкалыков кайсы үй-бүлөөсүнөн бир тууганы экен?
11.03.2019. 20:03 
Тайпасы:
Жаран
Комментарийлердин саны:
33
Катталган:
28-04-2017
Соӊку аракети:
18-03-2019 15:32
Жынысы:
Белгисиз
+7
Автор азаматсыз. Окуп отуруп, кулдум, ыйладым. Жеткире жазыпсыз.
13.03.2019. 00:12 
Тайпасы:
Жаран
Комментарийлердин саны:
21
Катталган:
18-09-2017
Соӊку аракети:
18-03-2019 19:19
Жынысы:
Белгисиз
Калаасы:
♡Love♡
+2
Ушуну интервью десе болот...
13.03.2019. 01:32 
Тайпасы:
Жаран
Комментарийлердин саны:
7
Катталган:
03-06-2018
Соӊку аракети:
15-03-2019 22:28
Жынысы:
Белгисиз
0
Mydearzh,
13.03.2019. 01:30 
Тайпасы:
Жаран
Комментарийлердин саны:
7
Катталган:
03-06-2018
Соӊку аракети:
15-03-2019 22:28
Жынысы:
Белгисиз
+8
Интервьюну окуп көзүмө жаш алдым. Себеби мен да сизге окшогон бакма кызмын. Атам да апам да өтө жакшы адамдар. Экөө тең мен дегенде ичкен ашын жерге коюшат. Баккан бала таттуу болот деген чын окшойт. Билип турсам да батынып эч сурай албайм. Ата энемдин жүрөгүн ооруткум келбейт. Себеби алар менин бар байлыгым. Эч качан тагдырыма таарынбайм.
16.03.2019. 12:14 
Тайпасы:
Жаран
Комментарийлердин саны:
2
Катталган:
01-07-2017
Соӊку аракети:
18-03-2019 10:36
Жынысы:
Белгисиз
+1
Umkamiss1111,Бар байлыгым дегениниз жакты. Ошолорду сыйлап журо бериниз эч качан сурабай эле коюнуз
13.03.2019. 01:31 
Тайпасы:
Жаран
Комментарийлердин саны:
7
Катталган:
03-06-2018
Соӊку аракети:
15-03-2019 22:28
Жынысы:
Белгисиз
+3
Аман болунуздар
13.03.2019. 03:49 
Тайпасы:
Жаран
Комментарийлердин саны:
20
Катталган:
21-01-2015
Соӊку аракети:
18-03-2019 12:14
Жынысы:
Белгисиз
Калаасы:
Бишкек
+2
Купулум толуп, козумо жаш алып окудум. Интервью деп ушуну айтса жарашат.
13.03.2019. 11:24 
Тайпасы:
Жаран
Комментарийлердин саны:
549
Катталган:
26-11-2016
Соӊку аракети:
18-03-2019 10:38
Жынысы:
Белгисиз
+2
Соонун интервью болуптур бир ыйлап кулуп окудум
13.03.2019. 11:58 
Тайпасы:
Конок
Комментарийлердин саны:
2
Катталган:
18-02-2019
Соӊку аракети:
18-03-2019 18:41
Жынысы:
Белгисиз
+3
8 ailygun estep kalsa bawy kompiuter go anda
14.03.2019. 19:22 
Тайпасы:
Жаран
Комментарийлердин саны:
268
Катталган:
01-04-2013
Соӊку аракети:
18-03-2019 12:12
Жынысы:
Белгисиз
Калаасы:
Жалал-Абад,Кыргызстан.
+7
Менин балам да сурагысы келип журобу,азыр 5 класста,эртераакбы же айтып берсемби,кантип тушундуруп айтсам...Убакыт откону ойлоном кантип мен баккан апанмын,оз апан чын дуйнодо деп айтам.Акылдуу,мээримдуу,ыймандуу,бактылуу болсон экен балакайым.Мен келгенде 1 жашта элен,эми минтип 10 жаштасын.
15.03.2019. 13:32 
Тайпасы:
Жаран
Комментарийлердин саны:
1
Катталган:
08-08-2017
Соӊку аракети:
18-03-2019 16:26
Жынысы:
Белгисиз
+2
nazira1989,Азамат экенсиз. Сиздей аял заты барбар учун дуйно бекем!!!
15.03.2019. 21:52 
Тайпасы:
Жаран
Комментарийлердин саны:
20
Катталган:
29-09-2017
Соӊку аракети:
17-03-2019 00:07
Жынысы:
Белгисиз
0
nazira1989,менимче айтпаганыныз дурус озу деле кийин билет. Билгенде ушу Актан байкебиздей акулду болуп ичнде алып калар
16.03.2019. 12:16 
Тайпасы:
Жаран
Комментарийлердин саны:
2
Катталган:
01-07-2017
Соӊку аракети:
18-03-2019 10:36
Жынысы:
Белгисиз
+1
nazira1989, Айтсаныз урушууп койсонуз эле багып алганда деп чыгат да жаш бала . Айтпай киийн акыл эсине киргенде ОЗУ билип алаттыр .
16.03.2019. 22:38 
Тайпасы:
Жаран
Комментарийлердин саны:
15
Катталган:
21-01-2012
Соӊку аракети:
18-03-2019 16:19
Жынысы:
Белгисиз
+1
Иштен чарчап келип окудум.., ушундай интервю кобурак чыгарып тургула турмуштан алынган, окуп алып женилдей туштум.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21972;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: