Архив
844   845   846   847   848   849   850   851   852   853   854  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ЖИГИТТЕРДИН МУШТАШЫ ӨЛҮМ МЕНЕН АЯКТАДЫ. ЧАТАК КЫЗДАРДЫН АЙЫНАН ЧЫККАНБЫ?

№853 7-13-март, 2019-жыл


Ушул жылдын 23-февралынан 24үнө караган түнү Бишкектин борбордук аянтында жаш балдардын арасында массалык мушташ болуп, анда бычактан эки жигит жаракат алган. Алардын бири ооруканада өмүрү менен кош айтышты. Мушташ кыздардын айынан келип чыкканбы? Окуя кандай болгонун иликтеп көрдүк.

“ШЕКТҮҮ БАЛА 2 АЙГА КАМАККА АЛЫНДЫ”

Окуя тууралуу Бишкек ШИИББинин маалымат катчысы Нурлан Кайназаров айтып берди:

– 2019-жылдын 24-февралында түнкү саат 2:00 чамасында 1-май РИИБине “Ала-Тоо” аянтында мушташ болгону тууралуу маалымат түшкөн. Ыкчам-тергөө тобу “Ала-Тоо” аянтына барып, эч кимди тапкан эмес. Андан кийин ооруканага жаракаттары менен Ш.Т. жана Ж.Р аттуу жарандар түшкөнү маалым болгон. Жаракат алган жарандардын бири операция учурунда каза болду. Иликтөө иштеринин жүрүшүндө жабырлануучу тарап 23-февраль күнү туулган күн өткөрүп жатышып, 2 кызды чакырганы маалым болгон. Ал жерден кыздар менен балдардын ортосунда конфликт жаралып, кыздар териштирүү үчүн башка балдарды чакырышкан. Эки тараптын айтышы мушташка чейин жетип, жыйынтыгында 2 бала бычактан жаракат алып, бирөө каза болду. Факт Кылмыштар жана жоруктардын бирдиктүү реестрине Кылмыш-жаза кодексинин 138-беренеси (ден соолукка оор зыян келтирүү) менен катталды. Криминалдык милиция кызматынын кызматкерлери жүргүзгөн иш-чаралардын натыйжасында 23 жаштагы Т.А. шектүү катары кармалып, 2 айга камакка алынды. Азыр кылмышка башка балдардын катыштыгы бар же жок экендиги такталууда. Камакка алынган бала буга чейин сот жообуна тартылганбы же жокпу, ал тергөөнүн сыры.

“ОКУЯДАН БИР ЖУМА МУРУН ДА ЭКИ ТАРАП МУШТАШКАН”

Кыргызстан эл аралык университетинин 1-курсунун студенти Адилет Тиленов бул мушташка катышкан. Ал "мушташка кыздар себеп болгон" дейт:

– Окуядан бир жумадай мурун “Ала-Тоо” аянтында биздин балдар менен тиги тараптын балдары мушташа кетишкен экен. Анткени ал тараптагы бир бала биздин бир баланы түртүп кетиптир. Эки тарап ызылдаша кетип, ал тарап бычак алып чыкканда биздикилер качып кетишиптир. Ал учурда тиги тараптан 5-6 бала, биз тараптан 4 бала бар болчу экен. Ал эми 23-февраль күнү биздин эгиз досторубуз Улан жана Нурландын туулган күнү болду. Майрамга туш келгендиктен, бул күнү отуруш уюштурууну алдын ала эле пландап жүргөнбүз. Балдар чогулуп, Чүй-Гоголь көчөлөрүнүн кесилишинен батир ижарага алып, ошол жакта отурганбыз. 4 бала менин классташтарым болот, 3 бала бир классташыбыздын тааныштары. Арабыздагы Алмаз деген бала отурушка келе жатып 2 кызды чакырыптыр. Кыздар түнкү саат 22-23 чамасында үйгө келишти. Бир маалда ал кыздар “Балдар келди. Биздин силер менен отурганыбызды айтып койчу” деп Алмазды тышка алып чыгып кетишти. Анын артынан эки бала эшикке чыкты. Бир аз өткөн соң Алмаз “бизди сабап кетти” деп чуркап келди. Түшүнгөнүбүзгө караганда, “Эмнеге кыздарды чакырасыңар?” деп сабашкан окшойт. Биз ал балдардан өч алалы деп артынан борбордук аянтка чейин бардык. Башында сүйлөшүү жолу менен бүтүрөлү деп жатканбыз. Алардан биздин балдарды эмнеге сабашканын, кыздар аларга ким болорун билели дедик. Барсак, 10 чакты балдар жана бизге келген 2 кыз турушуптур. Кайдан-жайдан балдар чогулуп, 30 чакты болуп калышты. Биз тараптан 10дон ашык гана бала бар болчу.

Бир сакалчан бала менин жаныма келип бычак такап, “Балдарыңды алып кет. Болбосо жаман болуп каласыңар” деди. Ал баланын оозунан арак жыттанып турду. Ал тараптын балдары жакшы эле мас болчу. Биз аздан сыра ичип отурганбыз. Мен ичкен эмесмин. Тиги балага жооп айта электе эле алардын бир баласы биздин баланы чаап калды. Ары-бери карагыча бычак сайылыптыр. Ким сайганын, кандай сайганын эч кимибиз көрбөй калдык. Ошентип “бычак” деп ызы-чуу боло түшүп, биз ылдый качтык. Эски аянтка жеткенде классташым Жансерик жыгылып калды. Аны жанымдагы Адилет деген бала таксиге салып ооруканага алып кетти. Жансерикти таксиге салып кетирип жатканда да тиги тараптын балдары артыбыздан чуркап келип унаага таш ыргытышты. Талант деген жаракат алган баланы Жибек Жолуна чейин алып барып, балдарды чакырдым. Алар ооруканага алып кетишти. Талант азыр ооруканада, 3 жеринен бычактан жаракат алган. Бычак жеген балдар өздөрү да качан бычак сайылганын билбей калышыптыр. Минтип 1-класстан бери чогуу окуган классташыбыз Жансериктен айрылып калдык. Бир жума мурунку мушташта Жансерик жок болчу. Тиги тараптагы балдарды жана эки кызды мен тааныбайм. Биринчи жолу көрдүм.

“ҮЙ-БҮЛӨСҮН ЖАНСЕРИК БАКЧУ”

Бул мушташтан каза болгон 18 жаштагы Жансерик Рыспаев бир үйдүн улуу баласы болгон. Атасы жоктугуна байланыштуу апасынын таянычы, үй-бүлөнү багуучу ушул бала болгондугун айтып сыздашат туугандары. Тун уулунан айрылган эне Айзада Касымбаева азыр уулу тууралуу айтып бере турган абалы жок экенин айтты. Эжеси Аида Касымбаева биз менен сүйлөшүп жатканда кошумчасын айтып турду. Маркумдун таежеси Аида Касымбаева буларды айтып берди:

– Жансерик шамдагай, элпек, ак көңүл бала эле. Атасы 3 жыл мурда ооруп каза болгон. Жээним былтыр 9-классты аяктап, Бишкектеги кайсы бир кесиптик окуу жайга тапшырган. Бирок апасына жардам берүү үчүн окуудан чыгып, иштеп жаткан. Апасы менен бир туугандарын "чогуу жашайбыз" деп Күрмөнтүдөн Бишкекке көчүрүп келген. Өзү иштеп үй-бүлөнү багып жаткан. Үйдөгү маселелерди ошол чеччү. Балким, биз укпаган жагдайлар бардыр. Бирок жээнимдин буга чейин балдар менен мушташканын уккан эмеспиз. Мектепте жакшы окуп, активист болчу. Буга чейин түндө кетип калып же кеч келген учурлары болбоптур. Муну апасы айтты. Эң кеч саат он жарымдарда келчү экен. Ал күнү карындашына футболдук турнирге барып, түштөн кийин келерин айткан экен. Кечки саат беш жарымдарда чалып, бир сааттан кийин үйдө болорун айтыптыр. Андан кийин телефонго жооп берген эмес. Кийин телефону өчүп калган. Окуя тууралуу 24-февраль күнү уктук. Биз укканда жээним каза болуп калган экен.

Окуя боюнча балдардан укканыбыз боюнча айтсак, ал түнү балдар ижарага алган үйдө отурушуп, эки кыз чакырышат. Ал кыздар “башка туулган күнгө барабыз” деп кетип калышат. Кайра башка эки кызды чакырышыптыр. Ал эки кыз үйгө кирип, шыр эле дааратканага кирип, телефондон “баягы балдар бул жакта отурушат, келбейсиңерби” деп жатканын бир баласы угуп калыптыр. Балдар сурашса, кыздардын бири “жигитимди чакырып жатам” дептир. 15-20 мүнөттөн кийин баягы кыз “Жигитим келип калды. Силер менен отурганымды айтсам түшүнбөй жатат. Тушүндүрүп койчу” деп Алмаз деген баланы ээрчитип сыртка чыгат. Анын артынан 2 бала чыгат. Анан тиги тараптагы 7-8 бала үйдөн чыккан 3 баланы сабап, кыздарды алып кетип калышыптыр. Ошентип мушташ болуп, жээним жаракат алып калат. Балдар башында Жансерикти Чыгыш-5теги №8 үй-бүлөлүк медициналык борборуна алып барышыптыр. Ошол жерден 2:40тарда “Тез жардам” чакырышып Республикалык ооруканага алып кетишкен экен. Бирок врачтар өмүрүн сактап калууга жетишпей калышыптыр. Ысык-Көл облусунун Түп районунун Күрмөнтү айылына жээнимдин сөөгүн алып барып, жерге берип келдик.

РИИБге арыз жазсак, ал жактагы кызматкерлер “Арыздын кереги жок. Факт боюнча иш ачылды” деп коюшкан. Бирок Бишкек шаардык прокуратурасына кайрылсак, РИИБ бизден арызды алышы керек экендигин айтышты. Кайра барып арыз жаздык. Биз азыр кармалган баланын моюнуна баарын илип коюшабы деп кооптонуп жатабыз. Ал бала азыр күнөөсүн моюнуна алып жатканын айтышты. Мушташ буга чейин эле болуп жатса, сабаган балдардын да, кыздардын да жоопко тартылышын талап кылабыз. Чырдын баарына ошол кыздар себеп болуп жатышпайбы. Бул кыздар бир жума мурун болгон мушташты да көрүшкөн экен. Алар азыр күбө катары өтүп жатышат. Кыздар тергөөчүгө “Бизди балдар чыгарбай коюшкан. Ошондуктан башка балдарды ортого салып үйдөн чыгып кеткенбиз. Экинчи тараптагы балдар биздин артыбыздан териштирүүгө келишти” дешиптир. Кыздардын берген көрсөтмөлөрүнүн негизинде азыр камакта жаткан шектүүнү кармашкан экен. Дагы бир баланы шектеп, бирок аны таппай жатышат. Кыздар эч жерде иштебейт, окубайт деп угуп жатабыз. Күнөөлүү тараптан биз материалдык да, моралдык да зыянды өндүрүүнү жана сот жообуна тартылуусун талап кылабыз. Иш акыйкат каралышы керек. Иштин аягына чейин чыкмайынча биздин жаныбыз жай албайт.

Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(13)
11.03.2019. 11:11 
Тайпасы:
Жаран
Комментарийлердин саны:
153
Катталган:
11-08-2017
Соӊку аракети:
18-03-2019 11:17
Жынысы:
Белгисиз
+14
Жаштарга ынсап берсин, кыздарга түнү балээ барбы, отур үйдө кысып
11.03.2019. 14:01 
Тайпасы:
Жаран
Комментарийлердин саны:
14
Катталган:
04-12-2018
Соӊку аракети:
18-03-2019 18:04
Жынысы:
Белгисиз
Калаасы:
Искусство
+7
Жайы жайлуу болсун. Жап жаш чырпык куурап калды. Аттиң...
11.03.2019. 20:24 
Тайпасы:
Конок
Комментарийлердин саны:
3
Катталган:
15-02-2019
Соӊку аракети:
14-03-2019 17:54
Жынысы:
Белгисиз
+4
Шайтан деген ушул да
12.03.2019. 01:11 
Тайпасы:
Жаран
Комментарийлердин саны:
15
Катталган:
06-09-2015
Соӊку аракети:
18-03-2019 18:49
Жынысы:
Белгисиз
+1
Эх
12.03.2019. 03:48 
Тайпасы:
Жаран
Комментарийлердин саны:
30
Катталган:
14-04-2018
Соӊку аракети:
16-03-2019 05:45
Жынысы:
Белгисиз
+8
Тарбиясыз кыздар азыр ото ото коп,АтаЭнелерге айтаарым кыздарынарды туну зачем чыгарасынар? Уят намыс деген барбы саат 10дон кийин кочодо майрамдап жургон кыздар айланайындар кичине кыз экенинерди унутпагылачы, 2кыздын айынан 1жакшына баланы жепсинер!
12.03.2019. 07:22 
Тайпасы:
Жаран
Комментарийлердин саны:
55
Катталган:
04-06-2011
Соӊку аракети:
18-03-2019 14:25
Жынысы:
Белгисиз
Калаасы:
россия москва
+5
Шайтандай болгон кыздар да жазага тартылышсын!
12.03.2019. 09:55 
Тайпасы:
Жаран
Комментарийлердин саны:
588
Катталган:
05-05-2014
Соӊку аракети:
16-03-2019 20:37
Жынысы:
Белгисиз
+6
Эркекче мушташкан балдар калбады азыр
12.03.2019. 14:20 
Тайпасы:
Конок
Комментарийлердин саны:
2
Катталган:
25-02-2019
Соӊку аракети:
12-03-2019 14:28
Жынысы:
Белгисиз
+3
Кудай ай не деген суук кабар
13.03.2019. 18:07 
Тайпасы:
Тартип бузгандар
Комментарийлердин саны:
23
Катталган:
14-04-2018
Соӊку аракети:
13-03-2019 23:05
Жынысы:
Белгисиз
+2
Мунун баары тарбиянын жоктугуна барып такалат... Интервью берген бала болгону 1-курстун студенти экен, балээ барбы туулган кундорго?!! Отурушту эмес окуусун ойлонсо болбойбу мээси иштесе! Жожо короз болгонду силерге ким коюптур?!!

Азыркы учурда кыз болобу уул болобу копчулугу женил ойлуу. Ошолорду ошондой кылып тарбиялап чонойткон ата-энелерде куноо... Адептуу, намыстуу, акылдуу балдар, кыздар андай болушпайт...
14.03.2019. 10:51 
Тайпасы:
Конок
Комментарийлердин саны:
1
Катталган:
05-03-2019
Соӊку аракети:
14-03-2019 11:13
Жынысы:
Белгисиз
-2
Азыркы кыздарды ата-энелери катуу кармашы керек. Айрыкча ата-энеси мигрант болуп иштеп жургон кыздар ушундай жолго барышат
14.03.2019. 11:54 
Тайпасы:
Жаран
Комментарийлердин саны:
667
Катталган:
01-02-2017
Соӊку аракети:
18-03-2019 16:45
Жынысы:
Белгисиз
+2
Арак жана кыз. Аракты ичкенден кийин адамды оюна баардык жаман нерселер келет
17.03.2019. 15:25 
Тайпасы:
Жаран
Комментарийлердин саны:
11
Катталган:
08-04-2015
Соӊку аракети:
17-03-2019 15:43
Жынысы:
Белгисиз
Калаасы:
ош шаары өзгөн району
0
18.03.2019. 08:34 
Тайпасы:
Жаран
Комментарийлердин саны:
26
Катталган:
27-11-2018
Соӊку аракети:
18-03-2019 08:34
Жынысы:
Белгисиз
0
ш к тм с к аттулардын фотолору жокпу.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21972;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: