Архив
844   845   846   847   848   849   850   851   852   853   854  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Таалайкан Абазова, Кыргыз Республикасынын Эмгек сиңирген артисти: «ЖОЛДОШУМ МИНИСТРЛИК КЫЗМАТТАН КЕТКЕНДЕ АСКЕРДЕН КЕЛГЕНДЕЙ ЖЕҢИЛДЕДИК»

№853 7-13-март, 2019-жыл


Биздин заманда эл көзүндө жүргөн адамдын жөнөкөй болушу сейрек кездешет эмеспи. Маектешим менен жүздөшкөндө анын табигый сулуулугуна баа берип, жөнөкөйлүгүнө суктандым. Өзү таанымал актриса, мурдагы маданият министри, режиссёр Алтынбек Максүтовдун жубайы, үч баланын апасы. Туура таптыңыз, кеп актриса Таалайкан Абазова тууралуу болуп жатат.

– Таалайкан айым, байкашымча, терең образдарды жаратасыз. Роль тандайсызбы?

– Биринчиден, адамга кылып жаткан иши жагышы керек. Мен тартылган тасмаларды таланттуу режиссёрлор тартты. “Кентавр”, “Сүтак”, “Свет аке”, “Асман алдында”, “Таранчы”, булардын баары жакшы деген баа алып жаткан тасмалар. Аларды тарткан режиссёрлорду начар тасма тартпайт деп ойлойсуң. Экинчиден, сценарийине көңүл бурам, “менден талап кылып жаткан нерсени жеткире ойной аламбы?” дейм. Менимче, бул тандоо эмес, анализ жасоо. Бул жаш режиссёрлор тарткан тасмага такыр тартылбайт дегендик эмес. Кээде дипломдук иштерге акча албай деле тартылам.

– Устат-шакирт сыяктуу сизди бул жаатка багыттаган бирөө болгонбу?

– Кыргыздын залкар актрисалары Таттыбүбү Турсунбаева, Бакен Кыдыкеева, Жаркын Балыкбаеваларды теледен көрүп, алардын сүрөттөрүн чогултуп таасирленгем. Кино дүйнөсүнө биринчи алып келген Молдосейит Мамбетакуновдун “Өзөктөгү өрт” тасмасы болду. Анда жашоодогу ачуу чындык тартылган эле, агасы карындашын баңгизаты үчүн сатып жиберет. Кыз качып көп кабаттуу үйдөн боюн таштайт. Режиссёр мага "жүткүнүп эле кой, алдынан тартабыз" деген. Кийин тасманы көрсөм, чачтарым жайылып, укмуш болуп учуп келе жатам.

Устат катары мени менен тыгыз иштешкен деле эч ким болгон жок. Бирок мен таасирленген актрисалардын бири Бакен Кыдыкеева болду. Биринчи жолу айылдан жаңы келип, актрисалык жолго багыт алганымда Бакен эже мага монолог айттырды. Тизелеп отуруп алып “Ажардын” монологун айтып жатканымда далымдан сүйөп, “Мандайың жарык экен, бактың кинодон ачылат” деген эле. Азыр ойлосом, мага бата берген экен. Москвадан окууну бүтүп келгенде Искендер Рыскулов мени Кыргыз драма театрына алып калды. “Ромео жана Жульетта” драмасында Жульеттанын ролун аткарып калдым. Гримдөөчү бөлмөдө отурсам Бакен эже кирип келип, “Жульеттаны аткарып жаткан сенсиңби?” деди. “Ооба” десем, “убагында бул ролду мен аткаргам, билесиңби, кыргызча угулсун үчүн Ромео эмес “оо, Ромео” деп сүйлөчүмүн” деп монологду толугу менен айтып берди. Эже ал учурда бир аз кыйналып жүргөн экен. Абалына аябай жүрөгүм ооруган эле.

– 1990-жылдарда кинодо жана театрда тыныгуу өкүм сүрбөдүбү, ошол учур сиздерге кандай таасир берди?

– Эрнест Абдыжапаровдун "Таранчы" тасмасына тартылып калдым. Кинолор тартылбай токтоп калганда кыска метраждуу тасмаларга тартылдым, балким, ошондуктан мага кыйынчылык билинбей калды окшойт. Багыбызга жараша, жакшы мугалимге туш келдик. Окууну бүткөндөн бир жылдан кийин Арсен Өмүралиев атындагы Бишкек шаардык театрга келдик. Арсен агай өзү актёр, күчтүү мугалим, мыкты уюштуруучу болчу. “Курсагың ачып турса, кайдагы чыгармачылык?” деп алгач акысыз жатакана менен камсыз кылды. Кийин анын жардамы менен бир бөлмөлүү үйлүү болдук.

– Демек, чыгармачылыкта да, жеке жашооңузда да жолуңуз ачык болгон экен...

– Ооба, ал жагынан жолдуу болдум, жолдошум экөөбүздүн кесибибиз бир. Жолдошум Алтынбек Максүтов актёр, режиссёр. Түшүнүгү бийик адам. Элдин баары эле биздин жашообузга кызыгышат. Бирок кызыга турган деле эч нерсе жоктой, жашообуз үй-бүлөнүн ынтымагы үчүн көп аракет кылган жубайлардай эле. Менин эмгектерим жолдошумдун сынынан өтсө, анда баары жакшы деп жеңил дем алып калам. Ал дагы мага “келип көрүп кетчи” деп калат, мен да оюмду айтам. Бири-бирибизге күзгүбүз.

– Кино учурунда ыңгайсыз эпизоддордон кантип өтөсүз?

– “Свет аке” тасмасында Актан Арым Кубатты дагарага салып жуунтуп жаткан жерди айтып жатат окшойсуң. Бул биздин таап жаткан наныбыз, ролдогу каарман ошентүүгө тийиш болсо, кыласың. Оператордун сыртка чыгып туруусун, бөлмөдө эч ким калбашын өтүнгөнүм эсимде.

– Жолдошуңуз сизди “менден сулуу жана таланттуу” деп айтыптыр интервьюсунда, бул сизге жагымдуу болсо керек?

– Ошондой дептирби (таң калып)? Мени ошентип көтөрмөлөй берет. Мен ойлойм, тескерисинче, анын жүзү кызыктуу. Өзү да “сенин жүзүңдө токтой турган нерсе жок, меники быдыр-быдыр болуп көңүл бурулат” деп тамашалап айтып калат. Кеп сулуулукта эмес, чынында, кылган ишинде, мүнөзүндө, сөзүндө сулуулук бар. Казган сайын казгың келе берген адам. Эмне тууралуу сүйлөсө кызыктуу айтып берет.

– Сынга кандай карайсыз?

– Сындын бир жагы коркунучтуу, экинчи жагы кызыктуу. Ролумду кандай кабыл алат дегендей кооптонуу, бирок ошол эле учурда жараткан образым жактыбы деген кызыгуу болот. Эгерде сын айтпаса өзүңдүн кемчилигиңди билбейсиң. Туура сын керек. Мурунку муун кабыл алат деп ойлойм, кийинки муундун сын-пикирди кабыл алуусу оор. Аларда “мен баарынан кыйынмын” деген нерсе көбүрөөк байкалат.

– Ырчы Нуриза Абазова бир тууган сиңдиңиз эмеспи, анын ырдап калганына сиз таасир берсеңиз керек?

– Атам менен апам дарыгерлер. Чоң атам жамакчы болгон экен, өнөр ошо жактан өткөн болуш керек. Мен индия бийин бийлеп, мектепте бир нерсе аткара коюп жүрчүмүн. Нуриза таасирленгенби, ал дагы бир карасам эле ырчы болуп кетиптир (күлүп). Болбосо орус тили мугалими болом деп жүрчү. Кийин иним да биздин жол менен кетти (ред.: актёр Чыңгыз Абазов). Негизи апам аябай шайыр адам, тойлорго тамада болуп кетмейи бар. Апамдын шатыра шатман мүнөзү Нуризада бар, мен атамды тартып калган окшойм, тартынчаакмын. Тасмаларда ырдаган эпизоддор бар, үнүмдү жаздырсам деп коём, бирок жалкоо окшойм. Негизи ишке аша элек нерсени көп айткым келбейт.

– Балдарыңыз тууралуу айтып кетсеңиз...

– Улуу кызым Айжан студент, режиссёрлукка кызыгуусу бар.Уулум болсо 6-класста, мектептеги ийримдерге активдүү катышып калат, кичүү кызым деле ошондой. Азырынча артист болобуз деп эч кимиси айта элек.

– Кандай келинсиз?

– Эрке келинмин (күлүп). Кайненем “келин жаман эмес, келген жери жаман, биз жакшы болушубуз керек” деп көп айтчу. Алар жакшы кабыл алгандыктан тез эле көнүп кеттим. Артист деп апам мага көп бонус кылат. “Менин келиним эле кыла береби? Сен мунуңду эле кыла бер” деп айылга барганыбызда мага жеңил иштерди тапшыра калып жүрүп үйрөттү. Тез эле сиңишип кеттик.

– Жолдошуңуз министр болгондо, кийин кызматтан кеткенде кандай кабыл алдыңыз?

– Алтынбек актёр болуп жүрүп маданият министри болуп калды. Келин жаңы үй-бүлөгө келгенде кыйналгандай эле, ал дагы башка чөйрөгө аргасыз көндү. Аял кишинин колунан келгени сырткы келбетин кароо экен. Аны менен кошо министрликке барып иштебегенден кийин башка жардам деле бере албайт экенсиң. Эл галстугу кыйшайып калса деле айтышат тура, ошол жагынан жардам берип жаттым. Галстук тагынып, костюм кийгенге кийин көндү. Өзүңдүн адамың теледен чыгып сүйлөп жатса толкунданып, сыймыктанат экенсиң. Министрликтен кеткенден кийин ага да, мага да жеңил болуп “өх” дедик. Аскерден келгендей эле жеңилдедик (күлүп). Алтынбек өзү да “ал жактан канча жумуш кылса деле көрүнбөйт экен, чыгармачылыкта бир иш кылсаң элге дароо көрүнөт” деп калчу. Бул биздин жашообуздагы кызыктуу, түйшүктүү тилке болду окшойт.

– Маегиңизге рахмат, эми тасмада, театрда ийгилик тилкеси болушун каалайбыз.

"Кентавр" тасмасынан.
Актрисанын жаш кези.
"Алтынбек казган сайын казгың келе берген кызыктуу адам".

Нуржамал Жийдебаева
Адилет Бектуров
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(13)
11.03.2019. 09:06 
Тайпасы:
Жаран
Комментарийлердин саны:
37
Катталган:
18-09-2018
Соӊку аракети:
18-03-2019 19:23
Жынысы:
Белгисиз
-20
Куйоосунун министр болгонун айтып тугото албайт. Ар бир маекте кыпчып отот. Актрисалык жагын айтсам ,ото таланттуу деп айталбайм,так на любителя.
11.03.2019. 11:45 
Тайпасы:
Жаран
Комментарийлердин саны:
171
Катталган:
13-07-2013
Соӊку аракети:
18-03-2019 11:08
Жынысы:
Белгисиз
Калаасы:
Бакыт калаасы!
+22
katerina.li,Журналист сурап атса айтатда, мактанып айтканын көргөн жокмун, таланттуу эле актриса, бар болуңуз!!!
11.03.2019. 12:57 
Тайпасы:
Жаран
Комментарийлердин саны:
11
Катталган:
17-07-2013
Соӊку аракети:
18-03-2019 16:59
Жынысы:
Белгисиз
Калаасы:
Бишкек
+26
katerina.li,сенин Ырыс Жоомартова эжеңе караганда 100 эсе күчтүү актриса
11.03.2019. 19:50 
Тайпасы:
Жаран
Комментарийлердин саны:
37
Катталган:
18-09-2018
Соӊку аракети:
18-03-2019 19:23
Жынысы:
Белгисиз
+7
Nurgazy80,ырыс жоомартова озуно эле буюрсун
12.03.2019. 15:36 
Тайпасы:
Жаран
Комментарийлердин саны:
8
Катталган:
14-10-2011
Соӊку аракети:
18-03-2019 18:38
Жынысы:
Белгисиз
Калаасы:
москва
+5
katerina.li,Сиз биринчи ушул эжече роль жаратып анан сындасаңыз!!! Мышык майга жетпей уфф сасык болбой
11.03.2019. 16:28 
Тайпасы:
Жаран
Комментарийлердин саны:
228
Катталган:
19-04-2011
Соӊку аракети:
18-03-2019 19:34
Жынысы:
Белгисиз
+10
Кызы аябай татынакай!!!Гульнур Сатылганлванын клибинде тартылган,суйкумдуу кыз!!!
15.03.2019. 23:52 
Тайпасы:
Жаран
Комментарийлердин саны:
98
Катталган:
04-09-2016
Соӊку аракети:
18-03-2019 17:29
Жынысы:
Белгисиз
-1
mela,ахахаха, ошол кызбы? Эстедим, ал да министрдин кызы экенимди эч ким билбейт деп элге жайып интервью берген:-)
11.03.2019. 22:50 
Тайпасы:
Жаран
Комментарийлердин саны:
67
Катталган:
08-10-2018
Соӊку аракети:
18-03-2019 16:23
Жынысы:
Белгисиз
+8
Apasy menen choguu bolnisaga jatkanbyz,Kelip turchu,oto jonokoi eje.Apasy kyzyktuu okuialaryn kop aityp berchu,ugup ele oturgun kelet.Kainenesi da oto sonun adam.Biri birine top keliwken ui bulo,eki duinodo ten baktyluu boluwsun,
11.03.2019. 22:54 
Тайпасы:
Жаран
Комментарийлердин саны:
3
Катталган:
22-11-2017
Соӊку аракети:
18-03-2019 18:50
Жынысы:
Белгисиз
+1
Максутовго куйоо бала болсомбу. Кызыл канчанчы жылкы
11.03.2019. 22:57 
Тайпасы:
Жаран
Комментарийлердин саны:
3
Катталган:
22-11-2017
Соӊку аракети:
18-03-2019 18:50
Жынысы:
Белгисиз
+1
Куйоо бала кылат бекен а мени
12.03.2019. 16:58 
Тайпасы:
Жаран
Комментарийлердин саны:
257
Катталган:
03-12-2018
Соӊку аракети:
18-03-2019 19:12
Жынысы:
Белгисиз
0
Жакшы уй було экен,мага жагат.
13.03.2019. 01:39 
Тайпасы:
Жаран
Комментарийлердин саны:
7
Катталган:
03-06-2018
Соӊку аракети:
15-03-2019 22:28
Жынысы:
Белгисиз
0
Супер
13.03.2019. 21:11 
Тайпасы:
Жаран
Комментарийлердин саны:
16
Катталган:
05-03-2015
Соӊку аракети:
18-03-2019 00:34
Жынысы:
Белгисиз
+2
Таланттуу, жонокой сонун актриса!!! Жогоруда айткандай Ы.Жоомартовага караганда 1000эсе ойдо, ал деле журбойбу эч таланты жок...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21972;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: