Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ЯКУТИЯДА КЫРГЫЗ ЖАРАНЫ ЗОРДУКТООГО ШЕКТЕЛИП КАРМАЛДЫ. Якут эли мигранттарга каршы митингге чыгышты

№855 21-27-март, 2019-жыл


17-мартта Орусиянын Саха (Якутия) Республикасында кыргыз жараны жергиликтүү тургунду зордуктоого шектелип кармалды. Мындан улам жергиликтүү калк 2 күн катары менен мигранттарга каршы митингге чогулушту. Якутияда мигранттардын документтерин текшерүү күчөдү. Мигранттарга карата агрессия күчөп, алар ишин токтотуп үйдөн чыкпай отурууга мажбур болуп жатышкандарын айтышууда. Бир жарандын жаман жоругу өлкө ичиндеги бардык мигранттардын өмүрүнө коркунуч туудурууда.


КЫЛМЫШКА ШЕКТҮҮЛӨР КЫРГЫЗ ЖАРАНДАРЫ ЭКЕНИ МААЛЫМ БОЛДУ

Якутиянын тергөө комитетинин маалыматы боюнча, 2019-жылдын 17-мартында 23 жаштагы эркек киши Якутск шаарындагы Кузьмин көчөсүндө жайгашкан үйдүн алдынан күч колдонуп аялды Тойота-Королла үлгүсүндөгү унаага салып, Севастопольская көчөсүндө жайгашкан гараждар тарапка алып барып зордуктаган. Мындан кийин ал өзүнүн тааныштары иштеген унаа оңдоочу жайга аялды алып барып таштап, өзү үйүнө кетип калган. Аял мырзалар уктаганда ал жактан чыгып, тергөө комитетине кайрылган. Аялдын кайрылуусунун негизинде текшерүү башталган. Ыкчам-издөө иш-чараларын жүргүзүшүп, полиция жана Росгвардиянын кызматкерлери кылмышка шектүүнү кармашкан. Кармалган жаран суракта күнөөсүн моюнуна алып, тергөөчүгө жасаган ишин толук түрдө айтып берген. Кылмышкерге карата «зордуктоо» жана «адам уурдоо» беренелери менен кылмыш иши козголду. Шектүүнүн 2 досуна карата «алдын ала сүйлөшүү жолу менен адамдардын тобу тарабынан адамдын эркиндигинен мыйзамсыз ажыратуу» беренеси менен кылмыш иши козголду. Тергөө уланууда.

Тергөө комитети шектүүнүн улутун атаган эмес. Бирок Якутскта бул адамдардын кыргыз жарандары экендиги тууралуу маалымат тараган. 18-мартта Якутиянын башчысы Айсен Николаев кылмышка шектүүлөрдүн кыргызстандыктар экенин тастыктады. Тергөө комитети 2018-жылы Якутияда катталган жыныстык эркиндик жана жыныстык кол тийбестикке каршы кылмыштардын 296сынын төртөөндө гана чет жерликтер күнөөлүү болгонун белгилеп, улуттар аралык кастыктан алыс болууга чакырды.


«МИГРАНТТАРДЫ ТЕКШЕРИП, МЫЙЗАМСЫЗ ЖҮРГӨНДӨРҮН ДЕПОРТАЦИЯ КЫЛАБЫЗ»

Бул окуя коомчулукта резонанс жаратты. 17-мартта Якутск шаарынын жашоочулары антимигранттык маанайдагы митингге чыгышты. Жергиликтүү маалымат каражаттары митингге 200 чакты адам чыкканын жазышууда. Полиция катышуучуларды мыйзамга ылайык уруксат алып каршылык акциясын өткөрүүгө чакырды. Чогулгандар кийинки күнү дагы чыгышарын макулдашып тарашты. 18-мартта «Триумф» спорткомплексине коңшу райондордон да жарандар келишкен. ММКлар 3 миң адамга ылайыкталган комплекс чогулгандар үчүн тардык кылганын жазып чыгышты. Якутия Республикасынын башчысы Айсен Николаев эл алдына чыгып сүйлөп, мындай деди:

– Биз, якуттар, меймандоспуз. Бирок биз менен эсептешпегендер бизге душман болот. Мындай окуя болбошу керек. Биз өзүбүздүн жерибиздебиз. Аз убакыт мурун келген адамдардын мындай жорук жасашына жол берилбеши керек. Мен тиешелүү органдардын жетекчилери менен жолугуштум. Жакын арада бардык мигранттарды текшерип, мыйзам бузгандарды депортация кылууну, мыйзам бузган ишканаларды жабууну тапшырдым. Алар салык төлөшү керек, мыйзамга жараша иштеп, тартипти сакташы керек. Экинчиден, биз, жергиликтүүлөр кээде өзүбүз туура эмес кылабыз. Алардан арзан жемиштерди сатып алабыз. Алардын такси кызматын колдонобуз. Эмнеге каттоосу барбы, салык төлөп жатабы деп сурабайбыз? Аларга аз акча төлөө үчүн жумуш беребиз. Республикалык, жергиликтүү бийлик жана жергиликтүү калк биригишибиз керек. Ошондо гана өз жерибизде кожоюн боло алабыз. Ошондо бизди сыйлашат. Бул чечилчү маселе. Биз, якуттар бул жерди ээлеп, орус калкы менен жанаша жашап жатабыз. Мындан ары да ошондой жашайбыз. Бизди сырттан башка эл башкарбашы керек.


Айсен Николаев зордуктоого катыштыгы барларды мыйзам чегинде соттой тургандыктарын билдирип, өзүм билемдик менен кимдир бирөөнү жазалоого жол берилбеши керек экенин айтты.


«МЫЙЗАМСЫЗ МИТИНГГЕ ЧАКЫРГАНДАР ТАБЫЛДЫ»

Өлкө башчынын сөзүн айрымдар туура эмес түшүнүп алышып, улуттар аралык кастыкты жараткан чакырыктарды таратышууда. Бул тууралуу Якутиянын ички ииштер министринин орун басары Константин Неустроев маалымат каражаттарына билдирди:

– WhatsApp аркылуу улуттар аралык кастыкты козутуучу видеолор тарап жатат. Бул аракет мыйзам бузуу болуп саналат. Полиция тарабынан бул видеолор текшерилип жатат. Улуттар аралык кастыкты жараткандар жоопкерчиликке тартылышат. Мындай видеолордун биринде бирөө "Якутия рулит!" деген сөздү айтып, автомат менен асманга атып жатат. Роликтин каарманы табылды. Ал административдик жоопко тартылды. Мыйзамды сакташыбыз керек. Провокациялык чакырыктар болбошу керек. Башка шаарларда да биздин жаштар жашаарын эске алалы. Чет жердеги жердештерибизге ар кандай суроолор берилбеши үчүн өз жерибизде мыйзамды сакташыбыз керек.

Ар бир митинг федералдык мыйзамдын чегинде өтүүсү зарыл. Комсомол аянтында өткөн уруксатсыз митинг укук бузуу болуп саналат. Ал митингге чакырык таштагандар да табылды.


«КӨЧӨДӨН МИГРАНТТАРДЫ САБАП КЕТИП ЖАТЫШАТ ДЕГЕН МААЛЫМАТТАР БАР»

Өлкөдө абал курч экендигин, жергиликтүүлөр мигранттарга кыр көрсөтүп, кол көтөрүп жатышкандыктары тууралуу маалыматтар, интернетте ар кандай видеолор тарап жатат. Жергиликтүү маалымат булактары 7 адам шаардагы автобус айдаган мигрантка кол салышканын жазып чыгышты. Якутск шаардагы абал тууралуу «Манас» Кыргыз диаспорасынын өкүлү Эрмек Жуматаев буларды билдирди:

– Якутияда 10 миңге жакын кыргыз жараны жашап, иштейт. Жалпы элдин абалы жакшы. Бирок баары бир кооптуу. 18-мартта болгон митингдин артынан Якутиянын ар кайсы райондорунан келгендер түнү менен шаарды жакшы эле тапташты. Жашылча-жемиш саткандарды кубалап, соода кылган орундарын жаптырышты. Көчөдөн мигрант балдарды сабап кетип жатышат деген маалыматтар бар. Биз мекендештерге жеке коопсуздук үчүн 2-3 күн ишке чыкпай тургула деп билдирүү таратып жатабыз. Адамдардын өлүмү боюнча да имиштер бар, ал такталууда. Элге түшүндүрүү иштерин жүргүзүп жатабыз. Бул окуянын болушуна мигранттардын күнөөсү жок деп айта албайбыз. Буга чейин да тартипсиз жосундарды жасап келишкен. Ачык айтканда, бул жакка жумуш издеп келген жаштардын көбү билимсиз, маданият боюнча түшүнүгү төмөн, тарбиясы начар. Арак ичип алып, башкаларга тийишкендер бар. Бул биринчи жолу катталган мындай окуя эмес. Былтыр да бир кыргыз жараны тарабынан бир жергиликтүү келин зордукталган болчу.

Якутск шаарынан 800 чакырым алыс жайгашкан Нюрба районунда жашаган кыргыз жараны алардын да документтерин текшерүү болуп жатканын билдирди:

– Биз жашаган райондо жалпы 25 мигрант бар экен. Анын ичинде 5-6 гана кыргыз бар. Баарыбызды прокуратурага чогултушуп, документтерибизди текшеришти. Прокуратурадан кийин полициянын имаратына алып барышты. Ал жактан бизге түшүндүрүү иштери жүргүзүлдү. Бизге «ар кандай адамдар, арак ичкендер, жаш балдар бар. Алардын баарын тыя албайбыз, коопсуздугуңарга кепилдик бере албайбыз. Колуңардан келсе кетип калганыңар туура» деп айтышты.


ЯКУТИЯГА КЫРГЫЗ ӨЛКӨСҮНӨН ДЕЛЕГАЦИЯ БАРДЫ

19-декабрда Кыргыз өкмөтүнүн алдындагы Миграция кызматынын төрагасынын орун басары Самат Токтоболотов баштаган атайын делегация Якутиянын жергиликтүү бийлик өкүлдөрү жана жергиликтүү тургундар менен жолугушуп, түзүлгөн абалды жөнгө салуу боюнча сүйлөшүүлөрдү жүргүзүү үчүн Якутияга барды. Жаралган конфликтти жөнгө салуу боюнча сүйлөшүүлөр жүрүп жатат. Сүйлөшүү учурунда кыргыз тарап кылмыштуулук улут тандабастыгын айтышып, Якутиядагы кыргыз жарандарынын коопсуздугун сактоо үчүн чаралардын көрүлүүсүн суранышты. Саха Республикасынын Ички иштер министрлиги кыргыз жарандарынан эч кандай арыз түшпөгөнүн тастыктап, баш аламандыкты болтурбоо чаралары көрүлөрүн билдирди.Мигранттарга каршы маанайды жөнгө салуу үчүн эки тарап тең түшүндүрүү иштерин жүргүзүшмөй болушту. Жолугушуу учурунда жергиликтүү бийлик менен иштешүү үчүн Якутиядагы кыргыз диаспорасынын лидерин тандап алуу керектиги айтылды. Делегация Якутиядагы кыргыз диаспораларынын лидерлери жана мекендештер менен жолугушуп, улут аралык конфликтти жаратуучу аракеттерден алыс болууга, Орусия Федерациясынын мыйзамдарын сактоого, өздөрү жашаган өлкөнүн салт-санаасын сыйлоого чакырды. Республика башчысы Айсен Николаев Владивостокко иш сапары менен кеткендигине байланыштуу кыргыз делегациясын кабыл ала алган жок.


Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(8)
25.03.2019. 16:10 
Тайпасы:
Жаран
Комментарийлердин саны:
90
Катталган:
10-12-2013
Соӊку аракети:
24-06-2019 20:44
Жынысы:
Белгисиз
+4
Эх кыргыздар башкаларга зыянынарды тийгизбей нан таап жургон жеринерде жон журсонор боло.
25.03.2019. 16:21 
Тайпасы:
Жаран
Комментарийлердин саны:
372
Катталган:
03-11-2011
Соӊку аракети:
24-06-2019 16:58
Жынысы:
Белгисиз
Калаасы:
Россия
+4
Кысып жүргүлөчү сураныч
26.03.2019. 13:32 
Тайпасы:
Жаран
Комментарийлердин саны:
274
Катталган:
15-08-2017
Соӊку аракети:
13-06-2019 14:37
Жынысы:
Белгисиз
+5
Чындап мигрант болуп кобунчо ,билимсиз ,эптеп эле кун откорсом болду деп барып алгандар. Москвада да опкосун колтуктап пивону которуп парктарда тайрандаган жердештерибизди коруп уялчубуз. Партизанская метродогу кыргыздардын кафелери бар эле ,кудай сактай кор коргондун корбогону курусун болуп малдан айырмасы жок кутурушкан.Орустар башын чайкап коюшар эле.Кыргыздар маданияьсыздыгыбызды билдирбей жон журолу ,а то кууп чыгышса КРда жумуш жок .Баягы сынык тазигинер менен отуруп калабыз
26.03.2019. 14:52 
Тайпасы:
Жаран
Комментарийлердин саны:
78
Катталган:
23-07-2018
Соӊку аракети:
24-06-2019 22:56
Жынысы:
Белгисиз
+2
Жогорудагы комментарийлерде айтылгандай кыргыздар орус,якуттун жерлерине барып ичип ХХХХ кутурушу мумкун,ал туура эмес бирок кечээ жакындагы окуяда кыз озу тиги бала менен тан атканча ичип отурганы чын экен го,ФБда журот Оксана деген келинчек ошол кыргыз жигит менен интимдик байланышта болуп жургон экен,анан бир кун уруша кетсе эле подстава кылган ..ука,Мас болуп калса алпарып таштаган досторунун уйуно,соолукса кетип калат деп,анан уйуно апармак беле,ошондой эле зордукчул болушса берки
Модератор admin_portal түзөттү 2019-03-26 16:13:02
26.03.2019. 14:55 
Тайпасы:
Жаран
Комментарийлердин саны:
78
Катталган:
23-07-2018
Соӊку аракети:
24-06-2019 22:56
Жынысы:
Белгисиз
+1
берки экоо деле зордуктамак да..
Негизи якуттун кыздары кыргыз дегенде олушот,озулорунуку ичишет,бир дери иштебейт деп айтышат экен,жанталашып кыргызга тийип,тукум алып калайын дешет деп айтып калышат ошол жакта жашагандар.
26.03.2019. 20:52 
Тайпасы:
Жаран
Комментарийлердин саны:
27
Катталган:
25-02-2014
Соӊку аракети:
17-06-2019 10:02
Жынысы:
Белгисиз
+3
Озубуздун олкодо канча аял жадакалса кичинекей кыздар зордукталып жатат бизде эмнеге чара корулбойт
28.03.2019. 15:29 
Тайпасы:
Жаран
Комментарийлердин саны:
2
Катталган:
11-12-2018
Соӊку аракети:
28-03-2019 15:35
Жынысы:
Белгисиз
0
Ошончо териштирип баарын башына которуп жиберишсе кыйын экен якуттар. Биздикилерге баары бир экен да. Аларда зордуктоо боюнча 296 болсо бизди ашып кетет болуш керек, эхххх...
29.03.2019. 08:04 
Тайпасы:
Жаран
Комментарийлердин саны:
20
Катталган:
15-05-2017
Соӊку аракети:
24-06-2019 06:05
Жынысы:
Белгисиз
0
Кыргыздардын кыз келиндери законго ишенбейт закон дагы закконный иштесе ушунча эл азап чекпейт эле кылмышкерлер эркиндикте акча менен жалкоолуктун закону слишком куч алып кеткен
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22453;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: