Асланайым Аширова: “МЫНДАН КИЙИНКИ ДАРЫЛАНУУМА МАМЛЕКЕТ КАМ КӨРӨБҮ?”

Cауд Арабияда өтүп жаткан "Көчмөндөр ааламы" фестивалына өлкөдөн миңден ашык маданият жана спорт өкүлдөрү катышты. Ага жалпысынан дүйнөнүн 90 өлкөсүнөн өкүлдөр келишкен. Аталган фестивалда оор кырсыкка учурап бутун сындырып алган каскадёр, жаачы Асланайым Аширова мекенине келди. Цирк өнөрпозунун ден соолугун сурап кыскача маек алдык.

– Асланайым, ден соолугуңуз жакшы болуп калдыбы?

– Рахмат. Азыр үйдө эс алып жатам. Учактан аябай кыйналып, бутум ооруп келдим. Келгенден бери Сауд Арабияга алып барган уюштуруучулардын бири да байланышып “Кандай жетип алдың?” деп абалымды сурашкан жок.

– Маданият жана туризм министри Азамат Жаманкулов абалыңызды сурап, ооруканага барганы маалым...

– Ооба, мен мекенибизге учар алдында Азамат Жаманкулов ооруканага келип акыбалымды сурады. Ага абалымды түшүндүрүп, “менин Кыргызстанда уланта турган дарылануума ким жоопкерчилик алат?” деп сурадым. Ал мага “Сиз бул жакка өлкөбүздүн желегин көтөргөнү келип кырсыктап калдыңыз. Албетте, жардам көрсөтөбүз, көз жаздымда калтырып койбойбуз” деп айтты. Бирок алигиче эч ким кабарлашкан жок.

– Дарыгерлер эмне деп жатышат?

– Дарыгерлер "бир жылдан кийин бутуңа туруп басып кетесиң" деп жатышат. Бутумдун сынган жеринин 70 пайызына темир салынды. Кечээ ооруканага барып таңууларды алмаштырып келдим. Мындан ары дагы эмне болорун убакыт көрсөтөт.

– Сакайып кетиңиз!

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (7)

Nurkyz1977

2019-04-01 09:36:13

Жамандыкты амандык женет дегендей аман бол эч нерсе болбогондой болуп чуркап кет. Дарт берсе дабасы менен берсин. Мындан наркы жашоондо мудурулбо,чалынба. Бул дуйно жалган,кимге ким жамандык,кыянаттык кылса Кудай алдында жооп берери шексиз. Эки дуйно бактылуулугун каалайм!

Paprikafm

2019-04-01 09:43:49

Каап жаман болду да

hihikayu

2019-04-01 10:49:23

Мынооу кыз слишком эле эркелеп кетпедиби?Неге нараазы болуп эле басып журосун,ал келбеди бул келбеди деп?

+13

naera

2019-04-01 11:28:04

Буларды да ар Бир санында окуп калдыкко э.Тажатышты макалалар Бир ончой болуп,бир жанылануу,издоону жок.Супер инфону нааразычылыкты айта турган инфо кылып алышты кээ бирлер.

ainura220888

2019-04-01 21:09:24

Апасы бир кызды жамандады эле эми кызы башкаларды жамандап атат. Баардык адамдар эле жаман боло береби? Озунун айлананды да карасан. Сен аябай жакшы кыз болгонунда кочуп келишет эле сага тынчтык бербей коргондордун аягы узулбой.

Kamchybek-007

2019-04-02 02:57:10

ainura220888,туура сакайып кетейин деп кудайдан тилебейби мындан кийин мага ким акча берет дебей

Shahrizaada

2019-04-02 14:07:14

Акыбалын сурап келсе эле жугуруп кетчуудой болуп даттанды го. Кырсыкты кырсыктай эле кабыл алгыла да.

Комментарий калтыруу үчүн өз ысымыңыз менен кириңиз же каттоодон өтүңүз.

№ 856, 28-март - 3-апрель, 2019-жыл