«ОК АЛДЫНДА ЖҮРҮҮ ОҢОЙ ЭМЕС»

Окурмандын ою

– Өткөн саныңарда Игорь Трофимов аттуу неме Ош шаарынын коменданты Курсан Асановго жалаа жааптыр. Анын катында айтылган маалыматтар ойдон чыгарылган деп эсептейм.
И.Трофимов К.Асановдун артынан түшүп, аны жамандап жүргөнүн эл аздыр-көптүр билет. Бир нече жыл мурун Кара-Суу РИИБинин кылмыш иликтөө бөлүмүнүн башчысы Абдурахман Абдуллаев акча үчүн кытай ишкерлерин өлтүргөн. Ал Анвар Артыковдун күйөө баласы экендиги гезиттерге жазылган. Ошол кезде К.Асанов Кара-Суу РИИБинин башчысы болуп туруп, өз колунда иштеген А.Абдуллаевдин кылмыштарынын бетин ачат. Анда И.Трофимов А.Абдуллаевге актоочу болуп, бирок сот ишинде утулган. Ал эми күнөөлөнгөн адам өмүр бою камакка кесилген.
Ошентип, алган акчасын актай албай калган И.Трофимов ызасына чыдабай, К.Асановго байланыштуу түрдүү ушактарды чыгарып жүрөт. Жанагы “баш кесерлери, можахеддери бар” деген кеби да ошондой ушактарынын бири.
Ал эми Ош шаарындагы кан төгүүнү тартипке салууга К.Асановдун салымы чоң. Атылган ок, ыргытылган ташка карабай, бронежилетсиз бардык операцияларда анын катышып жүргөнүн көргөндөр арбын. Ош комендантынын эр жүрөктүгү, жетекчилик касиети, чечкиндүүлүгү жана адилеттүүлүгү Оштогу кандуу коогалаңды токтото алды.

Жылдыз Кочкорбаева, Ош шаары.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (8)

mikasa

2010-07-19 17:30:32

Курсан Асановдой азаматтар бар экени, ушундай маалда кылып жаткан иштерине таазим. Илгерки "жылдыздардын" аты-заты да жок....

emt

2010-07-20 09:10:18

Курсан Асановго чооон рахмат!!!

Akjol

2010-07-20 18:58:17

Курсан акени мен да коп жерден окуп,угуп калдым Ош окуясына аябай чоон жардамы тийген экен.Рахмат айтам ушундай патриот эр азамат агаларыбыз кооп болсо экен.

KGKuba

2010-07-21 14:29:23

Курсан Асановко нобелдик премияны берсе да болот, себеби эки элди бириктируу учун аябай салымы чон!!!

talantbai

2010-07-22 14:38:04

Какой то Игорь Трофимов деген неме Биздин эр журок азаматыбызга сын пикир айтканына я воообще охренел

shalhar

2010-07-23 16:59:58

Мен жакында эле Ош жана Жалал - Абад облустарына барып келдим. Ал жерден Курсан Асановду көргөм. Маңдайы жарык экен! Аман болуңуз Курсан ага!

alfia

2010-08-07 14:46:56

АСАНОВГО ЧООН РАХМАТ,ОШТОГУ ОКУЯДА КАТЫШЫП,АЯКТАП КАЛГАНДА РОССИЯГА КАНИКУЛГА КЕЛДИМ,СЕНТИЯБРДА КУДА КААЛАСА ОШКО БАРАМ,ОШ ТЕЗ КАЛЫБЫНА КЕЛИП ,ОНУККОН ШААР БОЛСУН,КЫРГЫЗСТАНДА ТЫНЧТЫК,БЕЙКУТТУК БОЛСУН)))

tumarik

2010-09-28 02:13:27

оо Курсан Асановдой адамдар коп болсун. Кикбоксёр Кумар Жалиев дагы ушул адамдын колунан чыккан Ош Азия клубунан)) бар болунуз КУрсан агай

Комментарий калтыруу үчүн өз ысымыңыз менен кириңиз же каттоодон өтүңүз.

№ 402, 16-22-июль, 2010-ж.